حفلة عيد ميلاد ولدي ساعدوني

هلا والله هلا هلا باللي سيروا عليننا

حبايبي والله اول شي مشكورين لانكم عبرتوني اهيء اهيء اهيء
(( من اولها بتنهوص ترى )) وما اشرب قهوتكم لين تلبون طلبي



هاااا شقلتوا؟؟ تم؟؟؟



والله انا قايله ماتقصرون


المههم صارت السالفة فلم هندي خل ندش بصلب الموضوع:

ولدي حبيبي الله يحفظه عيد ميلاده اخر هالشهر
ومن الحين مينني يبي يسوي حفلة
الحين بعطيكم التفاصيل وهالله هالله فيني عاد

عمره 9 سنين
المعازيم بنات واولاد
العدد احتمال 50 نفر صغار طبعا
ممكن معاهم بعض الامهات قولوا 20
المكان يفضل خارج البيت لاني مابي حوسة عندي ومكاني راح يحتاج وقت ارتبه فيه للحفلة وانا ابي الفكة اذا تبون الصج اكو وحده مابي اعزمها بالعربي يعني واذا سويت بالبيت راح اتيي اكيد


الاشياء اللي عزمت عليها باذن الله:
الكيكة بطلبها من الخباز على صورته اهو واخوانه بعد مالي خلق حنة زلقة بطيحة والصغار ما يتفاهمون بيرزون ويوههم معاه فبسكتهم
الهدايا باخذ لهم من اي مكان مو مشكلة

الاشياء اللي ودي فيه:
ابي معلومات عن الاماكن اللي يسوون اعياد ميلاد حلوة لا تقولون مكدونالدز خلاص سوينا فيه وارقام تلفوناتهم والتكلفة اذا تعرفون؟؟هذا طبعا اهم شي بالموضوع
ودي اييب احد يرسم على الوجوه
يعني ودي اضيف فناتق تحلي الحفلة وابي رايكم الحلو

كل عام وهو بخير تبلغين فيه معرس إن شاء الله


والله عيالي كانو معزومين على عيدميلاد في كلر مي ماين بصراحه وناسه وإستفاده

وهم بعد عندج جيجلز بالعديلية حلو اليهال يكيفون فيه

وإذا تذكرت بعد إن شاء الله اقولج

مشكووووووووووور حبيبتي على الرد السريع
صح انا فكرت بكولور مي ماين السنة اللي فاتت بس ماعندج فكرة عن اسعارهم وطريقتهم؟؟ومكانهم شرح فيه قاعه ولا بالمطعم نفسه؟؟
واللي ابلعديلية باجر بروح اسال عنه ان انشاء الله
الصراحة كانوا رايحين عن بالي

قمورة
مشكورة حبيبيت على الرد
بسالج جم كلفج تاجير النطاطيات ومن وين؟؟
ونقش الحنة نفس الشي ورسم الويه؟؟
وسوري اذيتكم معاي حبايبي

والله بالنسبه للاسعار ماعندي فكره وطريقتهم الي أذكره بالمطعم وبالجزء الخارجي للمطعم مثل البلكونه واليهال يختارون الشكل الي يلونونه و بعد الحفله بيومين أو ثلاث ياخدونهم من المطعم وفي ديجي بس ما أذكر لأني ما قعدت بالحفله وصلت عيالي ومشيت بس أذكر إنهم وايد إستانسوا


وعن جيجلز فيه ألعاب مثل طفل المستقبل وفيه ديجي ومسابقات ويتكفل بالأكل بس الكيكه ما أعتقد وتقدرين تطلبين شخصيات رسم وجوه وعجافه ونقش حنه وآيسكريم ونفيش و ذره يعني حفله كامله

دوني
ماقصرتي يعطيج العااااافية باجر امر العديلية ان شاء الله واذا عجبني الوضع بتوكل على الله احسه اشرح من كولورينغ مي ماين

قمورة
مشكوووووووورة وايد وايد وسعر النطاطيات حلو بس من وين ااجرها؟؟
ونفس الشي بالنسبة لنقش الحنة والرسم على الويه وعفية طولي لي بالج ادري لعوزتج بس ماعندي وقت بخلص وافتك

أولا إشلونج نفيشة وعاش من شافـج.:eh_s(9): .

وكل عام وولدج بألف خير وعساج تشوفينه معرس قد الدنيـا.:eh_s(21): .

قبل فترة لقيت هالإعلان بالوسيـط وإن شاء الله يفيدج تأجير نطاطيات ونقش حنـــه وذرة ونفيش وقطـار وحصان وتأجيرجميع الألعــاب ورقمهم 9481020

السلام عليكم ورحمة الله وبركاته
صبحج الله بالخير
الله يبلغج انشالله واتسوين حفلة تخرجه من الجامعه يارب اهوه واخوانه

شوفي اكو الالعاب المرحه يسوون تجارب علميه جدام اليهال وولدج عمره زين حق التجارب

واذا تبين تاجير نقازيه ترى النقازيات اسعار على حسب حجمها
انا اايد انج تسوينه بمكان اوفر لج ترى لان البيت بتييبين الساحر العشا الكيكه والنقازيه والنفيش وكل هالخرابيط اييييييييييييي اهم شي منظم حفلات علشان يلعبون اليهال مو انتي اتصارخين وتموتين

