كويتيات للطبخ

العودة   منتديات كويتيات النسائية > >

وطن النهار ركن يختص عن دولة الكويت بلاد الخير والعطاء وجميع اخبار ديرتنا الحبيبة


سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا

وطن النهار



إضافة رد
 
أدوات الموضوع إبحث في الموضوع انواع عرض الموضوع
قديم 19-09-2012, 06:10:05 PM   #151
رنين الروح
كــويــتــيــة جــديــدة
 
الصورة الرمزية رنين الروح
 
تاريخ التسجيل: May 2012
الدولة: وطـــــن الــــنــهـــار
المشاركات: 15

افتراضي رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا


اقتباس:
المشاركة الأصلية كتبت بواسطة آرنـــــوبه .. مشاهدة المشاركة
اسال الله سبحانه ان يحفظ جمييع بلاد المسسلمين يااااااارب ..
وصدام تحت التراب لا تذكروا الميت الا محاسنه ..
والحمدلله ع كل حال .. وربي ماينسى حق احد ..


اهو خلا فيها محاسن دوريلي حسنه وحده عشان اذكره حسبي الله عليه من حكم والدم لعبه بأيده حتى شعبه ماسلم منه ماله محاسن اذا انتي تشوفين شي احنا ما نشوفه قوليه انا عن نفسي ما عمري شفت له حسنه تستاهل تنذكر حكمه بعثي ماله مذهب واحد يقول يدي رسول الله وتبينا نذكر له محاسن
عساه للنار اللي تاكل عظامه اكل حسبي الله عليه بدنيا واخره




__________________
يــا خيـل جــيــت ابـشـكـيلـكـ مـن مــر الأيـــام
اثــر الـبـشـر يـاخـيـل مـاعـاد يـوفـون




حــشــر اللــه كــل مــحــب بــمــن يــحــب
اللــهم انــصر اخــواننــا فــي سوريــا وبــورمــا ..
رنين الروح غير متواجدة حالياً   رد مع اقتباس
قديم 19-09-2012, 08:05:13 PM   #152
broor_20
كــويــتــيــة نــشــيــطــة
 
الصورة الرمزية broor_20
 
تاريخ التسجيل: Jan 2012
الدولة: بــ قلــب أُمــي ;)
المشاركات: 210

افتراضي رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا


انا مواليد بعد الغزو

بس ما اقول الا حسبي الله ونعم الوكيل فيهم اللي مايخافون ربهم

....
ابوي كان حزتها بالدوام حزتتهاا "عسكري "
وفصخوهم هدومهم وركبوهم باص عاد الباص ماكفى ولا ينزلون ابوي طبعا ابوي يقول لا بركب بركب <يقوم مادري شسالفه خخخخخ
المهم تم اهو وواحد وتمو يمشون من الحدود وواحد شاافهم كان " بدون " ووداهم بالسياره وراحو مادري وين بالضبط المهم راحو خذوا ملابس لان كانوا على الملابس الداخليه ..
وحزتها خالي بالجيش وخالاتي يبجون وحالتهم حاله لان مارد البيت ومايدرون وينه




..
جدي ابو امي .. قال حق ابوي اخذ البنات " خالاتي " وخوالي الاثنين لانهم كانو صغار وامي ووروحوا السعوديه "عندنا اهل اهناك "وانا بتم اهني
وجدي الله يطول بعمره تم بالكويت وكان عنده غنم وكان يوزع على الجيران اكل وحتى بعد التحرير كرمو جدي ..
واذكر ان كان يقولنا ان كان يوقف بالسطح ويقول " الله واكبر " اهو والجيران بس هالحجي مادري متى اثناء الغزو ولا يوم التحرير
وابوي بحرب التحرير ستدعوهـ ورد الكويت وامي تمت بالسعوديه

ومرت خالي تقولي ان كان ولد جيرناهم عمر 19 ماطلع من الكويت اهله طلعوا واهو تم
المهم كان يحذف الجنود وعرفوا البيت
ودشوا البيت واهو انخش بالكبت واحد من الجنود فتح الكبت وشافه وسكر الكبت قال ماكو احد وطلعوا

المهم بعد مارودوا اهله الكويت شافوا الولد فيه ارتجاج بالمخ لان تعذب من العراقيين كانو يطقون راسه
حسبي الله عليهم الله الله لا يوفقهم

