تارت السبانخ بالجبن (كيش السابنخ بالجبن)
مكونات التارت : كوب طحين + ٧٥ جرام زبده بارده مقطعه مكعبات صغيره + واحد صفار بيض كبير ملعقتين طعام ماي بارد
نخلط الطحين مع الزبده ونفركها باليد لين تصير نفس فتات الخبز ونضيف عليها صفار البيض مع ملعقتين طعام ماي ونعجنها ونغلفها ونحطها بالثلاجه لمدة نص ساعه
حمسة السبانخ مع المشروم : نحمس بصله مفرومه بشوية زيت ونضيف عليه تقريبا اربع اكواب سبانخ طازج و بعد ما ينشف نضيف شرايح من المشروم الطازج تقريبا كوب واحد ونضيف عليه ملح وفلفل اسود ونص كوب من الصنوبر او جوز ونخليه على جنب يبرد شوي
نطلع العجينه من الثلاجه ونخليها ربع ساعه وتالي نفردها ونحطها في قالب التارت ونرفع العجينه على الاطراف ونحط عليه ثقل وندخله الفرن مسبق التسخين على حراره ١٨٠ لمدة ٢٠ دقيقه ونطلعه من الفرن ونحط عليه حمسة السبانخ وجبن قشقوان او جبن مازوريلا وشرايح من الفلفل الاحمر البارد واخر شي نحط عليه مكعبات من جبنة الفيتا ونسوي صلصه ومكوناتها بيضتين كبار نخلطهم مع كوب من الكريمه السائله ونضيفه على السبانخ الي حطيناه بالتارت وندخله الفرن على حراره ١٨٠ لمدة ٣٥ دقيقه بس من تحت وبالعافيه