Avatar
البُف
  • 14
  • Loading
  • 0
  • الأحد, 26 مايو, 2019 - 12 , صباحًا
  • التقييم:
الطريقة و المقادير

المقادير :
2 كوب دقيق
2 ملعقه كبيره نشاء
نصف كوب زيت + ملعقه كبيره
رشة ملح
كوب ماء والافضل ماتضعونه الا بالتدريج
الحشوه :
حسب رغبتكم لكن انا حشيتها كنكهه هنديه
بطاطس مسلوق ومهروس الكميه حسب رغبتكم
بازليا
ذره
جبن سايل
رشة ملح – فلفل اسود – كاري – بابريكا حار وحلو – اوريقانو
نخلطهم مع بعض ونحشي فيها البف
الطريقه :
ننخل المقادير الناشفه مع بعض ثم نضيف الزيت ونبدا نفركها حتى يتشرب الدقيق الزيت كله ثم نضع الماء اذا صارت العجينه مره لينه نزيدها شوي دقيق هي تكون ناعمه بس مو لينه مثل الفطاير اقسى شوي يعني لما تحاولين انها تنقطع معك ماتنقطع بقوه
نخليها ترتاح 5 او 10او ربع او نصف ساعه براحتك
بعدها نبدا نسويهم كور ونبدا نفرد كل كوره لما تكون شفافه ونضعها بقطاعة البف ونحشيها ونسكرها ونشيل الزوائد وندخلهم بالفريزر حول 10 او ربع ساعه قبل القلي حتى تتماسك لانها لينه لما نطلعها من الفريزر نسكرها بالشوكه حتى ماتتفح بالزيت ونقليها بالزيت واحنا نقليها بالملعقه نرش عليها الزيت حتى تنتفخ من فوق ويطلع مثل الفقاعات عليها وهكذا ليما تخلص الكميه
اذا كانت الكميه كثيره عليكم نصفوا المقادير بالنصف .
وبالهنا💖💖