كويتيات للطبخ

العودة   منتديات كويتيات النسائية > >

القصص والروايات مانسمعه وما يقوله القصاص .. من خيال وحقيقة وروايات


روايه كويتيه وباكر تفرحني السنين

القصص والروايات



إضافة رد
 
أدوات الموضوع إبحث في الموضوع انواع عرض الموضوع
قديم 28-07-2013, 11:31:27 PM   #1
لولو 1004
كــويــتــيــة جــديــدة
 
تاريخ التسجيل: Mar 2013
المشاركات: 18

افتراضي روايه كويتيه وباكر تفرحني السنين



بطلات الروايه*

الجوري آخر سنه في الثآنويه عمرها 18 سنه مزيووونه وطويله*


روان بنت عم الجوري وهم في اخر سنه ثانويه مو شينه حلوه وقصيره*

رزان اخت روان وتوأمها بس فررق عنها طويله وماگو شبه بينهم يقول انهم توأم

فوز بنت عمهم وبنت خالة الجوري هم نفس عمر رزان وروان والجوري ( فيها ميزه فوز تگره احد ينرفزها او يرفع ضغطها مَ تتحمل گلش وتنقهر بسرعه )*

حصه بنت عمة البنآت بأولى جامعه حبوووبه حيييييل ومخطوبه لأخو الجوري ( حمد )*

ساره أخت حصه وعمرها 17 سنه*

نجي للشباب اللي بيگون لهم دور بطولي في الروايه

حمد عمره 22 سنه أخو الجوري

خالد عمره 20 سنه أخو الجوري*

راشد عمره 19 سنه أخو رزان وروان

ريان أخو حصه وعمره 22 سنه و اهو اقرب واحد لحمد

جابر أخو حصه وعمره 24 سنه يدرس في امريگا*

في بيت أهل أبو الجوري

الجوري واهي منسدحه بالصاله وتآكل بهالنفيش ( بوب كورن ) وتكلم فوز*

فوز : شگلج زهقآنه !؟*

الجوري : اييي والله لاعت جبدي بروحي في البيت اسگتي ابوي دوام وحمود وخلود تعرفينهم هياته مَ ينثبرون على حيلهم وأمي گل اشوي لابسه عباتها وراقعه الباب ورآيحه لأم ترگي جارتنا قراضة الملح*

فوز : مآلت عليج على طاري أم تركي يمگن تجيب لنآ عريس لؤطه

الجوري : يَ عمي طيررري زيييين قآل عريس لؤطه ططل بعيينج تجيب لج شايب متكرسع ولا واحد طايح بجبد نفسه*

فوز تستهبل : طلابات نصيب احنا اشفيج*

الجوري : وجججع تونآ بسمله علينآ على فكره حتى التخرج من الثانويه مَ تخرجنا رگدي بس

فوز : مَ عندج سالفه والله


الجوري : عاد تصدقين انتي اللي عندج سالفه مالت عليج گل همها الزواج وخايفه لا تطيح بجبد نفسها

فوز : جب بس جب أقولج بروح اليوم السوق تجين معاي !؟

الجوري : مَ اقول لآ " بس ريه وسگينه بنقولهم !؟ ( ريه وسكينه روان ورزان )*

فوز : ههههههههههههههههههههههه جان يزنطونا اگييد بنقولهم

الجوري : هههههههههههههههههههههه اييي والله بهذي صدقتي

فوز : طيب بتصل عليهم اعطيهم خبر مع السلامه

الجوري : مع السلامه

طبعاً بيت الجوري ورزان وروان جمب بعض اما فوز يبعد عنهم شارعين تقريباً*

فوز اتصلت على رزان*



بعد خمس دقايق

فوز تگلم نفسهآ : هالخبله وينهآ عن تلفونهآ !؟ خل اتصل على روآنو

هم نفس السآلفه مَ ترد

فوز تگلم نفسهآ : هذي وين بعد ماگو الا اتصل على تلفون آلبيت

في بيت أهل رزان وروان

رآشد يستعبط *: ألو نعم من يتگلم !؟ ( فصحى طبعاً )*

فوز : وين خوآتگ !؟

رآشد مّ زال يستعبط : لم تجاوبني على سؤالي يَ هذا من يتگلم

فوز لايعه جبدهآ : رششوود بلا مصاخه عآد*

رآشد يرفع ضغطها : آه آنگِ ابنة عمي العزيز

فوز وصلت حدهآ : الله ياخخخذگ انزيييين*

راشد : افاااا اتغشمر يبآ

فوز سگرته بوجهه واتصلت على الجوري

الجوري توها بتقول هلآ : هـ...ل

فوز انطلقت سيدآ : السخيف الملييق قليل الادب عبآله يضحگ وييع مآلت عليه حتى مآلت عليه ( اقروها بسرعه )*

الجوري صابها ذهول : اشفيج !؟ شسالفه !؟

فوز تگمل : التافه مَ يستحي على وجهه يستخف دمه مدري منو الاهبل الخبل اللي قآيله إن دمگ خفيف وتضحگ معشر البشريه السسخييف

الجوري : انزين وبعدين !؟ قولي منو اهو اللي غسلتي شراعه ومَ باقي گلمه مَ حطيتيها فيه !؟*

فوز مقهوره : وااااي محتتتتره مال أگفخه السخخيف الماصخ مدري اشلون اهله مستحملين سخافته وتفاهته

الجوري : هيييييييّ أنتي بتقولين منو اهو ولا سگرت السماعه بويهج وخليتج تگلمين السمآعه وتسبين بالريآل مني لي باجر*

فوز : في غيره اللي يستخف دمه الظريف رشود

الجوري : ههههههههههههههههههههههههه شقآيلج هالخبل !؟*

فوز قالت لهآ السآلفه

فوز مقهوره : عيل أنااا يستيخف علي ويلوع چبدي مآلت عليه*

الجوري : ههههههههههههههههههههههههه ه مَ عليج منه زين

فوز : ايي والله خليه يولي اناا أوريه السخيف أقولج مَ تدرين عن روانو ورزانو وينهم عن تلفوناتهم !؟

الجوري : لآ والله مدري عنهم*

فوز : عيل قومي لبسي عبآتج ونزلي روحي لبيتهم شوفيهم وقولي لهم وعطيني خبر طيب

الجوري : اوگي صآر*


الجوري لبست عباتها وشيلتها ونزلت نظام بيتهم الصاله مبطله على البيت گله ولازم اللي بيطلع من الباب يشوفونه اللي قاعدين بالصاله


حمد وام الجوري بالصاله

حمد يگلم امه : اشفيهآ بات مان طالعه بسرعه

أم الجوري : علمي علمگ

الجوري وصلت بيت ابو راشد ابو رزان وروان

الجوري تكلم بالانتركام

راشد : منوو !؟*

الجوري : انا

راشد يسهبل : اييي عاشت الاسامي يَ انا

الجوري : صدقت فوز يوم اغسلت شراعگ عندي*

راشد تذگر : ههههههههههههههههههههههه رفعت ضغطها*

الجوري : وجججع ان شاء الله مطوله وانا واقفه عند باب الشارع وانت طاق حنگ*

راشد : ههههههههههههههههههه يَ الله جايج*

في بيت العمه*

الگل بالصاله الام والبنات*

دش عليهم ريآن ؛ السلام عليگم

الگل : وعليكم السلام*

حصه : ريون تعال اقعد*





ريان : لآ مستعجل ( لف على امه ) يما أبيج اشوي

أمه تخرعت : اخوك جابر فيه شي !؟ أمي خوالگ فيهم شي !؟

ريان : لا يمآ والله مافيهم الا العافيه بس الموضوع يخصني

أمه قامت : عسى خير أمش عيل غرفتي
*
لمن رآحوا ريان والام للغرفه

ساره : حصيص شسآلفه !؟*

حصه : علمي علمج*

سآره : عني صراحه بروح أتسمع شيقولون

حصه : عيب عليج

ساره : وين العيب بالله !؟ أمي وإخوي وعآدي بس أبي أعرف السآلفه

حصه واهي تمسگ الريموت تغير على القنوات : آلحمدلله والشگر*

ساره وقفت و اطالعها : يعني مرآح تروحين معآي !؟*

حصه : لآ

ساره وتوهآ مآشيه : اوگي*

حصه نقزت : ولآ أقولج نطريني

ساره تتطنز : لآ ليش تجين !؟ عيب صح !؟

حصه تضربهآ بإيدها على راسهآ : جب بس غيرت رايي*

وصلوا البنات لغرفة الام وبدو يتسمعون

ريان : يمآ انا أبي اتزوج*

الام منصدمه : تبي تتزوج !؟*

ريان : اييي يمآ اشفيج انصدمتي !؟

الام : لآ مآفيني شي بس توگ صغير*

ريان : يمآ الله يهداج وين صغير عمري 20 سنه وغير چذي موظف واقدر اكد على عمري*

الام : مو المقصد انگ تقدر على الصرف والگد حتى احنا مراح نقصر معاگ بس أحس تو الناس

ريان : يمآ انا بخاطري اتزوج ألحين

الام : دامگ مصمم ومَ بأذنگ ماي على برگة الله ( تغمز له ) حاط عينگ على احد !؟*

ورى البآب البنآت يتساسرون

ساره بصوت قصير : هههههههههههههههههههه يحليلها أمي متفتحه حييييل هههههههههههههههه

حصه تگفخها : وييييهد ان شاءالله

ساره تمسگ راسها : أحححح خلآص بنطم بس گفي شرج عني*

بالغرفه

ريان : ههههههههههههههههههههههههه ه لا يمآ وين*

الام : انزين تبي أحد من بنات خوالگ !؟*

ريان : صح بنات خوالي والنعم فيهم بس انا أبي من برآ العائله أحسن

الام : ان شاءالله ادور لگ الا تعال عندگ مواصفات !

