تكفون مابي اسمع اغاني شلووون

سهل في اناشيد حلوه مره اذا تميتي تسمعينا راح تتركي الاغآني

انا كنت اسمع الاغآني وآيد بس بعديـــــــــــــن تركتهآ وتميت اشوف قنآة اسلاميــه وعقب اسمع اناشيــــد

انشودتين او انشوده وحده

والله يوفقج ان شـاء الله .

تحيـيتي

حبيبتي يبغاله صبر لازم تصبرين

بعدين قولي الصراحه مو تستانسين

بعد شوي حسيتي بطفش وكآبه

أنا كنت كذا والحمد لله تركتها

والله الله يعينج ادعي بصلاتج على طول وبدلي الاغاني باناشيد يعني بدال ماتنزلبن اغنيه دوريلج نشيده حلوووه وسمعيها نفس الشي التلفزيووون بدال ماتحطين اغاني حطي غنوات اسلاميه اوغنوات ثقافيه , حاولي بصلاتج تخشعين لان الصلاة تنهى عن الفحشاء والمنكررر وحاولي تصلينهاااا بوقتهاااااااااا والله يوفقج ان شاالله ويعينج على وسوسة الشيطان

حبيبتي ان كنت من 3 سنين مثللك استانس بالاغاني بالتلفزيون في الكمبيوتر لكن بفضل الله تبت تبي كييف دوري عن عقوبة سمع الاغاني وسجلي عندك في الكمبيوتر القران بصوت عذب مثل السديس او ماهر المعيقلي وابدئي بالقلييل ترى والله تتعودي ومع الايام سترين انك كنت تسمعين اشياء لا فائدة لها وزيادة على ذلك حبيبتي ان تراكم المعاصي تمنع اجابة الدعاء .الله يعينك وحاولي لما تشوفي في التلفزيون فيديو كليب بدليي فووراا اي شيئ

لا والله حاولي وتذكري ان الفنان اللي تبي تسمعيله ما ينفعك يوووم الحساب وما يعرف حتى اسمك واستغفريي على طول وادعي من الله الهداية

طيب حبيبتي قربي اذنك عند نار الفرن لمدة خمس دقايق قربيها حيل يعني تحسين بلهيبها شوفي تتحملين ولا لا وانا متاكدة مستحيل تصبرين دقيقتين ما دامك ما تصبرين على نار الدنيا شلون بتتحملين الحديد المذاب اللي يصب في اذن سامع الاعاني و بعدين ما تخافين من سوء الخاتمه ترى القلب يحرك اللسان باللي متعلق فيه يعني اذا كان قلبك متعلق بالاغاني فلسانك يدندن بالاغاني ما سمعتي بالبنت اللي وهي تحتضر ما قدرت تنطق الشهادة اخذت تردد و يلاه ضاق الصدر اعاذنا و ياك من سوء الخاتمه حبيبتي قومي بسرعه و طهري قلبك من مزامير الشيطان و عمري قلبك بذكر الله و القرآن فأنه لايجتمع في قلب مؤمن حب القرآن و حب الغناء استعيني بالله فالانسان ما يدري متى ينتهي عمره هل تتمنين تقابلين ربي بدون توبه من الاغاني هل تضمنين ما تموتين وانتي نايمه او انتي بالسيارة والله ما احد ينفعك لا بنت عمتك و لا غيرها فما الان توبي من كل اغنية سمعتيها ولازم ارادتك قوية وكل ما شجعك الشيطان تخيلي انك بتموتين في هذه اللحظه و انتي على معصية و اعطي الله مئا يحب يعطيك ما تحبين شلون تبين ربي يستجيب دعائك وانتي تعصينه اسفه طولت عليك بس من خوفي عليك من المعصية فلا تنظري لصغر المعصية لكن انظري من تعصين اعطاك نعمة السمع و حرم غيرك منها فمن لا يسمع ما يتكلم و انتي الحمدلله تسمعين و تتكلمين و تشكرين ربي بسماع الاغاني اسأل الله لك الهداية و التوبة

انا اللي سويته اني كسرت السيديات اللي عندي وقطيتهم
وماكو اغاني بالسياره
وكل ما احاول اسمع اغنيه افتح www.tvquran.com واسمع السديس
طبعا في ايام تخقين فيها و تسمعين اغنيه بس على طول وقفي و حولي عالقرآن
وتذكري ان وراج صلاة
فكري شلون بتعصين ربج و تبينه يتقبل صلاتج؟
واذا ماتقبل صلاتج شالفايده من اعمالج كلها اذا عمود الدين الصلاة؟

ومثل ماقالولج يبيلها صبر
وانا كلش ما اسمع اناشيد ولا شي مجرد اني وقفت الاغاني وبس

حبيبتي هو صح انج صعبه تتركينهم لانج تقولين متعوده عليهم حيييل


بس تقدرين بالبيت تمسحيين كل قنواات الاغاني بالتلفزيوون كلهم ولا قناااه تخليين

ولما تقعدين ع اللاب تذكري ع طوول عذاب اللي يسمع اغااني وبدليهم بالاناشيد ولا القرآن احسن لج

وحطي معاج بالجنطه سيدي واحد محمله فيه قرآن وواحد اناشيد وكل ماركبتي السياره انسسسسسى انه فيه حق الاغاني وحطي اللي بالجنطه

وادعي بكل وقت ان ربي يبعدج عن الاغااني وحاولي انج ماتفكرين بالاغاني كلشش

كل ماتقولين بسمع الاغنيه الفلانيه حطي ببالج العذااب بعديين


واسم الله عليج وع الكل من العذااب وويارب ان شاء الله تتركين الاغااني كللش

شووفي انا اقولج انا اكنت مثلج وكان عندي فايلاات شكثر اغاني وادمان واي اغنيه لازم تكون ماره علي بس شسويت وعدت نفسي وشلت كل السيديات الي بالسياره وحطيت مكانهم قرءان وحطيت شي ابالي اني اعاند الشيطان وحطه جدامي وقدرت ما اقولج ساعات ما افصل ودي اسمع بس اقول الشيطان الحين استانس لازم اعانده فاحط قرءان وارتاح وماكو وحده ما تحب تعاند وخصوصا الشيطان خلي ابالج انه لا يتغلب عليج وانتي اقوى منه

اول شئ تخلصي من كل اشرطه الاغاني اللي عندك

مو انت تبي تتركينها؟؟

خلاص

اذن الحين تكسرينها وترميها بالزباله وانت بكرامه

ثانيا تخلصي من كل قنوات الاغاني
خلي عندك عزيمه مو تقولي مااقدر

ابداي من الان


الله يهديك ويصلحك

بخبرج تجربتي

عزمت ما اسمع اغاني


استويت ما اخذ اي سي دي يديد وما تخلصت من السابقات بس صرت نادرا ما اشغلهم

كل الوقت احط قناة البي بي سي أو قناة القران <<<< مشكلتي انعس واتثاوب وايد من القراءة

واتم اسبح واستغفر طول الوقت لين اوصل دوامي أو ارمس بالتيلفون

اشتقت لمارينا اف ام تركتها والسبب الاغاني
حاليا موقفه الاغاني وتاركه مارينا والسبب الاغاني
لانه حياتي معفوسه حيل

مادري بس انا اذا يوم واحد ماسمعت ع الاقل نغمه نوكيا انتحر من صجج !! انشالله البنات يفيدونج