الحزن وطرق التعامل معه

الموضوع على كثر ما تحمست اقراه على كثر ما خيب فرحتي
ما اشوف زادني شي ما عدى اخر شي ان لاوجود لعلاج الحزن فهو ليس بمرض
بس اقرى الردود انه شي
شكلي برد اقراه مره ثانيه يمكن فيه شي ما شفته
بس ابستفيد من وجودك وبعرض عليك سالفتي


انا قبل حول 3 سنين مات ابن اخوي وهو ما كمل ال 3 سنين
وكنت متعلقه فيه بشكل كبيرررر وحتى لما مات ... اهلي ما كانوا خايفين على امه .... كانوا خايفين على ليصير فيني شي
بس المفاجاه الي صارت وصدمه الكل ان الله قدرني بني اعدى على الحزن وبنجاح

كنت احبه بشكل فوق الطبيعي احسه كنه قطعه من قلبي وروحي
وكنت اقول هذا ابني ولا تخافون اذا متوا انا بربيه ... وقتها كنت اكلم امه وبوه.. معني ماني من النوع الي اربي وعابل

من كثر حبي له اذكر مره ثوبه كان طايح فالصاله اخذته وحطيته فالدرج وكنت كل ما مريت اخذه وشمه
ومستغربه من نفسي لان انا ماني من هالنوعيه ال ال معرف كيف اقول خل نقول النوعيه السايحه
لا بالعكس بنت متماسكه واعيه وتربيت تربيه جاده وصارمه وحتى لو مشاعري مرهفه تربينا على ان ما نظهرها
لكن ابن اخوي ما قدرت اتحكم بحبي له

كنت لما امه تقعد في بيت اهلها بحكم ان دوام اخوي شفتات
كنت ما اقدر اتحمل ... اصبر نفسي يوم يومين ثلاث ما يجي اليوم الرابع ولا الخامس ولا انا بصيح
وقعد اتاخيله بين يديني وبوس يدي وحضنها !!!
كل هالامور كنت اسويها وهو بعده حي ما ادري كان عندي احساس انه ما بيطول وبيموت كله اتخيل انه بيموت !!!

المهم ... ترى مات غرقان والي مستعجبه منه ان في امور صارت ما اعرف اش اقول عنها .. ظواهر خارجه عن الطبيعه ولا شسالفه

منها ان قبلها بسنه قريت موضوع في مجله يقول لو وصار ان طوفان مر عليكم شثلاث الاشياء بتشيلينها معاج

قلت 1 شهاداتي >> الله وشهادات بس
2 صوري
3 ابن اخوي

وكنت اقرى هالكلام قدامه اهله ( امه وبوه)
وصار ان ابن اخوي مات غرقان الله يرحمه ويجمعنا به

اما مشكلتي هي ان مرات قبل فالفتره الي كانت قريبه من وفاته كانت تصير فيني فوبيا
صرت اخاف احب اي طفل ما عيالنا اخاف انه يموت
بس طردت هالفكره من راسي والحمدلله اعرف احل مشاكلي بنفسي

بس الي فاجئني ان اختي الكبيره بعد لاحظت صارت عندها نفس مشكلتي حتى هي قامت تخاف تحب طفل بشكل كبير
ادري ان السالفه هلوسه بس انا ما قلت لاحد هالشي فلما دريت ان اختي بعد صارت عندها هالوسوسه استغربت انها بعد مثلي
لان ابن اخوي كان غيررررر
سبحان الله كل الناس كانت تحبه حتى الجيران وشغالاتنا .. .. حريم اخواني ربع اخواني اي احد يشوفه يحبه معروف الكل يطلب شوفته
وحتى لما مات اختي كانت تقول هالطفل ماهو من اهل الارض والله اخذه

وانا نسيت السالفه
لكن صار قبل كمن يوم كنت منهبله في بن اختي
بعد هذا اموت فيه وقعد اتامل صوره في تليفوني لما يطولون وما يجون عندنا

فلي صدمني ان قبل كمن يوم كنت قاعده فالصاله وعبر بكلمات عن حبي له قامت امي فجاءه تقول بس لا تحبينه !!!!
طيب ليش ؟؟
قالت اخاف تحبينه ويموت @@ >> فيس منفجع + متحطم

احس معتبريني البومه الي لي حبت طفل معناته ان انتظروا موته >> :"(

يعني انا هلوساتي اعرف اعالجها لكن ان توصل ان اهلي بعد تجيهم نفس الهلوسه الي دارت في بالي هالشي الي فاجاني

ومع العلم ترى امي قليله الكلام
وانا مب محتكه في اهلي كثير
فشدراهم عن تفاصيلي النفسيه

يلا انا كتبت كلامي هذا وانا اعرف انه ماله تفسير
بس بعتبره فضفضه ... مب انت تقول لازم نفضفض عشان نرتاح ونتخلص من احزانا العالقه فينا

والله لا يوجع قلب احد بفقدان شخص غالي علينا .. اللهم امين

اي نسيت اقول ان انا بنت وقرب عمري يصير 28
يعني مشاعر الامومه ما اعرفها لكن مب شرط اكون ام عشان احب طفل بشكل خاص

وعلى سالفه كيف تخطيت حزني
الحمدلله اولا ما اخفيت حزني وطلعته بالكااامل عشان ارتاح
وثانيا ترى هذا تقريبا اول حاله وفاه في بيتنا ف ماعندي خبره
لكن الله سخر لنا قريباتي جونا و واسونا ..
وهم كانت امهم توها ماتت من السرطان وقبله اخوهم بحادث

فكنت اسالهم هل الوجع بيتم فينا العمر كله ؟؟؟
لان كنت احس روحي قاعده تبا تنخلع مني وتطلع ... من شده الحزن
عيوني جفت وكنت احسها بتتقطع ... من كثر البكى... ما بقى دمع على اخر اليوم

فراحت و قالت لي لا كل يوم يمر عليج بيخف الحزن

قلت لها زين بس هل بنساه ولا بظل اتذكره وتقطع في كل مره اتذكره ... قالت لا بتنسين
>> الي يصير ان حتى لما اتذكره اوكي اتذكره لكن من غير مشاعر الحزن .. وهذي رحمه من الله

المهم كلامها ريحني .. وعرفت فايده التعزيه لان قبل كنت احسب ان المعزين ما منهم فايده الا يسون ازعاج لاهل المتوفى
بس الي شفته انهم شغلولنا بالنا فنسونا شوي .. وريحونا الله يجازيهم خير

والحمدلله قدرت انام ليلتها لان هو وصل خبره انه مات عالفجر او 6 الصبح ووقتها كنت صاحيه

المهم وثاني يوم تحسنت لا وبعد قمت شوي اضحك
ثالث يوم بالمره انزاح الحزن مني ومن غالب اهل البيت .. وقمنا نسولف ونضحك ... جد رحمه من الله

بس شفت اخواتي الكبار زي البوم كل ما نسينا يقعدون يعيدون فالسوالف عنه وبطريقه تراجيديه

قلت هذيلا شكلهم بيركون الهم فيني لو ما فيني هم قمت شليت شطنتي وسيده هربت .. رحت مع اختي بيتها
وقعدت فيه اسبوعين
بس كنت اخاف من الليل مب يقولون الليل جلاب الهموم
فقلبت نومي وصرت انام النهار وقوم الليل
والحمدلله عدت الامور على خير
وابدا ما احس بوجع .. بالعكس اخذت اول سنتين كل شوي اذكر اهلي بالمواقف الحلوه الي كانت تصير معاه

بس لما اتخيل موته اتعب .. فتجنبها >> موته كانت مؤلمه مات لحاله فالظلمه محد يعرف ان جنبهم طفل قاعد يموت والناس تمر جنبه ولا هم بعارفين شي ..
مات في حديقه فالنافوره .. ولما فقدته امه قعدت تدور عليه هي واهلها و و و و
تم فالنافوره لين 6 الصبح محد يعرف وينه بالضبط وجت الشرطه ع ساعه 10 الليل
ما اتذكر لان كنت فالبيت ما رحت معاهم
وطلعوا الناس وقعدوا يفتشون فالحديقه هي حديقه للنساء .. ومحد طلعه الا اخوي ..
كان ابن اخوي عطشان وزحف تحت الحاجز الي حول النافوره يبا يشرب ماي وحتى لما طلعه اخوي كان ماسك في يده قشه عصير >> ملاحظه هالجزئيه رجعت اكتبها بعد ما خلصت كلامي
وطلبوا تشريح للجثه لكن اخوي رفض بعد طفل ومات وين الجريمه الي تستلزم تشريحه ومعرفه السبب

**************

وانا اصلا الي خلاني اقدر اتخطى الحزن هو ان ضميري مرتاح ابد ما ضريته او حتى على الاقل اهملته في يوم
بالعكس كنت انا امه

لكن في موقفين صاروا .....هم شوي يتعبوني لما اتذكرها بس ارد وسند نفسي انا هالموقفين مالي ايد فيهم

المهم طولتها فضفضه
شكرا الموضوع جا بوقته قلت خل اطلع كل الي بقلبي >> كله من امي وفختها فيني قبل يومين

مشكور دكتور

الله مواضيع حلوه د.الكريباني
اسأل الله العظيم ان يبعد عنا وعنكم كل اشكال الحزن
وواصل مثل هالمواضيع الحلوه والمفيده دكتور

عشت وعاشت اياديك الطيبه اللي تتحفنا بمثل هالمواضيع الطيبه والتطويريه

الله يوسع صدورنا و يعين كل حزين و مكروب



شكرا

شكرااا لك دكتور احمد الكريباني على هالموضوع