كويتيات للطبخ

العودة   منتديات كويتيات النسائية > >

القصص والروايات مانسمعه وما يقوله القصاص .. من خيال وحقيقة وروايات


رواية عاشقة الشيطان >>جديد قلب المحرق

القصص والروايات



إضافة رد
 
أدوات الموضوع إبحث في الموضوع انواع عرض الموضوع
قديم 24-10-2013, 04:24:40 PM   #46
هواك قلبي
كــويــتــيــة فــعــالــة
 
الصورة الرمزية هواك قلبي
 
تاريخ التسجيل: Jul 2012
المشاركات: 397
افتراضي رد: رواية عاشقة الشيطان >>جديد قلب المحرق

اوووه




ليش مافية ردود\



__________________
رواية المرجوجات
رواية حياتي بكل تفاصيلها تبي تعيش عيش معاي >>يالبى
موااقفي الي صارت في حياتي مالهم حل
قلوا مرجوجة قلت لهم يالبى الرجة دامهم سميتوني عليها
كبرت والرجة للحين موجودة فيني شسوي قولوا لي
اطلب طبيب نفسي
ولا اقعد جيه ع رجتي ارجكم وانتوا تصارخون ههه
تابعوني

فوق كل هاذا بتم اعقل مرجوجـــــــــــــــــــــــــــــــــة
هواك قلبي غير متواجدة حالياً   رد مع اقتباس
قديم 06-12-2013, 01:17:23 PM   #47
هواك قلبي
كــويــتــيــة فــعــالــة
 
الصورة الرمزية هواك قلبي
 
تاريخ التسجيل: Jul 2012
المشاركات: 397
افتراضي رد: رواية عاشقة الشيطان >>جديد قلب المحرق

رواية عاشقة الشيطان لقلب المحرق(نبض المحرق))
البارت الثامن
عنوان البارت(ذكــــــــــرى)
نرجع لخلود وشموخ في عروس الليل (الامارات)
في السيارة
>>>جديد ملكة الغناء احــــــــلام (بغيضك)<<<
فقط ع امارات اف ام ..
خلود بستهبال تقلد الملكة احلام :بغيضـــــــــــــــــك ..قلت لك ما بيـــــــــــــــك ..انا مابيـــــــــــــــــك..مع قووولة ..ولــو صدقت انا اخليــــك..حبيبي الله لاا يقوله ..تراني ما اروح ابعيد مهما صار يا حبي ..صحــــيح احيان ..اجيب العيد لكن من ورا قلبي .بغيضــــــــــــــــــــ ـــك<<<طبعاا مع غناء الملكة احلام
شموخ تضحك بخفة وهي داشه عرض مع خلود: قلت لك مابيـــــــــــك ..معقووولة ...عاشوووا
رفعت خلود ع الصوت وتحمسوا اكثر
اشوي الا خلود تحرك ارقبتها وشموخ ترقص وتصفق
اثنيناتهم التفتوا لبعض بحركة سريعة وهم يغنون مع بعض:حيـــــــــاتي كلها تفداك..فديتك يانظر عيني ..
ولا صدقت بس انســــاك تطيح الدنيا من عيني .. وبغيضـــــــــــك.. قلت لك مابيـــــــــــك ..معقووولة ..
تراني ما اروح ابعيد مهما صار ياحبي صحيح احيان اجيب العيد لكن من ورا قلبي وبغيضـــــــــــك..
وع هالحال لين خلصت الاغنية
شمووخ وهي تتنهد:اااه ياقلبي
خلود التفتت :اشفيه قلبج
شموخ:هه اش في قلبج انتي
خلود بجدية:مافيه شي
شموخ بضحكة :صدقتج
خلود بأستغراب:اش فيج
شموخ:كلش مافيني شي
خلود بعصبية:شموخ من الاخر شعندج
شموخ:ولاا شي بس قلت يمكن تذكرتي حبيب القلب
خلود:اي حبيب
شموخ:مايد فيه غيره
خلود ضحكت بخفه:هههه ماصدقج
شموخ :هاه
خلود:يعني الحين تبين تفهميني اني احب مايد
شموخ:وليش لاا اكاج 24 ساعة تسمعين اغانيه.. وفوقها قعدتي وياه وسولفتوا ليش لاا ..وتكلميني عنه بعد
خلود ضحكت لافكار شموخ:ههه امبــيه مب صج ..انتي اشفيج
ترا عادي اكلمج عنه اكاج تتكلمين عن الدكتور عبدالله مادري راشد ..
شموخ قطعتها:اسمه سلمان
خلود بعدم مبالاه:الي اهوا المهم يعني تحبينه
شموخ:وييه اشدخل
خلود:جفتي اشلون
شموخ:بس انتي غير صايره هالايام وايد متغيرة
خلود:في شنو؟؟
شموخ:مثلا في الكلام وفوقها صرتي رومانسية وتنصحين يعني اشياءات يديده اطلعت فيج شسالفة!!
خلود:كلش بس حبيت اغير اسلوبي فيها شي
شموخ بضحكة :كلش
خلود تنهدت بحزن:صج الناس في دنيا وانتي في دنيا
شموخ انقهرت:خلود
خلود مرة وحدة وقفت السيارة صوب البرادة(البقالة)
نزلت وراحت خذت اكردت وركبت السيارة مرة ثانية وكل هالشي تحت انظار شموخ المنصدمة من حركتها
شموخ بستغراب: خلود يبة اش فيج
خلود بتفكير:ودي ارجع البحرين
شموخ بنصدام:شلي ذكرج فيها
خلود طالعتها:ديرتي اشلون تبيني انساها
شموخ:مب قصدي بس انتي قلتي ماراح تطبينها علشان جيه انصدمت لاا اكثر..
خلود بنفعال:شموخ انتي اليوم صايرة حدج وع
شموخ سكتت بحزن
خلود تنهدت وحطت يدها ع راسها بقهر بعدين التفتت ع شموخ :انا اسفة ماكان قصدي ..بس انا اليوم حدي تعبانه
شموخ بقهر:خلود مو لين تنقهرين تيين تطلعين حرتج فيني انا اشلي كار فلي يصير فيج
خلود بتعب:صاجه انتي اش دخلج فلي يصير فيني انتي تكفيج مشاكلج وهمومج..بس انا ياشموخ اشتقت لديرتي اشتقت لـــ ....وسكتت قبل لاا تكمل والدموع تنزل
تنهدت وهي تتذكر ماضيها :اشتقت حق شوق وحق امي وحق ملاك
شموخ بصدمة:ملاك
خلود نزلت دموعها:اية ملاك اشتقت لها وايد اشتقت لايامها اشتقت لكل شي فيها لضحكتها لسوالفها حتى لحنتها وسخافتها ..اشتقت لنكنتها السخيفة ومشاكلها
الغريبة وافكارها الاغرب .اشتقت لمشاعل واشتقت لميعاد وشتقت لفيصل ..هههه فيصل ..بحزن..اية فيصل من يصدق ان خالد يشتاق لفيصل الي كان حشرة بنسبة لي لكن فيصل من بعد ملاك صار صديق غالي رغم انه مايعنيلي شي لكن فيصل عطاني القوة خصوصاا بعد ذاك الموقف.....
نرجع قبل سنين عديدة
خلود كانت توها طالعه من السجن
الحياة تغيرت وخلود بعد تغيرت
انقلبت بنوتة وهي كانت قبل بوية
بعد عيشتها في السجن ابتدت
تميل وتفكر في كونها بويه
وبعدين عرفت ان مافيه اصلا شي اسمة
بوية كلمة بوية ماتقدر تغير واقع كونها
بنت مثلها مثل غيرها يمكن السنتين كانوا
اصعب ايام في حياتها لان السجن مب سهل
لكن مرت الايام بسرعة ورجعت خلود للحرية مرة ثانية
كل ماتتذكر وفاة اختها تحزن لكن الحياة تستمر ماتنتهي اهنية لان الحياة حلم قصير اخره الموت الموت مب نهاية بالعكس الموت بداية حياة جديدة تقررها افعالنا في ذاك الحلم القصير ..
زارت قبر اختها وهي تحس بجروح 22 سنة مروا
كانت الزيارة اقل شي تقدر تسوييه علشان تتذكر اختها
بعدين راحت البحر ع اساس الراحة و عشان ترتاح وهي تطالع البحر وتاخذ راحتها وتجوف الحياة الي انحرمت منها سنتين وتعيش الحرية بدال العيش في السجون الكأيبه الي تزيد الحريق في قلبها
كانت تتمشى بهدوء وهي تستنشق الهواء الجميل الي انحرمت منه
ولكنها استغربت من ذاك الشخص الي يرمي الحجار الصغير ع البحر بحزن جنه يقول للبحر قاسمني همومي
خلود قربت منه بصدمة:فيصــل
رفع راسه وابتسم بخفه
خلود ولزالت الصدمة واضحة عليها
قعدت يمه وبأستغراب:اش يابك اهنية
فيصل بحزن يتكلم:هموم الدنيا
خلود ماتدري ليش طرا ع بالها ملاك :وين ملاك!!
فيصل نزلت دموعه بحزن
خلود حست قلبها نقزها:فيصل اش فيك ؟؟
فيصل بحزن شديد:ملاك عطتج عمرها
خلود مو مستوعبة:فيصل شتقول؟؟
فيصل بقهر انفعل:ايه ملاك ماتت
قامت خلود من مكانها وهي ودها تروح بيت ملاك وتتأكد
و تحاول تطلع الفكرة من راسها بقوة : جذااااااااااااب
فيصل ابتسم :خلود لاا تزعلين ...
ملاك خليها ذكرى حلوة بحياتج مثل ما خليتها ذكرى حلوة بحياتي عادي صدمات الدنيا كثيرة انا من بعدها
احس اني ضايع في متاهه مالها مخرج ابد
قعدت خلود ع الرمال وعيونها يحكون قبل لسانها
والدموع تسبقهم
نرجع للواقع ..
خلود بضيقه:فيصل بعد ذاك اليوم عطاني قوة كبيرة
تعرفين ليش..لانه ابتسم رغم كثرة جروحه اهنية حسيت ان فيصل ضايع.. اووه ياشموخ لو اوصف لج اشلون فيصل قبل موت ملاك واشلون فيصل بعد موت ملاك فرق ..ايه والله فرق شاسع مثل السماء والارض قبل فيصل كان جداا مشكلتي ومغازلجي وكان ضايع بين البنات
وبين مرت ابوه وبين ابوه واخوانه وضايع في حياته مثلي ولكن لين دخلت ملاك حياته وحياتي تغيرت الحياة بنسبة لنا بشكل ماتتوقعينه ....
فيصل صار يميل بس لملاك ومشاكل ملاك وحياته ملاك
وكل شي ملاك صار انسان مايهمه غير بسمتها ياما تهاوش فيصل عشانها وياما ضحك فيصل عشانها وياما
تغير فيصل عشانها تعرفين ليش ياشموخ لانها غيرت حياته وخلته يفتح عيونه ع الحياة وانا ما افرق عن فيصل لان ملاك غيرتني وخلتني اجوف نصفي الحقيقي وحياتي الصحيحة المفروض اعيشها ورسمت الابتسامة ع شفاتي اااه اش سوت فينا بس ماعندي اي شي اقوله غير الله يرحمها بواسع رحمته ويغفر لها ذنوبها بواسع رحمته الكبير العظيم الجبار ..
............................
ذكرى شخص عزيز قد فارق الحياة وبذكرياته الجميلة
تعني له الكثير ..
.............................
نهاية البارت
(نصيحة مني اخواني وخواتي المتابعين اذا فقدتوا شخص غالي اذكروه بالخير وقبلها سامحوا هالشخص اذا غلط بحقكم لانه خلاص راح وما راح يرجع عشان جيه ادعوله وذكروه بالخير عشان اسم الله عليكم لاا متوا يتذكرونكم الباقي بالخير لان الدعوة وحدة منهم ماتدرون اشكثر تأثر )




