نصيحة يا أمهات وأنا سامعتها بإذني من أكثر من دكتور

السلام عليكم ورحمة الله وبركاته


لاحظت وايد أمهات يرضعون عيالهم أعشاب وعصاير وسوالف ويسوون لهم خلطات بعد

يا جماعة الخير هالحجي قبل كانوا يسوونه أمهاتنا وهذا غلــــط .. الحين الدكاترة اكتشفوا هالشي وقاموا يشددون على الأمهات ما يعطون عيالهم أي شي غير الحليب لحد الـ6 شهور

ولا شي خير شر .. لا ينسون ولا سكر نبات ولا حتى تمر

لأن الهضم عندهم ضعيف وما يقدر إلا على حليب الأم .. فقارة اليهال الحين مضطرين ياخذون حليب صناعي خنت حيلي وإنتو بنفسكم شايفين الصراخ والبجي ومرة تكرمون اسهال ومرة امساك غير الغازات .. قولوا الغازات شي عادي حتى بالحليب الطبيعي لأن أكل الأم يدخل بتركيبته

بس ديروا بالكم من الكوكتيلات اللي تسوونها .. وإذا كنتي ترضعين صناعي وشفتي البيبي بطنه تعبان سيده روحي غيريه لنوع ثاني لأن فقير الياهل يتعذب واحنا مو حاسين احنا الكبار إذا خربطنا شوي تعومسنا شلون هالياهل اللي معدته على قده

يعطيج العافيه

صاجه والله
يعطيج العافيه عالتنبيه
والحمد الله انا ما عطيت بنتي ولا شي لي 6 شهور
بس رضاعه طبيعيه

لا عادي بالعكس انا كنت اعطي بنتي تمر و سكر نبات

و يوم صار فيها بلغم عزج الله عطيتها بابونج و مافيها الا العافيه

ترتاح اصلا

عيال اول ماصار فيهم شي .

انا معاج ضد الكوكتيلات

لكن اذا دخلت الصناعي اشربة شوية ينسون يعني ملعقة شاي مع كوب ماي

طبعا بعد على الاقل 3-4 شهور

مشكوووووره عالنصيحه

بس انا لازم اعطي بنتي حبة حلوه او ينسوون تريح بطنها

السلام عليكم
جزاك الله خير على هالموضوع انا عيزت اتكلم بس الرد كالعاده " الي قبل ما صار فيهم شي؟؟"
انزين انتو شنو تبون يصير على شان تصدقون ان مو زين؟
ماكو كويتي مافيه ضغط او سكر او كوليسترول ؟ او اقلها القولون العصبي و امراض المعده؟
احنا نطالع على المدى البعيد مو اليوم و بس
نبي جيل يتمتع بصحة و عافية .. كل يوم امر على مدرسة صبيان متوسطة .. اغلبهم يعانون من السمنه؟؟
دشوا اي مستشفى حكومي و شوفوا الامراض الغريبة و العجيبه الي تطلع.. ترا الله محاسبنا على عيالنا من و هم ببطونا لازم نهتم بتغذيتنا على شان صحتهم
يعني تعتقدون الدكاتره لما يقولون مو زين شنو مصلحتهم؟ هذي دراسات و ايحاث سنين و ناس خذو شهاداتهم منها لا تستهينون فيها و تعتمدون على تجارب الآباء و الاجداد الي مالها اي اساس علمي شوفو الاجانب ما شاء الله تلقينه صاك ال 80 يركب الباص حاله حالنا و حنا امهاتنا ما كملت 55 يسحيونها بويل جير!
عيالكم اماانه حطو بالكم عليهم عسى الله يحفظهم

صاجة حبوبه
والله يجزاج خير عالموضوع

eman84 قال:

مشكوووووره عالنصيحه

بس انا لازم اعطي بنتي حبة حلوه او ينسوون تريح بطنها

أنقر للتوسيع...

صاجه من بعد حليب الصناعي لازم ينسون او حبه حلوة توخر الغازات وتنام مرتاحه الياهل

مشكوره عالنصيحه ..

بس لاتنسين إن الرسول عليه الصلاة و السلام ... وصى ان لمن يطهرون الولد لازم الام او الابو يمضغ تمره و يطلعها من حلجه و يحطها بحلج الولد الصغير لأنها تخفف الالم ..

و غير جذي ... الطفل باول أيام الولاده يحوشه صفار.. و لو سألتي الدكتور بيقولج عطيه ماي و سكر نبات و عرضيه للشمس...
و كل الدكاتره نفس الكلام ...

و هم الميلوبا ... ينصحونا الدكاتره فيه ... و هالشي بعد على مستوا العالم ... مو بس بالكويت....


حبيبتي ...

الحليب إهو الاساسي...

بس لو ما فيها فايده الاعشاب ما سوو الميلوبا و المشروبات الثانيه للأطفال... مع مراعاة العمر ..