وصج اذكر مره كنا بدبي من 3 سنين واخوي كان قاعد ويمه واحد عراقي
طبعا اخوي اول ما عرف انه عراقي لاعت جبده
ولا يقول لعراقي لاخوي : احنا غزيناكم سامحونا ومادري شنو واحنا نحبكم واحنا انجبرناا
يقول اخوي والله كسر خاطري


بس للاسف اشباه صدام موجودين واكبر دليل الاغنيه الخايسه اللي يسبون الكويت فيهاااا
عممممممممىى بعينهم

الله يرحم شهداءنا يارب
ويحفظ الكويت
واللي يترحمون على صدام عسى ربي يحشرهم معاه يارب




broor_20 غير متواجدة حالياً   رد مع اقتباس
قديم 20-09-2012, 09:03:29 AM   #153
اماراتيه سنعه
كــويــتــيــة نــشــيــطــة
 
الصورة الرمزية اماراتيه سنعه
 
تاريخ التسجيل: Feb 2011
الدولة: امُارْاتيًه عٌـزَ وْفٌخٍرً
المشاركات: 203

افتراضي رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا


انا من دبي و من بعد مواليد الغزو
للاسف مااعرف تفاصيل الغزو بس رؤوس اقلام ..

بس اللي اسمعه ان كانو اهل الكويت في منهم موجودين عندنا ودرسو ويانا
اذكر جفت وحده كويتيه الله يذكرها بالخير من 3 اسابيع في تركيا تقولي سالفتها مع الغزو








بس مانقول غير حسبي الله ونعم الوكيل في كل من ظلم عبد من عباده
وعمر الحق مايضيع عند ربنا
بإذن الله مأجورين على مااصابكم


بس الواحد مايحمل الذنب شعب كامل ( الحق ينقال ) يعني هو شخص و فئة منهم كانو وياه والله ياخذ حقكم منهم
بس غلط نكره شعب كامل بسبب تصرفات شخص واحد

يعني نحن المسلمين بعد سالفة 11 سبتمبر يقولون عنا ارهابيين !!!!!!!
هل نحن لنا ايد فالموضوع ؟؟؟ لا !!! بس هم امعممين هالشي ع المسلمين لان شخص واحد غلط غلطة و نسبوها لنا كلنا




شي مؤلم و صدق وايد اتألمنا يوم شفنا المسلسل كنت اقول معقولة لهدرجة !!!!
يعني مافي فرق بين اللي استوى فالكويت واللي يالس يستوي الدول العربية حالياً !!!!!!!!!!



القلب يتألم والعين تدمع ومابيدنا غير ندعي حق اسراكم بالرحمة والمغفرة و ياخذ حقكم من كل ظالم ظلمكم


واسمحولي على الاطالة لان الموضوع صدق مؤثر عليه واكيد انتو كثر ماتشرحون مابتوصلون لنا باللي تحسون فيه



__________________
كلما وجدت نفسك صامتاً [ اذكر الله ]
.
.
kik - Instgram : i_Elham_i
اماراتيه سنعه غير متواجدة حالياً   رد مع اقتباس
قديم 20-09-2012, 07:30:05 PM   #154
معشوقتي امي
كــويــتــيــة نــشــيــطــة
 
تاريخ التسجيل: Aug 2011
المشاركات: 182

افتراضي رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا


انا كان عمري 11 سنه واتذكر بعض الاشياء
اول شي كنت اروح مع امي الجمعيه ونوقف بالساعات طابور طويل وملل وطقني وطقج وبس يفتحون الجمعيه وااااااااااااااي تصير فوضه جنه مفاجيع نبي بس ناخذ الاغراض
وفي مره كان في جندي جلب شكله وصخ يوم شاف الزحمه والفوضي جان يعصب علينا وامر جندي ان يرمينا بالرشاش طبعا احنا قمنا نبولع بريجنا والكل وقف ولاهمسه بعدين الله هداه وقال النسوان يظلون والزلم يطلعون من الجمعيه
هالموقف ما انساه بحياتي ؟؟؟؟؟؟؟؟؟؟؟
موقف ثاني كنت نايمه بالغرفه تحت طبعا بالغزو ممنوع ننام فوق لان نخاف من المدافع والله يابنات يومتها كنت نايمه عند الدريشه واسمع صوت المدافع واشوف الدريشه تهتز ونايمه بفراشي وارجف من الخوف
حتي صارت فيني عقده لما اسمع صوت طياره اخاف لغايه اليوم
شفت كل شي مهدم اسواق المباركيه كل شي محترق ومهدم
السما سوده من الدخان يوم احترقت الابار
الشوارع وصخه واخواني يوم يطقون الباب يشقحون من بيت لي بيت
لان كنا نخاف ياخذونهم اسري
هذا اللي اتذكره وحتي ساهر الليل ماشفت ولاحلقه لان اغلبها قصص حب
اي حب اللي عاش بالكويت بالغزو ماكان يفكر بحب ولاغيره