__________________
رواية المرجوجات
رواية حياتي بكل تفاصيلها تبي تعيش عيش معاي >>يالبى
موااقفي الي صارت في حياتي مالهم حل
قلوا مرجوجة قلت لهم يالبى الرجة دامهم سميتوني عليها
كبرت والرجة للحين موجودة فيني شسوي قولوا لي
اطلب طبيب نفسي
ولا اقعد جيه ع رجتي ارجكم وانتوا تصارخون ههه
تابعوني

فوق كل هاذا بتم اعقل مرجوجـــــــــــــــــــــــــــــــــة
هواك قلبي غير متواجدة حالياً   رد مع اقتباس
قديم 27-12-2013, 01:44:19 PM   #48
هواك قلبي
كــويــتــيــة فــعــالــة
 
الصورة الرمزية هواك قلبي
 
تاريخ التسجيل: Jul 2012
المشاركات: 397
افتراضي رد: رواية عاشقة الشيطان >>جديد قلب المحرق

رواية عاشقة الشيطان لقلب المحرق(نبض المحرق))

البارت التاسع

عنوان البارت(ليالي الشقى )

صوت ضحكاتهم انتشرت مع هبوب الرياح الهادئه...

مجموعة من البنات مع شابين في منتصف العمر يملك كل منهم جمال خاص فيه واسلوب منساق مع طريقة تعاملة لذاته وللأخرين مع اختلاف التفكير والملامح ...

طلت ع ساعتها وهي تجوف مرور الوقت الي يتحدى الزمن ثم القت بنظرة ع صديقتها الي تتمشى مع حبيبها وهي ماسكة يدة وصديقتها الثانية الي تضحك وتتكلم بعفوية مع الشاب الثاني وصديقتها الثالثة تتمشى بروحها و تسولف وتضحك مع واحد من خرفانها ماهقت انها بيوم من الايام بتصير واحدة من هالشلة الفاسدة مثل مايسمونهم بنات مدرستهم ولكن مع انها صارت وحدة منهم واصبح تفكيرها مثل تفكيرهم المنحرف يوجد فيها شعره من شخصيتها القديمة الي تغيرت مع هبوب الايام ورفقتها لهاذي الشلة الفاسدة ..

شوق قالت بخوف وهي تقطع افكارها الي مب قادرة تتركها لان هالشعره الي فيها من شخصيتها القديمة موجودة :بنات تأخرنا ..

