كويتيات للطبخ

العودة   منتديات كويتيات النسائية > >

القصص والروايات مانسمعه وما يقوله القصاص .. من خيال وحقيقة وروايات


بيت العنكبوت / بقلمي

القصص والروايات



إضافة رد
 
أدوات الموضوع إبحث في الموضوع انواع عرض الموضوع
قديم 05-06-2012, 04:09:57 AM   #1
ADMNT_7BK
كــويــتــيــة فــعــالــة
 
الصورة الرمزية ADMNT_7BK
 
تاريخ التسجيل: Mar 2012
المشاركات: 466

6 بيت العنكبوت / بقلمي


الــ ج ــزا الاول


وقفة

طفل حرم من أسرته بسبب ذنب لم يقترفه حكم عليه انه لقيط وأمه مازالت على قيد الحياة احبه اخوانه بجنون لكن قدر عليه ان يعيش بعيدا عنهم يعاني الوحدة واليتم وقساوة الحياة بعيد عن احضان أم كرهته وهو في أحشائها مرت عليه السنين قاسية صعبه يكره نظرات الاحتقار



لمحة


سليمان : يالله ياعيال ننزل نصلي
فاطمة: ابجلس عند الصغار حتى ترجع وادخل اتوضا واصلي احسن اخلي البنات على نومتهم مابقى شي ونوصل
سليمان: ايه صادقه يالله بسرعه عيال تأخرنا عن الصلاة
فاطمة: يوم شافتهم رجعو نزلت بسرعه ودخلت لدورات المياه جت تبي تتوضا ماحست الا بيد تلف فمها حاولت تقاوم تصرخ مافيه فايده الرجال اقوى منها ناظرته وعرفت ملامحه وتتقزز من قربه وريحته حاولت وحاولت بدون فايده تركها كسيرة حسيرة وهرب بسرررعه داخل القريه المظلمة مو مصدقه الي صار لها هموم الدنيا فوق راسها تسمع بواري سيارة زوجها غسلت وجهها من الدموع وقررت تفكر بعقلها ركبت سيارة زوجها سرحانه بالي صار لها تناظر زوجها المبسوط وهو يسمع شريط القرآن لو تقوله خسرته وشردت اربع ابناء بدون ذنب اقترفته تبكي بصمت وتحاول تكتم شهقاتها وصلت للبيت وحالتها حالة




سليمان: وش فيك فاطمة
فاطمة: لاممافيني بس مرهقه مع السفر حاول يتقرب لها تعذرت بتعبها شهر وهو كل ماتقرب لها تتعذر وتتحجج بحجة تدعي ربها ان تأتيها الدورة وتتخلص من العذاب الي هي فيه انتظرت وانتظرت بدون فائدة عرفت انها حامل من اعراض الوحم
سليمان: فرحان بحملها بنته الاخيرة عمرها 7 سنين وزوجته ماحملت اشتاق للعيال
فاطمة: تتعذب اكثر كل ماتشوف فرحته
سليمان: وعياله ينتظرون قدوم المولد على أحر من الجمر
فاطمة: تدعي ربها انه يموت وهو في بطنها وكل ماتهدا حركته تفرح بس تطفى فرحتها اذا تحرك باحشائها تنتظره خبر وفاته اول مايخرج منها
اقترب خروج الطفل وكانت تبكي بقوة
سليمان: يسمي عليها ومستغرب منها فاطمة كانت دايم امراة صبورة جبارة اربع مواليد جابتهم كانت تخرج دمعه فقط وتخفي المها هالمره حملها بضيقه وولادتها بتعب رحمها أكثر ويدعي ربه انه يخلي له ولده و وزجته
فاطمة: كل ماتسمع دعائه تتألم اكثر رفعت عيونها تدعي ان ربي ياخذها او هالولد الي ببطنها وترتاح
صررراااخ طفل صغير وصل مسامع سليمان الي فرح يوم قالت له الممرضه مبروك ولد والام بشريني عنها الحمد لله كلهم تمام يتربى بعزك ان شاءالله رفع يدينه الحمد لله الحمد لله انتظر وقت الزيارة على أحر من الجمر دخل على زوجته باسها وضمها اختاري احلى هديه لانك جبتي لي احلى هديه من ربي وهالمره تعبتي فيه حيل
فاطمة: تشوف فرحته وتسمع كلامه يزيد حزنها مابي منك ياروحي شي اهم شي فرحتك تقول هالكلمات وهي تحس انها تغشه
سليمان:شفتيه
فاطمة: عقدت حواجبها لا ومابي اشوفه
سليمان: استغرب افا ليه
فاطمة: تداركت الموقف لابس تعبت فيه حيل واحس الحين مالي خاطر اشوفه
الممرضه: جابته بين ايدينها تفضلي
فاطمة: كارهه حتى تشيله بس ماحبت تبين قدام زوجها اخذته يوم شافته تذكرت وجه العامل الي بالمسجد نفس سماره وملامح وجهه بسرعه عطته سليمان
سليمان: شاله وجلس يبوسه بحنان فديته هالمره شكل جديد ماتغذيتي فيه الله يهديك نحيف واسمراني موزي اخوانه
فاطمة: تتغصب الابتسامه
يوسف: يبه وش راح نسميه
سليمان:وليد
فاطمة: ابي اسميه غررررريب
سليمان: ماغريب الي الشيطان خليه وليد احسن مسكين اخاف يكره اسمه
فاطمة: طلبتك ابي غريب معجبني ومادام شكله يختلف عنهم ابسميه غررريب
سليمان: بطيبة وحنان لك الاسم يام يوسف ماتعب فيه غيرك خلاص اسمه غررررريب