كنا عايشين صج برعب
مايحس بهالشعور غير اللي عاش فيها وصمد
بس الحمدلله رجعت ديرتنا والله الله الله لايعيد الشر
والحمدلله علي كل حال
وسلامتكم



معشوقتي امي غير متواجدة حالياً   رد مع اقتباس
قديم 25-09-2012, 08:11:05 AM   #155
*وهج*
كــويــتــيــة فــعــالــة
 
الصورة الرمزية *وهج*
 
تاريخ التسجيل: Oct 2009
المشاركات: 269

افتراضي رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا


اني عمانيه كان عمري 6سنوات كانت الحرب ماثره على اهلينا واجد
خواتي الكبار كانوا دايما احلامهم كوابيس دبابات وطيارات الحرب وبالنهار يخافون من صوت الطياره
وصديقاتي اذا بيطلعون من بيتهم ينزلون راسهم خوفا من القنابل ويجرون بسرعه
واذا تجمعوا الحريم ماعندهم سوالف الا سالفه الحرب




وامي الله يعطيها الصحه والعافيه اذا جيت الاخبار تعلي الصوت حتى الجيران يسمعون

وهذي كله ونحن بعمان مش في الكويت!!!
اللهم احفظ الخليج من كل شر اللهم من اراد بالخليج سوءا رده في كيده ونحره ضعف مايتمناه
الله يديم المحبه والموده بيننا
خليجنا واحد وارضنا واحد



__________________

لا اله الا انت سبحانك اني كنت من الظالمين
*وهج* غير متواجدة حالياً   رد مع اقتباس
قديم 19-10-2012, 06:46:55 PM   #156
Shinexo
كــويــتــيــة بــرونــزيــة
 
الصورة الرمزية Shinexo
 
تاريخ التسجيل: Aug 2012
المشاركات: 657

افتراضي رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا


آنآ آممي كآنت توهآ متزوجهه قييمت آبوي قآلت له قوم قوم صدآم دش آلكويت آبوي وقتهآ كآن ضآبط وريل خآلتي في آلقوآت آلمسلحه رآح ريل خآلتي آلكوييت وخلى خآلتي توهآ مربي ف بيت يدي , آمي تقوول كآنوآ يعطونآ آسلحه لآن صدآم قآل بيوزع آلخليج لليمن وفلسطيين وآلآردن وله !! كآنوآ خآيفين هآلجآليآت تسوي ثوره عندنآ وصج ! رفيجة آمي كآنت تدرس في مدرسه نموذجيه حقت صبيآن ! كآن عندهآ ولد فلسطيني يتكلم مع آلصبيآن في حصة آحتيآط وهي قآعده يقولهم آبوي يجمع ريآيل وآيد ومعآهم آسلحه نآدته تسآله شسآلفه آلولد تم يقولهآ آبوي وربعه ونآس وآيد آيونآ آلبيت ويآهم آسلحه ويقعدون فآلصآله ! رفيجة آمي مآسبشرت بخيير رآحت بلغت آلشرطه مآدري آلدآخليه ورآحووآ مسكوه وطلع صج كآنوآ بيسوون آنقلآب ف آلدوله وبيبوقون وحآله وآلله نجآنآ !! حسبي آلله على كل ظآلمم



__________________
لآ آله آلآ آنت سبحآنك آني كنت من آلظآلمين


Shinexo غير متواجدة حالياً   رد مع اقتباس
قديم 20-10-2012, 04:39:08 AM   #157
Ahlam Al
كــويــتــيــة
 