سارة الي كانت مب بعيدة عنها وتتبادل السوالف مع هزاع بشكل عارم يفيض فيه نثر لشخصيتها الي انعكست ع ملامح وجهها الطفولي الي يتغلب عليه افكارها المنحرفه بشكل او اخر:توا الناس

شوق وقفت بخوف وهي تفكر بأبوها اذا درى او صار شي يعكس الخطة الفاشلة الي يخططوا لها حست برجفه فيها خووف رهيب وهي تتخيل ملامح ابوها الجادة والمخيفة الي يرتعش جسدها من تشوفه لانها تشوف فيه قسوة سنين كثيرة تنعكس عليه :الساعة وحدة ونص احنا ما اتفقنا نتأخر لهالوقت وبعدين الهده بعد ساعة يعني كلش مافيه وقت

هنوف مشت لعندها وهي تلعب بشعرها بدلع وتمشي بطريقة تلفت نظر الموجودين بجسمها الخلاب وشعرها الحريري مع ملامح وجهها الحادة الي تعكس شخصيتها واسلوبها الواطي مع غيرها :ليش خايفة بابا عاتــي

شوق حست انها بتروح فيها ..حست قلبها بيطلع من مكانه وصورة ابوها مب راضيه تتركها ومن خوفها الهائل ومن القهر الشديد وهي تجوف عدم الاهتمام منهم.. صرخت:شنو عادي انتي من صجج تعرفين اهلنا لو دروا شنو بيصير

شهد من الاحراج مادرت شتقول يعني بنسبة لها الامر يفشل خصوصا ردة فعل شوق والخوف الي يطلع منها مع لمعة عينها جنها طفلة بتصيح وخايفة من اهالها خاصتاا قدام عيسى فما اقدرت تتكلم علشان جية حبت تسكت لاا انها تنفضح زود

هزاع حس في شوق خصوصاا لين لمح في عيونها لمعه توحي بخوفها الشديد والتحسف لانها طلعت معاهم علشان جذية وقف وقال بهدوء:مب مشكلة نرجع الحين

شهد بدلع مع اشوي احراج من هزاع:اسفة هزاع كان ودي نقعد اكثر لكن تدري الظروف ..

عيسى يمثل انه زعلان ومو عاجبة الوضح ويطالع شهد بنظرات زعل

شهد ياودت ايدينه وقالت بدلع تعود عليه:حبيبي عيسى لاا تزعل خيرها في غيرها وصدقني لو ما الظروف ماصار كل هذا ..

عيسى بزعل:ياهي ظروف ياشهد ..ذبحتيني قلتي امج ماترضى تطلعين خاصتاا هالفترة شاكة فيج قلت لج اوكي خلاص عندي اقتراح وقلت لج ياشهد الافضل اتقدم لج وافتك وانتي ترفضين مادري شسبب ..

شهد ببرائه وهي تحاول ماتطول في هالموضوع لانها منتهية منه من زمان خصوصاا ان عيسى مجرد خروف بنسبة لها وطاح ومحد سمى عليه وقالت فرصة اخذ الي ابيه منه وعقب اتركه مثله مثل غيره لان في بالها شخص واحد ومستحيل تاخذ غيره يعني عيسى وغيره بنسبة لها تسليه لاا اكثر لكن الصدمة لين فتح معاها موضوع الزواج لانه تعلق فيها وحبها وهي طبعاا تتهرب من هاذا الموضوع خاصتاا هالفترة مقررة تترك عيسى بعد ماخذت الشي الي تبيه منه بس باقي اخر شي وتفتك من وجهه الي جنة كوع شهناز ع قولتها :عيسى جم مرة تكلمنا باهاذا الموضوع

عيسى بقهر :بس حياتي ماهي حاله كل ما اجوفج شوي وتقولين خل نرجع وبعدين هاذي توها اول مرة نقعد مع بعض كلنا

شهد بدلع وهي تقول في قلبها اشفيه هاذا ماعنده كرامة:حبيبي اانتاا ..افهمني عاد

عيسى بهدوء:اوكي فهمت انج ماتقدرين تجوفيني كل مرة لكن بعد حسي فيني يعني ع الاقل عطيني فرصة اتقدم لج

شهد..وهي تدور اعذار مثلت الزعل:عيسى وبعدين ..اووف انتاا تعرف انا للحين توني صغيرة واكبر وحدة في خواتي للحين ماتزوجت وبعدين مااعتقد امي بتوافق وانت تدري ليش

عيسى وخلالالاص واصل حده وهو يفكر وخلاص ماخذ قرارة واكيد ماراح يتراجع قال:خلاص ماله داعي تعيدين كلامج خل نرجعكم الحين مدرستكم قبل ما يصير شي

شهد انطمت وماحبت تقول شي زود لانها ملت وماحبت توضح هالشي لعيسى

هنوف كانت معارضة خصوصا ان ما ودها ترد البيت لان امها في الشغل وابوها مسافر فعادي تاخذ راحتها ..لكن شوق الزمت يرجعون لانها من قلب خايفة ومتوترة وتحس شي بيصير ..رجعوا كلهم وحتى هنوف لانها خافت تتم بروحها...

.................

دخلوا المدرسة بنفس الطريقة لكن بدون مساعدة زينب

بطريقة حذرة يحاولون ما يصيدهم الحارس الي قاعد داخل الصندقه الصغيرة يتكلم بتلفون مروا بدون مايلفتون نظرة وبحذر شديد دخلوا المدرسة وهم متشققين علشان وصلوا بسلام اخيراا و ماانصادوا

لكن مادامت السعادة لما سمعوا صوت معروف في المدرسة بقوته وشدته الي تخلي الشخص يسكت بدون سبب

:توا النااس جان مارديتوا

صكوا عينهم بخوف ولتفتوا لورا ودقات قلبهم تتسارع

شهد التفتت بهدوء والخوف يتخلخل اطراف جسدها الحار بشكل واضح وتردد ملحوض : ااا ..ااا اااناا

المشرفة فوزية بعصبيها ماتركت مجال علشان يدافعون عن نفسهم :جب ولاا كلمة.. يالله كلكم ع الاشراف

التفتوا لبعض بخوف وكل وحدة منهم تحاول تتكلم وتبرر ودموعهم تسبق كلامهم

طبعا المشرفة ما رضت تسمع منهم شي

وصلوا الاشراف

والمشرفة فوزية واضح عليها الغضب

تموا اربعتهم واقفين ودموعهم ماوقفت خصوصا شوق

الي تشهق وتصيح بخووف شديدد

شهد وهي تصيح :مشرفة صدقينيــ .

قطعتها المشرفة فوزية بغضب :جب مابي اسمع ولاا شيء منكم انا ماعندي كلام معاكم انا كلامي مع اهلكم يامتربياات<<قالت اخر كلمة بصوت قوي فاضح

اصواتهم ارتفعت اكثر وهم يترجونها لكن لاا حياة لمن تنادي اتصلت ع اهلهم وطلبت منهم ييون

شوق بس عرفت ان ابوها بيي اغمى عليها ونقلوها لغرفة الممرضة

و سارة حالتها لاا يثرا عليها وشهد ما كانت خايفة من شي لانها تعرف امها ماراح تمد يدها لكن خافت من ردة فعل امها لاا اكثر ..اما هنوف كانت اقل حزن منهم لانها عرفت ان اختها العودة بتيي مب امها والوضح عندها عادي يعني زف وصراخ ومحاظرة طويلة وانتهى الموضوع

بعد ربع ساعة طق جرس الهده والكل طلع من المدرسة الا اهم تموا

واول من حضر كانت ام شهد (مشاعل)

دخلت الاشراف وهي تفصخ النظاره الشمسية :السلام عليكم

المشرفة فوزية بصوتها الرخيم :وعليكم السلام

مشاعل مررت نضراتها بين شهد وسارة وهنوف بهدوء وهي تقط نظرات مافهموا معناتها عقب التفتت للمشرفة فوزية الي تأشر لها تقعد ...

