دانه
يعطييييييييييج الف الف عافيه
عليج نور احب رحلات يخت او القارب وين بضبط ؟؟ والاحلى اروح لهالرحلات صبح ولا بليل .؟؟
القريه العالميه قالو عجيبه صح بروحلها
وندر لاند العاب مائيه بس ولا شنو ؟؟
شنو الاماكن اللي تنصحين اروحلها النهار والاماكن اللي اروحلها بليل ؟؟
ويعطييييييييج العافيه
في فندق اسمه " انتركونتيننتال دبي " او " كروان بلازا"
مكانهم عند : فستفيال ستي
و الفندقين مجابلين البحر و عندهم يخوووووووووت خبال و يخوت تموت من الروومنسية من ديكوراتها العجيبة ،، طبعا في الغالي و في الرخيص ،، تستأجرينهم عن طريق الفندق او تطلعين ع البحر بتشوفين ارقام ع اليخوت اتصلي فيهم دوري الارخص لج بيكون احسن
و طبعا ع ما اعتقد الايجار يكون يومي فروحي مع الصبح لين المساء احلى او يعتمد اللي بيأجر لج اليخت اتفقي وياه
القرية العالمية عجيبة عجيبة بتفتح من شهر 10 لين شهر 2
و في مكان لازم تزورونه اسمه
" دراغون مول " سوق التنين ( مكانه ع شارع الامارات دبي )
في محلات كثيرة للأثاث و الديكور و الملابس و الشنط و النعول التقليد و الكريمات و كل شي يخطر ببالكم
السوق كبير اللي تروح لازم ما تلبس كعب عالي تلبس جوتي رياضة
و مقسم لاكثر من 20 قسم كل قسم يشمب الملابس - الاثاث- الستاير-اغطية الفراش- الشنط .....الخ
ونر لاند -------> العاب مائية + ترفيهية (دبي)
وايد وادي --------> العاب مائية (دبي) ( في ايام مخصصة للنساء)
دريم لاند -------> العاب مائية ( في أم القيوين)
ايس لاند --------> العاب مائية ( في راس الخيمة) ____>> المكان كله ثلج وما يتفوت ابدا روووووووعه رووعه و مفتوح و في ايام للنساء
و للتمشية و الوناسة
-
سوق البحار ( جنب دبي مول)
-
نافورة دبي مول
-
مرسى دبي ( من اروع المناطق ،، عن نفسي اروح امشي فيها و فعلا مكان حلووو و راقي و فيه مطاعم و اسعارهم واااااااااايد معقولة )
للتسوق و الاكل و السينما
- مردف ستي سنتر
- مول الامارات
-دبي مول
- فاسيتفال ستي سنتر
مجرد تنبيه:
مرسى دبي فيه سفن و يخوت و سفن خشيبة و حتى فيهم نظام البوفيهات
و اسعارهم متفاوتة فيه الرخيص و فيه الغالي
و في سفن خشيبة سعرها 60 درهم اماراتي تلفج على خور دبي لمدة ساعه كاملة
و نصيحة اللي بتروح دبي تمر على مرسى دبي والله ما يتفوت ابدا طبعا
تروحون له المساء