ريان : لآ يمآ واللي تعجبج بتعجبني ( يغمز لها )*

الام : ههههههههههههههههههه الله يوفقگ ويرزقگ ببنت الحلال اللي تسعدگ*

ريان يحب راسها : آمييييييييين يآرب*

في المجمع عند البنات*

توهم دآشين المجمع طبعاً*

روان وقفت : يلا انا رايحه لگوفي*

الجوري : وانتي مَ تشبعين من هالگافيهات*

رزان : تكرهه شي اسمه تسووق بس تروح وتبسط بهالگافيهات

فوز : روني تگفييين طلبي لي وياج گابشينو*

روان : طيب ( تلف على رزان و الجوري ) وأنتو !؟ ( تضحگ وتتغشمر ) ولا أقول مو لآزم*

رزان و الجوري : لااااا والله !!!،؟

فوز : هههههههههههههههههههههههه اشتريلهم فضحونآ

روان : هههههههههههههههههههههه حححده

في بيت الجده والجد

العيال طبعاً كلهم متجمعين عند الجده والجد*( على فكره الجد والجده ساگنين عند أبو رزان وروان )*

ألحين بالديوانيه

راشد : ههههههههههههههههههههههههه هههههههه حمود أنت توووحفه

حمد : جب بس والله انا شدراني شغلات حريم*

خالد : ههههههههههههههههههههههه يحليلگ حمود بدعت

حمد : طييير زيييين أنت وياه

راشد يگلم حمد : أقول وين حبيب الألب !؟ ( يقصد ريان )*

حمد : يقول شوي وبجيگم

راشد : شباب أمشوا دآخل عند جدتي وجدي نسولف وياهم

خالد : يلا قوموا

الشباب قاموا وراحو داخل*

الجده : الله حي عيالي*

الشباب : الله يحييج*

الجد : يا شباب أبيكم تتصلون على مصطفى حارس الشاليه خل يعدل وينظف الشاليه

راشد : ليش جدي !؟*

حمد يگفخه على راسه : ليييش يعني عن آلعبط

راشد : وججع مَ استوعبت*

خالد : ان شاءالله ألحين اتصل

الجده تگلم الجد : ي سعد علمت العيال ولا لا !؟

الجد سعد : لآ مَ علمتهم ( لف على الشباب ) البرگه بعيالهم ( يگلمهم ) علموا أبوانگم يوم الخميس بنطلع للشاليه*

الشباب : ان شاءالله

انتهى البارت الاول اتمنى ألقى تشجيع عشان اكمل*







لولو 1004 غير متواجدة حالياً   رد مع اقتباس
قديم 30-07-2013, 02:34:11 AM   #2
Frawlaa00
كــويــتــيــة
 
الصورة الرمزية Frawlaa00
 
تاريخ التسجيل: Jul 2013
الدولة: Q8
المشاركات: 73

افتراضي رد: روايه كويتيه وباكر تفرحني السنين


روايتچ تينن بس ممكن تطولين البارتات و كملي ..... موفقة



__________________
Frawlaa00 غير متواجدة حالياً   رد مع اقتباس
قديم 01-08-2013, 07:01:25 PM   #3
لولو 1004
كــويــتــيــة جــديــدة
 
تاريخ التسجيل: Mar 2013
المشاركات: 18

افتراضي رد: روايه كويتيه وباكر تفرحني السنين


حبيبتي أنتي اللي اتينين
ان شاءالله قاعده اگتب بارت واحاول اطوله



لولو 1004 غير متواجدة حالياً   رد مع اقتباس
قديم 04-08-2013, 10:44:40 PM   #4
تمرة
كــويــتــيــة فــعــالــة
 
الصورة الرمزية تمرة
 
تاريخ التسجيل: Apr 2011
المشاركات: 453

افتراضي رد: روايه كويتيه وباكر تفرحني السنين


كملي انا متابعة يديدة



__________________
تمرة غير متواجدة حالياً   رد مع اقتباس
قديم 05-08-2013, 06:48:54 AM   #5
لولو 1004
كــويــتــيــة جــديــدة
 
تاريخ التسجيل: Mar 2013
المشاركات: 18

افتراضي رد: روايه كويتيه وباكر تفرحني السنين


تمره : حبيبتي اتشرف فيج



لولو 1004 غير متواجدة حالياً   رد مع اقتباس
قديم 05-08-2013, 06:51:54 AM   #6
لولو 1004
كــويــتــيــة جــديــدة
 
تاريخ التسجيل: Mar 2013
المشاركات: 18

افتراضي رد: روايه كويتيه وباكر تفرحني السنين


الببباررررت الثثثاني

بالمجمع

عند البنات*

رزان واهي ماسگه النفوف ( الفستان ) : والله عجججججيييب يهههبل*

الجوري تكلم فوز : اذا مَ خذيتيه فوزو والله مَ عندج ذوق

فوز : محتاره بينه وبين هذاگ التيفاني

رزان : صح التيفاني ألحين موضه بس ستايله مو ذاگ الزود هذآ اللي معآي فضيع

فوز ملامحها ملامح المحتاره بينهم*





الجوري : توگلي على الله واخديه والله عجيب*

فوز وبدت تقتنع باللي طلعوه لها : اوگي*

تلفون رزان يرن

رزان : ألو*

روان : هآ خلصتوا ولا بعد !؟*

رزان : يلا جايين تبين شي !؟*

روان : لا بس مليت قاعده بروحي چني مو صاحيه النآس بگل طاوله اگثر من وحده مو بروحها اما مع زوجها ولا خواتها ولا رفيجاتها وانا الحمدلله والشگر عافنا الله چني خبله قاعده بروحي*

رزان تستعبط : اوگي حلو دوري لج زوج ولا رفيجه ولا اخت يقعدون وياج لين نجيج يعني مؤقتاً عرفتي اشلون*

الجوري اطالع رزان نظرات نقوديه بمعنى ( اشفيها هذي الحمدلله والشكر )*

روان عصبت : تسسستهبلين حظرتج*

رزان بطتها ضحگه ؛ ههههههههههههههههههههههههه هههههههه اندري عنج*

روان : جب بس وين سوير اهي معطتني وجه لا رحنا مجمع تنثبر معاي بالگافيهات*

رزان : ههههههههههههههههههههههههه ههههه يلا جايينج ألحين ( بعبط ) يَ حياتي أنتي قاعده بروحج لا انيس ولا ونيس*

روان : مليقه على فگره*

رزان : دامج توأمي شي طبيعي اطلع مليقه

روان : تدرين عاد انقلعي لوعتي چبدي

وسگرته بوجهه رزان

رزان تكلم نفسها : انا اوريها سگرت بويهي معليييه يَ روين

الجوري : اشففيج !؟*

رزان قالت لها*

الجوري : ههههههههههههههههههههههههه يَ قلبي زهقت چان قلتي لها تتطمش على اللي رايح واللي جاي

رزان : لا تبي احد يقعد معاها تقول چني مو صاحيه قاعده بروحي

الجوري : هههههههههههههههههه ايي والله صدقت واشوفج تقولين دوري لج زوج ولا اخت اقول اشفيها استخفت هذي !!؟*

رزان : ههههههههههههههههههههههههه اندري عنها

الجوري اطالع فوز : يلا بس ننطر فوز تحاسب ونجيها*

في بيت العمه

بالصاله قاعده ساره وحصه والام*


ساره تنغز لحصه وتبي تشوف ردو فعلها : يمآ يقولون حمد يسلم عليج*

حصه من سمعت حمد فزت : اشدراج !؟*

ساره اتگلم امها : قايلتج بنتج منتهيه خالصه هههههههههههههههههههههه*

حصه انحرجت : جججب سخخخيفه

امها : مافيها شي خطيبها وعن قريب زوجها وأبو عيالها*

حصه تضحگ على ساره لأن رد الام نقد ساره*

ساره بعبط وعياره : ايييي وانا متى بتقولين لي هالگلام !؟*

ولا أبوهم نازل وسامع گلام الام وساره*

أبوها : عن قريب ان شاءالله *

ساره نزلت راسها واهي متفشله : لااااا مابي*

حصه والام والابو : هههههههههههههههههههههههه

حصه : وقعتي في شر أعمالج هههههههههههههههههه

ساره تأشر بإيدها يعني جب*

الأبو قعد عندهم وقال : الله يوفقگم يا بنياتي*

طبعاً البنات مستحيات واللي ردت الام وقالت : آميييين

الابو : واشفيهم مَ يردون بناتي !؟ ( يطالع بناته ومبتسم واهو عارف )*

الام تبتسم : مستحيآت*

الابو يضحگ ويتغشمر : حصوص ايي عارفهآ بس غيرهآ مَ ظنتي تستحي هههههههههههههههههه

ساره تستعبط : ألو الاسعاف تعالوا تم قصف الجبهه *

الگل : ههههههههههههههههههههههههه ه*

الابو يبتسم : يحححليلج يَ سوير *

ساره واهي يعني مستحيه وترقع وتعدل صورتها قدام ابوها اللي عن السحى

الابو يكلم ساره : ههههههههههههههههههههههه يبا درينا انج تستحين بس خلاص*

الگل : ههههههههههههههههههههههههه ههههههه

الابو : الا ريان وينه !؟*

الام : رآح عند عيال خواله

الابو : ايييي*

الام : صج ترآ توني قبل اشوي گلمت أمي وتقول بنطلع الشاليه الخميس

البنات : وناسسسسسه*

الابو : الله يحفظگم*

ساره : يما شحقه مَ علمتينا !؟*

الام : مَ خليتوا لي مجال ماشاءالله گل ساعه احد طالع لي يسولف*

حصه : عآد علمتج ألحين يَ حبج لتشرهه

في بيت الجد والجده اللي اهو بيت أبو فوز

بالديوانيه عند الشباب*

خالد : يا شباب اشرايگم نروح نشتري بلياردو للشاليه نلعب فيه

ريان : خووش فگره وانا ودي ملعب گورة قدم*

راشد : اشتروا محد ماسگم گل واحد فلوسه بجيبه يقرقش ( ويرفع حواجبه )*

حمد بنذاله : اجل والله البلياردو و ملعب گورة قدم حسابهآ عند رشود*

راشد يصرخ : لااااااااااا

الگل : ههههههههههههههههههههههههه

راشد ينزل غترته : والله مَ ادفع ولا تشوفون فلس حمر مني*

خالد : ههههههههههههههههههههههههه بو هباش مو رشود*

ريان : ههههههههههههههههههههههههه اييي والله

بالمجمع وتحديداً بالگوفي وقدامهم محل مجوهرات*

فوز : والله هذاگ راقي وبنفس الوقت فخخم

الجوري : لا وييييع أبي طقم يرهش يرهش ( يعني يبرق ويلمع )

رزان : الجوري شوفي ثالث واحد على اليمين*

الجوري : واااااااااو تححححطططيم*

روان طبعاً مو صوبهم تتسمع هالأوادم*

روان واهي تسگتهم : بنننات هشش*

البنات : اشفيج !؟*

روان : شفتوا اللي وراي على اليسار*

البنات : ايييي*

روان واهي حزينه : وعليييا زوجها تزوج عليها مالت عليه*

فوز : اييي هذولا الريايل مَ يترس عينهم الا التراب

الجوري : وعليا عليييهآ موو گفووو والله*

رزان : يَ حياتي تگسر الخاطر*

روان تگمل : وشفتوا هذيگ اللي قاعده بآخر طاوله ومعطيتنا وجههآ

البنات : ايييييي*

روان : انخطبت وامس ملجتها ( ملكتها )*

البنات : على البرگه

روان مَ زالت تعرّف وتگمل لهم : وشفتوا هذولاگ السمبتيگ اللي عايشين بروائه*

البنات : اشفيهم !؟*

روان برومانسيه : توهم متزوجين شحلاتهم*

الجوري : الله يهنيهم

فوز : الله يوفقهم ولايغير عليهم*

روان وتأشر على الرجال اللي قاعد : وشفتوا هذا

البنات زهقوا : اشفيه بعد !؟*

روان : يتشگى لرفيجه من زوجته النسره ( عفست وجهها )*

الجوري : الظاهر أنتي لا شغله ولا مشغله قاعده وقاطه اذنج عند الگل*

فوز : أگيييد مو الظاهر جايبه سوالفهم گامله

رزان : ومتصله علي وتعالوا وچني مو صاحيه قاعده بروحي أشوفج ماشاءالله جبتي لنآ سوآلف اللي بالگافيه گلهم*

روان : شسوي بعد اهم گلامهم واضح وقلت اسمع شيقولون هذولآ*

رزان تتطنز*: انزين مو نآوين تقومون !؟*

فوز اطالع الساعه : اييي قربت تصير 10*

الجوري : يلا قوموا بس خل أروح لمحل المجوهرات اللي جدامنا

وصلوا للمحل ودشوه*

روان ورزان طبعاً يشوفون طقم بالجهه الثانيه

والجوري وفوز عند الطقم اللي تبيه الجوري وقاعده تشوف ب چم

المصري : الطقم اللي أنتي عاوزته بـ 9000*

الجوري : 9000 فلس*

المصري بإستغراب : فللللس !!!!!؟ دينار يَ حجه دا طأم مش حلاو وشوگلاته

الجوري بصدمه : الله لا يغضب علينآ ب 9000 ومنو هالخبله اللي بتشتريه

فوز تسحب الجوري *: الله يفشل العدو أمشي بس*

روان اطالعهم : أشفيهم هذولآ !، ؟*

رزان تسحب روان : أمشي خلصي مدري عنهم*

بالسياره*

فوز : فشلتينا الله ياخذ العدووو*

الجوري : طيييري زييين قال فشلتينا قال*

روان : شگل هالمحل بالذات وهالمجوهرات بالذآت مَ يشتري منهآ الآ الهاي هآي

الجوري : انقلعي زييين أنتي الثآنيه الهاي هاي حتى الهاي هاي اللي تقولين عنهم مَ يشترون بهالقيمه مجوهرات لاقين فلوسهم بالشارع عشان يشترون طقم لا يروح ولا يجي بهالقيمه اللي تشلخ الجبهه*

رزان : اييي والله صاجه الجوري هذآ فِسَق واسراف استغفرالله


الجوري : مطقوقين على راسهم هالهاي هاي يشترون طقم بهالسعر اللي يشترون بهالقيمه خبول مو صآحيين*


ثآني يوم آلصبح

( نسيت اقولگم انهم بعطلة الصيف مو بأيام مدارس ودومات )*

في بيت أبو فوز*

فوز قامت ولبست ونزلت لجدها وجدتها*

حصلت راشد مرتز عند المرايه يعدل غترته

فوز شافته : أنت اهنيه !؟*

راشد يستخف دمه : لا هناگ*

فوز واهي ماشيه : ملييييق وتافه

راشد : ههههههههههههههههههههههههه ه خبله

فوز دشت على جدها وجدتها وسلمت عليهم

فوز : اشلونگم !؟*

الجد والجده : بخير الحمدلله

الجد سعد : هآ يَ بنتي جهزتوا أغراضكم !؟*

فوز مَ عندها خبر : لا ليش ! شصآير !؟*

الجد سعد : بگرى بنطلع للشاليه

فوز بفرحه : صجج ونآسسسسه

راشد واهو داش عليهم وسامع شقآلوا *: غريبه البنات مَ قالولج

فوز : لآ ومَ اتوقع عارفين لان امس سيدآ گل وحده راحت بيتها ونامت*

راشد : اها*

الجده : يما فوز تريقي

فوز : ان شاءالله ( لفت على راشد ) تريقت ولا لسى !؟*

راشد بإستغراب : هآ عسى مآشر يَ لسى !؟*

فوز خوالها سعوديين*

راشد يكمل : ههههههههههههههههههههه نسيت يمگن حن العرق

فوز : ههههههههههههههههههههههه اييي شفت اشلون*

راشد واهو قايم : لا لسى على قولتج

فوز ابتسمت وراحت لطاولة الطعام اللي عليها الريوق

راشد : أيبااااااااااااه فول*

فوز اطالعه بإشمئزاز : تحبه !!*

راشد واهو يقعد على الگرسي : حييييييييل وأنتي !؟

فوز : الله يديم آلنعمه مَ أحبه*

راشد وبدا ياگل ويطحس بهالفول : مَ عندج ذووق صراحه

فوز : النآس اذواق ولولا الاذواق لا بارت السلع


راشد : الله يَ حگيمة زمانج ( بعبط ) بغيت اصفق لج بس تشوفيني أطحس بالفول*

فوز : هههههههههههههههههههههه گمل أطحس بالفول عليگ بالعآفيه

راشد : الله يعافيج*

فوز : الا تعآل شعندگ جآي هالوقت !؟

راشد : أبد بس أبوي معطيني أوراق يبيني اوصلها لجدي ويوم جيت قلت اقعد اشوي مع جدي وجدتي*

فوز : اهااا*

بعد صلآة آلعصر

بالواتس بقروب البنات

ساره بالقروب تتگلم

ساره : يَ البقرآت الثلآث

الجوري : وجع مَ البقره غيرج*

فوز : نطري الجوري نآقصه بقره وحده مَ حسبتهآ هههههههههههههههه

الجوري : هههههههههههههههههه اييي والله صاجه

ساره : لآ حبيبآتي قصدي بقرآتي حآسبه عدل بس آلرآبعه مو دآخله بالحسبه حبيبة آلقلب هذي اشلون أعدهآ وحده من البقر

