هل تعتقدون انه عقاب لي من الله

السلام عليكم ورحمه الله

اشلونكم حبيباتي

حبييت افرفش لكم عن كل اللي في صدري واخترت هالقسم لاني لازم امر عليه كل ما شبكت
راح اتكلم بكل شفافيه وكأ ني اكلم نفسي
يوميا اواجه امور اكبر من احتمالي لكن الله عز وجل رحمته وسعت كل شي
كنت احف وخليت الحف حبا في رضا رب العالمين
كنت اتهتون في صلاتي لكن الحمدلله الحين احسن واواظب عليها مو بس جذي قمت احس فيها
كنت احب انتقد الناس قمت وغيرت طريقتي علشان ما اغتاب احد واحاول ابدلها في مواضيع ما تمس احد حبا في رضا ربي
ما نسيت امي ولا كل انسان له جميل علي
ما احب اقطع رحمي واصل اللي اقدر اروح لهم من اهلي
ما نسيت ابوي الله يرحمه والدعاء له
سويت اشياء لوجه الله مابي اذكرها
لكن
ليش اموري متعطله
ليش حالتي الماديه سيئة
ليش عيالي ما يسمعون كلامي
ليش اطلع من مشكلة وادش مشكلة
ليش ما احس بالسعادة اللي اشوفها في عيون الناس ليش كل ما اعالج مرضي يرجع مرة ثانيه
اكيييييد في شي
علشان جذي ربي يعاقبني
وانا ما اعترض على حكمه لكن العبد ضعيييف
ومالي غير دعاء اخواتي في ظهر الغيب

اللهم يارب السماوات والأرض ربنا ورب كل شي ومليكه أسألك بإسمك الأعظم الذي اذا دعيت به اجبت واذا سألت به اعطيت
ربي اني أسألك ياذا الجلال والإكرام
ربي فرج هم هجووره
ربي اشرح صدرها
ربي اشفيها واحفظها
اللهم اميييييييييييين

مشكووووورين على الرد

الله يفرج همج

الله يفرج همومج عليج بالدعاء والصدقة

وحسن الظن بالله

قال النبي - صلى الله عليه وسلم - : يقول الله تعالى : ( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة ) .رواه البخاري و مسلم

مشكووورين على الرد والدعوات الغالية وحتى قسوتكم احلى من العسل

يالله اشرح صدرها ورض عنها وبعد عنها كل شر اللهم امين

حبيبتي بس بقولج شغله وحده


لازم تعرفين انه الله اذا احب عبد يبتليه يبي يشوف قدرتج وصبرج

والله يسهل عليج ياقلبي

ولاتنسين الاستغفار خليه دايما بلسانج والله يسهل عليج ويثبتج اللهم امين حبيبتي

ولاتقولين الله معاقبني

قولي الله يحبني علشان جذي ابتلاني

والله يسهل عليج دنيا واخره

:aha:

جزاكم الله خير على الردود الطيبة
وانا على ثقة مطلقة بربي ارجو من الله الثبات لي ولكم

قد يكون ابتلاء والله اذا احب عبدا ابتلاه شوفي الانبياء اللي معصومين من الاخطاء والله يبلاهم ليش لأنه يحبهم والله اذا احب عبدا ابتلاه بالعكس فرحي اسأل الله العلي الاعظيم ان تكوني من احبائه اللهم امين اجمعين

ياحبيبتي ماتدرين انه

انه الله ان احبااا عبداا ابتلاه

يمكن هذا الابتلاء يخففج اذنوبج الاولية حكمة من ربي العالمين وراح اتجوفين الفرج ان شاء الله

الله سبحاانه يحب الي يصبر

غاليتي لاتنسين ان الله اذا احب عبدا ابتلاه فصبري حتى تنالي الاجر العظيم من الله تعالى
والله يفرج لك ويسخر لك اولادك في برك ويرزقك من حيث لاتحتسبين
واخيرا احسني الظن بالله تعالى

السلام عليكم ورحمة الله وبركاته حبيبتي طبعا أهو ابتلاء من ربي ولكن آنا عندي طريقة بالتفكير ترحيني وايد وإهي إني دايما أشوف إلي اقل مني في كل شيء يعني مثلا أمورج المادية سيئة بس شوفي غيرج إلي ما عنده بيت يأويه وينامون عياله من الجوع من غير أكل عيالج ما يسمعون كلامج بس الحمد لله بصحتهم وعافيتهم الله يخليهم لج روحي شوفي الأطفال مساكين في المستشفيات والأمراض إلي تسمعينها غريبة وصدقيني راح ترتاحين ربي اشرح صدر هجوره وفرج همومها وهموم المسلمين اللهم آمين يارب العالمين