وقفة


خرجت على الدنيا بصرخات طفلة تبجث عن ضمة حنان من والديها وضعوها بالحضانة وكل من في عمرها يتسابقون أهلهم لاحتضانهم والسؤال عنهم بينما هي لاتجد غير مواساة من ممرضة تؤدي عملها وتسكتها وترضعها وتنومها تبكي وتبكي لعلها تنعم برائحة أمها لكنها حرمت من ذلك لأن أمها ضحت بنفسها لتعيش طفلتها الصغيرة


لمحة


يسرررع بسيارته بصورة جنونية ويدعي ربه الله يستر فوزية بخطر مومعقولة اول بنت سميتها فرح لأنها أول حب بحياتنا عشت معاك خمس سنين أحلى سنين عمري ماتخيل حياتي بدونك بس ان شاء الله الدكتور مكبر السالفة كل الحريم يجيبون ضنا ومافيهم إلا العافية ياربي ماتخيل حياتي بدونك فوزية الله يهديك محذرينك الدكاترة بأول حملك ان خطر عليك لازم تنزلين الجنين الي ببطنك بس انتي رفضتي وصممتي ا نالي ببطنك يعيش كل شوي يتذكر و يدوس على البنزين قطع كل إشارة قدامه عرض نفسه وغيره للخطر وهو موحاس بالي حوله صورة فوزيه ماتغيب عن خياله وصل للمستشفى ويركض بممراته ويفتح باب الدكتور وهو فحمان يالله يتكلم هاه بشرني دكتور
الدكتور: نظرات حزن وبنت صغيرة بين ايدين الممرضة حط يده على كتف سعد ان لله وان اليه راجعون زوجتك راحت وعطتك أمانة حافظ عليها اخ سعد كان اخر كلامها وصيتي بناتي وصيتي بناتي
سعد / لاااااااااااااااااااااا ماصدق مستحيل فوزية تروح وتخليني مستحيييييييييييييييييل
بعد أيــــــــــــــــام
سعد: مفكوك ازرار الثوب وماعليه شماغ وهالات الحزن حول عيونه يكلم موظف الاحوال المدينة سجل اسمها شجون
الموظف :رفع راسه بتعجب ياخوي تعرف ايش معنى اسمها
سعد: بحزن وبغير نفس اعرفه مابقى غير بزر يعرفني معنى اسم بنتي
الموظف: صغير صح بس محترم مسك نفسه ولايقدر يرد عليه ياخوي مادامك تعرفه ليه تتفاول على بنتك بالحزن
سعد: لانها جت وجاء الحزن معها جت وحرمتني من اغلى ناسي جت هي وغابت جوهرة من حياتي
الموظف: ياخوي تعوذ من ابليس كل شي مقدر ومكتوب
سعد: بعصبية انت تعوذ من ابليس وسجلها شجووووووون
&&&&&&&&&&&&&&&&&


غريب وشجووون

والديهم نسجو حول حياتهم خيوط عذاب حرمتهم السعادة وجعلت الحزن عنوانهم لسبب لم يقترفوه


وكثير منعوني اني اطرح مثل هذه القضية الحساسة بس انا عايشت وسمعت بمثل هذه القضايا وصممت ان اطرحها بروايتي الرابعة بيت العنكبوووت
روايتي هذه اهديها لاي بنت عاشت ببيت عنكبوت مثل ماعاشت بطلتنا واختها نسال الله ان يجنب بنات المسلمين من هذه البيوت
روايتي اهديها لاي طفل لقيط عانى وتعب بسبب غلطه لم يرتبكه
روايتي تحكي لنا معاناة البنات الصابرات على اسرهم لو ماصرحو بمشاكلهم للغير
روايتي تجعلنا نعيش معاناتهم ولو للحظات من قرآتنا لهم
اسال الله ان يفيد فيها وان تعجبكم وتمتعكم ونجني منها فوائد تفيد الجميع
ان لقيت ردود وتقبل لروايتي راح انزلها بموعدنا المعتاد اثنين وجمعه
وان لم تحظى روايتي باعجابكم احتفظ بمذكراتي لي
دمتم لي بود اختكم admnt_7bk



__________________


Ask Me

التعديل الأخير تم بواسطة ADMNT_7BK ; 05-06-2012 الساعة 04:14:03 AM
ADMNT_7BK غير متواجدة حالياً   رد مع اقتباس
قديم 05-06-2012, 05:01:52 AM   #2
OM.3ZOoOZ
المنتدى للنساء فقط (ممنوع تواجد البويات )
 
تاريخ التسجيل: Oct 2011
الدولة: كويت
المشاركات: 413

افتراضي رد: بيت العنكبوت / بقلمي


ابداااااااااااااااااااااا ااااااااااااااااااااع قليل عليهاا
صراااااااااحه تعلقت حيييييييييييييييييييييل بالرواايه




واتمنى انج تكملينها حبيبتي (:



OM.3ZOoOZ غير متواجدة حالياً   رد مع اقتباس
قديم 05-06-2012, 05:04:10 AM   #3
OM.3ZOoOZ
المنتدى للنساء فقط (ممنوع تواجد البويات )
 
تاريخ التسجيل: Oct 2011
الدولة: كويت
المشاركات: 413

افتراضي رد: بيت العنكبوت / بقلمي


يشرفني حييييييييييييييييل ان انا اول وحده ترد عليج



OM.3ZOoOZ غير متواجدة حالياً   رد مع اقتباس
قديم 05-06-2012, 05:08:31 AM   #4
ADMNT_7BK
كــويــتــيــة فــعــالــة
 
