كويتيات للطبخ

العودة   منتديات كويتيات النسائية > >

القصص والروايات مانسمعه وما يقوله القصاص .. من خيال وحقيقة وروايات


بِقَلَمِي] لِيش خِنتنِيِ وَ آنَا طُوُل آلْدَرِب أَدَوِرك .. لِيِش !! [..

القصص والروايات



إضافة رد
 
أدوات الموضوع إبحث في الموضوع انواع عرض الموضوع
قديم 14-07-2012, 07:39:38 PM   #1
Vanilla ~
كــويــتــيــة جــديــدة
 
تاريخ التسجيل: Jul 2012
المشاركات: 6

افتراضي بِقَلَمِي] لِيش خِنتنِيِ وَ آنَا طُوُل آلْدَرِب أَدَوِرك .. لِيِش !! [..


السلام عليكم ورحمة الله بركاته
شلونكم حبيباتي شخبارك ؟؟
الصراحة انا يديدة ع المنتدى بس مو اول مرة اكتب رواية لوول ..
الرواية راح تبين لكم جزء واقعي من الحياة اللي قاعدين نعيشها ..
دمجت فيها الوناسة والحزن والفرح والضيقة والخيانة والجذب والنفاق و اشياء اكثر راح تبين من خلال متابعتكم انشالله
ما راح اطول وايد بالكلام .. واتمنى تعجبكم الرواية وتكون بداية حلوة وياكم انشالله .. وهم تكون رواية تستحق التثبيت




واتمنى اللي راح ينقلها يكون اميين وينقل رابط المنتدى بالرواية نفسها
دقايق وينزل البارت انشالله ..



Vanilla ~ غير متواجدة حالياً   رد مع اقتباس
قديم 14-07-2012, 07:43:00 PM   #2
Vanilla ~
كــويــتــيــة جــديــدة
 
تاريخ التسجيل: Jul 2012
المشاركات: 6

افتراضي رد: بِقَلَمِي] لِيش خِنتنِيِ وَ آنَا طُوُل آلْدَرِب أَدَوِرك .. لِيِش !! [..


بيوم كله غيوم .. كانت السما قاع تمطر
والبرق يشب و صوت الرعد قاعد يتردد وكل ماله والصوت يصير اقوى ..
..اكو قلوب مجروحه .. واكو ضماير خاينة .
. واكو مشاعر مهدومة .. و اكو صرخه ..... مكتومة ....

دلال تبجي : معقوووووولة !!!! انت يا مشاري !!!! لييييش !!!

.
.




قبل 5 سنين .. شتاء 2008

الساعه 8:00 ص






دلال : مي ؟؟ .... ميييي ؟؟ ........ ميييييييييييييي !!!


مي تقوم من الفراش معصبة : اووووووف شنووو شتبييييين !!!


دلال اطقها براسها : قصري صوتج شفيج يالخبلة !!! يالله قومي جامعه ما بقى الا ساعه وتصير تسع


مي اطالع الساعه و ترد تنام وتحط الكمبل على ويها : للحينها 8 .. بعدين بعدين روحي انتي انا بنام ما راح اروح


دلال : انتي مينونه ولا شنو !!! عندنا محاضرة مهمة اليوووووم قومي ياااالله بعدين شنو نسيتي مشروعنا ؟؟


مي : ..........


دلال متنرفزة وتخزها : جذي ما تردين ها ؟؟ انا اعلمج بروح والله واوريهم المشروع بروحي وانتي خلج اخذي صفر بعد تدرين الدكتور شلون


مي تخترع وتقوم بسرعه : لااااا لااااااا خلاص بقوم بقوم


دلال : ايييي عبالي بعد .. يلا قومي غسلي ويهج وانا بنطرج تحت ويا امج واخوج


مي تحك راسها على غشمرة وتسولف واهيا تتثاوب : زيييييين زيييييين


دلال تخزها بإستغراب : شهاللبلشه .... الله كريم


خل اسولفلكم شوي عن دلال .. دلال عايشة ويا بنت خالتها بأمريكا .. تدرس هندسة مدنية بجامعة فلوريدا .. ابوها و امها اغرقوا بالبحر واهيا الوحيدة اللي نجت منه .. دلال بنية عمرها 20 سنة طيوبة حيل وقلبها ابيض .. حلوة و بيضة و لون عيونها ازرق وشعرها اشقر ولين نص ظهرها اللي يشوفها يقول انها كلش مو كويتيه لا طويلة ولا قصيرة و رشيقة .. تحب بنت خالتها حيل وتخاف عليها وتعتبرها نفس اختها واكثر .. تحب تساعد الناس حيل وماترد لهم طلب تحب تتغشمر غشمرة حلوة وتتضايق حيل لو شافت اللي تحبهم مضايقيين


.
.



بعد نص ساعة ....

دلال : صبااااح الخييير فهد


فهد يبتسم : يا هلااا يا هلااا صباح النوور والسرور شلونج دلول


دلال : الحمدلله بخير انت شخبارك شمسوي ؟؟


فهد : بخييير داااامج بخييير .. بعدين تعالي وينها مي ؟؟


دلال تتضحك : هههههههه المليقة كانت نايمة فوق تقول ما تبي تروح .. بس ما هديتها قومتها غصب


فهد يضحك وبعدين ينادي امه : خخخخخخ اييي كفوووو زين تسوووين فيها ... عاد امي ليش تأخرت يوعان باكل .. يماااااا وينج عاد بنموت يوووع احنا


ام فهد يايبة صحون الريوق : هاااااو شفيك فهود ما عندي الا ايدتين الله يهداك .. صباح الخير دلولة حبيبتي


دلال : صباح النوور خالتي .. عنج الصحون انا اشيلها


فهد يضحك ويضغط دلال : خوووو يمااا انا شكوو دلال اهيا اللي قعدت تتحلطم وتحن وين الريوق اووين الريوق


دلال توقف ومنصدمة : امبيييييه خاااالتي ترا عيار عيار والله ما قلت جذي


ام فهد وفهد يضحكون : هههههههههه ادري يا بنيتي خو فهد تعرفينه شكثر يحب يضغطكم انتو البنات


فهد يطلع لساه ويسويلها حره


دلال تبقق عيونها وتأشرله انا اعلمك : اييييي خالتي ما علينا منه بييله يوم انشالله ويندم


مي تهجم فجأه : الريووووووووووووووق ماااالي


دلال تخترع : ويعاااااااا شفيج انتي بسم الله مو توج ما تبين تروحين الجامعه


فهد : الحين الساعه 8:45 ص ما بقى شي يالله كل وحده تاخذلها صمونه وعالسيارة


دلال تخز مي : كله بسبة ويهج يالقبسه


مي مندمجه بالصمونه وما ترد : .....


فهد حط صمونه بحلجه و يسولف غلط : يالله جلال يالله مي لاح نتأخر ججي (( يالله دلال يالله مي راح نتأخرجذي ))


دلال حدها متنحة


ام فهد تضحك وتبوس دلال : ههههههههههه ما عليه دلال بيطفرونج .. اخذيلج الصمونه والله وياكم


دلال تبتسم : ههههه خو الصبر مفتاح الفرج .. اوك خالتي مشكورة وتسلم ايدج ... مع السلامة


مي كانت للحين تاكل .. جان تسحبها دلال من ملابسها : انتييي لللحييييييييينج امشي جدااااااااامي يالله


خل اسولفلكم عن اهل مي .. مي عمرها 20 سنة كبر دلال وهم نفس تخصص دلال .. بيضة نوعا ما عيونها عسلي وشعرها بني لا طويلة ولا قصيرة بس اطول من دلال .. طبعها طيبة بس تعشق تملق وتضغط دلال تحب الغشمرة والوناسة شوي كسولة واحيانا تصير بارده ما تنبلع و دايما مع دلال .. فهد عمره 24 سنة يدرس كلية حقوق اخر سنة وانشالله راح يصير محامي .. فهد شخصيته قوية وحلوة مجسم التجسيم الحلو مو ال over حنطاوي عيونه عسلية وشعره اسود وطويل و عيونه ماشالله مرسومة رسم والبنات يموتون عليه .. ام فهد كانت دكتورة بالجامعة بس استقالت يوم توفى زوجها وصارت المسؤؤولية على فهد ...

بجامعة فلوريدا (( ميامي )) ... تحديدا بالقاعة


مي تتحلط : ويييييع ليش تأخر الدكتور قلتلج لا نروح .. بعدين الجو برد برد تثلجت


دلال تخرها : اوووف شفيج تقرقين وايد ما فيج صبر كلش ... الحيين ايي .. وبعدين ليش مو لابسة جاكيت اثقل صج انج خبلة


مي : اووووك دلووولوووو حسابج بعدين


دلال : أي خير يا طير سكتي عاد الدكتور ياه


مي تملق : مابي


دلال تخزها : سكتاااي !!


مي : لأ !!

دلال تسوي خمسه بيدها وتهمس : مالت !!!

مي : عليج


دلال يومها كانت لابسه جاكيت اسود كله فرو وطويل لين الركب و تحته نفنوف قصير و بوت اسود وكانت رابطه شعرها لي فوق مع تراجي دائرية كبيرة و ما كانت حاطه شي علي ويها الا ماسكرا وليبقلوس وكانت حيل حلوة ورقيقة ..


بنص المحاضرة طق الباب ودخل صبي !!

.....: sorry for being late but I'm new here


Doctor : hmmmmm what's your name


......: mshari

Doctor : ok I'll accept that only this time have a seat


مشاري : thanks


مشاري بس دخل القاعه الكل كان متنح .. حده كان زقرت طويل وحنطاوي و مجسم تجسيم حلو و اكو خط عند حواجبه صوب اليسار و شعره نفس شعر Shayne ward ويشبهونه فيه .. كان لابس جاكيت اسود و كاب يشابه كاب برونو مارس

دخل مشاري وقعد بالبانش يم دلال .. و مي بدت تضغطها و تهمس لها امبي شوفي منو قاعد يمج وناسه هع

دلال تهمس وتسولف من تحت ضروسها :جب يالمليقة انا اعلمج ...


وانشالله اذا شفت تفاعل راح اكمل




التعديل الأخير تم بواسطة Vanilla ~ ; 14-07-2012 الساعة 07:46:56 PM
Vanilla ~ غير متواجدة حالياً   رد مع اقتباس
قديم 14-07-2012, 08:19:36 PM   #3
Vanilla ~
كــويــتــيــة جــديــدة
 
تاريخ التسجيل: Jul 2012
المشاركات: 6

افتراضي رد: بِقَلَمِي] لِيش خِنتنِيِ وَ آنَا طُوُل آلْدَرِب أَدَوِرك .. لِيِش !! [..


وينكم



Vanilla ~ غير متواجدة حالياً   رد مع اقتباس
قديم 14-07-2012, 09:48:50 PM   #4
Vanilla ~
كــويــتــيــة جــديــدة
 
تاريخ التسجيل: Jul 2012
المشاركات: 6

افتراضي رد: بِقَلَمِي] لِيش خِنتنِيِ وَ آنَا طُوُل آلْدَرِب أَدَوِرك .. لِيِش !! [..


.
.


خلصت المحاضرة و قدمت دلال ومي المشروع وكان احلى مشروع بين الطلبة الثانيين


مي متشوقه : امبييييييييييه دلوووووول شفتي هذا مشاري اللي قعد يمج مو صج مو صج ايييينننن لا وبعد طلع عربي


دلال تخزها : انتي شفيج خبلة يعني ولا خبلة ؟؟!! وشنو يعني او مرة تشوفين صبي حلو وعربي !! خبلة هاذي صج


مي تملق : اووووف انتي شفيج جذي خو حلاته زقرت ومزيون


دلال : ذلفي ها ذلفي من ويهي الحين

وفجأة

......: لوسمحتي دلال ....


دلال تلتفت ومالها خلق وفجأه تنصدم : هـ !!! هلا !!


مشاري : شلونج ؟؟


دلال مو مستوعبة : الحمدلله بخير !!