المشرفة فوزية لان معرفتها بمشاعل عادية من خلال مشاكل شهد وشهناز المعتادة في المدرسة قالت بهدوء:اشلونج ام شهد

مشاعل قعدت ع الكرسي الي مقابل المشرفة :بخير اشلونج انتي

المشرفة فوزية :زينة

مشاعل بنفس الهدوء:خيرر ان شاءالله

المشرفة فوزية طالعت البنات وقالت بنفس الرخي في نمط صوتها :تقدرون تنطرون براا

شهد طلعت من الاشراف وهي خايفة وسارة وهنوف وراها ..

المشرفة فوزية تنهدت وهي تجوف البنات يمشون برتباك شديد :والله مادري شقولج

مشاعل بخوف عكس القلق الي يراودها لانها اول مرة تجوف الخوف في عيون شهد الحادة ..لان مع كثرة مشاكلها ماعطت اهتمام او خوف للأمر مثل هالمرة وهالشي الي مخوف مشاعل من شهد:خييررر؟؟

المشرفة بصوت حااد و رفيع نوعاا ما :بنتج شهد مع ربعها شردوا من المدرسة

مشاعل حاولت ما توضح الصدمة وقالت بهدوء تبعد الاتهام عن بنتها :كنت متوقعة

المشرفة فوزية بستغراب :شنو الي كنتي متوقعتة ..

مشاعل وهي تفكر بسمعة بنتها عقب هالسالفة اشلون بتصير وفي نفس الوقت معصبة بس ماوضحت هالامر:الصراحة بنتي شهد من فترة تحاول تشرد من البيت

المشرفة فوزية بمقاطعة ومتابعة شديدة لكل كلمة تخرج من شفتي مشاعل:لييش؟؟

مشاعل تنهدت وهي تحاول ماتضح الكذب الي تقوله لكن سمعة بنتها اهم من انها تتعاقب ع طريقة المدرسة :لانها تبي تجوف ابوها

المشرفة فوزية بنفس الثبات وشموخ في صوتها القوي:انزين وليش تشرد؟

مشاعل حاولت قد ماتقدر تكون طبيعية وتوضح ان الموضوع جدي:لاني منعتها تقابله ..انا وبوها متطلقين من سنين ومرة اكتشفت انها تحاول تروح له وانا منعتها من هالشي

المشرفة فوزية بشك:يعني ماتعتقدين انها راحت مكان ثاني

مشاعل وهي تكذب ع نفسها:مستحيل خصوصا ان شهد مب اول مرة تسويها

المشرفة فوزية بفضول :وربعها

مشاعل:انا اعرف بنتي زيين مستحيل تروح مكان بدون ربعها لانها تخاف وبعدين انا واثقة فيها خصوصاا انها حاولت معاي لكن رفضت اوديها لبوها ..لكن ما اقدر اضمن لج ان ربعها كانوا وياها

مشرفة فوزية بتدخل من غير ماتوعى لهالشي:بس من حقها تزور ابوها

مشاعل تضايقت :اعتقد هالشي بيني وبين بنتي

المشرفة فوزية ماحبت تتدخل اكثر :من حقج ..

مشاعل تراقب الساعة بهدوء وستعجال شديد:المهم ترا الوقت يمر بسرعة وانا وراي شغل فيه شي ثاني

المشرفة فوزية :مع اني شاكة في الموضوع لكنها بأول والاخير بنتج وانتي كيفج ...

مشاعل بطريقة باردة عكس البركان الي داخلها :الموضوع مافيه شك ماله داعي تعورين راسج وبنتي اعرفها زيين وافهمها اكثر من اي احد

المشرفة فوزية طلعت ورقة من درجها:تفضلي وقعي اهنية في اورقة التعهد

مشاعل:تعهد شنوو؟؟

المشرفة فوزية :اذا تكرر الامر وصار لبنتج شي فأنتي لج علم والمدرسة مراح تتحمل مسؤليتها..قالت هالحجي وهي رافعه ايدها بطريقة توحي بالنفي

مشاعل وهي توقع:من حقكم

اكتفت المشرفة ببتسامة ماعتقدت ان الموضوع مب مهم لمشاعل هالكثر

مشاعل وقفت ومدت يدها :مشكورة مشرفة فوزية ماقصرتي





المشرفة فوزية وهي تضغط ع ايد مشاعل بشكل عفوي :شغلي اشدعوه

مشاعل قبل ما تطلع :ايييه حابه اقولج انا ما اتحمل مسؤلية ربعها لاني ماعرف ان كانوا معها ولاا ..لااا وانا قلت لج الي عندي

المشرفة فوزية :عندي خبر

مشاعل ابتسمت وطلعت

شهد كانت ناطرة ع اعصابها

وهنوف وسارة رايحين رادين

مشاعل قربت من بنتها شهد وقالت بهدوء:يالله جدامي

سارة وهنوف تموا يطالعون بعض بأستغراب

اما شهد ماتكلمت ولاا حبت تتكلم

مشاعل التفتت لسارة وهنوف وقالت:اذا سألونكم قولوا بنتي ماكنت وياكم ووصلوا هالشي لرفيجتكم <<تقصد شوق

مشاعل صارت تمشي صوب سيارتها وشهد جدامها

بطلت السيارة ودخلت مشاعل وشغلت السيارة وشهد قعدت يمها

شهد قررت تتكلم وهي مترددة:يمة انااا

مشاعل قطعتها بعصبية وهي تحاول ماتفقد الصيطره ع اعصابها وتمد يدها ع شهد :وين رحتي

شهد سكتت وهي خايفة خاصتاا بعد ماجافت انقباض يدها ع السكان وهي تتابع الطريق ..

مشاعل وقفت السيارة ولتفتت ع شهد بغضب شديد

:وين رحتي انا اسألج؟؟

شهد نزلت دموعها :جزر حوار

مشاعل صارخت بعصبية خلت شهد تبجي من قلب :ولييش تروحين

شهد تصيح وشههقاتها منسمعه وويها احمر

مشاعل تحاول تخفف من عصبيتها :انزين مع من رحتي

شهد تعرف امها ماتحب الجذب ابداا علشان جية حبت تكون صريحة لان امها ماتحب الجذب وتعرف بناتها اذا يجذبون ..بتردد:مع عيسى

مشاعل طالعت شهد بنضرة فيه شرارة وحقد خلاها تنهدم بسسببها وهي ودها تعطيها كف يبرد حرتها :مـــــــــــــن عيسى ؟؟

شهد سكتت

اهنية مشاعل تذكر الحوار بين شهناز وشهد الصبح

...

..

.


شيخة بصراخ::شهد...شهناز ..يالله ترى وراي شغل بسرعة ..
شهد نزلت من الدرج وهي تعدل شعرها وتقول بملل:اوووف بطيتي اذوني ..
شيخة:والله صج..اقول انتي ليش كلة تتأخرين وبعدين ليش كل هالمكياج حسستيني رايحة عرس مب مدرسة
شهد:::::والله انتي مالج دخل فيني ..
شيخة بقهر:والله وطول لسانج ياشهدووه يبيله قص
شهد:يالله قصيه اذا تقدرين
شهناز بصوت عالي:هاذي مب كاشخة علشان رايحة مدرسة هاذي كاشخة علشان الشردة مع ربعها الخمة والحواسه معاهم وجوفت حبيب القلب ..

