كويتيات للطبخ

العودة   منتديات كويتيات النسائية > >

وطن النهار ركن يختص عن دولة الكويت بلاد الخير والعطاء وجميع اخبار ديرتنا الحبيبة


سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا

وطن النهار



إضافة رد
 
أدوات الموضوع إبحث في الموضوع انواع عرض الموضوع
قديم 29-07-2012, 10:05:22 AM   #91
reham123
كــويــتــيــة بــرونــزيــة
 
الصورة الرمزية reham123
 
تاريخ التسجيل: Jan 2010
الدولة: kuwait
المشاركات: 668

افتراضي رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا


انشالله هالمسلسل يصحي بعض الكويتين اللي طايحين نهب وضياع بالديره ..ويشوفون الرياييل قبل والحريم شنو سوو مو بس صراخ وترقص بالمجلس ...الله لا يعودها من ايام يارب ...جهنم الحمرا تاكلك صدام الفقر انت وعيالك..لاسويت خير لا بشعبك ولافينا طبعا بعثي قذر استغفرالله ....يارب ارحم بابا جابر و بابا سعد واسكنهم الجنه ...يارب طول بعمر بابا صباح ...يارب رد كيده في نحره كل واحد يخون الكويت ...امين يا رب العالمين



__________________
اذا كان للشعوب اوطانا يعيشون فيها فنحن وطننا يعيش فينا
reham123 غير متواجدة حالياً   رد مع اقتباس
قديم 29-07-2012, 10:22:07 AM   #92
مصرقعه رايقه
كــويــتــيــة نــشــيــطــة
 
الصورة الرمزية مصرقعه رايقه
 
تاريخ التسجيل: Sep 2011
المشاركات: 130

افتراضي رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا


انا مو من مواليد الغزو
بس امي قالت لي انه كانوا يخطفون البنات او شي جذي
ما طلع يدي من الكويت الا لما قالوا له عن اللي يخطفون البنات وطلع من الكويت خايف ع امي وخالاتي
ولما ردوا كان البيت مسروق وكان في واحد من المقاومين ميت بغرفة خالتي كان يدافع ورموه
وكان في بدلة عراقي بوحده من الغرف
الله يرحمك يا بابا جابر وبابا سعد ويغمد روحكم الجنه





اللهم احفظ الكويت وشعبها من كل مكروه
اللهم احفظ الكويت وشعبها من كل مكروه
اللهم احفظ الكويت وشعبها من كل مكروه
اللـــهم اميــيــيــن



__________________
ي الله توفيقكـ

التعديل الأخير تم بواسطة مصرقعه رايقه ; 29-07-2012 الساعة 10:26:09 AM
مصرقعه رايقه غير متواجدة حالياً   رد مع اقتباس
قديم 29-07-2012, 10:58:39 AM   #93
(كويتيه)
كــويــتــيــة جــديــدة
 
تاريخ التسجيل: Mar 2012
المشاركات: 10

افتراضي رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا


لا حول ولا قوة الا بالله

انا من مواليد بعد الغزو << بس اللي سمعته من امي

كانت تقول الفير اصوات قنابل وكانوا خايفين تقول البيت جنه يتهزز من الاصوات

وتقول كانوا بينحاشون من الكويت الى السعوديه

تقول ان يدي كان عنده غنم وكان عند اغنمه وكانو خايفين عليه
وتقول ان واهما بالبر كان الطريج طويل
تقول نمنا بالبر تقول حرررر موووت كنا انام برى الخيمه




وكان فيه عقارب ومادرى شنو ماقدرنا انام عدل
وتقول ان في دبابه ييت صوبهم وقعدوا يدعون وخايفين
وماكان عندهم الا ابو حريم خوالي ثنتين كان ريال عود
وخالي بس والباجي كانو مايدرون وينهم
ومرت خالي خشت خالي مع الاغراض لان بالحرس الوطني
جان اييهم الجندي جان تقول مرت خالي
احنا حريم وماعندنا الا هالعود ومن هالكلام
وقالهم ان اهو كويتي ومعاهم شيخ مادري شسمه كان مصاب
ومتجهيين للسعوديه لان مخلصه ذخيرتهم
ورد يدي وخوالي
وراحوا للسعوديه طبعا كانوو خوالي واهل حريم خوالي كانوا كلهم مع بعض
ولقوا بيت جان يقعدون فيه ومرت ولد عم امي كان هذا شهرها
وقالت لزوجها ودني لسعوديه داخل عشان المستشفيات
وماوافقوا جان اييهم بلاغ من السعوديين ان المكان اللي قاعدين فيه بيخلونه معسكر للسعوديه للجيش
وراحوا من البيت وكانوا
خوال يدي بالسعوديه مايعرف ويين بيتهم لان كانو يزورونهم بالكويت ومن زمان عنهم
جان يدي راح لمسيد يصلي وعقب ماصلى قعد برى المسيد يبي يشوف احد يعرفه
والحمدلله لقى واحد من خواله وقاله كل شي وراحوو لبيته وضيفهم
وتقول امي كانوا يشوفون التلفزيون فوق السطح اغاني وطنيه
ويوم يحترق ابراج الكويت تقول امي كنا نشوفه وتقول نبجي نبي نرجع لديرتنا
وعقب ماتحررت الكويت ارجعوا تقول امي كانوا في اعراقيين بس مو وايد تقول ياهم واحد يقول عندكم خبز
تقول يدي عطاه وراح
والاغراض اللي بالبيت مسروقه ذهب حريم خوالي

