اللي جربت كريمات أوباجي تدخل للمساعده

حبيباتي أبي أسألكم عن كريمات أوباجي لشد ونضاره البشره . صديقتي تقول إنها جربتها

ومدحتها كثير . وفيه ناس يذمون هالماركه.

فبغيت المساعده والنصيحه من اللي جربت . قبل لا أروح وأقط فلوسي على شي ما يسوى.

وشكررا على المساعده مقدمااااااا :tek:

انا نفسج اشوف بنات ويههم صافي حلو يقولون كريمات وجلسات عند اوباجي وبنات العكس يقولون خرب ويهنا اوباجي ماعرفنا الصج - بس اعرف مكانهم بالشعب البحري القسم الثاني لجاك ديسانج .

ماجربتهم والله

أختي شرت الكريمات كلها ولا فادها بأي شي
للأسف قطت فلوسها علي الفاضي

حماتي قطت 350 على الطل ولا صار بويها شي للعلم اهي ماتبي الا توحيد لون البشره فقط ونسبه بسييطه بس

انا للأمانه كريماته ما فادتني بالمره .. استخدمتهم بس 3 ايام

وما استمريت عليهم .. لانها وااااااايد أثرت على بشرتي .. وقطعت العلاج


اما خالتي وااايد تحسنت بشرتها ..


ناس يرتاحون عليه وناس لأ .. مادري شنو السر ؟!!

انا استخدمت كريمات التقشير طول فترة العلاج ويهي كان صافي عقب ما وقفتا رد مثل اول او ازيد يعني ما فدني بل عكس ضرني

ما تفيد مجرد ما تقطعينها كأنج مااستعملتيها بس صج كريم الحماية وايد زين نصيحه وانتي على راحتج مجربه انا وعمتي واختي