شهد:جب جب يالبوية ماجفتي نفسج كل يوم مع ابنية
شهناز بثقة:والله ذيلين ربعي
شهد:ربعج المدرسة كلها
شهناز:شسوي بعد..محبوبة انا ...وع الاقل ما اطلع مع شباب مثلج..
شهد:جب جب ع الاقل احسن منج يالبوية

نرجع لارض الواقع ..



مشاعل تنهدت :كنت متوقعة وراج مصيبة .بس ماهقيت ان تربيتي ودلعي لج بيوصل لهالحد ..انا عطيتج ثقتي وانتي تخونيها ..انااا امج خافي الله ..تراني ماربيتج ع هاذي التفاهات وانتي ابنيه عودة وتفهمين مب ياهل ..

لا تظنين اناا ماعرف شتسوين تراج غلطانه بس حاولت

ااسككت وجوف يمكن تتغيرين مع الوقت ..انتي عبالج ما ادري عنكم ولاا اسمع حجيكم بس مشكلتج ياشهد ماتعرفيني زيين ..اناا كل اخباركم عندي وتظنيين يفوتني شي عنكم وادري شنو تسووون وبتفاصيل ..انا مو قاعدة اتجسس عليكم انا قاعدة اراقب تربيتي صح ولاا مشعل تربيته الاصح

شهد صاحت بقوة ونهارت وقالت بصوت خافت :اسفــه يمــة

مشاعل بخيبة أمل:الحين يمــه ..وقبل مافكرتي بأمج ..شهد للأسف انتي انانية مايهمج احد غيرج ..مافكرتي ان من الممكن هالشخص ياخذها فرصة ويسوي فيج شي

شهد انهارت اكثر بضعف:يمــه اسفة تكفين سامحيني

انا غلطانه واعترف صصصدقينني يمة اناا ما كنتت اقصد والـلـه ..وصاحت اكثر

مشاعل قلبها عورها ع بنتها قربتها منها ودفنت ويهها في حضنها الدافي تحاول تخفف عنها..مع انها ودها تاخذها من شعرها وتأدبها الااا انها حنونة بشكل كبير وقلبها مايطاوعها تمد يدها ع دلوعتها...

شهد تمسكت اكثر بأمها وصاحت بقوة وهي متحسفة من قلب تمت تقول وهي تصيح لمها كل شي

.. اشلون تعرفت ع عيسى وشنوالعلاقة الي بينهم وانه حاب يتقدم لها وهي رافضة واشلون شردت وانها مب اول مرة ..

مشاعل هدت اشوي لان شهد قالت الصج

وصلت البيت وبعدين جبت الغدااء وحاولت تنسى السالفة وتصكها بعد ما تفاهمت مع شهد وتوصلوا لحل

اما سارة وهنوف قالوا انهم طلعوا بعد تردد وحاولوايشردون بس ماقدروا علشان جيه ردوا

طبعا سارة خذت نصيبها من الطق والهواش قدام المشرفة من اهلها وهنوف خذت محاضرة عوودة من اختها وزف من المشرفة

اما شوق يات يدتها تاخذها لان ابوها حلف مايخذها بعد الي سوته خصوصاا ان ام شوق متوفيه وهي تعيش مع يدتها واحياناا تروح عند ابوها ع الحسب
وكلهم انحرموا من الوتر دي والمهرجان الي يصير في السكول واولهم شهد الي من قلب انقهرت




__________________
رواية المرجوجات
رواية حياتي بكل تفاصيلها تبي تعيش عيش معاي >>يالبى
موااقفي الي صارت في حياتي مالهم حل
قلوا مرجوجة قلت لهم يالبى الرجة دامهم سميتوني عليها
كبرت والرجة للحين موجودة فيني شسوي قولوا لي
اطلب طبيب نفسي
ولا اقعد جيه ع رجتي ارجكم وانتوا تصارخون ههه
تابعوني

فوق كل هاذا بتم اعقل مرجوجـــــــــــــــــــــــــــــــــة

التعديل الأخير تم بواسطة هواك قلبي ; 27-12-2013 الساعة 01:48:28 PM
هواك قلبي غير متواجدة حالياً   رد مع اقتباس
قديم 27-12-2013, 01:44:57 PM   #49
هواك قلبي
كــويــتــيــة فــعــالــة
 
الصورة الرمزية هواك قلبي
 
تاريخ التسجيل: Jul 2012
المشاركات: 397
افتراضي رد: رواية عاشقة الشيطان >>جديد قلب المحرق

في اليوم الثاني ..الخميس ..الساعة 6:30ص

عوش تصور المقطع الخامس في الكيك

كانت الكامره ع اغراش الماي

عو ش بستهبال ماتغيره ولاا تقدر تغيره :هاااي كيكرز ..تعرفون شنو تحتوي هالغراش ..اممممم ما راح اقولكم هع هع ..لاا لاا كسرتوا خاطري ..تحتوي ع خلطة سحرية انا مسويتها وهي خل وبصل وفلفل اسود وثووم ..تعرفون ليش هالخلطة ..انا اقولكم للوتر دي طبعاا هع هع هع ...اوكي تأخر الوقت باااي كيكرز ..

بلمسه وحدة وصل الفيديو لاكبر عدد من الناس بسرعة خياليه

في مكان مب بعيد عن عوووش قاعد يطالع مقطع لمدة 37 ثانية يموت من الضحك

ابراهيم وهو يضحك:ههههههههه هالبنية مب صج مينن

صح عبوود

عبدالله:حدها خبلة وبقرة بعد <<مايدري اخته هع

ابراهيم :تصدق من اول مقطع لها مت من الضحك وحبيت من قلب اتابعها وكل مقطع يضحك اكثر من الثاني ماهقيت ان البنات جيه مينن

عبدالله طنشه وتم يصارخ :عوووش يالله عاد ماصرت صبر

عوش نزلت وهي حاملة جيس عود وهي مطلعه لسانها من التعب وتغني :اسمع اسمع عيني تدمع اربع اربع يالله يالــــــلــــــــــــه والله ماصارت صبرر

عبدالله بعصبية يأشر ع لسانها :جلب انتي جلب

عوش بعصبية :مافيه غيرك جلب

عبدالله :فيه ابنية تطلع لسانها جذية

عووش :ايييييه

عبدالله :من ياالرقيقة ؟؟

عووش بفتخار :اونه طبعاا

.....:هههه

عوش التفتت صوب الصوت والضحكة الجذااابة الا تجوف حب حياتها ابراهيم حست بحراج لمجر انه سمعها عووش شعرها مهدود ع طوله الي اهو اصلا لين تحت كتفها تقريباا ومياوده الجيس بطريقة مضحكة جنة ياهل في حضنها

دخلت بهدوء والاحراج للحين من ابراهيم من القهر ودها تذبح عبدالله

طول الطريج وبراهيم وعبدالله يسولفون

ع فكرة :ترا عووش وفطوم وحوراء ثاني ثانوي وبراهيم توجيهي (ثالث)وعبدالله راسب سنة يعني لازم يكون متخرج حالياا لكن شيسوي بعد

وقف عبدالله السيارة ونزلت عوش عبدالله بطل الدريشة وقال:وين شنطتج

عووش وهي تمشي :في البيت

عبدالله :ليش

عوش :مالها داعي

عبدالله بصوت عالي:حمدالله والشكر

عووش وهي تصارخ:عللليك

عبدالله &ابراهيم :هههههههههه

.................