تاريخ التسجيل: Mar 2012
الدولة: Kuwait
المشاركات: 49

افتراضي رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا


انا ما لحقت على الغزو ، فـ ما اعرف التفاصيل بالضبط

بس عمامي ، كانوا بالكويت و صامدين لنهاية الغزو مع انه عماني كانوا صغار
و الحمدلله ما صار فيهم شي بس كان الوضع معاناه ، مافي شي ياكلونه الا خبز
و كل شوي تفتيش و انا ابوي اسير ، و كان مسجون في سجن الرمادي بالعراق
و رد مع اول دفعة وصلت مطار عرعر ، و يقول قاعدين و يمنا عظام جثث !!
و تعذيب و قتل جدامنا و ما ناكل الا عدس و خبز جنه طابوقه !!

و خوالي ، اقعدوا اول الايام و ما دروا الا من خالتي تفتح الراديو و تنام عليه
و على الفجر اسمعوا الخبر بالصدفه ، و انصدموا ما صدقوا .. بعدها سمعوا
صوت الطيارات و الدبابات لمن تمر تهز البيت و امي كانت تطل من السطح !!
و بعدين طلعوا للسعوديه لانه اقرب دوله لنا ، و لانه خوالي الكبار مسافرين
دق خالي الكبير قال خل يطلعون من الكويت بسرعه لانه اغلبيتهم حريم




و ما عندهم الا ولد توه بو 18 تقريبا ، فـ راحوا للسعوديه و ما قصروا معاهم .

و اظن اقعدوا بالدمام عقب راحوا للقطيف و امي تقول كانت ايام صعبه بس حلوه
شلون كلنا قلوبنا على بعض و انه الحكومه ما قصرت علينا قامت تصرف علينا
ولا خلت علينا قاصر و بعدها ردوا الكويت و الحمدلله لقوا البيت على حطته ،

و الله يحفظ الكويت و آل صباح و يخليهم لنا
و حسبي الله ونعم الوكيل : )




__________________
Camera; Canon EOS 60D + Canon EOS 1000D
Lens;
Canon EF-S 18-55mm f/3.5-5.6 IS
Canon EF 50mm f/1.8 II
Canon EF 24-105mm f/4 L IS USM

Flash;
Canon Speedlite 430EX II

Ahlam Al غير متواجدة حالياً   رد مع اقتباس
قديم 20-10-2012, 02:01:14 PM   #158
rawabby
كــويــتــيــة جــديــدة
 
تاريخ التسجيل: Oct 2012
المشاركات: 14

افتراضي رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا


الله يحفظ أهل الكويت و أهل الخليج كلنا يا رب...


آنا بحرينيه من مواليد 86 وكنت صغيرة وايد بس أتذكر صفارات الإنذار و أن في حرب و هاللون .. بس ما كنا ندري شالسالفه بالبحرين لأن كنا يهال .. كبرنا و عرفنا و دعينا عليه و وبعدنا بندعي عليه جليل الحيا ..

ما يقهروني الا اللي يسمون صدامو بطل .. هذا سطل و السطل مكرم عنه .. الحمد لله و الشكر ..



rawabby غير متواجدة حالياً   رد مع اقتباس
قديم 20-10-2012, 06:05:27 PM   #159
مرمر
كــويــتــيــة ذهــبــيــة
 
الصورة الرمزية مرمر
 
تاريخ التسجيل: Jan 2008
المشاركات: 1,156

افتراضي رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا


يوم الغزو الله لايرده كنت بالشاليهنا مع ريلي وعندي 3 عيال

المهم الاربعا بليل متاخر في صوت تفجيرات قوية واحنا علي البحر نشوف ليتات قوية قلنا اكيد مناورات درع الجزيرة مع ان اول مرة نحس جذي

الساعة 5 الفجر كان عندنا الموبايلات القديمة الا مايسكت كل من يقول الكويت راحت العراقيين احتلونا

قمنا ركض علي التلفزيون ولا قران كريم وفجاة طلع المذيع يوسف مصطفي والله ماانساه ويعلن ان الكويت احتلت

انا صرت مينونة وركض نركب السيارات نروح الديرة حق اهلنا طبعا طول الطريج نشوف الدبابات متجهه الي السعودية وابجي واقول الله ينصركم