مي تتليقف : سبحاااااااان الله تونا كنا ياييبين طاريك هههههههههه


دلال ادوس على ريل مي وتتوهق


مي : آآآآآييييي


مشاري يضحك : هههههههههه صج ؟؟؟ عاد بشنو حشيتو فيني


دلال متوهقه : ها ؟ لا لا مـ مـ ماكو شي كلش هاذي بنت خالتي تعشق الغشمرة مالك شغل فيها



مشاري يبتسم : حبيت اقولج انه مشروعج كان وايد حلو ماشالله .. وحبيت اطلب منج طلب صغير



دلال استحت : مشكوور والله ما تقصر .. أي تفضل


مشاري : دام فضلج .. انا يديد مني وماشالله عليج مبين انج شاطرة وطيبة وحلوة عادي اخذ رقمج لو بغيت مساعده او شي


دلال يوم سمعت جذي انصدمت وهم استحت : من ذوقك هذا .. ب ب بس اهوا يعني تقدر تسأل الدكاترة ماكو مشاكل عندهم


مشاري : عفيه دلال صدقيني ما راح اضايقج ولا راح أأذيج


مي تسحب ملابس دلال وتحرك راسها انه أي وافقي


دلال تسكت مده : ........مادري والله


مشاري : تكفييييييين والله نيتي شريفة جربي ولو ضايقتج سويي اللي تبينه


دلال تاخذ نفس : ......... اوك بس على شرط بس بالدراسة تسأل


مشاري حده مستانس : تامريييييييين امرررررر


عطت دلال الرقم حق مشاري واهيا مو مرتاحه ... ومشت اهيا ومي




.
.


بالبيت ........ الساعة 11:00 بالليل


دلال معصبة : كلللللللللله بسسسسسسسبتتتتتتج


مي تضحك : ههههههههههههههههه شفيج شسووووويت


دلال : قعدتي تقوليين عطيه وعطيه وييييييع مالت عليج


مي : هااااو شفيييج الريال مزيون وبعدين شكله من كلامه حبج


دلال تخزها : انتي مينونة ولا خبلة بفهم انا ؟؟؟؟ وين يحبني وكلام فاضي امانه سكتي ابركلج


مي : صدقييينيييي والله انه (( وقبل لا تكمل يدق فون دلال ))


مي تتليقف وتطالع : منو منو منو


دلال ادزها :ويعاااا وخري .. رقم غريب


مي : ردي خل نشوف منو


دلال : الووو !! (( مي تحط اذونها عالسماعه يم دلال ))


مشاري : هلا دلول شلونج ؟ ..... انا مشاري !!



مي بطلت حلجها حيل جنها تصارخ ومستانسة وتأشرلها كملي كملي و دلال تخزها وبتسوي روحها بطقها بوكس


دلال متوهقه على مستغربة : هـ هلا مشاري ؟؟ خير !


مشاري : سوري لو دقيت بوقت غلط


دلال : لا مو مشكلة آمر !


مشاري : ما يامر عليج عدو .. دلال انا


دلال .......

مشاري : الوو


دلال : أي هلا وياك انت شنو ؟؟


مشاري : لا ماكو شي اسف عالازعاج بس حبيت اسلم



دلال منصدمة حدها :مو مشكلة و الله يسلمك !!!!! عيل باي !!!



مشاري ما وده يصك : ........ باي ...


مي : ها شقال شقال شقال ؟؟؟

دلال مو مستوعبة : قالي دلال انا وسكت وبعدين قال ماكو شي !!!


مي : غريبة !!


دلال : بس تصدقين قلبي مال له !!


مي اطفرها : ايييي اييي شوف منو قام قلبها يحن بعد شفيج خبلة ومينوووونه


دلال تخزها وتسوي روحها زعلت : انا غلطانة تصبحين على خير بنام


مي تضحك : هههههههههههه لا لا اطفرج دلوووول


دلال : زين .. انتي صج حسيتي انه يحبني ؟؟


مي : والله جذي حسيت !!


دلال تسرح شوي ....


مي : دلال !! .... دلااااااااااااااااااااااا اااااال !!!!


دلال : ويعااا انشالله شتبين



مي : شفيج سرحتي ؟؟


دلال تاخذ نفس : والله مادري الايام شمخبيتلنا .. انشالله خير . الحين خل نروح انام عشان باجر بنروح وايد محلات

مي : اوك تصبحين على خير


دلال : وانتي من اهله .....