السلام عليكم ورحمة الله شلونج اختي نفيشه

انا رايي انج تحتفلين فيه اذا حفظ سوره من القرآن مثلا شرايج؟؟

تسوين له حفلة وتجمعين الكل عشان تعززين مفاهيمنا وديننا احسن مما تتشبهين باليهود والنصارى ومن ترك شيئا لله عوضه خيرا منه


ولج فائق احترامي

ما حكم الاحتفال بمرور سنة أو سنتين مثلاً أو أكثر أو أقل من السنين لولادة الشخص وهو ما يسمى بعيد الميلاد ؟ أو إطفاء الشمعة . وما حكم حضور ولائم هذه الاحتفالات ، وهل إذا دعي الشخص إليها يجيب الدعوة أم لا ؟ أفيدونا أثابكم الله .

الجواب:

الحمد لله
قد دلت الأدلة الشرعية من الكتاب والسنة على أن الاحتفال بالموالد من البدع المحدثة في الدين ولا أصل لها في الشرع المطهر ولا تجوز إجابة الدعوة إليها ، لما في ذلك من تأييد للبدع والتشجيع عليها . وقد قال الله سبحانه وتعالى: ( أم لهم شركاء شرعوا لهم من الدين ما لم يأذن به الله ) وقال سبحانه : ( ثم جعلناك على شريعة من الأمر فاتبعها ولا تتبع أهواء الذين لا يعلمون . إنهم لن يغنوا عنك من الله شيئاً وإن الظالمين بعضهم أولياء بعض والله ولي المتقين ) .
وقال سبحانه : ( اتبعوا ما أنزل إليكم من ربكم ولا تتبعوا من دونه أولياء قليلاً ما تذكرون ) .
وصح عن رسول الله صلى الله عليه وسلم ، أنه قال : ( من عمل عملاً ليس عليه أمرنا فهو رد ) أخرجه مسلم في صحيحه . وقال عليه الصلاة والسلام : ( خير الحديث كتاب الله وخير الهدي هدي محمد صلى الله عليه وسلم ، و شر الأمور محدثاتها وكل بدعة ضلالة ) . والأحاديث في هذا المعنى كثيرة.
ثم إن هذه الاحتفالات مع كونها بدعة منكرة لا أصل لها في الشرع هي مع ذلك فيها تشبه باليهود والنصارى في احتفالهم بالموالد . وقد قال عليه الصلاة والسلام محذراً من سنتهم وطريقتهم : " لتتبعن سنة من كان قبلكم حذو القذة بالقذة حتى لو دخلوا حجر ضب لدخلتموه : قالوا يا رسول الله : اليهود و النصارى ؟ .. قال : فمن ) أخرجاه في الصحيحين . ومعنى قوله " فمن" أي هم المعنيون بهذا الكلام وقال صلى الله عليه وسلم : "من تشبه بقوم فهو منهم "

جكورة
مشكوورة يا قلبي ان شاء الله بتصل وبشوف ماقصرتي

حرية
عندج رقم الالعاب المرحة؟؟

كويتية
اول شي جزاج الله خير حبيبتي والله على اهتمامج وان دل على شي فيدل على غيرتج على خواتج وماقصرتي
وانا الصراحة اسوي لهم من وقت للثاني حفلات بس مو في يوم ميلادهم نفسه بس تعودنا ننطقها عيد ميلاد لكن النية مو جذي بالضبط والله يعطيننا على نيتنا ان شاء الله وحتى الكيكة لهم كلهم مو لواحد بالذات
ويريت يحفظ واسوي له الله يسمع منج انا قاعده احفظه والله هالايام وانا معاه بعد بنكت نون لي حفظنا

نفيشة ياقلبي روحي جمعية الخالدية داخل الجمعية في مكان للهدايا هذيل يسوون اعياد ميلاد وايد حلوة عندهم ديجي ونقش حنة ورسم على الوجه ومهرج ومكينة نفيش وكل شي ومنطاد وييون البيت ويزينونه بالبالونات حسب حديقتج او بيتج... وديجي لليهال ويحطون بست اذا تبين وكراسي والأكل يبي كدز ميلز من مكدونالدز....

انا كويتية
اول شي مشكورة على الرد وهم فكرة حلوة والله اذا يتكفلون بكل شي يفكوني الصراحة
باجر ان شاء الله اسال

كل عام وولدج ابخير حبيبتي انا افضل البيت علشان تاخذين راحتج لان انا جربت احسن من بره ويبت الدجي والمقدمة من بارتي لنك مو عجيبة فوق العجيبة حتى الاكبار استانسوا عليها منها الهدايا وعندها فقرات.بس اذا تبين بره عندج بيتزا اكسبرس بالضاحية حلو

ام الحلوين
وين هذا بارتي لنك؟؟وانا افضل بره البيت افك لي الصراحة اتنرفز من لوية اليهال احب بيتي مرتب مابي شي عالارض اذا سويت الحفلة بالبيت بقعد على اعصابي

ام الحلوين
مشكورة حبيبتي بس بسالج وين صاير بارتي لنك؟؟

نفيشه علوم مرحه عندي رقوهم بالبيت اطرشه لج