طلعوا الدبابات العراقية قاعدة تتجه للحدود السعودية علشان يحاوطون الكويت





احنا ماطلعنا وظلينا صامدين الي النهاية لله الحمد

وبعد التحرير ظلينا شهرين محد يدخل الكويت الا المصرح لهم او الصامدين يقدرون يطلعون ياخذون اللي يحتاجونة من البحرين والسعودية ويردون



__________________
مرمر غير متواجدة حالياً   رد مع اقتباس
قديم 30-10-2012, 03:40:21 AM   #160
ايمان الغساني
كــويــتــيــة بــرونــزيــة
 
الصورة الرمزية ايمان الغساني
 
تاريخ التسجيل: Oct 2012
المشاركات: 499

افتراضي رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا


قريت الموضوع من اول صفحه والدمعه فعيني وادعي عليه هالطاغيه ..
الله يحفظ الكويت والخليج يارب..
ايام الغــزو عمري 5 شهــور وانا من سلطنه عمان ابوي الله يرحمه خبرني انه استقبل فبيتنا عايلات وايد كويتيه ...




وخال ابوي عايش فالكــويت ومارضي يطلع من الكويت



__________________
يـــارب ارزقني الزوج الصــالح
بنات اللي تقرا التوقيع تدعيلي ولكــم بالمثل ان شاءالله
.......
يارب اضعف
الوزن الحالي...
الهدف الاول..5كيلو
دعــــــــواتكم
ايمان الغساني غير متواجدة حالياً   رد مع اقتباس
قديم 01-11-2012, 10:16:58 AM   #161
زين ودلال
*مساعدة مشرفات قسم الحمل والولاده*
 
الصورة الرمزية زين ودلال
 
تاريخ التسجيل: Sep 2010
الدولة: يم بنيتي
المشاركات: 9,575

افتراضي رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا


كان عمري سنتين

الله لايعيد هالايااام يارب



__________________
اللهم ارزقهم ضعف مايتمنون لي

زين ودلال غير متواجدة حالياً   رد مع اقتباس
قديم 09-11-2012, 09:08:25 PM   #162
نوايا خير
كــويــتــيــة جــديــدة
 
تاريخ التسجيل: Nov 2012
المشاركات: 8

افتراضي رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا


انا سعوديه ..وبالمنطقه الشرقيه يعني قريبه من الكويت ..والسكن اللي خصصته الحكومه للكويتين قريب من بيتنا ..طبعا وزعت علينا الشرطه كمامات ..وكنا مستعيدين لاي شى ..كنا نروح اماكن عامه ونقعد مع عوائل كويتيه ..نغير النفسيه ونحاول ننسى الالم..كنا نقعد نسولف ونتقاسم الاكل ..وتعاودنا عليهم ..تعلقنا بعائله كويتيه ..امهم عراقيه ..ولمن كنت اسمع صفاره الانذار ..اسحب بطانيه وانام تحت رجول امي ..واذكر اللزق على الدرايش ..كانت فتره صعبه الله لا يردها ..انا كنت صغيره مره ..ولمن خلص الغزو رجعنا الكمامات للشرطه ههههههههههه









نوايا خير غير متواجدة حالياً   رد مع اقتباس
قديم 09-11-2012, 09:23:07 PM   #163
قلبي دق
كــويــتــيــة فــعــالــة
 
الصورة الرمزية قلبي دق
 
تاريخ التسجيل: May 2012
المشاركات: 320

افتراضي رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا


يووووه رجعتولي دكريات
انا من السعوديه
لسه فاكره صافرة الاندار يوم كانت تجي في التلفزيون
يقول المديع خطر في الرياض مدري ايش
يومها كنا نخش غرفة ونتخبى كلنا احنا ومامي




كنا نخاف مووت واحنا بعيد
مدري كيف اهل الكويت ياقلبي عليهم



قلبي دق غير متواجدة حالياً   رد مع اقتباس
قديم 10-11-2012, 02:47:58 AM   #164
اصفهان
كــويــتــيــة جــديــدة
 