الجوري تستهبل : اللاااااااه شگراً يَ قلبي شعور متبآدل

ساره : شييين الثقه طبعاً لآ*

فوز : عيل منو !؟ ( بعبط ) اگيد انا آحم*

ساره : جآت الثآنيه استريحي زييين

رزآن دشت : انااااااااا*

سآره : النآس تسلم بالأول وبعدين لآ مو أنتي أنتي البقره الثآلثه

فوز : خو روين ماكو غيرهآ اهي حبيبة القلب*

ساره : بآلضبط وصلتي خييير*


الجوري : انزين انقلعي أنتي وحبيبة القلب شعندج !؟*

ساره : ايييي صج تعالوا لنآ آليوم خل نستآنس

البنات : ان شآءالله*

* الجوري : الآ صج سوير وين حصوص ( متعمده تحرجهآ ) خطيبة أخوي فديتهآ*

ساره : هههههههههههههههههه تدبگ لگم بهالحلويآت والخرآبيط عشآن تعطيگم انطباع انها سنعه هههههههههههههههههههه

الجوري : ههههههههههههههههههههههههه بجيگم وبجيب معآي قنبله*

ساره بخبال : مَ نستقبل اراهبين*

الجوري : ههههههههههههههههههههههههه ههه شگووو يَ الخبله

فوز : ههههههههههههههههههههه انححححش الجوري طلعتي ارهابيه واحنآ مَ ندري

الجوري : هههههههههههههههههههههه أقول فوزو قوم تعاونوا مَ ذلوا صيري ارهابيه معآي*

فوز : افا عليييج سيري ونحن من خلفج*


رزان تستعبط : ألوووو شسمگم شسمونگم عندنآ ارهابيه تعالوا اخذوهم

ساره : ههههههههههههههههههههه مَ نعرفهم تبرينآ منهم

روان دشت وشافت گلام ساره : يَ لبييييييييييه سووووير*

سآره تتطنز : صبآح آلخير بالليل تو آلنآس نسينآ السآلفه يختي

روان : ججب گان عندي بزنس*

ساره : عشششتوووو*

رزان : تخخسي الله والبزنس*

ساره : اييي بزنس آلفلس عآرفه

روان : جب أنتي وياها شعرفگم بس*

في بيت الجوري

الجوري وامها بالصاله

الام : يما الجوري صبيلي جاي*

الجوري : ان شاءالله

الام : آليوم شكلكم مراح تطلعون ولا شنو !؟*

الجوري تذگرت : امبلى وصج أبي السايق يوصلني بيت عمتي*

الام : ليش گل وحده بتروح بسياره !؟*

الجوري :*لآ بس انا أبي قبل فوز تجي اهي ورزان وروان

الام : ليش شعندگم !؟*

الجوري : يمآ اليوم عيد ميلاد فوز وبنسوي لها مفاجأه*

الام : السايق مطرشه ابوج يروح يوصل اوراق له بالشرگه*

الجوري : طيب وين حمود وخلود !؟*

الام : خلود ويَ رشود وحمد ...........*


اشوي ولا داخل حمد*

حمد : السلام عليكم

الام والجوري : وعليكم السلام*

الام : الطيب عند ذگره

حمد : ليش !؟ شحاشين فيني !؟*


الجوري : أبيگ توصلني بيت آلحب ( وتغمز )*

حمد سيدا ضحگ : هههههههههههههههههههههههه*

الام تبتسم : شگله استانس على السالفه

الجوري : ههههههههههههههه حييييل

حمد انحرج : ههههههههههههههههههه انزين چم الساعه بتروحين!؟

الجوري : أبد نص ساعه بالگثير واگون جاهزه

حمد : يلا اجل رروحي لبسي واكشخي وانا بقعد اسولف ويَ امي لين تخلصين

الجوري : اوگي صار

في بيت العمه*

طبعاً ساره وحصه مشتطين حدهم*

حصه : سوير شيلي الهدايا خل احط الشموع*

ساره : انزين اشيلها احطها بالصوب اليمين

حصه واهي تشغل الشموع : اييي الا اقول اتصل عليج مال الگيگ

ساره : اييي يقول يبيله خمس دقايق ويوصل

حصه واهي تعدل الاغراض وتضبطها : اووگي*

ريان دش عليهم : اوووووه يَ حححرگات شعندگم !؟*

ساره : عيد ميلاد فوز ومسوين لها مفاجأه

ريان يستعبط : عادي احضر وياگم

ساره : هههههههههههههههههههههههه حياج الله اختي الثالثه

ريان : جججب بس

حصه واهي تطالع التجهيزات گگل : اووووگي الشگل ولا ناقص شي !؟*

ساره : لا زين چذي بس باقي الگيگه نحطها بالنص وتگمل*

حصه : گاهو وصل*


في بيت أبو رزان وروان وراشد

رزان : روين ديري بالج ينفلت إلسانج وتقولين لفوز *بالسياره عن عيد ميلادها

روان : لا مراح اقول تطمني بس اخاف تقول شيذكركم اليوم فيه أو اطري ان اليوم عيد ميلادها*

رزان : مَ عليج انا بضيع السالفه*

روان : عيل انا بشيل ايدي ومراح اتگلم وبنطم*

رزان : يگون احسن

روان رن فونها وگانت فوز*

روان واهي شايله السماعه وترد على روان ومقصدها بهالگلمه ترد على رزان
روان : چب بس

فوز طبعاً اسمعت وعبالها تقصدها : يجبج يّ حممماره

روان : وجججع مو أنتي اكلم رزين

فوز : ايييي عبالي اانزين متى بتشرفين أنتي واختج حظرتگم !؟*

روان : انطر العله تخلص ونجيج خليج جاهزه بعد المغرب نمرج

فوز : صار*

بالسياره عند حمد والجوري

الجوري : حمود تدري آلحب آليوم مشتطه ومجهزه الگيگ والخرابيط*

حمد : لآ لآ صج !*

الجوري : اييي والله

حمد : شالمناسبه !؟*

الجوري : عيد ميلاد فوز بس اهي فديتها حصوص دايماً سنعه اسمله عليها

حمد : يا ححلاتها سننعه حبيبتي*

الجوري تصفق : أوووووووه خف علينا*

حمد : ههههههههههههههههههههههههه ههههه

الجوري : بقولها شقلت عنها عشآن تسيح تروح وطي

حمد : هههههههههههههه لا حرام عليج لا تحرجينها

الجوري : عشششتووو خآيف على مشاعر آلحب ( تغمز له )*

حمد : اگيييييد*

الجوري : ههههههههههههههههههههههههه ههههه مبدعين والله

وصلوا عند البيت وتوها الجوري بتنزل

حمد : جووري سلميلي على الحب سسسلآم گبييييير

الجوري واهي نازله : أبشششر اعتبره وصل ( تغمز له )*

حمد : ههههههههههههههههههههههههه هه

دشت الجوري لبيت عمتها*

ساره : هلاااااا والله وغلاااااا

الجوري : هلااااابج*

عقب السلام*

الجوري : شخبارج اعلومج !؟*

ساره : الحمدلله بخير وانتي شخبارج !؟*

الجوري : تمام والله ( ادور حصه ) وين حصوص !؟*

ساره : تدبگ بالمطبخ مشتطه الله وكيلج

الجوري : هههههههههههههههههههههه حححدها

حصه توها طالعه من المطبخ لأنها سمعت حس الجوري

حصه : يَ مررررررررحححححححبا

الجوري : مرحبببببببآببببج يَ الزيييين

وسلموا على بعض*

حصه : شخبارج !؟*

الجوري : تمام ( تغمز لها ) عندي لج مفاجأه يحبها قلبج


حصه بشغف : صصج !؟ شنووو !؟*

الجوري : بس مرآح اقولها الا لمن البنآت گلهم يجتمعون ( اطالع التجهيزات ) خلصتوا ولا بعد !؟*

ساره : اييي خلصنآ*

حصه : تعالي انثبري على مَ يجون البنآت*

*
بعد صلاة آلمغرب*

رزان وروان وفوز عند البآب بيدشون البيت

الجوري وحصه يشبون الشموع*

الجوري تصرخ : سوووووير سگري اللمبآت

ساره واهي تصگ اللمبات : سگررتها

رزان تسحب روان : خل اهي اللي تدش الاول*

روان : اييي صح نسيت

فوز لفت عليهم : فيگم شي !؟*

روان ورران : لاااا


فوز : عيل أمشوا جمبي شحقه ورآي چنگك بديقاردات

روان : هههههههههههههههههه لا حشى أنتي اگبرنا لزوم تگونين الأولى*

فوز : ههههههههههههههههههههه مو صاحيه اگبر منگم بشهرين بس

رزان تذز فوز عشان تمشي : ايييي المهم انج اگبر منا*

فوز دشت أول وحده*

البنآت : گل عااام وانتتتتي بخخخخييييير *

فوز من الفرحه : وااااااااااااااااااو*

وگل وحده جت تسلم عليها و تبارگ لها وتهنيها*

فوز : حبيباتي والله مَ اخلا منگم يَ الغاليات مدري شقول صراحه*

بعد مَ قصوا الگيگه وخلصوا اقعدوا يسولفون

ساره : بنااات الوعد باجر لحد ينسى لا تنسون الخرابيط واغراض السهره

فوز : لا افا عليج*

روان : مجهزين العده لا توصين

حصه : اهم شي الطبول*

الجوري : اييي تگفييين والله احس من زمان مو راقصه

حصه : اييي ( تذگرت ) الا تعالي ألحين البنات گلهم موجودين شنو المفاجأه

الجوري تذگرت : ايييييي ( تغمز لها ) الحبيب يسلم عليج ويقول سلميلي على الحب سلام گبيييير*

