×× غلطتي الجمالية كانت .. تعالوا شوفوا شنو ..؟؟ ××

بسم الله ابدا .....

انا اسوي حمام سونا دائما

ووقت الفرك باليفة الحمام المغربي السوداء اللي الكل اكيد عارفها

كنت الحمد لله يطلع معاي المحاية لوولز اكيد عرفتوا شنو اللي تكون من التفرك الموهم

وكنت مبسوووطة لان النتيجة اشوفها تكون روعة بعد ماخلص جسمي يلمع ونظافة موطبيعة ونظارة فية

اللي صار شنو

اني صرت بعد مااحط الصابون المغربي بجسمي افركة بعدها بليمونة وادش بالبخار

زيادة بالطمع ابي نتيجة افضل

شنو كانت النتيجة من هالشئ اني لو فركت منية لباجر معاد يطلع معي المحاية اتعب وافرك افرك ولاحياة لمن تنادي

فنصيحة

اللي تحط الصابون لاعاد تحط معاة اي شئ ولاتحاول تبتكر لانها راح ترجع على راسج :23_asmilies-com:

موضوعج وايد حلو ..
بس انا مو من النوع اللي اجرب وايد , بالعكس اخاف اجرب اي شي ..
بس اذكر جم مره جربت احط هرده ومعاها شويه ليمون على ويهي , ولاحظت ان كل مااحط هالخلطه يطلع بويهي حبوب ويتقشر ..
يمكن بشرتي فيهاااا عله مايطيح عليها اي شي ذابحتني :\
ومره بعد حطيت على ويهي سنفره للجسم لوووووووووووول ..
ماادري شلون انحولت وقريت انها للجسم وللويه , وحطيت منها كذا مره لين ويهي تزلق وصار فيه خطوط حمر ..

وانا عن نفسي جربت خلطه بروحي خلطت مجموعه من الكريمات يعني طالعه فيها وصار فيني اكزيما

70 مشااااااهدة

وماكو الا3 ردود

رادة حبايبي للتعليق على ردودكم

يسلمو ع الموضوع الحلو

وبصراحه اجرب وايد بس ماذكر غير ملح البابايا خلطته مع ملح الزبادي والحليب اللي لونه وردي طلع لي حبوب تحكني في جسمي عاد من اللقافه انا دوم استخدم ملح الحليب ومرتاحه علي قلت خلني اجرب هالنوعين بس اتوقع انه من ملح الزبادي والحليب

وجربت فيزبلي كلير عدم ويهي طلع لي حبوب حمرا صغيره بويهي


جربت السدر حطيته في ويهي وجسمي ماناسبني طلع لي حبوب تحكني هههههههههه كلهم يحكوني

وبسسسس


اذا تذكرت شي راح اكتبه

حلو الموضوع
صج الليمون مايناسب كل بشرة انا بعد جربتة مرة وصار ويهي ملتهب
وبعد جربت الأسكينول 4 ايام وبعدين وصار ويهي اسمر ولما قريت مكوانتة فيها كحول والكحول مب زينة للبشرة يأثر على الكولاجين في البشرة ومايخليها تتجدد وأشكثر ناس تستخدمة وتمدح فية بس انا ماناسبني وتأسفت انة استخدمتة

اتا من غباءي اشتريت خيمة البخار تهههههههههههههههههههبل اول شي احط الخلطه الصابونيه واقعد 10 دفايف واطلع اغسل افرك افرك ماكووووووووووووووووووووووو فايده مايطلع الوصخ وعلي هالحاله جم شهر جان اقول اهو حمام مغربي اشهالغباء احط الخلطه الصابونيه شكووووووووووووووووووووووووووو
رحت اشتريت الصابون المغربي الاصلي دهنت جسمي وقغد بالبخار وطلعت غسلت بس مديت ايدي مره وحده جان تطلع البلاليط
عرف السر انه من الصابون عاد وووووووووووووووووالله قبلها بأسبوع مسويه مغربي عند حمام سبا يعني نظيفه مو وصخه ههههههههه

انا الحمدالله ماعندي ولا تجربة فاشله لاني اخاف من الخلطات واايد بس لي تجربه وحده ونتيجتها كانت اروع من الروعه روحت السواد مني

لحظات العمر شنو هالتجربه؟؟

اناااااا اه اه من تجربتي السووووووووووده

صج كنت غبي انا سمعت انه اليمون يفتح الاباط المهم اختكم شتسوي الحلوه؟؟؟؟؟؟!!!!!!!