هذا اللي اعرفه

واسمحولي اني قرقرت وايد
والله يبعد عن الكويت والسعوديه ودول الخليج كل شر
ويارب من اراد السوء بالخليج ان تشغله بنفسه وترزقه ضعف مايتمنونه لنا



(كويتيه) غير متواجدة حالياً   رد مع اقتباس
قديم 29-07-2012, 11:31:43 AM   #94
هناء - Hana
من كبار شخصيات كويتيات
 
الصورة الرمزية هناء - Hana
 
تاريخ التسجيل: Jul 2012
الدولة: في ظل شيخ صباح ياطيب السيره
المشاركات: 7,965

افتراضي رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا


كويتيات رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا

لا حول ولا قوة الا بالله

انا من مواليد بعد الغزو << بس اللي سمعته من امي

كانت تقول الفير اصوات قنابل وكانوا خايفين تقول البيت جنه يتهزز من الاصوات

وتقول كانوا بينحاشون من الكويت الى السعوديه

تقول ان يدي كان عنده غنم وكان عند اغنمه وكانو خايفين عليه
وتقول ان واهما بالبر كان الطريج طويل
تقول نمنا بالبر تقول حرررر موووت كنا انام برى الخيمه
وكان فيه عقارب ومادرى شنو ماقدرنا انام عدل
وتقول ان في دبابه ييت صوبهم وقعدوا يدعون وخايفين
وماكان عندهم الا ابو حريم خوالي ثنتين كان ريال عود
وخالي بس والباجي كانو مايدرون وينهم
ومرت خالي خشت خالي مع الاغراض لان بالحرس الوطني
جان اييهم الجندي جان تقول مرت خالي
احنا حريم وماعندنا الا هالعود ومن هالكلام
وقالهم ان اهو كويتي ومعاهم شيخ مادري شسمه كان مصاب
ومتجهيين للسعوديه لان مخلصه ذخيرتهم
ورد يدي وخوالي
وراحوا للسعوديه طبعا كانوو خوالي واهل حريم خوالي كانوا كلهم مع بعض
ولقوا بيت جان يقعدون فيه ومرت ولد عم امي كان هذا شهرها
وقالت لزوجها ودني لسعوديه داخل عشان المستشفيات
وماوافقوا جان اييهم بلاغ من السعوديين ان المكان اللي قاعدين فيه بيخلونه معسكر للسعوديه للجيش
وراحوا من البيت وكانوا
خوال يدي بالسعوديه مايعرف ويين بيتهم لان كانو يزورونهم بالكويت ومن زمان عنهم
جان يدي راح لمسيد يصلي وعقب ماصلى قعد برى المسيد يبي يشوف احد يعرفه

والحمدلله لقى واحد من خواله وقاله كل شي وراحوو لبيته وضيفهم
وتقول امي كانوا يشوفون التلفزيون فوق السطح اغاني وطنيه
ويوم يحترق ابراج الكويت تقول امي كنا نشوفه وتقول نبجي نبي نرجع لديرتنا
وعقب ماتحررت الكويت ارجعوا تقول امي كانوا في اعراقيين بس مو وايد تقول ياهم واحد يقول عندكم خبز
تقول يدي عطاه وراح
والاغراض اللي بالبيت مسروقه ذهب حريم خوالي

هذا اللي اعرفه

واسمحولي اني قرقرت وايد
والله يبعد عن الكويت والسعوديه ودول الخليج كل شر
ويارب من اراد السوء بالخليج ان تشغله بنفسه وترزقه ضعف مايتمنونه لنا

سالفتتتتتج تخووووووووووووووف صراااااااااحه



__________________


هات الحزن وإنثرهـ بين الضلوع ، لعنبوهم حرموني مبسم شفاتكـ ♥
هناء - Hana غير متواجدة حالياً   رد مع اقتباس
قديم 29-07-2012, 12:04:30 PM   #95
Nanoosa
كــويــتــيــة ذهــبــيــة
 
