|| شلـون عرفتـي إنـج حـامل و أي حـزة .. خلنـا نسـولف ونفرفـرش شـوي تعـالو كروشـات ||

[اخت خالتهم]

السـلام عليـكم ورحمـة الله وبركـاته

شلـونكم شخبـاركم


حتـى لـو المـوضـوع شبـه مكـرر خلنـا نعيـده نسـوي يديد حـق هالأجيـال اليـديده


السـؤال كـ التـالي ..

شلـون عرفتـي إنـج حـامل .. يعني شـنو الموقف اللي خـلاج تشكيـن وهل كنتي متـوقعـه :eh_s(7):

يـلا نـاطريـنكم

خلنـا نسـولف و نفرفـش شـوي

<< هـذا المستخدم يشـوف سبـونج بـوب حـاليـا :eh_s(4):

.
.

أحبـكم فـي الله حبـايبي

 

[روح فـهـد]

وعليكم السلام انا عرفت من ٣ ايام اني حامل تأخرت علي الدوره اسبوع حللت طلعت حامل

 

[Perfume]

وعليكم السلام حبيبتي
انا كنت آخذ حبوب مانع ومتعودة من اقطهم تنزل علي الدورة بعد يوم أو يومين
آخر مرة قطيتهم وظليت ١٠ ايام مانزلت الدورة !!
ظليت مكابرة وانتظر بعدين امي قالتلي روحي فحصي احسن ، رحت المستشفى وطلعت النتيجة حااااامل
تفاجأت حيييل مع اني كنت متوقعة بس مو مصدقة
بعد جم يوم راحت الصدمة واستوعبت الموضوع واستانست وااايد وبعدها بدت النساااااة ولوعة الجبد وكررهت عمري
بس الحمد لله مرت التجربة وولدي عمره سنة الحين الله يخليه ويحفظه

الله يقومج بالسلامة ويسهل عليج وتكتبين قصة ولادتج

 

[شـوق@]

انا كنت قاطعه الحبووب بس ماحملت علي طول

واخر دوره طولت ماتوقعت حامل سويت سونار مابين

وبعدها بسبوع سويت تحليل منزلي وبين


وتسلمين ع الموضوع قلبي


انتي قولي لنا شلون عرفتي

 

[اخت خالتهم]

حيـاكم الله والله يخليهم لكم يـارب


انـا كنت أسـوي طريقـة عشـان أمنع الحمـل لأن جربت الحمل و اجهضت والصـراحه خفت
قلت برتـاح سنة كاملـه بعدين بحمـل
و الطريقة فادتني 6 أشهـر بس بالشهر السادس سبحـان الله مره صـارت بالغلط
و حملت وقتهـا وما كنت متوقعـه
و انا دورتي انتظمت يعني صارت كل 29 يوم
و نسيت متى اخر مرة نازلة الدورة ناسية التاريخ و ما حسيت بأعراضها
لما استوعبت ان متأخره اسبوع قلت معقوله حللت و الا تبـارك الله حـامل
و ما بدت النساه الا بعد التحليل ب3 اسابيـع
كنت بالافنيوز لما حللت و ما بين خطين حطيته بالجنطة بعدين فتحتها باخذ شغله
الا القاه خطين و واضحين حيل و حمدت ربي وشكرته

 

[مشتطـه]

آنـا كان مار على عرسي شهرين و نص

وكنت ب بيت رفيجتي يمعة رفيجاتي
رحت الحمام مرتين استحيت وانا اطلب ابي الحمام مصختها
المهم والا وحده تقولي اي الحمال جذي كله حمام
قلت شكو مو حامل لول اصلا الدورة موعدها اليوم واعراضها كلها فيني عوار بطن وظهر وصدر

وكنت ناطرتها اليوم بتنزل لان حسيت بأعراضها جم يوم

و وحده قالت لي أمبي متنتي انفجرتي
زدت 4 كيلو
والثانية تقول منتفخه شفيج
قلت مادري من البلعه

حنت علي رفيجتي توأم روحي اهي واختي واحنا رادين بالسيارة
ان احلل
مرينا الصيدلية نزلت اختي شرته لي
سويته بالبيت الساعه 11 ونص بليل
والا خطين

للعلم كنت مسويته مرتين قبل وكله خط


استخفيت رجفت ماصدقت عبالي جذب شعور ما اقدر اوصفه
دقيت على اختي وانا ارجف ههههههههههههههههههههههه وصارت مناحه
دقيت على امي والا عندها حريم ب بيت يدتي
طبعآ من الصدمـة ماتدري شتقول ههههههههههههههههههههه
وااااي الموقف فظيييع وبنفس اليوم بجيت تضايقت من شغله
اذكر هاليوم عدل


وريلي عباله جذب ما يصدق تحليل البول يقول مو دقيق ما اشتط
انا حنيت عليه الا اروح المستشفى ولما قالولي مبروك حامل تشققققققق حددددده واستانس
وردينا البيت علم خالتي دش عليها بغرفة النوم كانت بتنام
ولمتني وبجت هههههههههههههههههههه اهي صغيره واول حفيد لها

 

[اخت خالتهم]

مشتطة يختي عليج
واي موقف خالتج خله العبرة تخنقني

 

[ELFAD3Ah]