الصورة الرمزية ADMNT_7BK
 
تاريخ التسجيل: Mar 2012
المشاركات: 466

افتراضي رد: بيت العنكبوت / بقلمي


اقتباس:
المشاركة الأصلية كتبت بواسطة OM.3ZOoOZ مشاهدة المشاركة
ابداااااااااااااااااااااا ااااااااااااااااااااع قليل عليهاا
صراااااااااحه تعلقت حيييييييييييييييييييييل بالرواايه
  1. واتمنى انج تكملينها حبيبتي (:
  1. منوره ياقلبي راح اكمله لمه اجوف تفاعل حلو




__________________


Ask Me
ADMNT_7BK غير متواجدة حالياً   رد مع اقتباس
قديم 05-06-2012, 05:09:48 AM   #5
ADMNT_7BK
كــويــتــيــة فــعــالــة
 
الصورة الرمزية ADMNT_7BK
 
تاريخ التسجيل: Mar 2012
المشاركات: 466

افتراضي رد: بيت العنكبوت / بقلمي


[quote=om.3zoooz;30732922]يشرفني حييييييييييييييييل ان انا اول وحده ترد عليج[/quote] ويشرفني انا بعد انج اول وحد



__________________


Ask Me
ADMNT_7BK غير متواجدة حالياً   رد مع اقتباس
قديم 05-06-2012, 05:11:21 AM   #6
ADMNT_7BK
كــويــتــيــة فــعــالــة
 
الصورة الرمزية ADMNT_7BK
 
تاريخ التسجيل: Mar 2012
المشاركات: 466

افتراضي رد: بيت العنكبوت / بقلمي


ول عيونج om.3zooozراح اكمل البارت الثاني



__________________


Ask Me
ADMNT_7BK غير متواجدة حالياً   رد مع اقتباس
قديم 05-06-2012, 05:18:01 AM   #7
ADMNT_7BK
كــويــتــيــة فــعــالــة
 
