بقولكم قصة أجمل يوم بحياتي ,, افاده للعرايس الي يترقبون يومهم هذا

السلام عليكم بنات
شلونكم حبيباتي


اليوم شفت موضوع استفسار و غيره للعروسات الي ناطرين
موعد العرس

انا بقول قصتي

أنا كنت أبي اكون ناعمه جدا جدا
و الحمد لله طلعت ناعمه

بشرح لكم شكلي :

نبدي بالنفنوف :
من 360
كان لونه لؤلؤي و ناعم
و على قصة السمكه
ما فيه اي شي يخليني اوفر
حتى اللمعه الي فيه عاديه و هاديه
و كان كله من فوق لي تحت دانتيل
و عليه حركه وحده بس بالصدر

طرحتي اطول من النفنوف و ساده
بس على الجنب دانتيل

تسريحتي :
كانة ناعمه
كنة شاريه تاج ناعم حيل عليه ورد و لولو
و صغير مو كبير
نزلت قذلتي و ثبتها
و ثبت التاج ورى قذلتي على طول
و بعد التاج ثبة الطرحه و سويت كبه ناعمه حيل
ما فيها حركات اصلا ما راح تبين لان الطرحه غطة عليها
و شفتو نهاية التسريحه من ورا
ثبت ورد طبيعي ما يبين الا لمن ترد الطرحه ورى حركه غريبه
رسم توضيحيه :


المكياج :
رمادي و حمره ورديه فاتحه (بيبي بنك)
كان روعه و ناعم
عند كونتينينتال ايلا
فهمتها ابي ناعم و اهيا شغلها روعه
و عدسات تراي كلر رمادي فاتح
انا قلتلها ابي اللمعه خفيفه
و صج الصالون هذا لمن تدشينه تنصدمين
بس اذا وقفتي على راسهم و فهمتيهم الي تبينه يضبطونه
خطة الايلاينير مالتهم روعه

الباقه :
افوايت و ابيض
و كانة مدوره و مريحه
حلو تكون كبيره شوي عشان تغطي
كروشكن
صوره للتوضيح :
http://center.jeddahbikers.com/uploads/jb13014406994.jpg
مثل الالوان تقريبا و حطيت فيها شوية شوارفسكي

الكعب كرمكم الله :
كان طويل و نصيحه
خليه مريح انا اقصر من ريلي
و بالعرس صرت طوله تقريبا
المهم الكعب ابيض او افوايت
و مريييح لا تقوليلي راح يبين
محد بيطل بريلج

الاكسسوارات :
طقم الشبكه و دبلتي
و ساعتي شوبارد
بنات اشترو ذهب نصيحه
ما كنت حاطه اكسسوار غير
التاج و شاريته من ليلى قلري في محل بالنص يبيع اكسسوارات
و عجبني و خذيته

و طبعا لازم كورسيه
و الي جسمها ما يحتاج فهمن مو لازم

صبغ الأضافر :
لونه مثل لون حمرتي وردي فاتح

__

بعد إنتهاء العرس
الحمد لله

رحت الفندق
تسبحت و غسلت جسمي
و شعري
و كانت اختي و امي معاي
اختي سوت شعري استشوار
و حطيت مكياج ناعم
و شلت صبغ الاضافر عدل


نصيحه تسبحي بأول يوم
لا تسوين روحج ذكيه يعني
و تخلين المكياج
اخر شي تقومين من النوم
رموشج طايره و عدساتج يعورنج
و الكريم خرب ويهج
عاد مكياج الصالونات مو
ماركات ترى اقصاهم اذا كشخو سرداب الشايع
و شغل هنود
نصيحه
لان اذا اختج عندج تقدر تمسحلج مكياجج و تشيل الكريم عن ضهرج
و تعطيج رايها بشكلج
خل يشوفج بطبيعتج عشان
ما ينصدم بعدين .. اصلا ما يحبون المكياج القوي
و النعومه احلا شي بالدنيااا

المهم ما علينا خخخخخخخ

اذا بتمسحين مكياجج اول شي انتي و الي معاج
مسحو بمناديل جونسون او اي مناديل تشيل المكياج
بعدها اسرع طريقه تنضيف السنفره
و شعرج فججيه و غسليه من عقب ريحة السبريه الخايسه
و البلاوي الي داخله
اذا تبين ركبي اكستينشن اذا كنتي تحتاجين مع انه مو مهم حيل
بس اذا حبيتي يعني

و بس مكياج ناعم و بلشر وردي
و قلوز او زبدة كاكاو
و اهم شي حطي مسكره و كحل خفيف
و حواجبج ضبطيها اذا تبين حطي مسحة فونديشن اذا تبين
و عطر حق شعرج و جسمج و ديودرينت

أنا لبست تراجي ناعمين على لولو

و قميص النوم ناعم و مستور شوي
لأنه راح تستحين اصلا ودج تختفين من الوجود
بس عادي

ما علينا

اتمنى عجبكم الموضوع
و استفدتو مني

مع تحياتي :eh_s(7):

النفنوف ما اقولج رخيص
بس بالأخر يكون عندج و تقدرين تسوين الي تبينه
تبيعينه او تأجرينه
كان ب 1500
بس صراحه رحت حق كذا مكان
و كذا مصمم مثله ما شفت
و اهو مستورد من برى يعني شغل اوروبي 100%
و تكونين متأكده محد مثلج بالكويت كلها
هذا غير خدمتهم ضبطو النفنوف على جسمي بالضبط
صج روعه المحل هذا و راقي
و في نفانيف ب 800 دينار بس
حيل حلو

حدي اشتطيت :$
الله يبارك بعمرج يا قلبي