الصورة الرمزية Nanoosa
 
تاريخ التسجيل: Apr 2007
الدولة: Kuwait - Japan
المشاركات: 2,674

افتراضي رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا


انا انولدت عقب التحرير بسنة

امي و ابوي سولفولي

الوالدة كانت نايمة و فجأة عمتها تقعدها و تقعد خالاتي تقول قومو العراق غزونا

و يقولون ان اول الايام كانو الكويتيين مو مستوعبين و كانو يردون على الجنود و يرفعون صوتهم حسبالهم ما يسوون شي

امي مرة كانت قاعدة بالبيت و دقت وحدة على تلفون البيت تسأل امي اذا اهي كويتية ولا لأ لأنها تبي امي تروح معاهم المقاومة كانو يدقون على اكثر من بيت .. امي قالت لها اشوف اقول حق ريلي اذا يخليني ولا لأ جان تعطيها العنوان بس امي ما راحت ابوي ما خلاها

و بتاريخ 8-8-1990 سوو اول مضاهرة حسبالهم الجنود بيخافون

بعد عمري قعدو يصرخون و شايلين اعلام الكويت و صور بابا جابر و بابا سعد الله يرحمهم و يسبون صدام و ان الشعب ما يبونه بالديرة

و فجأة هاللي ما عندهم رحمة ولا ضمير رموهم و طاحو على ما اعتقد 3 او 4 شهيدات كويتيات

امي لي الحين تقول لو انا سمعت كلامهم و رحت معاهم جان انا مستشهدة الحين

امي و ابوي و ام ابوي و ابو ابوي (يداني) و عماتي و عمامي كلهم قعدو بالكويت ما طلعو

و خالاتي و خوالي و يدتي و يدي راحو السعودية

يدتي (ام امي) تقول يوم كانو بالسعودية مسوين غدا امي تحبه تقول انسدت نفسي تذكرتها (حسبالها امي ماتت)

و ابوي قالي ان بغو العراقيين يفجرون سيارته و اهو فيها نسيت شنو لقو عنده و عصبو جان يدوس و رمو سيارته بس الحمدلله الله عداه الشر

و ابوي يشتغل بالمطافي .. مرة الجنود حرقو بيت عايلة لأنهم لقو صور و اعلام الكويت فيه قامو و حرقوه





يوم وصل ابوي و ربعه علشان يطفون البيت الجنود وقفوهم قالو لهم صبر تونا حارقين البيت بعد شوي طفوه (شوفو الحقارة!!)

و عقب 7 شهور منثبرين هالكواولة بديرتنا .. كانت الدنيا سودة بعز الظهر لأن حرقو الابار يا عل يحترق راسهم

و يوم تحررت الكويت امي و ابوي راحو السعودية علشان امي تشوف اهلها اللي صارلها 7 اشهر ما شافتهم

شافوها ويهها غامج من الدخان اللي بالكويت حتى لما تتسبح يكون الماي وصخ!!!

انا احمد ربي اني ما كنت موجودة وقت الغزو .. اذا انا الحين و متأثرة و كلله قاعدة اتبجبج .. هالدور لاحقة عليه؟! عز الله تعقدت

و اللي يترحمون على صدام يعلكم ما تربحون و يصير فيكم اكثر من اللي صار فينا

عسى الله يحفظ ديرتنا الكويت من النفوس الحاقدة قولو آمين




__________________

Nanoosa غير متواجدة حالياً   رد مع اقتباس
قديم 30-07-2012, 07:18:35 AM   #96
VET-Nour
كــويــتــيــة مــاســيــة
 
الصورة الرمزية VET-Nour
 
تاريخ التسجيل: Sep 2009
المشاركات: 4,603

افتراضي رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا


اليوم قاعده اسال امي عن الغزو جان تقولي خالي الكبير و عمامها كانو مع المقاومه
وخالي الصغير كان يبي يروح مع المقاومه بس مارضو لانه صغير كل ماراح مكان قالوله لا فاشتغل بالجمعيات ويساعدهم وجي





اكو ورى بيتنا بيوت مهجوره من الغزو كانو ساكنينها عمال واحد جددوه و واحد اهدموه و سوو مكانه عماره , و جم واحد موجودين ماعدلو فيهم شيء .. مغبرين و فيه اشيا طايحه وخربانه ومكسر شويه

تبون اصوره ؟ بس من برى ماراح ادش داخل



__________________

قآل رسول الله -صلى الله عليه وسلم-: ( مَنْ رَحِمَ وَ لَوُ ذَبِيْحَةِ عَصْفُوُرْ , رَحَمَهُ اللهُ يَوْمَ اْلقِيَاَمَهْ )