الصورة الرمزية ADMNT_7BK
 
تاريخ التسجيل: Mar 2012
المشاركات: 466

افتراضي رد: بيت العنكبوت / بقلمي


بيت العنكبوووت الجزأ الـثــاني
في بيت متهالك قديم في احد احياء الرياض القديمه
تناظر المراية تتأكد من شكلها قبل ماتطلع فتحت الدولاب طلعت شنطتها اقنر ووضعت عطرها المميز لانكم وقبل هذا رشت منه الكثير والكثير اخذت عبائتها المزخرفة ووضعت طرحتها استعدادا للف لثامها الفتان
شجون: تناظرها باستحقار شكلك تاخرتي على سهرتك سواق ابو رامي ينتظرك بره من ساعه
فرح: بدلع خليه ينطق سواق اثيوبي لا راح ولاجاء لفت تناظرها تعرفي اليوم سهره خاصه موصيني عليها ابو رامي لو جيت مو على مايرام زعل مني وتعرفي انا ماتحمل زعله ضحكة بدلع وغنج
شجون: تنقرف من دلعها ومياعتها تكرهها ولاتحب تكلمها مرت من عندها الله يهني تعيس بتعيسه
فرح: ابفهم انتي ليه تكرهيني مع اني اختك الكبيرة الي تحبك
شجون: وهي عرقانة وحالتها حاله من متى هضمتك وكيف اهضم وحده تبيع نفسها كل ليله بحضن رجال غريب
فرح: تتظاهر عدم الاهتمام بااااااااااااي تاخرت كتييررر خيتوووو وارسلت لها بوسة بدلع
شجون:تقرفت اكثر من دلعها وقالت الله يهديك بس دخلت الحمام الضيق الي بغرفتها هي واختها تحممت بعد جهد بذلته في بيت ام فواز الي ماتعرف الرحمه طلعت تمشط شعرها الي مشعث ولايكاد يتجاوز اذنيها تناظر وجهها بالمرايه وتقارن بينها وبين اختها ابتسمت وربي اشك اننا خوات شقيقات هي وين وانا وين ااااااااااه ابدور لي شي اكله احس جسمي مكسر وجيعانه حيل وماحليت دروسي الله يعين طلعت للمطبخ خلت اكل اختها على جنب تكره أي شي منها طلعت الخبز الي اشترته من فلوس عملها في بيت ام فواز وبسطة ام صالح لفت قطعة خبزه بحبة جبنه كل شي يكفيها لأنها نحيفه الى حد غير معقوول وهي تاكل وتشرب مويه مع خبزتها سمعت صوته المرعب دخل البيت بقى نصف خبزتها الصغيره رمتها وركضت للغرفه
سعد" دخل وهو يترنح ويهذي بكلام غير مفهوم ويغني ويضحك
شجون: قربت من باب غرفتها بخوف من ابوها ماحست الا بيد تشد شعرها بكل عنف
سعد: وين رايحه ؟؟؟؟؟؟
شجون: بتوتر كنت ابدخل انام
سعد: وهو يشاهق وين الفلوس يالمعفنه
شجون: اااااي طيب يبه خلني وابعطيك اياها جوا بالغرفه
سعد: دفها بكل قوه كنتي ناويه تخبينهم عني ياوجه النحس يالخايسه يالحيوانه
شجون: تركض وتعطيه لا يبه عمري ماخذت شي الا القليل الي يعيشني
سعد: جرها بقوه اكبر حتى القليل لاتاخذين سامعه او لا
شجون: بس كيف اكل يبه
سعد: وهو يشاهق ان شاءالله تموتين انتي موتك راحه دفها ودخل غرفته وهو مبسوط من فلوس يقدر بكره يشتري فيها هيروين الي ادمن عليه
*******************
في استراحة ابو رامي الفخمه
ابو رامي: تاخرتي فرح كثيرر
فرح: وهي تعدل ملابسها العاريه مرة مع فتحت الصدر الكبيررة وفستان ضيق يبين كل معالمها وفتحة توصل نصف الفخذ ايه كنت انشغلت وانت قلت لي سهره راح يجيك فيها ناس هاي قلت اتضبط اكثر وابتسمت بخبث
ابو رامي: احب شطارتك ضمها مع خصرها تعرفي فرح هذا واحد مهم عندي ابيك تحرصين تلفتين نظره وتوقعينه بشباك اوك
فرح: ولايهمك دنا فروحه ههههههههههههههه
بدات السهره وبدات الراقصات يتمايلن من جمنيع الجنسيات وقمه بالجمال والفنته من بينهم فرح الي سرقت عقول وانتباه الرجال برقصها ودلعها وحركاتها المثيره طبعا سقط هالهامور المنافس بشباك ابو رامي وانفتن فعلا بفرح وصور عليه ابو رامي صور تلوي ذراعه
*************************
في المدرسه
***: شوفي هالبنت يقولون اخت فرح
مشاعل: تلتفت تناظر بشجون لا مومعقوله فرق كبيرر بينهم
***: ايه بالشكل واللبس انا زيك استغربت
مشاعل: مسكينه شكلها يرحم مريولها واضح انه منهري وقديم حيل وشكلها مرره يكسر الخاطر وجهها شاحب وطويله ونحيفه حيييييييل وسمراء وعلى سمارها عيونها لوزيه ذبلانة ولون عيونها ماتناسب مع سمارها ونحفها مطلعها المسكينة ابشع موزي اختها بياض وعافيه وشعر ناعم مصبوغ ومضبط وتهتم بنفسها اتوقع خوات من اب مو شقيقات
***: انا نفس كلامك بس البنات يقولون خوات شقيقات
مشاعل: غريبه طيب ليه ماشوفهم جميع وفرح مجمعه شله معاها هذي دايم ماسكه كتابها ومنعزله عن العالم
***: عاد تصدقي انا مارتاح لفرح ابد بعدين تراها اكبر منا بس تاخذ السنة بسنتين
مشاعل: انا زيك مارتاح لها ابد بس غصب تلفت نظري بشكلها ودلعها واناقتها
***: مادري قلبي مومرتاح لهاابد
مشاعل: الله يستر عليهم المهم مشينا
***: السواق راح يجيك
مشاعل: لا اخوي فارس
***: لا اسمح لي
مشاعل: *** فكينا من دلعك مادري ليه ماتهضمين فارس
***: كذا من الله
مشاعل: ومشاري كذا من الله تستحين منه
***: ايه من يومي صغيره استحي منه مشاري حنون وطيب يفرض احترامه بس اسمح لي فارس متكبر ومغرور وشايف حاله مادري على ايش بعذر عبدالرحمن لو كرهه
مشاعل: بحزن تعرفي ان عبدالرحمن يكره فارس علشان اختي شعاع
***: فيه احد عاقل يهجر وحدة زي شعاع
مشاعل: تحجرت دموعها بعيونها لمجرد ذكرى شعاع فكينا وتعالي
