يوم رحت اشوف الطوارق جان القى باسات

السلام عليكم ورحمة الله

يوم الخميس رحت على اساس جيب طوارق بشتريه حده غالي وبصراحه ماقدرت عليه شفت سيارة باسات موصفات خاصه والحمدالله عجبتني واللي مريحني انها المانيه قلت خلاص بتوكل على وبأخذها قال لنا الموظف اذا بتجربونها تعالوا الأحد قلنا على بركة الله بس بسألكم شرايكم فيها ؟؟

مادري والله

عذريني ماعرف.

ان شاء الله البنات يفيدونج .

انا كان عندي باسات وتلعوزت معاها وايد كنت اصرف عليها اكثر من نفسي هههههههههههههه لين بعتها وارتحت

رفيجتي نفس الشي تشتكي منها وايد

نصيحه اخذي ياباني

لكزس

تويوتا

نسيان

كد ومد وسيرفس وتصليح رخيص

اختي بقيت اعرف بجم الطوارق لانه قالولي اسعاره انزلت ... وماعرف الصراحه اشلون مواصفاته

يعطيكم العافيه والحمدالله ان ليما الحين ماصار شي جان توهقت فيه وبالنسبه للأخت قمر الطوارق بعشره وإذا تبينه مواصفات خاصه بستعش ألف

لاتقلطين مع الباسات تجربه لا ترا قطع غياره غاليه او تصليحها يعل القلب موشي كشكل اوكي وزينه بس مانصح فيها

هووو تهدين الطوارق تاخذين باسات !!

والله مادري اختي كان عندها باسات وجنه مو شي سوت حادث وباعتها

لا طبعا والله بتندمين اذا شريتيها بتتوهقين خراباتها وااايد نفس الجاكوار رخيص بس تصليحه نار والسيرفس بعد

انزين روحي بيت التمويل اخذي طوارق بس مستعمل من بيت التمويل جنه يديد انا رفيجتي توه ماخذه رنج منهم والله بالوكاله 20 الف وخذته مستعمل بس شكله يديييييييد ب 13 الف جربي روحي وافتري الف مكان قبل لاتشترين

وفي بعد نصيحه لااااااااتاخذين من مكاتب

وسلامتج<< قرقه

البنات كفوو ووفوا ..

نصيحه اذا تبين اخذي لكزس او تويوتا احسن شي حق جونا كد ومد .,

وثاني شي اذا فكرتي تبيعينها تييبلج سعر ..

عجيبه بصراحه
حماتي عندها وحده من العام ماشكت منها
وواسعه ومريحه من داخل
وانا قاعده افكر اخذ الطوارق
وريلي يمدحها ويقول انها وايد امنه وفيها سيفتي

بنت خالتى كان عندها وحده وووووووووووووووووايد اذتها
سيرفسها كل دخله 300 دينار ومااسمعها الا تصلح قامت وخذت الحين جيب الهوندا وماشالله مرتاحه
ماعلى اليابانى حق جونا .. شوفي الهوندا - لكزس -تويوتا
هذيلي الى يقايشون مع جونا واسعارهم زينه حتى لمن تبين تبيعينهم واتمنى اكون قد فدتج

تكييف الفولكس واجن بشكل عام مو بارد خاصة بعز الصيف

مو شي حبيبتي كلش السياره

روحي شوفي الالتيما نفس سعرها واحلا وتصبرعلي جونا اكثر
والا اخذيلج لكزس الصغيره تينن

يعطيكم أأأأألف عاااافيه ماااااقصرتوااااا