[/COLOR] [/SIZE][/FONT]سبحان الله وبحمده سبحان الله العظيم ..استغفر الله[/COLOR][/RIGHT]
VET-Nour غير متواجدة حالياً   رد مع اقتباس
قديم 30-07-2012, 08:16:24 AM   #97
ازهااار
كــويــتــيــة
 
تاريخ التسجيل: Sep 2011
المشاركات: 53

افتراضي رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا


انا من السعودية
صج انها ايام رعب
مع ان احنا بالسعوديه كيف عاد اهل الكويت

بس صراحة اللي سمعته
ان يوم صارت حرب العراق مع ايران اكويتين ساعدوا صدام وتبرعوا له بفلوسهم وذهبهم
مادري ليش يعينون هالظالم على الايرانين المساكين



ازهااار غير متواجدة حالياً   رد مع اقتباس
قديم 30-07-2012, 08:18:15 AM   #98
Melazlaza
كــويــتــيــة مــاســيــة
 
الصورة الرمزية Melazlaza
 
تاريخ التسجيل: Apr 2011
الدولة: بالكويت الحمدلله
المشاركات: 3,792

افتراضي رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا


وطني الكويت سلمت للمجد..
و على جبينك طالع السعد..
وطني الكويت.. وطني الكويت.. وطني الكويت سلمت للمجد.....

لما تنشدين نشيد ديرتج وتطفر الدمعة مختلطة بغصة..

لما يرجف شعورج مو قادر يستوعب الصدمة..





لما تنامين كويتية تصحين عراقية..

هني بس بتعرف شعورنا الي ما عاشت اللحظة..

شنو شعور الأم اذا فقدت ضناها؟؟!!

شنو شعور الزوجة اذا ترملت؟؟!!

شنو شعور البنت اذا تيتمت؟؟!!

ماكو وصف صح؟؟

نفس المذيع الي يذيع خبر حريجة يعرف شنو شعور الضحايا واهما تاكلهم النار؟؟!!

طبعاً لأ

عشان جذي في ناس مستخسرة فينا الذكرى،،

لاول مرة اعرف ان مو من حق الموجوع يتألم!!

اسمحولي اقول الي يستخسر فينا ذكرانا الحزينة لا يقل وحشية عن المتسبب بذكرانا هذي..

مابي اتكلم عن ذكرياتي بالغزو لان الشعور قاتل..

بس ابيكم كلكم تدعون بهالايام المباركة..

اللهم احفظ الكويت واميرها وشعبها من كل مكروه..

اللهم ارحم شهدائنا واغفر لوالدينا المغفور لهما بابا جابر وبابا سعد..

اللهم ادم علينا نعمة الأمن والأمان واجمع شملنا يا ارحم الراحمين..


الي حاب يعرف الحق والباطل
خل يشوف خاتمة صدام وحلفائه..
ويشوف
خاتمة جابر وسعد

الجنة وعسانا نجتمع فيهم ..



__________________


ما أجمل التسرسح!

طلعة خفيفة لطيفة ناطعة و منعشة..
http://www.q8yat.com/t1072827.html
Melazlaza غير متواجدة حالياً   رد مع اقتباس
قديم 30-07-2012, 08:51:50 AM   #99
3yooshe
كــويــتــيــة جــديــدة
 
الصورة الرمزية 3yooshe
 
تاريخ التسجيل: Jul 2012
المشاركات: 4

افتراضي رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا


همن انا ما كنت مولودة بايام الغزوو !!
انا اسأل امي و ابوي وحتى ابلتي :d عنها بقولكم اللي اعرفه
لما يياا الغزو امي و ابوي طبعا ما كانوا متزوجين :d لوووول المهم
كان وقتها ابوي صغير عمرة تقريبا 19 توه متخرج وداش الحرس الوطني و اول ثلاث ايام من الغزو كان ابوي مفقوود مايدرون وين هو ميت او عايش ويدتي ماكانت تعرف ان الغزو فيه ذبح و مذابح ولما درت من عمي بعد هو بالحرس ان الجنود الكويتين ذبحو عراقيين و حتى في حراس كويتين استشهدوا المهم بعد ما كلمها وقال لها هالكلام و ماكان يدري ان ابوي مفقود لانه مكلمها فون جاان تنهار يدتي و تبجي حسبالها استشهد بعدها تقريبا باسبوع اهلي كلهم راحو لحايل بالسعودية و ابوي وعمي ردوا الكويت عشان يحاربون و الحمدلله ماصار فيهم شي
اما قصة ابلتي غيير تضححك شوية
كانوا يمشوون بالسيارة لحدود السعودية عشان يطلعون برا الكويت وكانوا ماخذين معاهم شويه فليسات و ذهبهم لابسينه عشان اذا صادفوا جنود عراقيين ما يبوقونه ... وصج بصدفة وقفوهم جيوش عراقين فتشوا السيارة و مالقوا شي جان ياخذون الله يعزكم جواتي :d لوووول اللهم لا شماته مو شايفين خير وقتها من صدام الله لا يرحمه مضيعهم