انا عرفت بالبيبي الاول كانت متاخره علي الدوره ورحت شريت من الصيدلية تحليل وحللت ومحد يدري ولا يطلع خطين
اما البيبي الثاني كنت كله دايخه و طايحه بالفراش ومالي خلق شي شكيت بالموضوع جان اروح اسوي تحليل هرموني ولا يطلع في حمل

 

[ورد جوري احمر]

الله يتمم لكم على خير وتقومون بالسلامه
كنت اجهز اغراضي الى ألحج واول ماركبت السياره
حسيت بدوخه وكنت رايحه السوق اقضي
واول مادخلت حسيت حالي بيغمى علي
وقلت الى زوجي ابي عصير ليمون حاسه بلوعه قويه
وخفت اكون حامل
لأني كنت ابي احج
وسويت تحليل وطلع خط واحد
وكنت متردده عشان أخذ الابره حقت الحج بس حسيت احد يقول الي صبري
بعد يومين سويت تحليل دم وطلعت النتيجه حامل

والحمد لله على كل حال

*

 

[اخت خالتهم]

ورد
حبيبتي ربي يتمم عليج سبحانك ياربي

 

[ReEm Q6R]

انا عرفت عقب ماتاخرت الدوره يومين مع اني كنت احس باعراض الدوره ،.
حتى كنت اقول حق زوجي انا بتسبح وانت نقع الحسو ( الرشاد) فالماي واذا خلصت بسوي حليب بالحسو عشان تنزل ،.
خلصت من السبوح اقول حق ريلي وين الحسو يقول ماحصلته قلت خلاص مابي ،. سبحان الله كانها خيره،.
وفليل ريلي جابلي الجهاز وحللت وطلع خطين واحد خفييييف متردد يطلع ،.
وثاني يوم قلتله ودني المختبر .. وحللت كان ١٢ قالت تعالي عقب يومين ورحت مره ثانيه ولا صار ٣٤ يعني حامل الحمدلله ..

 

[virgo88]

اب اب

 

[اخت خالتهم]

ريومه سبحان الله انا كنت اسوي رياضه عشان تنزل و كنت اقول حق امي سويلي اعشاب ومارضت

 

[جعفريه و أفتخر]

أنا طبعا لما عرفت فلم طبعا هذا قبل موعدها بخمس أيام اول شئ قبل بيوم كان نازل علي نقطه دم خفيف و حسبالي الدورة بتجدم موعدها و شربت دارسين بالدوام بس الله ستر عقبها بيوم قعدت الصبح تكرمين دشيت الحمام بعدين طلعت ركض و أقول خن أجرب الفحص المنزلي و الحمدلله طلع خطين خط خفيف و خط غامج ركضت و قعدت ريلي قوم قوم لول اخترع قتله أنا حامل بس طيران على المستشفى نتأكد لانه قبل موعدها سويت الهرموني و قالولي في حمل بدايته و خلوني عقب يومين أعيده عشان يتأكدون من الحمل و الحمدلله حملت عقب سنة زواج و الله يتمم لي و حق كل حامل يارب ...

 

[اخت خالتهم]

جعفرية تبارك الله حاسه فيج حبيبتي والله يتمم عليج

 

[قَلبڪْ صًخرْ]

انا ماحللت ولا ابي احلل
متاخره ١٠ ايام

بس لان لي سنة وسبع شهور زواج
وماكنت اظن اني حامل
بس ريلي وهو موديني بيت اهلي
قالي بمر صيدليه وشرالي تحليل
قلت شكو مو حامل
قال امبلا ههههههه
ونسيت تحليل وعلى س ٨ ذكرته
حللت شفت خطين
هو بجي صار فلم هندي
امي قالت امشي نتاكد من تحليل دم
حللت وقالت سستر حامل
من فرحتي سجدت بالمختبر
بس كان فاضي هههههههههه

وامي ذبحت من باجر خروف
نذر :/



طبعا ريلي لاتعليق
طخ هههههههههههه
ماحسيت فرحان
بس يقولي كنت ادري
وانه فرحان

 

[ReEm Q6R]

حبيبتي قلبك صخر موقفج مؤثر ،.


الله يتمم لج ان شاءالله ويتمم حق كل الحوامل ونفرح بشوفتهم بحضنا ان شاءالله ،.

 

[مناي@]

آنا بحملى هذا كنت رايحه مع عيالي حولي بارك دخلتهم النطاطيه ورحت تكرمون الحمام اجرب التحليل المنزلي وكنت مستبعده الحمال وسبحان الله طلع خطين وتفاجأت لاني مو متوقعه كلللللش مجرد شك بسيط ١ ./. ورحت حق عيالي وطلعتهم من اللعبه مساكين ما مداهم يلعبون وطيران للمختبر عشان اتاكد وفعلا اكدولي الحمل والحمدلله ،،،

 

[مشتطـه]

واااي قلبك صخر ياععععمممممري جد كش جسمي
عسى الله يتمم حمالج يارب يارب


انا اذكرج بتجمع عرايس ديسمبر 2010
بس انا تأجل عرسي عقبج ب 3 شهووور

 

[مشتطـه]

اخت خالتهم


اي امي وخالتي حيل مشتطين وعليا اول حفيد ومن زمان ماشفنا ياهل
لا خواتي ولا خواته ولا اخوننا متزوجين

احنا البجر ف تأثروو حيل