من صوب ثاني كانت حوراء وفطوم ناطرين عووش

ولمجرد ما جافوا ركضوا صوبها وحضنوها

فطووم :هااا الحب اشعندج شاقة الحلج

حوراء بخبث:اكيد جايفه حبيب القلب ولااا

عووش بحب:يالبييييييييييييه

فطوم وحوراء ضحكوا

عووش بقهر :اووف لو تعرفون اشصار فيني

حوراء :ااشفيج بعد

عووش:عبوود الخدي حسبي الله عليه

فطوم بضحكة :شمسوي

عووش قالت لهم الموقف مع عبدالله وشلون كان ابراهيم يضحك عليها وبتفاصيل بعد

فطووم ميته ضحكـ:وككككككككك طاح ويهج الحين وين تودينه

حوراء:فطووم اشفيج ترا الموقف حده عادي

فطوم بضحكة:كلش هع

عوش بقهر:جب يالله جب عطيتج ويه

حوراء تغير الموضوع:هاه شخبار الخلطة \

عووش شالت الجيسه ببتسامة شريرة :تمــــــــــام

فطوم :وايد زين حتى اونه الخلطه وياي ويبتها بعد

عووش:وايد وايد زين

طق الجرس والكل تيمع

وبعد الطابور مباشرة ابتدوا البنات يلعبون بمرح

شهد مايات والكل استغرب مع انها صاحبة الفكرة

وشهناز ونور وشلتهم كل وحدة مياوده غرشة مااي وتكتها ع الثانية

اما عووش وحوراء وفاطمة يكتون ع البنات ويشردون علشان مايلحظون

لكن الريحة الخل فاحت ونتشرت بسرعة خيالية

لحد ان بعض البنات شكوا في ريحتهم واولهم مها الي عووش ماخلت شي من الخلطة ما كتته عليها <<لانها تكرهها هع هع

مها وقف قلبها لين شمت ريحتها وراحت الحماام تتأكد

ووايد بنات وقفوا العب اما عوش وفطوم وحوراء قطوا اغراش الخل وبتدوا يلعبون بمااي عادي علشان مايشك احد فيهم

فطووم تسبحت من المااي الي انكت عليها وطبعاا اهي حدها مستانسة ..بعد ما تعبت من الركض تسندت ع الطوفه الي وراها وهي تراقب شهناز اشلون تضحك وتعلب مع نور وشلون شعرها مبلل وثيابها تقطر مااي

حست فطوم بشعور كبير اتجاه شنهاز خصوصاا بعد ذاك الموقف معاها مع انه جداا عادي ..

فطوم دخلت السكول وهي تتمشى تجوف وين حورااء ..تمت رايحة راده ع الحمام(وانتوا الاكرميين)لانها تعرف حوراء كله في الحمام تتعدل ..بعد ما ملت من الهياته قررت تنطر صوب الحمامات

فطووم وهي تلعب بالقلم الي فيدها سمعت صوت مب غريب عليها

شهناز وهي تصارخ:نووور ترا الموضوع جداا عادي واله داعي تزعلين

نور معصبة :شهناز انتي ماتعرفين امي زين ..امي ع اتفه الاسباب تسوي مشكلة

شنهاز التفتت للابنيه الي قاعدة تسمعهم بهدوء ابتسمت لها وبعدين قالت :ابنية

فطوم بأستغراب:اناا

شهناز قعدت يمها وهي تضحك :فيه غيرج

فطوم ببتسامة :ما اعتقد

شهناز اشرت لنور تيي تقعد يمهم ..نور بسرعة قعدت وهي زعلانه وشهناز مبتسمة سألت فطووم:ممكن اسألج سأل؟؟

فطوم :اييه قولي

شهناز :اذا احد قالج انتي دلووعة بتزعلين

فطوم بضحكة:لااا كلش ..ماعندي سالفة

شهناز التفتت لنور وجنها تقول لها سمعتي وبعدين كملت :انزين واذا احد عطاج هدية بتقبلينها ولاا لاااا

فطوم حدها مستغربة من اسألت شهناز:لااا بالعكس بستانس

نور :انزين واذا امج شكاكة وتفهم غلط بتقبلينها

فطوم:اشلون يعني

نور كملت بعفوية :يعني تظن انها من اصبي مثلا وهي تحب المشاكل

فطوم:والله خل تفهم الشي ع كيفها اهم شي اناا اعرف الهدية من عطاني ايها..

شهناز بحمااس :جفتي قلت لج الموضوع كلش عادي

نور قامت وهي تمشي بروحها :والله كل شخص رإأيه غير

شهناز التفتت لفطووم ببتسامة حلوة :شكراا ع المساعدة ياحلوة

فطوم ابتسمت :العفوو.. ولو

نرجع لأرض الواقع

حوراء تركض صوب فطووم بسرعة لين طاحت عليها

فطووم دزتها بعصبية :اشفيج ابقرة ماتجوفين

حوراء عدلت مريولها وقعدت يم فطووم وهي تضحك:هههه

فطوم منقهرة حدها:ليييش تضحكين فيه شي يضحكج

حوراء تتكلم وتضحك في الوقت نفسه :مها ههههههه صادوها ههههههههههه عبالهم ههههههههه اهي هههههههههه الي هههههههه كاته هههههههه ع ههههههههه البنات هههههه خلطة الخل ههههههههه والحين ههههههههههه فصلوها من ههههههه السكول هههههههه 3 ههههه ايام

فطوم وهي تقلدها :صج ههههههه ابييييه هههههههههه ماصدق هههههههههه...بعدين قالت بجدية ..ترا مافهمت شي انزيين

طبعاا حوراء تضحك بشكل مو طبيعي لين صار خشمها حمر وهي مياوده بطنها وميته من الضحك

يات عوووووووش وهي تضحك بخبث:وككككككككككككككككككك كككككككككككككككككككككككك كككككك

فطوم حطت يدها ع راسها :يكفيني وحدة تي الثانية

عووش قعدت يم فطوم من الصوب الثاني :وكككككك مو قلت لكم بيي يوم اطلع القهر فيها

فطوم استوعب اخيراا :اها يعني طاحت السالفة ع مهووي

حوراء وهي مب قادرة توقف ضحك:هههه لو جفتي شكلها اشلون منصدمة لين صادوها اشوي وتطيح عليهم ههه





عووش :اييه ولاا يفوتج شكل فهود وهي تطالع مها صج فله هههههههههه

................

من صوب ثاني

نور :وييييييييع صج وسخة خل مرة وحدة وع وع

شهناز حدها مستانسة :هههه تستاهل والله

مرام :حررام عليكم والله شكلها تكسر الخاطر

نور :روحي انزييين اصلا اهي انسانة مقرفة بس ماتوقعت مرة وحدة خل تكته ع البنات واصلا ثلاثة ايام فصل اشوي عليها صح شهووب

شهناز :هه صح حبيبتي

..................