وعلى فكرة ابوي اهوا اول من رفع علم الكويت بساحه الارادة جنه بعد التحرييير وفي بخزانه ابوي اللبوم كامل صور اول اسبوع من التحرير ({})





التعديل الأخير تم بواسطة 3yooshe ; 30-07-2012 الساعة 08:55:23 AM
3yooshe غير متواجدة حالياً   رد مع اقتباس
قديم 30-07-2012, 11:41:18 AM   #100
miss swan
كــويــتــيــة ذهــبــيــة
 
الصورة الرمزية miss swan
 
تاريخ التسجيل: Nov 2008
المشاركات: 1,643

افتراضي رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا


اقتباس:
المشاركة الأصلية كتبت بواسطة ورد سبيع مشاهدة المشاركة
مرره اعجبني الموضوع اصلاً توني من يومين لما شفت انا واختي البرومو تبع مسلسل ساهر الليل اللي راح يعرض برمضان سألتني عن سالفه الغزو وحكيت لها على فكره انا سعوديه ومواليد قبل الغزو يعني تقريباً كان عمري ست سنوات بس و اذكر كثير من الاحداث هذاك الوقت ابداء لكم القصه
صدام كان في الثمانينات يحارب ايران وكانوا جميع دول الخليج وخصوصاً السعوديه وكان يحكمها الملك فهد والكويت ويحكمها الشيخ جابر يدعمونه اللي هو صدام بالمال بعضها هبا منهم والبعض الثاني على شكل قروض المهم مرة فتره الثمانينات هذي وانتهت الحرب بينهم اقصد العراق وايران طبعاً الجيش العراقي امضى فتره تتجاوز العشر سنوات في الحروب واذا جلسوا من غير شغله ولا مشغله بيسببون بلبله ومشاكل داخل الدوله وفي نفس الوقت الدوله اللي هي العراق غرقت بالديون وبالذات من جاراتها السعوديه والكويت وفي هذيك الفتره كانت دول الخليج متحده وصدام كان يبغى يدخل في هـ الاتحاد بس مارضوا حكام الخليج سوا هو ومصر والاردن وسوريا واليمن اتحاد اعتقد انهم سموه اتحاد الدول العربيه ولو تلقون نظره على الخريطه بتكتشفون ان هالاتحاد كان يحد المملكه العربيه السعوديه من جميع الاتجاهات المهم طالب صدام الشيخ جابر بإسقاط الديون عنه وانها تعطيه مال رفض الشيخ جابر فأفتعل صدام مشكله بخصوص ابار النفط اللي تقع شمال الكويت وجنوب العراق وقال بمما معناه ان الكويتيين قاعدين يسحبون من هالابار وهذا شيء غير صحيح وقرر غزو الكويت بتأييد من اليمن والاردن بعد ماوعد الرئيس اليمني انه يعطيه الجزء الجنوبي من السعوديه و وعد الملك الاردني الحسين انه يعطيه منطقه الحجاز السعوديه
وتم الغزو طبعاً علم الشيخ جابر بخطه صدام فقرر اللجوء للسعوديه و وصل للخفجي صباح الخميس واتصل بالملك فهد
و طلب المساعده اتصل الملك فهد بأبنه امير المنطقه الشرقيه الامير محمد بن فهد وقال له انقل امير الكويت من الخفجي واستقبله في قصرك وبعد مايرتاح انقله الى مدينه الطايف في غرب السعوديه وفعلاً صار الشيء هذا وفتحت السعوديه منفذ الخفجي واستقبلنا كويتيين كثثثيييييييير عمي كان من الجيش اللي هناك وسكنا عوايل كويتيه في بيوتنا وكان فيه بيوت وعمارات جديده سكنوا فيها الكويتين وعلى فكره لسى اسمها عندنا عماير الكويتيين صدام نهب وسرق وقتل واسر وعاث في الكويت فساداً
الملك فهد حاول التفاهم مع صدام بالطيب انه يطلع من الكويت رفض صدام بوقاحه بل زاد انه يقول ان الكويت اصلاً جزء من العراق وهالشيء غير صحيح وقال اذا تدخلتو بنهجم عليكم انتم بعد وفعلاً صار الشيء هذا واحتل العدو الخفجي كان حسني مبارك رئيس مصر السابق هو مرسال الغرام اقصد حمامه السلام بين السعوديه والكويت من جهه والعراق من جهه ثانيه الملك فهد كان رجل حكيم وذكي وقرر قرار انه يخاطب جميع دول العالم وخلاهم كلهم يدينون العدوان الغاشم وطلب المساعده من امريكا وتقريباً كل دول العالم لبوا النداء وشاركوا في الحرب اللي شارك عسكرياً مثل جميع دول مجلس التعاون و مصر و سوريا واغلب الدول العربيه بإستثناء الاردن واليمن و امريكا وبريطانيا وفرنسا وغيرهم واللي شارك طبياً مثل تشكوسلوفاكيا وحتى بعض الدول الافريقيه شاركوا وهم حتى ماعندهم لا سلاح ولا قوه بس كانت المشاركه معنويه وتكفلت الحكومه السعوديه بتجهيزهم المهم عطوا صدام فرصه يطلع مارضى وعاند .. وصلت قوات الحلفاء للسعوديه وانقسموا قسمين القسم الاول اللي هو بريطانيا وأغلب دول العالم تحت قياده القائد شوارتزكوف الامريكي ....... و فرنسا وجميع الدول العربيه والأسلاميه تحت قياده الأمير خالد بن سلطان بن عبدالعزيز السعودي وصارت القياده مشتركه بين السعوديه وامريكا وقامت الحرب على صدام اولاً طردوه من الخفجي ثانياً طردوه من الكويت ونظفوها من الكلاب اللي خربوها وهنا انتهت مهمه الجيش اللي تحت قياده الامير خالد بن سلطان وسلمها لوزير الدفاع الكويتي هذاك الوقت (لأن السعوديه والكويت وكل الدول العربيه والأسلاميه مارضوا يدخلون الاراضي العراقيه علشان رابطه الدم والعروبه الي ما احترمها صدام ) ... واما الجيش اللي تحت قياده الامريكان فدكوا جنوب العراق جوياً وبرياً ورجع صدام مذلول مقهور وصارت جلسات مباحثات كثيره علشان الاسرى وانتهت الحرب بتحرير الكويت . ( هذي معلوماتي البسيطه عن الحرب )
وفيه ديون من هذاك الوقت لسى تسددها الحكومه السعوديه وكله علشان خاطر اخوانا الكويتيين وفعلاً خليجنا واحد وشعبنا واحد


