Avatar
شيش طاووق على الطريقه التركيه
  • 16
  • Loading
  • 0
  • الخميس, 13 يونيو, 2019 - 2 , صباحًا
  • التقييم:
الطريقة و المقادير

المقادير
خمس صدور دجاج كبيرة الحجم مقطعه مكعبات متساويه.
ثلاث ملاعق طعام زيت زيتون وربع قالب صغير زبده. نسخنهم مع بعض ونتركهم على جنب نسقي فيهم الشيش طاووق بعد مايستوي
التتبيله
علبه زبادي (روب) او كاس لبن _ عصير ليمونه _ ربع كاس خل _ ملعقة طعام مسترده ( معجون خردل ) _ ملعقتين طعام صلصة طماطم _ قرن فلفل حار _ _ ملعقه صغيرة لكل من قرفه وزنجبيل وزعتر او اوريقانو ونص ملعقه صغيرة لكل من كمون وفلفل اسود وبابريكا وكزبرة ناشفه وكركم _ سته فصوص ثوم _ ثلث كاس زيت زيتون _ ملعقة طعام ورشيستر صوص _ ملعقه صغيره ونص ملح اوحسب الرغبه . تخلط مع بعض في الخلاط .
بصل وفلفل رومي وباذنجان وطماطم جميعها مقطعه مكعبات
الطريقه
ضعي التتبيله بوعاء له غطاء او بكيس وضعي قطع الدجاج فيه وقلبيها وغطيها او قفلي الكيس وخليها يوم كامل واذا مستعجله اغرزي عود اسنان في مكعبات الدجاج وضعيها في التتبيله واتركيها ساعه بالثلاجه على الاقل .
احضري اعواد الشوي الخشب ونقعيها في ماء قبل الشوي بعشر دقائق عشان ماتنحرق او باسياخ معدنيه ورصي مكعبات الدجاج وبينها قطع بصل وفلفل رومي والباذنجان واشويها على الفحم او على الشوايه الكهربائيه على نار هاديه وبعد ماتستوي ضعيها بحافظة طعام او طبق وضيفي لهم خليط زيت الزيتون والزبده بعد ماتسخنيهم وصبيها فوق قطع الدجاج وهي باعوادها وصفيها من خليط الزيت والزبده وارجعي صبيه فوقها مره ثانيه وهكذا لاربع الى خمس مرات لتصبح القطع طريه وغير ناشفه ضروري هالخطوه .
واذا بتدخلينها الفرن ضعي الدجاج في صينية فرن وصبي فوقه التتبيله وغطيه بورق المونيوم وبفرن حار لما يستوي وينشف ماءه وبعد مايستوي نصب عليه خليط الزيت والزبده ونسقي بها القطع ونقلبها كذا مره ليحافظ على طراوته ويقدم مع شرايح ليمون ومع الخبز ورز ابيض بالزبده.
الرز الابيض بالزبده : نطبخ الرز في ماء وملح وشويه زيت وورق غار وعودقرفه وبعد مايستوي نطفي عليه ونحط عليه هذي الخلطه: في مقلاه نسخن نص قالب زبدة صغير ونحط عليه شوية زبيب عنب وشوية بازلا وذره اوممكن كزبره اوبصل اخضر وصنوبر او لوز شرايح ونقلبها شوي ونصبها على الرز وهو ساخن ونقلب
وبالعافيه.🌿