***: لا يعني لا
مشاعل: قسم عمك محمد يزعل منك تعرفي انه مايقدر هو ولا ولده عبدالرحمن يجون ياخذونك يالله اقول بلا دلع
***: طلعت من المدرسه وهي مرة متضايقه تكره فارس لحد النخاع
مشاعل: السلام عليكم هلا وغلا باخوي
فارس: وهو محمر من زود العصبيه ساعه تاركيني كأني سواق عند ابوكم
***: تقول بقلبها ماعنده احترام لأحد ماحترم وجود غريبه معاه
مشاعل: حطت الغلط منها ماسمعته ينادي آسفه اخوي
فارس: والي وراء بعد ماسمعته
***: خلااااااااااص ولعت نار بس ماسكه نفسها عيب ترد على واحد مو محرم لها وهي اصلا رقيقه ودلوعة عمها محمد
مشاعل: قالت بقلبها من حينها *** تكرهه لاعاد سوا كذا ردت تدافع مسكينه قالت لي بس ماصدقتها
فارس: مرة ثانية فتحي اذانك زين مفهووم
مشاعل: بخوف مفهوم وحقك علي
***********************
في غرفة مشاري
مشاري : طالع متحمم ومشط شعره ولبس ثوب البيت وتعطر
العنود: جالسه رجل على رجل تقرا مجله
مشاري: جاء من وراها وباسها مع اذنها
العنود: ببرود سكرت المجله غريبه طالع بدري من شغلك
مشاري: اشتقت لحبيتي وجيت لها وابتسم لها بحنان
العنود: رجعت تقرا المجله توك تشتاق لنا اربع سنوات توالشوق يجيك ايش تغير يعني
مشاري: من زمان اشتاق بس ياقلبي ساعات شغلي مايسمح لي حياتي ابروح اشوف شعاع قبل مانزل للغداء
العنود: خذ راحتك وكملت قرايتها بضيق
******************
تجلس على كرسيها وجهها منير وابتسامة لاتغادر شفتيها بشعر قصير وخفيف ووجه نحيل عظام فكيها واضحات من نحفها
مشاري:طرق الباب يستأذن بالدخول
شعاع: عرفته من طريقة ضربه على الباب ابتسمت بفرح ادخل يابو بندر
مشاري: دخل وابتسامه مشرقه تنور وجهه يحبها ويشتاق لها ... اموت واعرف كيف تعرفيني
شعاع : ابتسمت بمرح تعرف ان حاستي السادسه قويه
مشاري:قرب لها وباسها مع راسها
شعاع:مسكت يده بحنان وباستها
مشاري: كم مره اقولك لاتبوسيني مع يدي
شعاع: وكم مرة اقولك لاتبوسني مع راسي هههههههههه
مشاري: عنيده وقرصها مع انفها
شعاع: بابتسامة مرح مو اعند منك ههههههههههه
مشاري: ماراح تنزلي تتغدي معانا
شعاع: بتوتر فارس راح يجي
مشاري: بعدم اهتمام يجي مايجي بالطقاق انتي القادمه وهو المتأخر
شعاع: لا ياخوي انا اكلت الحمد لله وتعرف ماحب اكثر لاني مامشي صعب يتهضم اكلي علشان كذا ماحب أكثر الأكـل
مشاري: ماحب يضغط عليها عارف انها تتعذر علشان ماتقابل فارس براحتك شعاع تامريني بشي اخوك تعبان وهلكان بس ينتظر الغداء يحط راسه ويروح بسابع نومه
شعاع: بالعافيه عليك والله لايحرمني منك يابوبندر
مشاري: بحزن ولامنك ياشعاع القلب
كم تحزنها هذه الكلمة وكم تؤثر فيها اخوها يفرحها بها ولم يعرف انه يوجع قلبها ويقلب مواجعها ويدمي جراحها فتحت مصحفها انيسها في وحدتها وحزنها الدائم الذي تخفي عن من حولها تتصنع الابتسامة دائما حتى لايحزنو من يحبونها
********************
في بيت سعد
فرح : نايمه ماتحس بالي حولها سهرت بالليل كثير وراحت للمدرسه والحين راح تنام حتى تشبع
شجون: لبست عباتها المتهالكه وراحت لبيت ام فواز
ام فواز: فتحت الباب وهي تناظرها بقرف ليش اليوم تأخرتي
شجون: بخوف كنت احل دروسي وبسرعه جيتك
ام فواز: ان تأخرتي ثانيه ابشوف وحده غيرك فاهمه او لا
شجون : فاهمه بسرعه استلمت شغلها تكنس الحوش في عز الظهر وتغسل الملابس وتكويهم وتنظف المطبخ قبل مايأذن العصر علشان تروح لبسطة ام صالح راحت لأم فواز خلصت كل شي تسمح لي اروح
ام فواز: تناظر بشغلها بعدم رضاء بكره ابي ازين او ابنقص من فلوسك
شجون: سمي ان شاءالله بكره احسن
ام فواز: خلاص روحي ايش تنتظرين
شجون: بخجل الحساب
ام عدنان: خليها بكره اليوم ماعندي عشرين ريال
شجون: ابوي يعصب رافض اشتغل عند احد الا يسددوني بيومه واخاف يخانقني
ام فواز: فتحت محفظتها ورمت عليها خمسة عشر ريال قالت روحي ماعندي غيرهم
شجون: بس وربي اليوم الملابس كثيره ووو
ام فواز: احمدي ربك ماخليتهم عشره شغلك ماش ماعجبني وودي ادور غيرك بس راحمتك علشان ضروفك واحمدي ربك اني ادخلك بيتي وانتم عايله استغفرالله مشبوهه
شجون: لاخلاص الله يبارك فيهم لبست عباتها وطلعت
ام فواز: ازين مابها غبيه ترضى باي شي والله لو اجيب مية شغاله مالقى احسن من شغلها ههههههههههههههه
شجون: طلعت حزينه لبسطت ام صالح وكرهها يزيد لأختها الي شوهت سمعتهم وهي تساعدام صالح بجو حااااار مرررة جاء الشخص الي يدق قلبها لشوفته او شوفة أي واحد زي التزامه
يوسف: يشتغل بالهيئة ولازم يلف بالحارة هذي ومتعود يشتري اغراض لأمه من ام صالح قرب يشتري منها بعض الأدوية العربيه الي وصته امه عليها
شجون: تطالع فيه من تحت لتحت شخص عادي جدا غير جذاب بس جاذبيته بلحيته الي تكسي وجهه وعقله وسكينته ووقاره
ام صالح: ياوليدي مامعك فكه ((صرف ))
يوسف: بابتسامه لا ياخاله مامعاي الا خمس ميه براسها
ام صالح: اجل اصبر يابنت روحي لبسطة ام صقر وجيبي فكه
شجون: اخذتها وراحت تدور صرف الخمس ميه رجعت لام صالح سمي ياخاله الصرف