الصورة الرمزية اصفهان
 
تاريخ التسجيل: Apr 2010
المشاركات: 14

افتراضي رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا


كان عمري وقتها سبع سنوات وكنا مقررين أنروح الكويت بعد صلاة الفجر بس الساعة وحدة دقت مرت عمي وقالت ان صدامو دش الكويت بس الحمد لله اللي رد الكويت لأهلها والله يحفظنا وياكم من كل شر



اصفهان غير متواجدة حالياً   رد مع اقتباس
قديم 10-11-2012, 04:37:00 AM   #165
مـ ع ـزوفة حز*ن
من كبار شخصيات كويتيات
 
الصورة الرمزية مـ ع ـزوفة حز*ن
 
تاريخ التسجيل: Jun 2010
الدولة: ~ فَرَآشّة يُلـاعِبهآ الهَوآء . . بَينَ . . صُبحٍ وَليلْ "
المشاركات: 10,700

افتراضي رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا


اقتباس:
المشاركة الأصلية كتبت بواسطة broor_20 مشاهدة المشاركة
انا مواليد بعد الغزو


بس ما اقول الا حسبي الله ونعم الوكيل فيهم اللي مايخافون ربهم

....
ابوي كان حزتها بالدوام حزتتهاا "عسكري "
وفصخوهم هدومهم وركبوهم باص عاد الباص ماكفى ولا ينزلون ابوي طبعا ابوي يقول لا بركب بركب <يقوم مادري شسالفه خخخخخ
المهم تم اهو وواحد وتمو يمشون من الحدود وواحد شاافهم كان " بدون " ووداهم بالسياره وراحو مادري وين بالضبط المهم راحو خذوا ملابس لان كانوا على الملابس الداخليه ..
وحزتها خالي بالجيش وخالاتي يبجون وحالتهم حاله لان مارد البيت ومايدرون وينه
..
جدي ابو امي .. قال حق ابوي اخذ البنات " خالاتي " وخوالي الاثنين لانهم كانو صغار وامي ووروحوا السعوديه "عندنا اهل اهناك "وانا بتم اهني
وجدي الله يطول بعمره تم بالكويت وكان عنده غنم وكان يوزع على الجيران اكل وحتى بعد التحرير كرمو جدي ..
واذكر ان كان يقولنا ان كان يوقف بالسطح ويقول " الله واكبر " اهو والجيران بس هالحجي مادري متى اثناء الغزو ولا يوم التحرير
وابوي بحرب التحرير ستدعوهـ ورد الكويت وامي تمت بالسعوديه

ومرت خالي تقولي ان كان ولد جيرناهم عمر 19 ماطلع من الكويت اهله طلعوا واهو تم
المهم كان يحذف الجنود وعرفوا البيت
ودشوا البيت واهو انخش بالكبت واحد من الجنود فتح الكبت وشافه وسكر الكبت قال ماكو احد وطلعوا

المهم بعد مارودوا اهله الكويت شافوا الولد فيه ارتجاج بالمخ لان تعذب من العراقيين كانو يطقون راسه
حسبي الله عليهم الله الله لا يوفقهم

وصج اذكر مره كنا بدبي من 3 سنين واخوي كان قاعد ويمه واحد عراقي
طبعا اخوي اول ما عرف انه عراقي لاعت جبده
ولا يقول لعراقي لاخوي : احنا غزيناكم سامحونا ومادري شنو واحنا نحبكم واحنا انجبرناا
يقول اخوي والله كسر خاطري


بس للاسف اشباه صدام موجودين واكبر دليل الاغنيه الخايسه اللي يسبون الكويت فيهاااا
عممممممممىى بعينهم

الله يرحم شهداءنا يارب
ويحفظ الكويت
واللي يترحمون على صدام عسى ربي يحشرهم معاه يارب

،،،،،


حسبي الله ونعم الوكيييييل فيييهم


الله ينتقم منهم الحقوووودين مآكو احد منهم يكسر الخآطر كللش


...........

.......

..



__________________
twit : an3am_dfsha



ask.fm/OoO_q8_OoO

مـ ع ـزوفة حز*ن غير متواجدة حالياً   رد مع اقتباس
إضافة رد

اكثر الكلمات بحث
لما, الخبر, بالغزو, تسوين, تعالوا, سمعتي, سالفتي, زوجتي, شنو, وشنو, ؟؟, كنتي

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن حسب دولة الكويت : 06:13:20 AM.