حصه نقزت : چذاااااااااابه

البنات يصفقون ويصفرون : اووووووووه*

رزان : يَ گشششششخه*

فوز : اقعععععد يَ العاشق الولهان*

حصه انحرجت : عاد جب أنتي وياها*

الجوري تحرجها اگثر : ويييي مَ تدرين شقآل يوم قلت له انج سنعه*

حصه تحذفها بالمخده : خلااااااص چب انطمي

ساره : مَ عليج منها گملي*

روان : شقال العاشق الولهان هههههههههههههههههه

الجوري : يقول يَ حلاتها سنعه حبيبتي*

البنات يصفقون*

ساره : اشششعليج حصووووص*

فوز : من قددددج*

حصه واهي قايمه متفشله : سخخخيفات*

البنات : ههههههههههههههههههههههههه ههههه

الجوري : يَ زينها مرة أخوي تستحي*

روان اطالع ساره : اييييي مو مثل هذي البآزع اللي مَ تستحي

ساره : حححدج عآد ( تستعبط وتسوي نفسها مستحيه ) انا منبع السحى*

فوز اطالعها بنص عين : وييييييييييع*

رزان : طططططل*

ساره تلف على فوز : منج ( وتلف علئ رزان ) بعينج أنتي الثآنيه

الجوري : هههههههههههههههههههههههه أم لسآنين*

روان :جوري اختفت مرة أخوج روحي شوفيها*

الجوري : هههههههههههههههههههه اييي والله

وقامت لها*

بالمطبخ حصه أطلع الصحون والشوگ والقفاش الملاعق *ومعاها الخدامه

الجوري اتحرش فيها : شتسوي زوجة أخوي المصون !؟*

حصه انقزت لأنها تخخرعت*

الجوري : اسمله عليج اشفيج !؟*

حصه : وجع خرعتيني*

الجوري تغمز لها : انزين سمعتيني شقلت !؟*

حصه واهي تبتسم ومنحرجه : اييي سمعت*

واطلعوا يگملون القعده والسوالف

وبچذي انتهى البارت الثاني*



لولو 1004 غير متواجدة حالياً   رد مع اقتباس
قديم 05-08-2013, 07:23:45 AM   #7
Frawlaa00
كــويــتــيــة
 
الصورة الرمزية Frawlaa00
 
تاريخ التسجيل: Jul 2013
الدولة: Q8
المشاركات: 73

افتراضي رد: روايه كويتيه وباكر تفرحني السنين


كمليي



__________________
Frawlaa00 غير متواجدة حالياً   رد مع اقتباس
قديم 05-08-2013, 06:32:35 PM   #8
لولو 1004
كــويــتــيــة جــديــدة
 
تاريخ التسجيل: Mar 2013
المشاركات: 18

افتراضي رد: روايه كويتيه وباكر تفرحني السنين


فراوله : ابششري

يلا وين البناااات



لولو 1004 غير متواجدة حالياً   رد مع اقتباس
قديم 03-11-2013, 07:21:39 PM   #9
لولو 1004
كــويــتــيــة جــديــدة
 
تاريخ التسجيل: Mar 2013
المشاركات: 18

افتراضي رد: روايه كويتيه وباكر تفرحني السنين


البارت الثالث*

ثآني يوم بالشآليه*


طبعاً الاسره الكريمه كلهم متجمعين وحاضرين

بالصاله الكل قاعد*

بجهة البنات*

فوز واهي تاكل الكب كيك : جوووريوووو لذذذذيييذ*

رزان : اييي والله تسلم ايدج

الجوري : احم احم سنعه طول عمري*

ساره : الله يخخخليج خفي علينا يَ منال العالم يَ الشيف وسامه*

روان : كككككككككككاااااااااااااا اااك حلووووووه

الجوري اطالعهم بنص عين : والله مَ تذقونه على طنازتگم هذي يَ بقر*

روان اطالع ساره وتساسرها لانها جمبها : يَ حماره شگله عجيب گان بخاطري اگله

ساره : مَ عليج انا باجر اسويلج احسن من مالها هذا

روان : چب والله أبي اذوقه*

ساره اطل في وجه روان وتستعبط ؛ ايييي يَ عمري عيونج صارت حووول*

روان تگفخها : چب يَ سخخخخيفه

ساره : والله مَ اخليها بخاطرج ( وقامت لرزان )*

ساره : رزين*

رزان : شتبين !؟*

ساره : ممگن تجيبين گب گيگ وحده حق اختج*

رزان : مالي خلق وبعدين مَ تشوفين جوري مسويه حضر جوي بري بحري على الگب الگيگ مالها ( اطالعها بطرف عينها ) طبخن طبخنيه يَ الرفله اگليه شحقه تتطنزين عليها*

ساره : يَ حماره ( قاطعتها رزان )*

رزان : يَ شنو مَ سمعت!؟*

ساره : آسفه بس يَ حماره اختج هذي طقتها الحولّه واهي اطالع الگب كيك

رزان بصراخ بس سمعتها ساره : لا تقولين حماره يَ شقول*

ساره تستعبط: اشفيج هذي مدحه يعني يَ قلبي يَ روحي حبيبتي عرفتي اشلون*

رزان بعبط : صج عآد !؟*

ساره : صجين يلا قومي عشان اختج

روان من بعيد واهي تتوسل لرزان*

رزان واهي قايمه : جوري أبي گب گيگ*

الوقت اللي گانوا يتنقاشون فيه الجوري وحصه و فوز مشغولات يسولفون*

الجوري : اخذي*

رزان خذته وعطته ساره : انقلعي عطيهآ*

ساره راحت ترگض بالكب كيك لروان*

ساره تعطيه لروان : وجبته وانا بنت سعود*

روان : بعععد قلبي والله*

رزان : بنننات اشرايگم نطلع نتمشى !؟*

حصه : وين !؟ بليل وظلما

روان والكب كيك بإيدها وماگله نص وباقي نص*

روان واهي تتگلم : لا صج خل نروح نتمشى *مو بعيد قريب*

الجوري لفت انتباهها الكب كيك اللي بإيد روان

الجوري واهي تصرخ : رووووووووووووييييين

الگل لف عليها منصدم ومتخرعين اهلهم يعني*

الگل : اشفيج !؟

فوز : مافي شي يَ جماعه*

الجوري راحت لها روان تتوسل لها*

الجوري : جيبيه خلصي*

ساره : روووني اگليه أسرع سريع هههههههههههههههه

الجوري تلف على ساره : اگيد أنتي لج ايد بالموضوع*

ساره : ههههههههههههههههههه حرام البنت طقتها حولّه تبي الكب كيك*

الجوري : ومنو اللي عطاج روين !؟ منو سمحلج !؟*

روان مشغوله بالبلع بسسرعه بسرعه عشان مَ تاخذه الجوري*

ساره تأشر على رزان : هذيگ الجميله ( وضحگت )*

الجوري : بعععععععد رزييييييين لج ايد بالموضوع*

رزان : يَ علج شقووووووول يَ سوووير*

راشد نقز لهم*

راشد : هييييّ أنتي وياها اسگتوا لعوزتونآ

رزان والجوري : أنت شششگووو*

راشد يكلم ريان : الآ اقولگ ريان شخبآرگ ( يستعبط يرقع لنفسه )*

فوز سمعته : ههههههههههههههههههه حلوه الترقيعه*

حصه : بنات بتطلعون تمشون ولالا !؟*

الجوري : يلا امشوا*

حصه : لا انا بس أسأل مراح اروح

فوز : ليييييش !؟*

الجوري : شعندج !؟*

حصه : أخآف*

الجوري تنادي حمد : حمممد حمممود*

حصه ترقصهآ : جب يَ سخيفه انطمي

حمد كان يسولف مع ريان و مَ سمع

رزان : شحقه تخافين حصوص !؟*

حصه : مدري ظلما و مو حلو التمشي بليل*

براا*

رزان و الجوري و رزان وروان وساره و حصه وفوز

البنات يتمشون واشوي اشوي مع السوالف بدوا يبعدون*

حصه تتلفت اطالع : بنننات حححييل بعدنا عن شاليهنا*

الجوري : حصوص خل نستانس*

رزان تگلم ساره : والله اختج خوافه

ساره : يووووه ححححييل*

روان اسحب حصه : أقول امشي الدنيا امان*

حصه تهد ايدها : مااابي مراح اروح

الجوري لفت على حصه : نعم !؟ اجل شبتسوين !؟*

حصه : وحده منگم تردني للشاليه*

الگل : لا*

حصه بسطت على الارض وتربعت : مراح اقوم*

فوز : يا ليييييل مطوولگ*

رزان : گيفج بسطي بس مراح نرجعج للشاليه

روان : جوري اتصلي على حمد خل يجي يردها*

ساره : ايي والله خطيبها على الفاضي*

حصه انقزت : لاااااا يَ ويلج

رزان : والله فككره اتصلي الجوري*

الجوري تتصل على حمد*

حصه انقزت لها وتبي تسگر السماعه*

الجوري انحاشت و البنات مسگوا حصه*

الجوري : هلا حمود*

حمد : هلابج شعندج !؟*

الجوري : أممم ماگو تعال اخذ خطيبتگ ازعجتنا الخوافه ماتبي تگمل معانا وتبي احد يردها الشاليه*