اما بالنسبه لوضعنا احنا هذاك الوقت اذكر صفارات الانذار واذكر ان ابوي من اللي حاربوا في الغزو واذكر خوفنا الفظيع واذكر لصقات الشطرطون على الشبابيك والمناشف والفوط تحت الابواب كان مخوفنا صدام حسبي الله عليه بالكيماوي وكن نلبس كمامات واذكر صاروخ سكود لما اطلقوا العراقيين على مدرسه كانت بالحي اللي بجنبنا وخالي ودانا نشوفه بعد فتره واذكر استقبلنا في بيتنا ناس من جماعتنا جايين من الكويت وحنا سكنا عند خوالي يااااه كانت ايام حلوه وشينه في نفس الوقت .


اتمنى اكون افدتكم بقصتي وماطولت عليكم حبيباتي اختكم ورد سبيع
والله والنعم فيكم ماننسى وقفتكم وقفت رياييل
انا كان عمري ثمن سنين قعدنا بالغزو فتره لين اختي مرضت ورحنا ديرتكم
وكان الوضع يخرع لين وصلنا السعوديه حطونا بمدرسه اذكر حتى يوزعون اكل حقنا
وعقبها نقلنا بهالعماير اللي تقولين عنها






__________________
الرجل الذي يعامل المرأة ك أميره دليل علي انه تربي علي يد ملكه
miss swan غير متواجدة حالياً   رد مع اقتباس
قديم 30-07-2012, 11:47:59 AM   #101
miss swan
كــويــتــيــة ذهــبــيــة
 
الصورة الرمزية miss swan
 
تاريخ التسجيل: Nov 2008
المشاركات: 1,643

افتراضي رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا


اقتباس:
المشاركة الأصلية كتبت بواسطة ازهااار مشاهدة المشاركة
انا من السعودية
صج انها ايام رعب
مع ان احنا بالسعوديه كيف عاد اهل الكويت

بس صراحة اللي سمعته
ان يوم صارت حرب العراق مع ايران اكويتين ساعدوا صدام وتبرعوا له بفلوسهم وذهبهم
مادري ليش يعينون هالظالم على الايرانين المساكين
من متى صاروا الاييرانيين مسكين لووووول
وحتى السعوديه عونوا العراق