و جزاج الله خير

مشكوووووره

صاااااااجه ما عطيت بنتي شي واكثر من دكتور قااايل
وتصدقين لاحظت بنتي ما صار فيها غااازاات وااايد
وبناتي اللي قبل كنت اعطيهم واتأذى من الغااازااات

يعطييج العاافياااا

هلووووووووووووووووووووو
يعطيج العافيه على النصيحه بس صدقيني كل شخص ووجهت نظره يعني انا عن نفسي الاعشاب مااكثرها بس احترمها وماافضل الادويه لانها العن والعن
صح التمر قال الرسول صلى الله عليه وسلم عنه بس هم ماافضل الوحده تكثر منه لان كلا غازات ومو ناقص الياهل بس عندج علج اللبان فضيييييييع يوخر الغازات وهم النعناع
فالواحد مايكثر من الاعشاب ولا يلجا حق الادويه والله المستعان

رويال ديزاين قال:

مشكوره عالنصيحه ..

بس لاتنسين إن الرسول عليه الصلاة و السلام ... وصى ان لمن يطهرون الولد لازم الام او الابو يمضغ تمره و يطلعها من حلجه و يحطها بحلج الولد الصغير لأنها تخفف الالم ..

و غير جذي ... الطفل باول أيام الولاده يحوشه صفار.. و لو سألتي الدكتور بيقولج عطيه ماي و سكر نبات و عرضيه للشمس...
و كل الدكاتره نفس الكلام ...

و هم الميلوبا ... ينصحونا الدكاتره فيه ... و هالشي بعد على مستوا العالم ... مو بس بالكويت....


حبيبتي ...

الحليب إهو الاساسي...

بس لو ما فيها فايده الاعشاب ما سوو الميلوبا و المشروبات الثانيه للأطفال... مع مراعاة العمر ..

و جزاج الله خير

أنقر للتوسيع...

السلام عليكم
اختي الرسول صلى الله عليه و سلم كان يحنك المولود اول ما ينولدم لان يحتاج جلوكوز .. و الحين البيبي اول ما ينولد يعطونه جلوكوز ..
ثانيا انا لما ولدي صار فيه بوصفار الطبيب ما نصحني الا ان ارضعة كثر ما اقدر من صدري و اعرضة حق الشمس.. لان النباته تزيد الغازات عند البيبي
و الفارليز ( الي يعطون عيالهم بسن 3 شهور بالمميه ) محد ينصح فيه الا دكاترة اول ولا الحين اي دكتور خريج امريكا و كندا " الجيل الجديد " ما يرضون باي اكل قبل 6 شهور .. الهدف من هالشي ان في انزيمات يحتاجها الانسان للهضم ما تكون موجوده في البيبي شوي شوي تتطور على شان ما يتعب الطفل نبدا بالتدريج بالخضروات و الفواكه و لما يتاقلم ندخل اللحوم .. غير الاكلات الي تسبب حساسية هني ناجلها لبعد السنه مثل الفراوله و البيض و القمح كذلك اذا العايله عندهم تاريخ حساسية يقول نطروا لي بعد السنه
مع العلم ترا الحساسية مو بس طفح جلدي ..
الحساسية ممكن تكون بالتنفس او عسر الهضم او المناعة تقل تلقين الياهل بسرعة يمرض .. و حتى النشاط المفرط يجي من الاكل الي يكون مو ملائم للطفل ..
المعدة بيت الداء اي شي نعطيه الياهل من صغره ترا تظل معاه طول عمره
و حبيت اعلق على اعشاب ميلوبا .. ايضا مو شي صحي لان فيها سكر فالافضل لو احتجنا بابونج نعطيه شاي البابونج العادي من غير اي اضافات

يعطيك العافية

صاجه يا اختى بشه انا عن تجربه شخصيه فعلا الرضيع ما يحتاج اي شي حتى الماي بالذات اذا يرضع طبيعي لان حليب الأم يحتوي على كل شي ويغنيه حتى عن الماى بس اذا صناعي ما يمنع نعطيه شوية ماي ويكون خااالي لاسكرنبات ولا غيره وحتى التمر شنو معدة الرضيع اللي بتهضمه وتتقبله هم انا سمعت وقريت من دكاتره التمر مو قبل 4شهور والعسل يفضل تأخرينه بعد والأكل طبعا موقبل 6 شهور لاني صج بولدي البجر من زود الاهتمام كل شي عطيته ومبجر ليما عرفت انها سبب لحساسية الصدر اللي صارت معاه بسبب القمح والفواكه اللي اخذها واهو صغيير والحين اخته اللي اصغر منه الحمدلله مشيت على هالطريقه كل شي بعد 6 شهوور وشزينها واختهم الصغيره بعد ماشيه معاها على نفس الاسلوب عمرها 4شهور 000وصج يا بنات لا تخلطون للطفل الرضيع تري والله مو زين بعدين يطلع عليه000طبعا ما ننسي تعريضه للشمس حييييل ضرورى حييل الدكاتره يوصون عليه وهذا معروف بدون توصيه 00وبالنسبه للأخت اللي تكلمت عن التمر هذا أسمه تحنيك بس يفركونها عل لثة الرضيع بعد الولاده او بالأربعين بس:eh_s(6): يالله ادرى طولت عليكم000