(( انا شفيني جني استلطفت مشاري !! لا لا شهالخرابيط !! انا بس بجابل دراستي ومالي شغل !! يبيني اساعده بشي يخص الدراسة اوك غير جذي لا شبي فيه !!! يالله شمخبيتلنا الايام ؟؟؟؟ الله يستر ... الله يستر .... ))



يوم يديد ... الساعه 3:30 م


دلال : مي يالله انا بشغل السيارة مو تتأخرين


مي : أي يالله كاني دقيقه واييلج


دلال : اوك


اطلعت دلال وركبت اسليارة وفجأة !!!!!!! طلع واحد من يم الجامة !!!!!

دلال اخترعت خرعة حيل حيل قوية وحطت ايدها على قلبها وبإستغراب : مشـــــــــــــــــــــــ ـــــــــــــــــــــــــ ـاري !!!!


مشاري : اسف والله لو خرعتج !!


دلال ما تدري شتقول : لا ع عادي ! بس شدراك اني اسكن هني ؟؟


مشاري : خو انا هم ساكن هني بس بعيد عنكم بشارعين مناك جذي .. وكنت قاعد اتمشى شوي ولا اصادف القمر


دلال مستحية: هههه بسح عاد


مشاري : فديت اللي يستحوووون


مي اطلعت و ياية بتسولف ولا تنصدم : دلال ترا انا خلص ... مشاري !!!!


مشاري يبتسم : هلا مي شلونج ؟؟


مي : امبي شدراك اننا بهالمنطقة ؟؟


دلال : خو تصدقين مي ! طلع يمنا بس بشارعين !!


مي مستانسة : صج !!!! ونااااااااسة هههههه


مشاري : أي حده وناسة دام يم احلى دلال

دلال مستحية ومنصدمة بنفس الوقت : ..............


مي : وانت شمنزلك الحين ؟؟


مشاري : ماكو بس قلت الجو حلو ومو برد وايد .. وبعدين صح ما قلتولي وين رايحين


دلال : ماكو كنا رايحيين shake shack ناكل شي مناك وعقبها نروح محلات نفتر


مشاري : اهاا عيل مابي اطول عليكم .. وديري بالج على روحج دلوله اوك ترا اخاف عليج


دلال مستحية : انشالله


مشاري : فديتهم .. يلا اشوفج بعدين


دلال : انشالله .. ودير بالك انت بعد

مشاري : من عيوني


دلال مستحية : .....


مي تتليقف : ايييييه هذا هو الحب


دلال تخز مي : جب


مشاري يضحك : فاهمتني مي .. يالله خل نشوفكم .. have a nice day


دلال ومي : you too يلا باي


مشاري : باي


مشت دلال بالسيارة و قعدت تسولف : امبييييييييه مي لو تشوفين شلون فز قلبي يوم شفته حدي اخترعت واستانست بنفس الوقت


مي تبي تنرفزها : أي أي طاع منو يحب


دلال تعصب ودوس بانزين


مي : لا لا لا لاااااا اتغشمر اتغشمر


دلال : مليقة


مي تضحك : هههههههههه .. انزين قوليلي حبيتيه ؟؟


دلال تسكت شوي : ........ مادري يا مي والله ...


مي : شوفي حتى لو قلبج مايل حقه حليج ثقيلة ومخج يابس و بارده وخايسة جذي ليين اهوا ايي


دلال تخزها : انا بارده وخايسة هاااا


مي فيها ضحكة : يبا اتغشمر ويااااج اقصد اهوا شكله يحبج بس انتي خليج ثقيلة نفس كل مرة ليين اهوا اييلج عرفتي !!


دلال كلش مو وياها واطالع بالمنظرة ومستغربة : مي ؟


مي مستغربة : شنو ؟


دلال : اكو سيارة لونها اسود ورانا ملاحظة كل لفة وكل صوب انروحله تيي ورانا ؟؟


مي اطالع ورا : بس مو مبين منو داخل ؟؟


دلال : خل اوقف .....


وقفت دلال ووقفت السيارة !!!!! طقت دلال بانزين ولفت ...


مي منصدمة : دلول شبتسووين !!!


دلال : دام هالسيارة تلحقنا .. ووقفت يوم وقفنا .. لازم اعرف منو ....