__________________
الرجل الذي يعامل المرأة ك أميره دليل علي انه تربي علي يد ملكه
miss swan غير متواجدة حالياً   رد مع اقتباس
قديم 30-07-2012, 01:07:31 PM   #102
pink^q8
كــويــتــيــة نــشــيــطــة
 
الصورة الرمزية pink^q8
 
تاريخ التسجيل: Apr 2009
المشاركات: 191

افتراضي رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا


انا من قبل الغزو كنت بلندن لما سمعنا الخبر الكل طلع قعدنا بالشارع والله لي الحين مانسى منظر نبيل شعيل وعبدالله الرويشد لما كانوا لامين بعض ويبجون واحنا كلنا وقفنا على كبينه وحده مالت التليفون عشان الي يدق على اهله يوصل اخبار الي بالكويت لنا واي وانا كان عمري 13 سنه واي كان يوم ماينسي عاد كانوا اخواني وخواتي بيون لندن بتاريخ 2-8 بس احكروهم بالمطار وظلوا بالكويت



__________________

pink^q8 غير متواجدة حالياً   رد مع اقتباس
قديم 30-07-2012, 02:17:30 PM   #103
mrs.abk
كــويــتــيــة فــضــيــة
 
تاريخ التسجيل: Sep 2011
المشاركات: 861

افتراضي رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا


أنا إماراتية بس خلوني أقول لكم السالفة ..

أنا كنت في بيت يدي الله يرحمه بالعين .. وأهلي كانو في بوظبي لأني كنت متعودي اقضي الجازة عند يدي ويدتي

عاد 2 ثمانية كان عيد ميلاد اخويه الصغير بيكمل سنة وأنا حاشرة الدنيا إن ابويه باييب كيكة وبنسوي حفلة ,,

وعندنا جارة حرمة عوودة بس كانت تحط عقلها بعقل اليهال وكل يوم تقول لي وين الكيكة ووين الكيكة؟؟!!
وأنا أقول ابويه بايي يوم الخميس وبييبها

يوم الخميس الظهر ابويه وصل مع امي .. وكانت اعصابهم متوترة وااااايد .. ابويه شكله معصب وأمي تصيح !!
ما يابو الكيكة .. بس ابوي دش يركض عند يدي يخبره ان صدام دخل الكويت ؟!

انا كنت أسمع الحوار وشبه موب فاهمه لأن عمري كان 10 سنين ..

وشفت يدي يصيح ( أبوي ويدي من الجيل اللي اشتغل في الكويت أيام الستينات الله يرحمهم )

وعندي عم أبويه عايش بالكويت ( الله يرحمه توفى الحين) .. وعياله كويتين فعندنا فرع العايلة بالكويت ..

المهم أبويه ويدي على طول لبسوا ورجعوا بوظبي راحو السفارة الكويتية يسألون عن أي أخبار ..

وأنا رحت بيت الجيران وسألتي العيوز عن الكيكة فخبرتها ان صدام دخل الكويت وتمت تتطنز علي!!! وتقول اني اكذب علشان ما اييب الكيكة .. بس ثاني يوم عرفت وقالت إني أنا خبرتهم وهي ما صدقتني !!


....................


تفاصيل ثانية :

أبويه كان بالجيش فكان في حالة طواري عامة في البلاد وابوي كان يغيب اسبوعين وثلاثة وما نشوفه

خزنا أكل (خاصة جبن بوك ) علشان لا صار ضرب وحرب فيه حظر تجول

كان فيه حظر تجول بعد الساعة 10 بالليل في بوظبي

كل جمعة كانو الكويتين يتجمعون عند السفارة وعلى الكورنيش .. واحنا وياهم طبعا

أهلنا اللي في الكويت ظلوا 4 شهور في الكويت وعقب طلعوا راحو البحرين وفيه حد يا عند بيت يدي





أذكر سالفة الكيماوي والفحم اللي علمونا كيف نحطه في فوطة !! وكيف نحبي وراسنا على تحت

يوم الضربة وعملية ثعلب الصحراء اعتقد جيه سموها كنا نمتحن نص السنة فعطونا اجازة <<< قعدت تصيح تبا تمتحن!!

كنت اقعد مع ابويه الله يرحمه أيام نزوله نسجل نشرات سي ان ان ونتابع الاخبار وكنت اقرى الجرايد يوميا له ( أبويه ما كان يعرف يقرى الله يرحمه)


أمي ولدت بأختي أخر شهر 11 وقعدت تتنفس بروحها في البيت لأن كنا خايفين من الحرب وحتى الشغالات ذيج الفترة منعوهم اييون الخليج واللي موجودات سووا نون ما يصنعون علشان يردون بلادهم .. وبهالحالة كنت أنا واخواتي الصغار نحاول نساعدها ..