في مكان ثاني يسوده الهدوء وصوت امواج البحر

قاعدة بروحها تطالع البحر بحزن شديد وهي ساكتة

تفكر بوايد اشياء والولهم *** الي للحين مب مصدقة انها ماتت..

قامت جود وهي تحس عضامها متكسرة من النوم ع كرسي السيارة جافت الساعة ونقزت متخرعة :اووف معقولة احنا اهنية من امس

قامت بسرعة وهي تطالع قدامها و تجوف صديقة عمرها قاعدة بروحها تتأمل البحر الازرق مع نور الشمس الذهبي الي يسود السماء الزرقاء في بداية اشراقه ..قامت بهدوء وقربت منها ..حطت يدها ع كتف سمراوي وقالت بصوت حنون :الحين احسن ..

قالت بهدوء يكسر القلب :اشلون تبيني اكون احسن بعد الي سمعته ..

جود بحزن قعدت يم سمراوي :بس انتي ما تأكدتي من الخبر

سمراوي بحزن :انا سمعتهم بأذني

جود:بس ما سمعتي حديثهم للنهاية

سمراوي:اشتبيني اسمع بعد

جود تنهدت:سمراوي تأكدي يمكن الي سمعتيه غلط

سمراوي بنفعال:تبيني اكذب واصدق الكذبة الي كذبتها

جود بقهر :بس انتي مب متأكدة جم مرة اقولج

سمراوي طلعت تلفونها واتصلت ع احد اتباعها :اوكي بتأكد

.....:اهلا

سمراوي بدون مقدمات :جاسر اسمعني زين ..ابيك تتأكد من وفات وحدة اسمها *** الحمد

جاسر :ان شاء الله تامر بش ثاني طويل العمر

سمراوي:لاا بس ابيك ترد علي بسرعة فاهم

جاسر :حاضر ..اوامر ثانية

سمراوي :لااا

صكت سمراوي فونها ولتفتت لجود لمتابعتها:والحين بنتأكد

جود اكتفت ببتسامة تهدي فيها سمراوي
.....................




__________________
رواية المرجوجات
رواية حياتي بكل تفاصيلها تبي تعيش عيش معاي >>يالبى
موااقفي الي صارت في حياتي مالهم حل
قلوا مرجوجة قلت لهم يالبى الرجة دامهم سميتوني عليها
كبرت والرجة للحين موجودة فيني شسوي قولوا لي
اطلب طبيب نفسي
ولا اقعد جيه ع رجتي ارجكم وانتوا تصارخون ههه
تابعوني

فوق كل هاذا بتم اعقل مرجوجـــــــــــــــــــــــــــــــــة
هواك قلبي غير متواجدة حالياً   رد مع اقتباس
قديم 27-12-2013, 01:45:46 PM   #50
هواك قلبي
كــويــتــيــة فــعــالــة
 
الصورة الرمزية هواك قلبي
 
تاريخ التسجيل: Jul 2012
المشاركات: 397
افتراضي رد: رواية عاشقة الشيطان >>جديد قلب المحرق

