الجامعه نفس نظام مقررات يعني كورسات وكل كورس في عدد معين من المواد انتي تحددينه تسجبين مواد وبالقوت اللي يناسبج وعند الدكتور للي يناسبج بعد
والصعوبه والسهوله : على حسب الكليه يعني بما اني كنت بكليه العلوم وحولت
العلوم دراستها بالانجليزي وفي مواد مشيت فيها وفي العكس
لما حولت تربيه الدراسه سهله حيل (( رأيي الشخصي )) وتخصصي >> عربي ابتدائي واجتماعيات
الدراسه الاعتياديه : 4 سنوات ويصير اقل ويصير اكثر انتي وشطارتج
يعني اذا خذيتي مواد واجد بالكورس الواحد تخلصين اسرع والعكس اذا صارت المواد اقل
وفي مواد تقدرين تاخذين فيهم امتياز وفي جيدجداً وفي ... الخ على حسب شطارتج والدكتور لان في دكاتره لج عليهم شوي
الغياب : في دكاتره يحبون الالتزام بالحضور ويحطون عليه درجات وفي دكاتره ما يدرون عن طالباتهم وفي دكاتره يرفعون البنات اخر الكورس اذا غيابها قليل او ما غابت بالمره
الاختلاط : اكيد الممرات مختلطه وممكن تصادفين شباب معاج بماده >> حسب تجربتي الشخصيه
الامتحانات : في دكاتره يعطون امتحانين واحد بنص الكورس والثاني فاينل وفي دكاتره يعطون 2 بنص الكورس و3 بعد
الكتب : على حسب الدكتور في دكاتره يبون تشترين كتاب وفي تشترين مذكره تنباع داخل الكليه نفسها وفي دكاتره يبونج تكتبين معاهم
بس تعبت ...
اتمنى تكونين استفدتي >> للعلم انا خريجه كوس اول بإذن الله
<< يعني قايله شي يديد
