Avatar
عجينه العشر دقايق
  • 12
  • Loading
  • 0
  • الأربعاء, 4 سبتمبر, 2019 - 7 , مساءً
  • التقييم:
نصائح

صباح /مساء الأمل والخير والبركه

عجينة العشر دقايق نقدمها من مطبخ كويتيات

هي عجينه للمستعجلين اذا مافيه وقت كافي للعجين يتخمر تفك ازمه حبيت انزلها

المقادير ؛

المجموعه ١:

1. كوب طحين

2. ملعقه كبيره خميره

3. ٢ ملعقه كبيره سكر

4. ربع كوب حليب بودره

5. كوب وربع ماء

تخلط مع بعض و تترك في مكان دافي مده عشر دقايق بعدها اضيف

المجموعه ٢ :

1. ٢ كوب طحين

١. ملعقه كبيره باكنج

3. ربع كوب زيت

4. رشه ملح

نخلطهم مع بعض واذا عندك عجانه الافضل تعجن فيها عشر دقايق للحصول ع نتيجه افضل

الطريقه :

ع طول ابتدي اشكل العجين بالشي اللي احبه هنا قسمتها قسمين قسم سويت منه بيتزا ، زعتر ، والجزء الثاني خلطت مع العجين حبه سوده و سويت فيه فطاير الجبن والزيتون

بعد التشكيل اغطيها ترتاح عشر دقايق وفي الاثناء الفرن يكون ساخن درجه ٢٠٠
مسحت الوجه ب صفار بيضه مخلوط مع شوي حليب مبخر مثل بوني او بو قوس وذره نسكافيه

ادخلها الفرن واول ماتنضج اطلعها واغطيها ب فوطه حتى تحافظ ع طراوتها لفو الصور يسار تشوفون شكلها من الداخل و خطوات تشكيل العجين وبس❤️
🌷وبالعافيه 🌷
نقلا عن الشيف warooody 💋