ام صالح: تأخرتي الله يهديك انتظر حتى مل لو اناديه ينبح صوتي ماسمعني روحي وعطيه
شجون: زاد خجلها بس ياخاله استحي منه قسم
ام صالح: ياكافي قالو لك يبي ياكلك يالله روحي عيب تاخرنا عليه تشوفينن ماقدر اروح له رجليني ماتساعدني
شجون: مشت له وقربت له بخجل
يوسف: كان متسند على عامود الكهرب ويسوك اسنانه ويطالع بالي يروح والي يجي
شجون: ماتعرف كيف تناديه سكتت وظلت واقفه وراه
يوسف: طفش من الانتظار وجاء يبي يلف الا هي بوجهه نزل راسه وقال اسف
شجون: بدون ماتتكلم مدت له الفلوس وراحت
يوسف: استغرب من أدبها وخجلها قال بقلبه سبحان من خلق وفرق بينها وبين اختها
شجون : رجعت لبسطتها مجرد شوفتها لواحد ملتزم يدق قلبها تتذكر كلماته مازالت ترن بإذنها من يومها صغيرة حتى الحين سرحت بعيييييييد قببببل عشر سنوات
غريب: شجون هاتي اساعدك
شجون: بطفولة وبرائة انت معاك اغراض وتعبان حيل ماتقدر تشيلهم
غريب: بس ماتنسين اني ولد وانتي بنت ضعيفة لف يناظرها وابتسم ونحيفه حيل شوي تتكسري كيف تتحملي اغراض زي كذا مادري كيف ابوك يرضى يشغلك هالشغلة مايخاف من ربه
شجون: خنقتها العبرة تعرف اني ابوي مايطقيني
غريب: طيب تعالي نجلس شوي تحت الظلال وابشتري لك موية احسك عطشانة حيل
شجون: مسكت يده لاغريب لاتصرف ولا ريال عمك جاسم راح يهاوشك
غريب: فك يدها ماراح يعرف لاتخافي راح يشتري موية وعطاها
شجون: تناظره بحزن وانت ليه ماتشرب
غريب: الحمد لله رويان
شجون: بحزن اكثر واضح على شفايفك العطش
غريب: بسرعة انتي اشربي وماعليك مني
شجون: فكتها وشربت منها شوي ومدتها له اشرب
غريب: وهو صاد وواضح العطش عليه لا كملي انتي انا ماعطشت قلت لك
شجون: نزلت راسها آاسفة اكيد انك تتقرف مني زيك زي غيرك ثيابي رثة وشكلي شين ماحد يشتهي حتى يطالعني كيف انت تشرب بعدي
غريب: لف عليها ورفع راسها بين ايدينه قسم بعيوني تجنن يكفي لون عيونك
شجون: كل البنات في المدرسة يقولن تخرعي لون عيونك بشع على سمارك يقولون كيف انتي اخت فرح هي حلوة وانتي شينة وامتلت عيونها دموع
غريب: شجون انا تعجبني عيونك وواشوفك اجمل من فرح مليون مرة ترك وجهها ولف عنها يكفي البراءة الي اقراها بعيونك مسك مويتها وشرب منها وعطاها لها شفتي ماتقرف منك
شجون: ابتسمت بفرح طفولي شكرا سكتت شوي وتناظر بعيد سبحان الله احنا نفس بعض انت يتيم وانا يتيمة
غريب: وهي يناظر بعيد قال بألم وحسرة بس انا غريب لا أم ولا أبو
شجون: انا عندي ابو بس ماعمري ولايوم حسيت بابوته ولاحنانه لي
غريب: تعرفي شجون
شجون : ايش غريب
غريب : مشكلة ان صورة الانسانة الحنونة عيت تبعد عن بالي شجون متأكد ان فيه وحدة كانت مدلعتني بس كانت وحدة بنفس بيتنا تكرهني نظراتها لي بحقد عكس وحدة اسمها الجوهرة كانت تدافع عني وتنومني بحضنها وواحد اسمه يوسف ياخذني للبقالة ويشتري لي العاب كثيرة المشكلة الي تكرهني كنت انديها ماما بس كنت قليل مانديها او الجأ لها كنت حيل أخاف منها
شجون: تناظره باستغراب وينهم عنك يمكن ماتو اهلك وبقيت انت
غريب: لا شجون اذكر رحت بعيد مع الانسانة الحقوده ورجال ثاني وكنت خايف منهم نزلوني للحمامات طلعت ادور عليهم مالقيتهم جلست ابكي وابكي جو ناس خذوني لدار الايتام بعدين جاء عمي جاسم ورباني عنده بس خوش تربية يغديني ويعشيني ضرب
شجون: واخذك عمك جاسم علشان يعذبك
غريب: شجون استاذي محمد علمنا ان الانسان يبتليه ربي ولازم يصبر ويدعي ربه كثيررر تعرفين انا ايش ادعي بعد كل صلاة
شجون : بايش
غريب: اني اكبر بسرعة واتوظف وظيفة زينة طيار دكتور مهندس ضابط شي يجيب لي فلوس كبيرة واشتري بيت حلووو وكبير واجي لك وانقذك من ابوك
شجون: بحلم طفولي غمضت عيونها ياليت غررريب ونسافر بعييييييييد
ام صالح: شجون شجون
شجون: فتحت عيونها سمي ياخالة
ام صالح: الله يهديك يابنيتي ساعة وانا اناديك
شجون: اسفة ياخالة سرحت شوي
ام صالح: أي شوي الله يصلحك ساعة وانتي مو يمي ولايم الزباين
شجون: حقك علي ياخالة قالت بقلبها لاتلوميني ذكرى غريب يشل احساسي بالي حولي تنهدت بحزن وهي تشيل اغراض البسطة مع ام صالح وتمشي وراها توصل البسطة لبيت ام صالح وينك غريب هذاني كبرت وانت كبرت بس تركتني وماجيت تاخذني زي ماوعدتني آآآه يارب انك بصحة وسلامة يارب انك حققت حلمك بوظيفة زينة يارب انك ملتزم ومحافظ زي مارباك استاذك ومثلك الاعلى الاستاذ محمد مازالت كلماتك ونصايحك لي ترن باذني وراح اتمسك فيها حتى اموت ماراح انحرف زي اختي فرح ولا راح يأثر فيني ابوي وسكره لو على موتي بس يارب ساعددني واحميني منهم
***********************
في بيت ابو مشاري
العنود : جلست بعد الغداء عند خالتها ومشاعل يشربون شاهي ويسلفون شوي طبعا اليوم اربعاء مشاعل ماتنام الظهر من فرحتها انه اجازة
مشاري: يالله ياخالة توصيني بشي ابطلع غرفتي انام لي شويه قبل مارجع لدوامي (طبعا مشاري واخته نوال ام عبالرحمن تكون ام فارس زوجة ابوهم بس طيبه معاهم حيل ماتزوجها ابوهم حتى كبرو امهم متوفيه وهم صغار)




ام فارس: ياقلبي انت بعد عندك دوام
مشاري: الشكوى لله عملي ولازم اصبر
ام فارس: الله يعينك ياروحي
مشاري: باسها مع راسها تمسين على خير ياخاله
ام فارس: تلاقي خير ياروح خالتك ناظرت بالعنود يابنتي شكل مشاري محتاجك يجلس معك شوي قبل مايرجع يداوم
العنود: لاياخالة مايحتاج هو يبي يرقى يحط راسه وينام وانا مافيني نوم
ام فارس: براحتك يابنتي
مشاعل: انا ابرقى فوق اتحمم وامر على شعاع وانام شويه قبل مانطلع للمزرعة
فارس: احم احم
العنود: تغطت
ام فارس: ادخل فارس
فارس: مساكم الله بالخير ونزل وباس راس امه
امه: الله يمسيك بالخير ياوليدي
فارس: يناظر بمشاعل تراني انا ابوديكم للمزرعة لاتتاخرين وراي شغل
مشاعل: انا ابروح مع ابوي انت ارتاح
فارس: لو ابوي ماوصاني ماقلت لك ابوديك اقول اخلصي علي بس وبلادلع تراني مو مشاري ولا ابوي علشان تتدلعين عليه وتقطعينه ساعه عند الباب وخلاهم ورقى فوق
مشاعل: اموت واشوفه مرة مروق ومومعصب كذا
امه: الله يهديه حاااار
العنود : بابتسامة بالعكس تعجبني شخصيته
مشاعل: يع شخصية زفت بعذر *** لو ماتطيقه
ام مشاري: عيب يانتي تقولين عن اخوك يع
مشاعل: يافديت مشااااااري بس ياليت امه جابت الف زيه موزيي اخوي هالمغرور فارس
ام فارس: والله لازعل منك ترا فارس طيب فديت قلبه بس طبعه حار شوي
مشاعل: والله يمه مادلته الطيبة يالله ابروح اتجهز قبل مايلقى حجة علشان ينافخ فيها علي ويبرز عضلاته
العنود: بقلبها هذي الشخصية الحلوة مو شخصية مشاري الضعيفة تعجبني شخصيتك حيل فارس يابخت من هي زوجتك راح يحسبون لها الف حساب
******************
في غرفة مشاري
مشاري: لبس ملابسه يبي يروح لدوامه ضم العنود حبيتبي تبغيني اوديك الحين
العنود: وهي تبعد عنه وين هالحين لسه مايجتمعون بدري
مشاري: خلاص حياتي ابحاول اطلع واوديك انتي وشعاع ان رضت تطلع
العنود: جلست بضيق لا انا ابروح مع اخوي سلطان
مشاري: ليه حياتي
العنود: لفت تناظره بعتب اخاف زي العادة تقول ماحصلي وانا اتوهق بعدين تعرف ان السيارة ماتكفيني انا وشعاع
مشاري: ضاق صدره عرف انها ماتبغى تروح معاه علشان شعاع لازم تركب قدام علشان رجولها قال بضيق براحتك وطلع
العنود: مسوي نفسه ضايق والله الا شعاع مربوطة فينا يعني صار فارس مايطيقها تنشب فينا ليه عمي مايوديها مالومهم زوجي ماعنده شخصيه فارس يصرخ صرختين وهم ينشبون بحلقنا وزوجي المحترم بالع لسانه وساكت
مشاري: متعود يدخل ويطلع من البيت لازم يمر شعاع دق الباب ودخل
شعاع: توها مخلصة من صلاة العصر وتقرا قران سكرت مصحفها وابتسمت له
مشاري:آآآآآىسف ياقلبي قطعت عليك خلوتك بربك
شعاع: لاتتأسف فديت قلبك
مشاري: تبين تروحين معاهم بدري او متأخرة
شعاع: والله ياقلبي مالي مزاج طلعت اليوم
مشاري: بس
شعاع: لفت بكرسيها ارجوك مشاري مالي مزاج اليوم
مشاري: باسها مع راسها وهي لافه عنه براحتك ياقلبي
شعاع: وهي صاده حطت يدها على يده الي ماسك فيها راسها ارجوك لاتزعل مني بس وربي اليوم ابد مالي مزاج
مشاري: افاا عليك ازعل من روحي ولا ازعل عليك وانا عارف ان جلست االاستراحة تتعبك واهم شي راحتك
شعاع: لفت عليه وبابتسامة عسى عيني ماتبكيك
مشاري: ولا تبكيك يانور العين
******************
انتهى جزأنا الثاني
طبعا راح تكثر شخصيات راح صعب تتعرفون عليهم بسرعة بس ان شاءالله بعد كم جزا راح تعرفونهم لانه راح يدخل شخصيات غير هذولا وراح يكون لهم تأثير على روايتنا
بس الاسأله الي تطرح نفسها
ايش بين فارس واخته شعاع ؟؟؟
وين غريب وهل راح يرجع ينقذ بطلتنا شجون قبل ماتهلك في بيت العنكبوت ؟؟؟؟؟
ماسر حزن شعاع ؟؟؟؟
تعمدت الاطالة في هذا الجزا علشان تتعرفون على ابطالنا
اتمنى انكم تعرفتو عليهم وان شاءالله الجزا الثالث راح تتعرفون على شخصيات ثانية واحداث كثيرة
اما اعمار واشكال ابطالنا راح تعرفونها من خلال سرد الرواية
فائدة :

