Avatar
دجاج بانيه سريع
  • 6
  • Loading
  • 0
  • الخميس, 13 يونيو, 2019 - 2 , صباحًا
الطريقة و المقادير

المقادير
اربع صدور دجاج مخليه من العظم مقطعه بالعرض ومفصوله كل واحده لشريحتين نضع الشرايح بين كيسين مفروده وندقها بمدقة اللحم شوي مو مره عشان ماتتفتت القطع اوممكن تدقوها بالنشابه

التتبيله

ثلاث فصوص ثوم مهروسه وعصير ليمونه وشوية ملح وفلفل اسود وبابريكا واوريقانو. تخلط وتتبل بها قطع الدجاج.
طبق فيه كاس دقيق وشوية ملح وفلفل اسود وبابريكا

طبق فيه بيضتين وثلاث ملاعق حليب سايل مخفوقه مع بعض

طبق فيه كاس ونص بقسماط واذا تحبو تضيفو له ربع كاس جبن بارميزان مبشوره ناعم

مقلاه بها كاسين زيت اوالي يغطي الشرايح

الطريقه

تبلي الدجاج بالتتبيله وغمسيه في الدقيق وبعدين البيض وبيدك الثانيه بالبقسماط خلي واحده من يدينك للبقسماط فقط ورصي القطع في طبق لما تخلص الكميه.
سخني الزيت واقلي القطع لما تتحمر على الوجهين وتقدم مع الرز اوبطاطس مقليه وخبز محمص وسلطه وبالعافيه
الي مايحب الثوم ممكن يستغني عنه ببصل
وبالعافيه 💕