ترةح تشيل شيره بالصالون وترد البيت وتحط ليمون وكان يحرقني واقعد عليه عادي يعني مهتمه لما قلب اسود وامي درت وزفتني زف قالت انتي شنو غبيه قلتلها مادري والله وصج حزتها كان عمري 14 13 سنه شي جذي والله يابنات وللحين ادور شي يفتح اباطي عدل

انا مشكلتي مع زيت الخروع كنت احطه على حواجبي واخليه وكان يسيح شوي لي المنطقه اللي تحت العيين وهم كنت اقول طاف مالي خلق امسحه مع الايام قام ينبت شعر في المنطقه اللي تحت العيييين واااااااااااااااي ضاااق خلقي لان هم لما احف هالمنطقه يطلعلي حبوب ( يا فرحه ما تمت ) وما ارتحت الا لما سويت لييزر

بس حبيت انصح البنات انه المره حلوه حق الحبوب بس حطوها عالحبوب فقط مو عالبشره كلها وخاصه عالخدود لانه تطلع مسامات .. انتوا جربوا اول يوم من باجر عاد شوفوا فيه مسامات ولا لا :d

واللي بشرتهم دهنيه خل ابعدون عن الهرده القيمر الاشياء اللي فيها دهن وايد ..

اي انا من النوع الي مع الخيل يا شقرااا
وجربت خلطه وحده من المنتدى الله يسامحها مدحت فيها اهيا الروكتين اي مع كريمين ناسيه اسمهم خلطتهم وحطيت بويهي والله بنات ويهي صاافي مافيه ولا نفر بس كنت بوحد اللون ثاني يوم قلب ويهي نفر وحبوب روسها احمر يخرع كل من شاف ويهي قال حرام انتي ويهج اول مافيه شي لبيش جذي

خخخخخ
المقالب "قصدي التجارب وااايد لا تحصى خخخخ<من زود الذكاء:dddds::dddds:
منها تجربتي مع الحنه
أنا من زمان سامعه اتبيض الجسم مع اني موسمره بس شسوي الطمع شين و بعد قريت كتاب الحريم قلت خلاص
هذا هو اكتشافي اليديد:eh_s(1):
رحت الله ايسلمكم ترست البانيو و نثرت الحنه و الماي كان حار ايهبل قومي اندعسي بالبانيو ثلث ساعه ريلاكسيشن ما بعده ريلاكسيشن"
قلت خلاص ان شاء الله ابطل عيني ألاقي" سنو وايت" تبجي على زمانها الي ضاع وبياضها الي صكيت عليه..<<حشه سحر موحنه:krkrkr::krkrkr::krkrkr:
عقب ما بطلت عيني وقمت..!!أشوف الدنيا تفتر فيني<<تذكرت اني بالحمام مو بالترفيهية.. وبعدها قامت الدنيا اتغيب..و طحت غشانه
و الحمدلله الأهل كانوا موجودين...وياريت على هالعفسه ابيضيت بالعكس صرت أسمر بس الحمدلله راح اللون مع الوقت..و أستانست أسنو وايت:eh_s(13)::dddds:

تجارب شعري عقب الصبغ اول اشحلاته بسكله ابيه يطول <<<<<<<طماعه مع انه لي اخر ظهري بس عدمته قصدي صبغته والله مابقى شي ما حطيته وكلع اخذ ماسكات من جاك وفيتو وبعدين مليت من قط الفلوس بدون فايده قمت رديت حق الدهن والحنا مع السدر وماسك واحد ما اغيره ماشالله توه بدى ايرد شعري

رررررررررفع

*ماي ورداسم يستحق الثقه* قال:

أما بالنسبه لي الحمدلله ما أخبص وايد من استخدمت خلطات اختي أم صلاح وبدون مبالغه وايد ارتحت..وربي يشهد علي

لكن في معلومه ممكن تفيد بعض البنات لاني مريت بمرحله عمريه كنت أعاني فيها من هالشي..

اللي تحيب ان الصابون المضاد للبكتيريا يفيد في علاج حب الشباب..فأقولها هالمعلومه غلط مضاد البكتيريا يهيج البشره المعرضه لحب الشباب

ويقيح اليلد..

أتمنى أكون فدتكم ولوشي بسيط

أما بالنسبه للشعر فنصيحه مني لكم مو كل خلطه عند العطار زينه وخصوصا اللي سعرها رخيص ومكوناتها تتعدى ال10

مكونات

وحده من رفيجاتي المقربات يابت خلطه من العطار قرت مكوناتها استانست وقالت هذا اللي أبيه وسعرها كان 1.500 د.ك

بس حطتها مره فقــــــــــــط،، وتم شعرها يتساقط وبهالبل مده 3 شهور تقريبا لين حنيت عليها تستخدم خلطة اختي وتبارك

الرحمن خف التساقط من أول اسبوعين..والحين مستمره عليها..​

أنقر للتوسيع...

مشكورة حبيبتي على نصائحج الروعة

وبالنسبة لتجربة رفيجتج وربي تكسر الخاطر الغلط كل الغلط انة ناخذ كل اللي عند العطار

بمصداقية ونستعملها اغلبها وربي تدمر مانعرف وين جاية ولاشنو حاطين غير المكونات الاساسية

حتي تبان النتائج ونشتري ويكون اللي بالوصفة جايز شئ واللي مخلوط مضاف لة اشياء واحنا ياغافلينكم الله