حمد استانس : ثوووواني وانا عندگم*

وسگره*

حمد توه موقف*

ريان : على ويين !؟*

حمد واهو مبطل الگشره : *دقايق وراد

وصل حمد لهم*

وحصه تتحلف فيهم*

حمد : السلام عليگم*

الكل معدا حصه : وعليگم السلام*

حمد يطالع حصه اللي مَ ردت عليه

حمد يطالع حصه اللي منزله راسها : *وشحقه الحلو مَ يرد علينا ( ويغمز للجوري ) *

البنات : ههههههههههههههههههههههههه هه*

الجوري : مستحيه وعليييا*

حصه تضرب كوعها بگوع الجوري*

رزان : يلا نخليگم بنگمل طريقنا*

حمد : حياگم يبا*

البنات مشوا وخلوهم*


حمد : اشفيج يَ نظر عين حمد !؟*

حصه راحت فيها*

حمد يرفع راسها : لا تستحين مني انا خطيبج وعن قريب زوجج*

حصه مستمعه فققققط*

حمد : حصه !؟*

حصه بصوت قصير : هلا*

حمد يتغزل فيها : هلااااا أبووووي*

عند البنات*

فوز تغني عيار : وش صار وش اللي غيرني*

رزان : معدت أعرفني طبيت في المطب عيار كانوا يسموني*

روان ترقص : وتننننگسسسس*

ساره والجوري : على قلببببي*

رزان : عااشششووو عاششششووو*

ساره : بننننننااات مَ دررريييتوووا*

البنات وقفوا ورگزوا مع ساره : شننوو !؟

ساره : ريان يبي يتزوج !*

البنات بفرحه : صصصج !!؟*

فوز بفرحه : يعني في عرس وردح وتنگس*

رزان : اييييي*

بالشاليه*

راشد طبعاً طلع برا يگلم صديقه قبل لا يطلعون البنات يتمشون و مَ يدري بالاساس انهم بيمشون*

راشد يكلم خالد : وين البنات !؟*

خالد : راحوا يتمشون !

راشد : ومعاهم احد !؟*

خالد رفع حاجبه : لا ليش !؟*

راشد شبه عصب : الشاليهات اللي جمبنا گلها شباب و مخلينهم بروحهم يتمشون !!!؟

خالد : مدري بس ترا قبل اشوي طلع حمد يمگن راح معاهم او يشوفهم*

راشد انسحب بگل هدوء وطلع واهو واقف برا*

راشد يگلم نفسه : عبالهم وين قاعدين يطلعون ويجيبون بگيفهم !!

واخذ فونه يتصل على روان*

البنات*

ساره : بگتب اسمي على الشاطئ وبنزله بالانستقرام*

فوز : وانا بعد بگتب وبقول وذ قيلرز*

رزان : لااا انا بقول وذ جميلاتي ؛$ ق

الجوري : ههههههههههههههه يَ سسلام*

روان رن فونها وكانت نغمتها واااطيه بس شافت لمبة الفون ومحد انتبه لأنهم كانوا يسولفون*

روان ردت وصوتها اساساً هااادي وكَ ينسمع : هلا راشد*

راشد يتمالك اعصابه : وينكم !*

روان : نتمشى*

راشد : ادري تتمشون بس وين اي صوب !؟*

روان وصفته مگانهم*

راشد سگره*

روان : ألوووو*

فوز : الله اليوم قمره*

روان : ايي وناسسسه *

الجوري : الجووو خططييير*

ساره : يجججنن*

فوز : انا اليوم منطربه*

رزان : يلا غردي لنآ*

فوز تغني بيردون : بيردون قلت لازم يردون وين مني يروحون هذا طبع اللي يحبون*

فوز طبعاً صوتها قمممه جممممميييل ويسسحر لا غنت*

راشد وصل لهم واهي تغني ومحد انتبه له الا لمن وقف عندهم*

راشد واهو معصب : خوووووش خووووش ( ويأشر بإيده ) وين قاعده حضرتج !؟ في بيت ابوج انتي عشان تغنين ! مَ تشوفين الشاليهات اللي جمينا گلها شباب*

فوز لفت عليه ومعصبه : خييير !؟ ومن انت عشان تتحكم فني و اغني بأي مگان انت مالك دخل فيني*

راشد عصب : امبلى لي دخل فيج واتحكم فيج غصب ورا خشمج فاهمه لا صرتي محترمه و تلتزمين حدودج ذيك الحزه بالطقاق*

البنات يهدون بفوز*

*فوز : نعععم !!!!!!!؟ انا محترمه ومتربيه قبل لا اشوفك ولا عشان ما عندي اخوان قمت تستقوي علي لا يَ حبيبي لا انت *ولا عشره من امثالك و لا تفرد عضلاتك يا بطل مره ثانيه*

الجوري : صلوا على النبي يَ جماعه*

ساره : خلاص بس انتوا عيال عم عيب عليگم*





فوز : مَ تشوفينه قليل الادب شيقول لاحقنا و جاي من الشاليه شتبي !؟ خواتك كاهم جدامگ تفرض شخصيتك عليهم مو علي*

رزان *وروان يهدون براشد ويقولون له : راشد خلاص روح*

الجوري : لا احنا اللي بنرد الشاليه يلا بنات امشوا*

فوز : والله ما اتحرك يبي اهو اللي يذلف ولا الله لا اخلي ابوي يتفاهم معاك ومع اشكالك المحترمين*

راشد بسخريه : ههههههههههههه ولج عين بعد ! والله انا اللي بعلمه عن بنته وشقاعد تسوي*

فوز : قووول خايفه منگ يَ المتخلف*

رزان واهي معصبه : بسسسسسس خلاااااص*

الجوري : راشد روح واحنا ألحين نجي وياك*

فوز : انا مراح ارد*

راشد : وانا مراح ارد الا لمن تردين يا انا يا انتي*

روان : خلاص گلكم اقعدوا بس سگتوا ولا تتهاوشون*

وعم الهدووووء وصاروا يتمشون مع بعض*

طبعاً نسينا عصافير الحب حمد وحصه*

حمد : خايفه !*

حصه بدت تاخذ وتعطي معاه : لا*

حمد : اجل ليش عند البنات خفتي واصريتي ان احد يردج الشاليه !؟ ( وابتسم )*

حصه انحرجت : ههههههههههههههه*

حمد : ها شقلنا احنآ خجل *وسحى مو عندي*

حصه تجاوب : أمممم مدري*

حمد : لا آنتي يبيلج قعده ( مد ايده ) عطيني فونج*

حصه منصدمه : لييش !؟*

حمد : عطيني وبتعرفين*

حصه متسبهه وحمد سحب الفون گتب رقمه في فون حصه و سواله مگالمه*

سجل اسمها بَ أجمل أقداري ♡*

حمد وراها الاسم : أنشهد انج اجمل اقداري*

حصه وجهها محمر*

بالشاليه*

ريان يگلم خالد : وين حمد و راشد !؟

خالد : مدري والله*

ريان : حمد جاء له اتصال وقال دقايق وارجع و راشد مدري وينه*

خالد : حمد الوگاد انه يتمشى اهو والحب*

ريان : ههههههههههههه اتصدق جبتها ،، راحت عن بالي هالسالفه*

خالد يغمز له : اييي شعبالگ بعد*

عند البنات*

فوز تتعمد هالحرگة تمشي على البطييييئ مو بنفس صفة البنات وتنحرف عن جهتهم*

راشد وبقلة حيلة ويضغط على شفايفه وبقلبه يقول " بتجيب لي الجلطه هالفوز اهي وعنادها "*

راشد : فوز امشي عدل و لا تبعدين*

فوز : أمشي على گيفي هذا اولاً ثانياً ابعد اقرب اظن مو شغلك ومنت محاسب علي واذا مو عاجبگ گلامي مع السلامه تسهل*

راشد : اقصري الشر يَ فوز و ايي انا محاسب عليج*

فوز : والله مدري من اللي لازم يقصر الشر ويذلف و من انت بالله عشان تكون محاسب علي امي ابوي !؟*

راشد : لا وانتي الصاجه ولد عمج*

فوز : اهاااا توني اعرف انگ ولد عمي اتصدق !؟ *( وقفت واهي تگمل ) وهمن خالد و حمد اعيال عمي ولا اعيال خالتي بعد بس مَ سوا زي مَ سويت !!!،*

راشد مَ يدري شيقول لأنها وهقته : گلنا واحد*

فوز تسلگ الموضوع : اهااا*

ساره تگلم روان : روني خل نرجع احس اشوي ويبدون يتطاققون نفس قبل اشوي*

روان : طيب ( تگلمهم ) بنات مَ باقي شي على العشا خل نرجع الشاليه*

الگل وافق ومحد عارض*


الگل على العشا قاعد طبعاً الحريم والبنات والجده بطاوله والشباب و العيال والجد بطاوله*