قيل لبعض الحكماء : من السعيد؟
قال : من أعتبر بأمسه ونظر لنفسه
قيل : من الشقي ؟
قال : من جمع لغيره وبخل على نفسه
قيل : من الحازم ؟
قال : من حفظ ما في يده ولم يؤخر شغل يومه لغده
قيل : من المنصف ؟
قال : من لم يكن إنصافه لضعفه يده وقوة خصمه
قيل : من الجواد ؟
قال من لم يكن جوده لدفع الأعداء , وطلب الجزاء
قيل : من المحب ؟
قال : من لم تكن محبته لبذل معونة أو حذف مؤونة
قيل : من الحليم ؟
قال : من لم يكن حلمه لفقد النصرة وعدم القدرة
قيل : من الشجاع ؟
قال : من لم تكن شجاعته لفوت الفرار وبعد الأنصار
قيل : متى يكون الأدب أضر ؟
قال : إذا كان العقل أنقص




__________________


Ask Me
ADMNT_7BK غير متواجدة حالياً   رد مع اقتباس
قديم 05-06-2012, 06:55:52 AM   #8
OM.3ZOoOZ
المنتدى للنساء فقط (ممنوع تواجد البويات )
 
تاريخ التسجيل: Oct 2011
الدولة: كويت
المشاركات: 413

افتراضي رد: بيت العنكبوت / بقلمي


ايش بين فارس واخته شعاع ؟؟؟
مادري صرااحه انا مستغربه لان شكل بينهم قصة حب قديمه بس شلون واهم اخوان؟؟




وين غريب وهل راح يرجع ينقذ بطلتنا شجون قبل ماتهلك في بيت العنكبوت ؟؟؟؟؟

اتوقع غريب لالحين يكمل دراسة ولما يتوظف راااح ينقذ شجون
ماسر حزن شعاع ؟؟؟؟
اممم اظن صااير معاها حادث اوشي جذي خلها مقعده



OM.3ZOoOZ غير متواجدة حالياً   رد مع اقتباس
قديم 05-06-2012, 07:00:17 PM   #9
OM.3ZOoOZ
المنتدى للنساء فقط (ممنوع تواجد البويات )
 
تاريخ التسجيل: Oct 2011
الدولة: كويت
المشاركات: 413

افتراضي رد: بيت العنكبوت / بقلمي


up up up up up up



OM.3ZOoOZ غير متواجدة حالياً   رد مع اقتباس
قديم 06-06-2012, 02:34:05 AM   #10
OM.3ZOoOZ
المنتدى للنساء فقط (ممنوع تواجد البويات )
 
تاريخ التسجيل: Oct 2011
الدولة: كويت
المشاركات: 413

افتراضي رد: بيت العنكبوت / بقلمي


up up up up up up up



OM.3ZOoOZ غير متواجدة حالياً   رد مع اقتباس
قديم 06-06-2012, 02:02:25 PM   #11
ADMNT_7BK
كــويــتــيــة فــعــالــة
 
الصورة الرمزية ADMNT_7BK
 
تاريخ التسجيل: Mar 2012
المشاركات: 466

افتراضي رد: بيت العنكبوت / بقلمي


اقتباس:
المشاركة الأصلية كتبت بواسطة OM.3ZOoOZ مشاهدة المشاركة
ايش بين فارس واخته شعاع ؟؟؟
مادري صرااحه انا مستغربه لان شكل بينهم قصة حب قديمه بس شلون واهم اخوان؟؟
وين غريب وهل راح يرجع ينقذ بطلتنا شجون قبل ماتهلك في بيت العنكبوت ؟؟؟؟؟

اتوقع غريب لالحين يكمل دراسة ولما يتوظف راااح ينقذ شجون
ماسر حزن شعاع ؟؟؟؟
اممم اظن صااير معاها حادث اوشي جذي خلها مقعده
مشكوره على توقعج ياقلبي وراح تشوفين مع الاحداثً



__________________


Ask Me
ADMNT_7BK غير متواجدة حالياً   رد مع اقتباس
قديم 06-06-2012, 02:05:27 PM   #12
ADMNT_7BK
كــويــتــيــة فــعــالــة
 
الصورة الرمزية ADMNT_7BK
 
تاريخ التسجيل: Mar 2012
المشاركات: 466

افتراضي رد: بيت العنكبوت / بقلمي


اقتباس:
المشاركة الأصلية كتبت بواسطة om.3zoooz مشاهدة المشاركة
up up up up up up up
مشكوره على الرفع



__________________


Ask Me
ADMNT_7BK غير متواجدة حالياً   رد مع اقتباس
قديم 06-06-2012, 02:53:17 PM   #13
OM.3ZOoOZ
المنتدى للنساء فقط (ممنوع تواجد البويات )
 
تاريخ التسجيل: Oct 2011
الدولة: كويت
المشاركات: 413

افتراضي رد: بيت العنكبوت / بقلمي


up up up up up up up up up up up



OM.3ZOoOZ غير متواجدة حالياً   رد مع اقتباس
قديم 06-06-2012, 09:29:05 PM   #14
تهايط ادوسگ
كــويــتــيــة نــشــيــطــة
 
الصورة الرمزية تهايط ادوسگ
 
تاريخ التسجيل: Mar 2012
المشاركات: 96

افتراضي رد: بيت العنكبوت / بقلمي


يسلموو خيتو بس عفيه كمليهاا



تهايط ادوسگ غير متواجدة حالياً   رد مع اقتباس
قديم 07-06-2012, 04:06:11 AM   #15
صعب انسااك
كــويــتــيــة فــعــالــة
 
الصورة الرمزية صعب انسااك
 
تاريخ التسجيل: Dec 2011
المشاركات: 301

افتراضي رد: بيت العنكبوت / بقلمي


يسسلموو بس كمليها حبيبتي



__________________


اللهم إن أخذتني إليگ لا تبگي أحبتي فراقي ف أمسح حبي من قلوبهم و عوضهم حبگ فإني لا أطيق حزن احدهم ♡”
صعب انسااك غير متواجدة حالياً   رد مع اقتباس
إضافة رد

اكثر الكلمات بحث
العنكبوت, تحت, بقلمي

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن حسب دولة الكويت : 02:53:18 AM.