مي : دلول الله يخليج طاف و بعدين اصلا (( قبل لا تكمل ))


دلال دايسة : لاااازم اعرف منو شوفي شلون انحاشت السيارة !!!


مي مخترعة : شووووي شوووووي


دلال : حفظي الشكل اللي عالسيااااااارة


وفجأة وبدون سابق انذار طلع جدامهم صبي صغير بيقطع الطريج


مي تصارخ : دلاااااااال ياااااااهل !!!!!!!!!!!!!!!!!!


دلال اطق برييييييييك قوووي وتوقف .....


دلال اطق ايدها بالسكان : ضيعناااااه ضيعناااه


مي حدها مخترعة من اللي صار : .............



.
.


الساعة 8:30 م
ابيت ام فهد ....
ردت دلال ومي من الطلعة ...

مي تقط الاجياس عالارض وتقط روحها عالقنفة : واااااايييي يريولي عورتني شكثررر مشينااااا


دلال شايلة اجياس وايد : اوووووف تعالي ساعديينييي الاجياس وايد ثقيييلة


فهد يرز ويها على غشمرة : هاااج انا اشيل عنننج .. أي بشوف شنو داخل هالاجياس


دلال تبتسم واطقه بجتفه : فهيد بسك لقافة ها


ام فهد : الحمدلله على السلامة حبيباتي


دلال : الله يسلمج خالتي .. خو شوفي شيبنالج .. شرااايج بهالنفنووووف وهالشيييلة بعد يبنالج اللون اللي تحبينه

ام فهد : يه يه يه هذول حقي ... فدييييتكم والله شحلااتهممم !! ليش تعبتوا روحكم عاد ...






دلال : افااا علييييج خالتي لا تقولين جذي تستاهلين كل خير وهالشي ما يسوى اللي تسويه لنا


ام فهد تحضنها وتبوسها : الله يخليج حقي ولا يحرمني منج


فهد تأثر وابتسم ابتسامة خفيفة و من قلب : عاد امي تصدقين ... دلال هاذي ماكو منها طيبة وتسامح وقلبها كبير وابيض ....


دلال تلتفتله شوي شوي واهيا ادمع ومستحية : ............. الله لا يحرمني منكم .....


ام فهد : ويخليج لنا يا بعد قلبي انتي لا تبجين ....


مي يضيق خلها وما تبي دلال تبجي : ويييييييه يوعااااااانه وين الثلاجة بلتهم كل شي فيها


ام فهد تضحك: مي بدلي او وغسلي ايييييدج


مي : بعدين بعدين يماااااااا يوعااااانه


ام فهد :هههههههههه من صغرها واهيا جذي


دلال تبتسم : .........

ام فهد : يالله خل اقوم اسويلكم العشا لين تبدلين دلوله اوك


دلال : انشالله خالتي


دلال قامت تصعد فوق عشان تبدل بس قبل لا تروح ...


فهد : دلول


دلال تلتفتله : هلا فهد


فهد يبتسم : لو بغيتي ايييي شيييي طلبيه مني وانا انشالله ما راح اقصر وياج بأي شي


دلال تبتسم ابتسامة خفيفة من ضيقة خلقها : مادري شقول لك والله يا فهد ..


فهد يبيها تضحك : اف عليج جم دلال عندنا اكيد اكثر من وحده


دلال تضحك على معصبة منه : ماااشي فهيد


فهد : نطري نطري والله اتغشمر وياج


دلال : مليق .. يالله خل ابدل


فهد : خخخخخ ... اوك ناطرج


.
يا ترا منو اللي كان يلحقهم ؟؟ وهل صج راح يقدرون يعرفون منو ؟؟
وشنو السر بإهتمام فهد الزايد حق دلال ؟؟
كل شي راح يبين انشالله اذا شفت تفاعل




التعديل الأخير تم بواسطة Vanilla ~ ; 14-07-2012 الساعة 09:58:40 PM
Vanilla ~ غير متواجدة حالياً   رد مع اقتباس
إضافة رد

اكثر الكلمات بحث
!!, .., آلْدَرِب, أَدَوِرك, موزا, لِيَ, لِيِش, بِقَلَمِي], خِنتنِيِ, [.., وش, طُوُل

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن حسب دولة الكويت : 03:12:00 AM.