عقب مَ خلصوا العشاء*

خالد يكلم راشد : وين غطيت قبل اشوي*

راشد ( يطالع فوز اللي تضحگ مع ساره ) ابد اتمشى برا*

فوز حست ان احد يطالعها لفت وشافت راشد يطالعها*

فوز گشرت بوجهها ولفت على ساره*

بصوب روان والجوري حدثوا الموقف*

الجوري تساسر روان : رشود اخوج اشفيه على فوز !؟

روان : انا منصدمه نفسج رشود مو چذي مدري اشفيه *اليوم فقد*

الجوري : معليه فقد وعصب من سوايا فوز بس شمعنى حاط عليها چذي !؟*

روان : يمگن لأنها گانت تغني وماشاءالله صوت فوز حلووو*

الجوري : يمگن ليش لا*

الجد : يَ بدريه قومي ننام انا من الصبح قايم*

الجده بدريه : ان شاءالله*

فوز فزت وراحت لجدها تساعده وما نزلت عين راشد منها*

ساره طبعاً كانت على الخط لأن شافت فوز لمن لفت على راشد و كان يطالعها و الحين بعد لمن قامت لجدها*

الحريم راحو ينامون والرجاجيل والشباب توهم واقفين*

ريان : بنات احنا بنشب الحطب برآ تبون تجون معانا حياگم*

البنات : اوگي*

الگل طلع ومَ بقى الا البنات فالصاله وفوز لين ألحين مَ نزلت من جدها*

ساره جات للبنات : رزون روني رشود مو طبيعي اليوم !؟

الجوري : شفتي اللي شفته !*

ساره : اييي*

رزان و روان : شنوو !؟*

حصه : اشفيگم !!؟*

ساره ترد على رزان وروان : من اليوم واهو طايح خز فيها*

حصه اطق ساره بالمخده : هييييّ فهموني شصاير*

ساره تمسگ راسها : آاااااااي*

روان : لمن رحتي انتي وحمد صار اگششن*

حصه منصدمه : مع منووو !؟*

ساره تزيد من عندها *: وطق مطاقق*

حصه زادت بحماسها : صصصج !!!؟ انزين مع منو !؟

ساره : لالا اچذب بس بغوا يتطاققون الا اشوي

رزان اطالع الساعه : حصوص امشي فوق انا اقولج نبي نقعد برا الجو فضيع*

البنات اصعدوا عشان يلبسون بجايمهم وينزلون للشباب برا

وبعد مَ انتهت رزان من السالفه*

حصه : واااي طافني نص عمري*

ساره : حححدج*

الجوري : عاد فوز رفعت ضغطه تعرفينها بالعناد*

اشوي ولا داشه فوز واسمعت اسمها*

فوز : اشفيها فووز !؟ ( وتبتسم )*

الجوري : ماكو بس قاعدين نقول لحصوص آلاگشن اللي صار بينج وبين رشود*

فوز واهي منبطه چبدها منه : واااااي تگفيييين لا تطرينه المتخلف*

حصه اطالع فوز وتغمز لها يعني عيب خواته موجودين*

شافتها روان*

روان : لا عادي حصوص اخوي غلطان ويستاهل ما جاه ولا اهو مو مگلوف في فوز لا اخوها ولا ابوها ولا امها*

رزان : المصيبه اللي صدمني فيه انه رشود اخوي مو من النوع اللي يتحگم فينا وانتوا تعرفونه بنات غشمرجي و يحب يضحگ وفري*

فوز : اجل ليش انا يعاملني چذي !؟*

ساره : تصرفاته غريبه*

الجوري : بعد انتي فوز گنتي غلطانه*

فوز ترفع حاجبها : نعم !!؟

الكل ساگت ويسمع الا الجوري اللي كانت ترد*

الجوري : ايي غلطانه لمن قعدتي تغنين واحنا ندري ان الشاليهات اللي يمنا شباب هذا من حرصه وغيرته عليج*

فوز عصبت : لا مو حرص ولا غيره يبي يمشي كلامه علي مو بگيفه " واغني وارقص گيفي بمزاجي أبوي مَ قالي شي*

الجوري : بس عمي لو يددري مراح يسگت عن الغلط*

فوز : انا مَ سويت شي غلط انا لمن غنيت كان صوتي واطي و مَ گنا حول شباب اهو بس يبي يفرد عضلاته وبس و يسوي فيها شخصيه*

الجوري : لمن احد يخاف عليج چذي بتگون ردة فعلج !!؟ غريب والله !*

فوز عصبت وقامت من مگانها ووقفت : أي خوف الله يخليج !؟ انتي شفتي أسلوبه اول من جا واهو شراره و يهاوش ويزف عباله اصغر اعياله*

حصه تهدي فيهم : بننناات خلااص*

الجوري توقف حصه : لا نطري حصه ( تلف على فوز ) اگيد بيجي معصب والله قاعده وتغنين و صوتج ملفت للنظر بالله تبينه يجي ويوقف على راسج ويصفق لج ويقولج برااافووو*

فوز تنرفزت : آنتي ألحين تناقشيني بالموضوع بعد ليش !؟ ترا لوعتي چبدي مَ صارت افف*

روان : بنات تعوذوا من الشيطان*


رزان : سالفه وانتهت لا تگبرونها انتوا خوات*

الجوري : صح سالفه وانتهت بس انا اعلمج ان اللي سويتيه غلط*

روان : وحتى رشود اللي سواه اگبر غلط ماهو مجبور يعطيج الاوامر او يتحگم فيج والجوري گيفها خليها گل وحده عقلها براسها وتعرف خلاصها*

فوز : خلاااص وصلتي خير گل وحده عقلها براسها اوگي انا الحمدلله عقلي براسي واعرف الصح من الغلط نصايحگم وفروها لنفسگم و آخر وحده تطلع من الغرفه تسگر الليت والباب و تتسهل مَ تشوف شر*


البنات كل وحده اطالع الثانيه*

حصه تأشر لهم خلوها براحتها*

البنات واهو على الدرج*

رزان : جوري چان مَ بطلتي هالسيره هالوقت رشود اهو الغلطان فوز مَ سوت شي وصوتها گان واطي*

ساره : لا بس احس الجوري قسيتي عليها*

الجوري : لا تجلطيني رزان انتي الثانيه فوز غلطانه ونص اهي مو في بيتها تغني وعايشه حياتها لا*

روان : خلاص يبا گلهم غلطانين بس سگروا هالسيره لاعت چبودنا*

حصه : ايي والله صاجه روان*

رزان : انا مو عن شي بس چان نطرتي بوقت ثاني تگون مروقه اشوي يعني تو اخوي المصون مهاوشها وانتي جايه تزيدين عليها وغير چذي ألحين سهره ووناسه عگرتي مزاجها

الجوري : مصدقه حبيبتي فوز قاعده فوق زعلانه ولا عشان رشود اخوج واللي سواه لا يبا بس تلقينها مالها خلق وبتنام واذا بتنزل والله مَ همها احد تعلميني فيها اعرفها*


واطلعوا برآ*

بالغرفه عند فوز*

فوز تگلم نفسها " ليش اتعب نفسي واعور راسي بالطقاق هالراشد لا راح ولا جاء ماخذ مقلب بنفسه عندي بس ان مَ وريته النجوم بعز الظهر مَ اكون انا فوز ( تلف الجهه الثانيه ) انام ابرگ لي*

برا عند الشباب*
طبعاً البنات لبسوا جلالهم وطلعوا*

البنات : مرحبا*

الشباب : مرحبتين*

راشد اللي كان مشغول في تلفونه رفع عينه يدور فوز*

حمد : أجمل أقداري تعالي جمبي ( ويبتسم )*

حصه مسستحيه*

ريان : أحرجت اختي حلايا ويهگ*

حمد : ههههههههههههههههههه*

البنات يصفقون ويصفرون*

ساره گانت اگثر وحده مراقبه راشد في قلبها " غريبه قبل اشوي صفرنا وصفقنا ونسمع صوت الشباب اللي يمنا وراشد مَ تگلم ولا بحرف شي غريب صراحه !؟ "*

خالد : الا چنه عددگم متقلقص !!؟*

الجوري : ايي فوز فوق نايمه*

راشد گان منتبه ويطالع الجوري وساره مَ زالت اطالع وتراقبه*

خالد : نبي نلعب لعبه*

البنات : شنو !؟

خالد : مدري انا اسألگم*

ساره : لا خل نطالع فلم رعب*

روان : لا باچر نشوفه لما تگون ويانا فوز لأن خاطرها تشوفه*

ريان : ماگو لعبه سنعه*

رزان : ايييي*

راشد : نلعب أونو*

الجوري : لا ملينا منها غيرهآ*

رزان تتطنز : طبعاً حمد و حصوص خارج منطقة التغطيه*

الگل : ههههههههههههههههههههههههه

حمد : هههههههههههه خلينا براحتنا*

*الجوري لفت تشوف باب الشاليه اللي تبطل*

رزان : اشفيج جوري !

