بنات منو تعرف احد يعطي قرض حسن ؟؟؟

السلام عليكم بنات

منو تعرف ناس يعطون قرض حسن بقيمة 65 الف او 40 الف دينار اجر خصوصا احنا برمضان

يتني وحده اعرفها اهما بيت عايله معروفه بس مار ريلها بظرف وفلوسه حاجزين عليها ما يقدر يستخدمها الا بعد 4 سنوات وتبي القرض عشان اذا ما دفعا الحين مضطر يدفع الدبل بعدين بتصيبا خساير ومشاكل عليها اهيا وعيالها وطبعا لا اهيا ولا ريلها قايل حق اهله يستحون

ومستعد يدفع كل شهر 1000 دينار لهم لمه يسد القرض وكل ما صار عنده مبلغ يدفعا واهما ناس ثقه ومعروفين بمنطقتهم

وانا الي قدرت عليه ساعدت وبس يبون مبلغ طبعا مو هين الي عنده اي خبر او فكره لا يبخل علينا

فعلا قلبي معورني عليها خصوصا انا عارفتها شلون كانو عايشين

الله يفج كربته ويرتاحون انشالله


بنات بليز سالو رياييلكم او اهلكم اذا يعرفون


ملاحظه

انه تبي قرض مو صدقه يعني بينرد كامل المبلغ انشالله ومنها الي يساعدهم بياخذ الاجر
وما يبون ياخذون قرض بنوك ربويه عشان الفوايد نصابين

وادعو الله يحل مشكلة ريلها انشالله

وفيكم الخير

اذا تبلى اسلامى ليش ما ياخذون من التمويل

لانه ما توقع فى ناس تعطى هالمبلغ

الله يفرج همهم

مشكوره عمري على المرور
في ناس كبار بالديره تعطي
انا الصراحه عطيت 10000 ما عندي اكثر حاليا ولا عطيت

مشكورة على الدعاء

البنوك حتى الاسلاميه تاخذ فوايد نفس الشي ما يبون بنك

من صجج؟؟؟ اكو احد يعطي قرض بهالمبلغ وبدون ضمانات؟؟؟؟؟ولا بعد حق ناس مايعرفهم؟؟؟؟؟ ليدام يقدرون يسددون كل شهر 1000ليش مايطلبون قرض من بيت التمويل؟؟!!!!!!!!!!!!!!!!!!!

الله يفرج همهم وكربتهم ويحل مشكلتهم
عورتى قلبى والله بس المشكله منو عنده بهالايام هالمبلغ المشكله ان المبلغ كبير مو صغير
انشالله يلقون الى يساعدهم
بالتوفيق ياقلبى

ان شاء الله ربي يفك ضيقتهم .. ويسهل عليهم اي والله يا ريت احد يعطي قروض ميسره على الكويتين ..

الله يفرج عليهم وعلى كل محتاج

قرض بهالمبلغ !!!! حييل صعبه

عسى الله يفرج عليهم .. ويسهل امورهم

اي والله ادري مبلغ كبير مالنا الا الدعاء الله يفرج عليهم وعلى كل متوهق انشالله

الصراحه مثل ما قلتو العين بصيره ةاليد قصيره وانا لانها رفيجتي واعرفها عطيت بس الصراحه لو ناس ما اعرفهم ماكنت عطيت المبلغ الي عطيتها


انا اقترحت على رفيجتي بنك قالت سالو ياخذون فوايد نفس المبلغ يعني يدبل المبلغ ما يبون

انا الي علي سويته والحمدلله وفرت 40 الحين يلا اللله ايسرلها الباجي


مشكورين بنات وكثرو الدعاء عسى الله يقبل دعاكم

الله يفرج كربتهم

بيت الزكاة يعطيكم قرض حسن

مليون بالميه

بس خل يراجعهم