عندي ولد عم يتيم كان ساكن بروحه يا سكن في بيتنا أيام الضربات وكان ينام في الصالة وأنا وااايد كنت أحبه ( عمره كان بالثلاثينات بس عنده حالة خاصة ) .. وأنا أقعد وياه وكان يايب عوده يغني لي وأنا أضحككك من قلب وأخواني يصفقوون

أذكر لما سكرنا الابواب والدرايش وفتحات المكيفات بالتيب العريض والملابس القديمة وسوينا أكياس رمل صغيرة لتحت الباب .. خايفين من الكيماوي

الأسير اللي دايما في بالي للحين .. هو الشهيد الشاعر فايق عبدالجليل .. لأني كنت أسمع بنت عمي وهي تبكي عليه ( مدمنة عبدالكريم عبدالقادر ذيج الفترة)

أتذكر فيلم زمن الغدر مال جمال نبهان وسوسن بدر .. للحين أذكر مشهد بنتهم الصغيرة يوم تموت ويدفنها في الصحراء ونصيييييييييييح

فيه أشياء بعد في راسي بس موب قادرة اتذكر عدل



__________________



التعديل الأخير تم بواسطة mrs.abk ; 30-07-2012 الساعة 02:30:31 PM
mrs.abk غير متواجدة حالياً   رد مع اقتباس
قديم 01-08-2012, 03:44:47 PM   #104
الصعيريه
من كبار شخصيات كويتيات
 
الصورة الرمزية الصعيريه
 
تاريخ التسجيل: Jul 2009
الدولة: الكويت
المشاركات: 11,646

افتراضي رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا


كان عمري 4 سنوات وكناا صامدين ماطلعناا
بس بالضبط ماذكرر شنو صار






وعسئ الله يحفظ ديرتنااا من كل شر



الصعيريه غير متواجدة حالياً   رد مع اقتباس
قديم 02-08-2012, 03:01:04 AM   #105
مـ ع ـزوفة حز*ن
من كبار شخصيات كويتيات
 
الصورة الرمزية مـ ع ـزوفة حز*ن
 
تاريخ التسجيل: Jun 2010
الدولة: ~ فَرَآشّة يُلـاعِبهآ الهَوآء . . بَينَ . . صُبحٍ وَليلْ "
المشاركات: 10,700

افتراضي رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا


اقتباس:
المشاركة الأصلية كتبت بواسطة فـلـ 50 ـس مشاهدة المشاركة




قبل الغزو كان بفريجنا بيت صغير ساكنينه عائلة فلسطينية وكانوا على قد حالهم و اهل الفريج ما يقصرون معاهم يساعدونهم ويصرفون عليهم


لما صار الغزو محد علم العراقيين على العسكريين اللي بالفريج غير هالعائلة الفلسطينية !!

وأول بيت فتنوا عليه بيتنا لان عمامي مقاومة كلهم بالجيش والشرطة ..

فدخلوا العراقيين بيتنا و ما كان فيه إلا "جدي جدتي و عماتي و امي وانا بالمهد " هددوا جدي يعلمهم وين عياله و جدي قال ماعندي إلا اللي تشوفونهم بالبيت ...

فجأة دخلوا العائلة الفلسطينية و قالوا لجدي وين ولدك فلان وفلان نعرف انهم بالمقاومة
وجدي ساكت ما تكلم

كانوا العراقيين بياخذون جدي يأسرونه بس لما شافوه رجال كبير خلوه بس تدرون شسووّا قبل لا يطلعون ؟


صبوا على جدي القاز و حرقوه

حسبي الله عليهم بس ربي كتب له العمر


جدتي تقول ما كان فيه مستشفيات و العلاج مو بالمستوى بس قدرنا نوفر مرهم يبرد عليه

تقول كانت تخلي جدي بالحوش عشان يتهوى و يخفف الألم عنه

وتقول عيني ما تغفل عنه ثانية تخاف حتى من الذبانه لو وقفت على جلده يتسسم على طول لان مافي جلد اساسا






،،


عمآآآآ جوآآآسيس



صج مآيستآهلون


.........

......

..



__________________
twit : an3am_dfsha



ask.fm/OoO_q8_OoO

مـ ع ـزوفة حز*ن غير متواجدة حالياً   رد مع اقتباس
إضافة رد

اكثر الكلمات بحث
لما, الخبر, بالغزو, تسوين, تعالوا, سمعتي, سالفتي, زوجتي, شنو, وشنو, ؟؟, كنتي

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن حسب دولة الكويت : 01:54:19 AM.