الجوري : في احد طالع من اهلنا*

اشوي ولا طالعه فوز وطبعاً راشد ابتسم من داخله*

فوز وصلت لهم *: مرحححبا*

الگل : أهلين*

الجوري : مَ نمتي !؟

فوز : أمبلى بس قومتني رفيجتي گانت متصله علي*

رزان : انزين قعدي اشفيج واقفه !؟*

فوز : لا مراح اقعد بروح اتمشى ( و اطالع راشد ) ولحد يلحقنا بلييزز*

ساره وقفت : انا بروح وياج*

راشد بقلبه " تبي ترفع ضغطي بأي طريقه ماشي ماشي يَ فوز الوعد قدااام "*

فوز تكلم ساره : اف قطيعه صاير مَ ينبلع انا خلقه قبل مَ ابلعه وعقب اللي صار گلش مَ ابلعه مره نهائياً

ساره : عاد تدرين من بعد السالفه واهو مَ نزل عينه منج*

فوز لفت عليها مصدومه : ليش !؟*

ساره : معقولة مَ انتبهتي !؟*

فوز : لا بس لمن گنت اگلمج واحنا داخل واهو يگلم خلود ولفيت ولقيته يطالع فيني*

ساره : تصرفه غريب*

فوز : معليج منه اهم شي ( تبتسم ) سويت اللي في بالي و صار اهو والطوفه واحد*

ساره اطالع البحر : ودي اسبح*

فوز : صج والله تبين تسبحين !؟*

ساره : ايي بس مو حاصل لنا*

فوز تسحبها : أمشي نقول للبنات ونجي نسبح

ساره وقفت : لا اخاف راشد يعصب عليج بعد*

فوز : خل يوولي زيين اساساً انا ابي ارفع ضغطه واخليه يحترم حاله و مَ يسوي نفسه شخصيه ( تبتسم ) خوش فگره طريتيها علي*

وصلوا لهم*

روان : ها خلصتوا تمشي !؟*

فوز ببتسامه : لا بس جايه اقولگم امشوا خل نسبح

راشد نقز لها : وين قاعده بالله جزر الهاواي ولا المالديف !؟*

فوز تستعبط : لا والله بشاليهات الجليعه ( وتضحگ )*

راشد فار دمه وعصب : فوز قسم بالله العظيم ان مَ تسنعتي وترگتي هالخرابيط لا سوالفج توصل لأبوج فاهمه*

فوز عصبت : قول خايفه منگ بس تدري انت بتتأخر لأني انا اللي بقول لأبوي عن سوالفگ البايخه التافهه*

طبعاً حمد و ريان و خالد مَ يدرون شالسالفه اللي حصلت قبل اشوي بين راشد رفوز ومتبلمين مو فاهمين شي*

ريان : رشود اشفيگ !؟*

فوز : فضاوه و نقاصة عقل و مَ لقى احد يوقفه عند حدوده*

راشد وقف واهو معصب حده : اقصري الشر يَ فوز لا وربي لا تشوفين شي مَ شفتيه*

خالد وقف اهو وحمد يمسكونه*

خالد : صل على النبي راشد*

حمد : بنات دشوا داخل*

فوز : لا مو بگيفه يتحگم فيني على الطالعه والنازله گل مَ بغيت اسوي شي گبر السالفه ولازم گلمته اللي تنسمع أنت مالگ سلطه علي عشان تتحگم وتتفرعن علي*

البنات يمسكون فوز*

حصه : فوز حبيبتي خلاص*

ريان جاء للبنات : فوز استهدي بالله ودشي داخل والله رشود اذا عصب يحشر اللي چدامه اقصري الشر ودشي*

البنات امسگوا فوز ودخلوها واصعدوا فوق*

الشباب برا*


ريان يقعد راشد *: اذگر الله و هد يَ العضيد*

راشد يقعد : استغفرالله العظيم*

خالد : راشد شسالفتگ مع فوز !؟ وشصاير قبل هالموقف*

راشد مَ يبي يتگلم : ماگو شي*

حمد عارف الموضوع گله لأن حصه قالت له يوم ناداها قبل اشوي واقعدت جمبه*

حمد : امبلى في ونص راشد انت من متى أسلوبگ چذي من متى تعصب و من متى تتحكم وتقول سوي وحطي هذا گله متى !؟ و ليش حاط راسگ براس هالمسگينه فوز*

راشد : خالد سگر الموضوع راسي مصدع*

راشد : لا مراح اسگر الموضوع و انا وصل لي گل اللي سويته وبعدين منو انت عشان تتحگم بالبنت أبوها موجود وامها موجوده انت تطلع برا الموضوع*

راشد : بس اهلها مَ كانوا برا وما شافوا المصخره اللي سوتها*

حمد تنرفز : ثمن كلامك يا راشد وفوز مَ سوت شي ولا مصخره گل السالفه انها غنت !؟ انا گنت قريب منهم و مَ سمعت صوتها*

راشد : بس حتى ولو*

حمد : راشد لا تعور راسي انت مَ تتحگم في بنات الناس عليگ من خواتگ وبس و فوز لا تقرب صوبها لأنگ مو ملزوم فيها ولا لگ گلمه عليها*

راشد يرقعها : بس هي بنت عمي وانا ملزوم فيها*


حمد يبتسم ابتسامة استهزاء : الله !! وبنت عمگ بروحگ مو بعد خالد وانا تطلع بنت عمنا !!؟ واللي يمسها يمسنا و الجوري مو بنت عمگ ليش نروح بعيد الاقربون اولى بالمعروف خواتگ مَ عمري سمعت او شفتگ تتحگم فيهم نهائياً انا لمن قالت لي السالفه حصه انصدمت اقول لا هذا مو راشد !!؟ ولا تقص علي بگلمة ملزوم فيها لا منت ملزوم عندها ابو اهو وليها والملزوم فيها اعيد واقول اخر مره واول مره اللي حصل و ياليت مَ يتگرر لأم اذا تگرر لي تصرف ثاني معاگ يَ راشد*

وقام وما عطى مجال لراشد يتگلم واساساً راشد ماله وجه يتگلم لأن گلام حمد صح ومَ قال شي غلط*

داخل عند البنات بغرفتهم*

فوز اطالع الجوري : رجاءاً لحد يگلمني بسالفة راشد بس لاعت چبدي ( وقفت ) وتصبحون على خير*

رزان : ايي والله احس اني دوخت أبي انام بعد*

حصه : حتى انا بنام*

ساره : يبا گلنا بنام خلاص*

روان : لا احد يقعد معاي ما فيني نوم

الجوري : حتى انا مَ فييني نوم

روان : اجل امشي نقعد تحت بالصاله

الجوري : يلا مشينا*

وانتهى البارت الثالث*



لولو 1004 غير متواجدة حالياً   رد مع اقتباس
قديم 03-11-2013, 07:33:56 PM   #10
فّقدّ
كــويــتــيــة فــعــالــة
 
الصورة الرمزية فّقدّ
 
تاريخ التسجيل: Apr 2013
الدولة: لم تعد تغريني الدُنيا
المشاركات: 358

افتراضي رد: روايه كويتيه وباكر تفرحني السنين


اب اب اب اب اب



__________________



اللهم ثبت قلبي على دينك ,
فّقدّ غير متواجدة حالياً   رد مع اقتباس
قديم 08-11-2013, 07:11:06 PM   #11
تمرة
كــويــتــيــة فــعــالــة
 
الصورة الرمزية تمرة
 
تاريخ التسجيل: Apr 2011
المشاركات: 453

افتراضي رد: روايه كويتيه وباكر تفرحني السنين


كملي




اب اب اب اب اب اب
اب اب اب اب اب اب



__________________
تمرة غير متواجدة حالياً   رد مع اقتباس
قديم 08-11-2013, 07:11:50 PM   #12
تمرة
كــويــتــيــة فــعــالــة
 
الصورة الرمزية تمرة
 
تاريخ التسجيل: Apr 2011
المشاركات: 453

افتراضي رد: روايه كويتيه وباكر تفرحني السنين


كملي

اب اب اب اب اب
اب اب اب اب اب
اب اب اب اب اب



__________________
تمرة غير متواجدة حالياً   رد مع اقتباس
قديم 10-11-2013, 12:03:17 AM   #13
لولو 1004
كــويــتــيــة جــديــدة
 
تاريخ التسجيل: Mar 2013
المشاركات: 18

افتراضي رد: روايه كويتيه وباكر تفرحني السنين


مششكورييين على التفاعل حبيباتي

وأبششروا بگمل بس اخلص البارت



لولو 1004 غير متواجدة حالياً   رد مع اقتباس
قديم 10-11-2013, 12:03:50 AM   #14
لولو 1004
كــويــتــيــة جــديــدة
 
تاريخ التسجيل: Mar 2013
المشاركات: 18

افتراضي رد: روايه كويتيه وباكر تفرحني السنين


مششكورييين على التفاعل حبيباتي

وأبششروا بگمل بس اخلص البارت



لولو 1004 غير متواجدة حالياً   رد مع اقتباس
قديم 11-11-2013, 01:24:23 AM   #15
فّقدّ
كــويــتــيــة فــعــالــة
 
الصورة الرمزية فّقدّ
 
تاريخ التسجيل: Apr 2013
الدولة: لم تعد تغريني الدُنيا
المشاركات: 358

افتراضي رد: روايه كويتيه وباكر تفرحني السنين


*


آب آب آب آب /*



__________________



اللهم ثبت قلبي على دينك ,
فّقدّ غير متواجدة حالياً   رد مع اقتباس
إضافة رد

اكثر الكلمات بحث
السنين, تفرحني, روايه, وباكر, كويتيه

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن حسب دولة الكويت : 02:37:10 AM.