.....................
عند هند وامل
هند خذت امها وودتها البيت اما امل دخلت الغرفة عند *** الي نايمة ع سريرها ودموعها الجافة ع خدها
امل قعدت بهدوء في الكرسي يم سرير ***
*** حست بحركة علشان جية بطلت عيونها وقالت بخووف:من؟؟
امل ابتسمت :لاا تخافين انا امل صديقة هند
*** براحة تعدل قعدتها :ايييييه هلا امل اشلونج
امل :بخير انتي اشلونكم ان شاء الله احسن من قبل
*** بحزن:الحمدلله
امل ابتسمت وهي تحاول تواسي *** الي حزنها انعكس ع شكلها :لاا تزعلين ياسحر ..الله خذا منج شي وعطاج شي ثاني ولاا تنسين ان اهلج بيودونج برا علشان تتعلجين وان شاء الله تردين تجوفين من يديد
*** نزلت ادموعها بدون سابق انذار بحزن شديد:اهى اهى ..امل انتي ماجربتي تكونين عمياا اشلون كنتي تجوفين ومرة وحده ماتجوفين الا ضلمة معتمة ..انا صرت اخاف اقعد بروحي ...
امل بحزن:قدر الله مشاء فعل ..ان شاءالله ربج يعوضج وترجعين تجوفين احسن من قبل
*** بحزن:تهقين فيه أمل
امل سكتت
*** صاحت اكثر من قبل:كله منها حسبي الله عليها
امل استغربت من حجي *** :من هاذي
*** انهارت وهي تصارخ:سمراوي يعلني اجوف فيها يوم ..قلت لها خففي السرعة ماسمعتني وبلعكس صارت اسر واسرع لين مرة وحدة اجوف السيارة تنزل تحت المااي بسرعة حسيت بشي ثقيل طحت عليه وبعدين ما حسيت بشي ثاني ..كله بسببها
امل ياودت ايد *** :خلاص ياسحر لاا تعورين قلبج وكله مكتوب وانتي ماتقدرين تمنعين المكتوب لج
*** سكتت وهي تبكي بصمت
وامل تهديها
من صوب ثاني
وصل لسمراوي ان *** مافيها شي وهي عايشة وانا الحجي الي سمعته مب صحيح
سمراوي طارت من الفرحة ماصدق ع الله
جود وايد استانست ان الموضوع كلة غلط وسحر مافيها شي بس بس سمراوي ماتعرف للحين ان *** عميى
....
في المخزن الضيق ابنية تصارخ بألم وترجي واثار الضرب المبرح ع جسمها بطريقة وحشيه:خااالد افتح الباااب
خالد بعصبية يصارخ:موتي ياقذرة
سارة بألم متكورة ع نفسها وهي تصيح وتصارخ :خاالد والله ماسويت شي
خالد ماهتم لكلام سارة وترجيها ولتفت لمه الي تبكي ع حالة بنتها:سمعيني زيين يمة ترا ان دريت انج حاولتي تفتحين الباب لهاذي الزبالة او تعطينها اي شي صدقيني بتجوفين شي بحياتج ماجفتيه
ام خالد تبكي بقهر :خاالد حرام عليك هاذي اختك خاف الله فيها
خالد صارخ لحد ان عروق ارقبته صارت واضحة :هاذي مب اختي هاذي مجرد قذارة تستحق الموووت
سارة صاحت اكثر وهي تسمع حجي خالد الي مثل السم
اما احمد واقف مكانة ماتحرك وهو يسمع صراخ سارة وبجي امها
وعصبية خالد وهو متحسف انه قال لخالد بس شيسوي اهي الي اجبرته ع هالشي
خالد قرب من احمد وقال:شكرا احمد والله انت راعي واجب غيرك فضحنا
احمد:افا عليك ياخالد انتي اككثر من ولد عم انت اخوي وشرفك من شرفي ولاا نسيت
خالد:تسلم .الحين تقدر تمشي ..تعبناك ويانا
احمد:اشدعوة ياخوي ..بس لاا تقسى ع سارة تراها بنية ماتعرف شتسوي
خالد يحاول يمسك اعصابة :شكراا ..تقدر تروح
احمد انسحب بدون ما يتكلم لانه يعرف خالد زين اذا عصب :اوكيه ..فمان الله
خالد:فمان الرحمن
طلع حمد وراح سيارته ومشى بيتهم وهو يفكر
اما خالد راح غرفتة وغير ملابسة وطلع وهو مو مهتم لصراخ سارة وألمها الي واضح من حجيها المألم
..
..
وصل خالد الشقة الي حجزها علشان يقابل البنت الي يواعدها او بمعنى اخر علشان ينفذ الشي الي ياما يسويه في بنات خلق الله .....
طق طق طق
خالد عدل فانيلته وفتح الباب ببتسامة :هلا والله
البنت بخوف :خالد اشلونك الحين ؟؟
خالد يمثل المرض:حدي تعبان
البنت:ياحياتي ماتجوف شر ..وان شاءالله هاذا اخر امراضك وان شاء الله بقية ايامك من اليوم كلها افراح
خالد برومانسية :حياتي كلها افراح من جفتج
البنت عطت خالد هدية مغلفة بشكل حلوو ومميز بلون ذهبي مع احمر ملفت
خالد ابتسم:ليش ياحياتي كلفتي ع نفسج
البنت بدلع:كل عام وانت بخير ياحياتي..وهاذي ماتسوى اي شي سويته معاي
خالد:وانتي بخير ..تفضلي
البنت بخوف وستعجال واضح:اوكي حياتي بس بسرعة
خالد :اوكي بس بعطيج شي
البنت وهي توها مستوعبة المكان الي اهي فيه الي هو عبارة عن منطقه بعيدة بمسافات عن المحرق.. كلها فنادق وديسكوات من حولها حست بخوف بعد ماجافت المكان خالي تماماا جنه مافيه احد غير خالد موجود في العمارة وهاذا الشي الي صج خوفها لأول مرة :انا خايفة بسرعة عطني الشي الي قلت عنة وخلني امشي
خالد بعتراض:لاا مايصير جية ياحلوة تزوريني وما تدخلين ترا ازعل منج
البنت :لاا ماله داعي ادخل
خالد ببتسامة جذابة :لاا يا هنووف مايصير هلون ..لاا تزعليني منج وخلج شطورة ودخلي
هنوف بعد تردد دشت :بس ماراح اطول
خالد بخبث صك الباب وشال المفتاح وحطة في مخبااه :لاا تخافين كلها ربع ساعة ماراح نطول
هنوف تطالع خالد بخوف:انزين ليش صكيت الباب
خالد ابتسم ومسكها من كتفها ورماها ع الارض وهي تصيح بخوف:خالد اشفيك
خالد بخبث:من صجج انا ممكن انادي ابنية لعمارة مجهورة تماما من الناس بس علشان اجوفها هههههه لاا ياماما انتي طحتي في شباكي ومستحيل اهدج بهاذي السهولة
خالد حذف عليها حبوب وطالعها بحتقار وقال بخبث:هلا فيج يالقطعة
هنوف بخووف وهي تجوف الحبوب :شنو هاذا
خالد بخبث:مخدرات
هنوف وهي تصيح :شنووو
خالد ضحك بقوة:هههه اشفيج لاا تخافين ..هاذي حبوب منع الحمل
هنوف استوعبت الشي وعرفت ان مرضه كلها خدعة علشان تيي عنده بسهولة بدون اي اجبار منها ..حست بخوف مب طبيعي فما كان عندها الا تصارخ عليه عل وعسى يرهف بحالها :لييش ياخالد انا اسويت فيك
خالد طنشها وهو يبتسم بخبث ومكر شديد وهو يسحبها بقوة
وهي تحاول تمنعه بس ماقدرت لانها بأخير ابنية بس دوم خالد كان القوى مسكها من كتفها لين دخلت اظافره في ازنودها البيضااء بطريقة بشعة وشرسة
وو.............
بعد فترة
هنوف مازالت تصيح
خالد بعصبية :خلاص سكتي ياقذرة
هنوف بقهر وسط شهقاتها :انا ماسويت لك شي ..ليش تسوي فيني جذية
خالد وهو يضحك:ههههههه لانج غبية وانا اكره الغبيات مثلج ..
هنوف صاحت اكثر
وخالد ضحك :ههه جفتي اشلون كسرت غرورج ياهنوف ..الحين صرتي قطعة مستعملة مثلج مثل غيرج
هنوف بقههر وهي تصيح:حقققققققققير..انت مب انساان انت شيطااان ..تسمعني شيطاان
خالد تم يضحك :هههههههههههههههه ياحلو شيطان منج..وبجدية..خلاص ياحلوة خلصت العبة ويالله برااا
هنوف منصدمة ماتوققعت خالد حقير لهالحد
خالد مسكها من طرف ثيابها وطردها :يالله براااااااااااا يازبالة
هنوف من الصدمة تمت مكانة مرمية مكانها ما تحركت
حاوولت تقوم لكن ماقدرت الصدمة شلت حركتها عقب ماكان معاها الا الحبي
صارت تحبي لين وصلت الاصنصير
بعد فترة وقفت وهي تحس بصداع عجيب وهي تمشي في الشارع مرة وحده
.....
...
..
.
وطوووووووووووووووط
انتهى البارت
يالله ياحلوين توقعاتكم
تهقون مها بتسكت عن الي صار ؟؟
وتهقون نور ليش خايفة هالكثر من امها ؟؟
وتهقون شنو مصير *** ؟؟
وشنو بتسوي سمراوي بعد ماعرفت ان *** للحين عايشة ومافيها شي؟؟
وتهقون سارة شنو مصيرها بعد الي صار ؟؟
وتهقون شنو مصير هند مع خالد الي طلع ع حقيقته؟؟
وتهقون شنو الحل الي توصلت له مشاعل مع بنتها شهد؟
وتهقون شنو بيصير في هنوف بعد ما اخذ خالد اغلى شي عندها ؟؟
يالله عااد اشعلوني بحماسكم يالغلا




__________________
رواية المرجوجات
رواية حياتي بكل تفاصيلها تبي تعيش عيش معاي >>يالبى
موااقفي الي صارت في حياتي مالهم حل
قلوا مرجوجة قلت لهم يالبى الرجة دامهم سميتوني عليها
كبرت والرجة للحين موجودة فيني شسوي قولوا لي
اطلب طبيب نفسي
ولا اقعد جيه ع رجتي ارجكم وانتوا تصارخون ههه
تابعوني

فوق كل هاذا بتم اعقل مرجوجـــــــــــــــــــــــــــــــــة
هواك قلبي غير متواجدة حالياً   رد مع اقتباس
قديم 04-02-2014, 04:48:25 AM   #51
هواك قلبي
كــويــتــيــة فــعــالــة
 
الصورة الرمزية هواك قلبي
 
تاريخ التسجيل: Jul 2012
المشاركات: 397
افتراضي رد: رواية عاشقة الشيطان >>جديد قلب المحرق

كويتيااات هالسنة موعاجني متابعتهم كللللللللش



__________________
رواية المرجوجات
رواية حياتي بكل تفاصيلها تبي تعيش عيش معاي >>يالبى
موااقفي الي صارت في حياتي مالهم حل
قلوا مرجوجة قلت لهم يالبى الرجة دامهم سميتوني عليها
كبرت والرجة للحين موجودة فيني شسوي قولوا لي
اطلب طبيب نفسي
ولا اقعد جيه ع رجتي ارجكم وانتوا تصارخون ههه
تابعوني

فوق كل هاذا بتم اعقل مرجوجـــــــــــــــــــــــــــــــــة
هواك قلبي غير متواجدة حالياً   رد مع اقتباس
إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن حسب دولة الكويت : 05:23:08 PM.