فاهيتا الدجاج
  • 11
  • Loading
  • 0
  • الجمعة, 19 نوفمبر, 2021 - 10 , مساءً
  • التقييم:
الطريقة و المقادير

نقلا عن hanin abdulrhman
وعلى سيرة الطبخ جبتلكم معي أسرع أكلة وألذ نكهات فيها
فاهيتا الدجاج 😋😋 بتتقدم سندوتشات أو فيكم تعملو جمبا رز أبيص بدون شعيرية 👌

حنين عبد الرحمن ✋
فاهيتا الدجاج ..
بشوية زيت بحمس البهارات (بهارات مكسيكية ، بهار فاهيتا ، بهار دجاج ) ولما تطلع ريحة البهار بضيف
الدجاج المقطع شرايح طولية وبتركه على نار قوية ليستوي برفعه على طرف وبنزل نفس البهارات مرة تانية مع قطعة زبدة صغيرة وبحرك لتطلع ريحة تحميص البهار بضيف الخضار ( فلفل أخضر وأحمر وأصفر وبصل شرايح وممكن فطر )
بحرك على نار قوية ومابخليها تستوي عالآخر ، ألذ تكون فيها قرشة خفيفة .
برجع الدجاج على الخضار وبركز الملوحة وبضيف شوية جبنة موزاريلا وبحرك وبطفي النار .
بحشي الخليط بخبز الصامولي وبحط عالوجه رشة جبنة وعالسخان لتتحمر وتدوب الجبنة ، فيكم تستعملو خبز التورتيلا وممكن بدل السندويشات نعمل جمبا رز أبيض بدون شعيرية .
طريقة البهارات المكسيكية
مقدار ملعقة صغيرة من كل من :
توم بودرة . بصل بودرة . اوريغانو . فلفل أحمر ناشف . بابريكا . كمون . كزبرة ناشفة

الاضافة الى ذلك، يمكنك هنا تعلم افضل المقبلات

الوسوم: