بقدر حطي شوي زيت + ورقه غار مع حبتين من الهيل والقرنفل
بعدها قطعي البصله متوسطه الحجم شرايح مع 2فص ثوم بس يذبل تكونين مقطعه صدر دجاج قطع صغيره ” صحن واحد” وحركي 3دقايق على نار عاليه
بعدها حطي البهارات ” ملعقه كبيره من البرياني + ملعقه متوسطه من الكاري+ ملعقه من الكركم والملح ” ممكن تخلين ملعقه وسط من البهارات البرياني + ملعقه صغيره مليانه من بهارات الكاري
حركي وبعدها قصري النار عليها وخليه يطبخ الدجاج وأذا قرب يستوي الدجاج تكونين مقطعه جرز عيدان صغيره ” تقريبآ طولها 3سـم ” حطيه على الدجاج و حركي بعدها حطي براس الملعقه مسمار مطحون ” قرنفل ”
وخليه على نار هاديه لين مايستوي الدجاج ويلين الجزر وبكذا نكون خلصنا من الدجاج
2ونص كوب من الرز منقوع بعدها أغسليه وأطبيخه عادي بس خليه طبخ ثلاث ارباع استواء
تكونين مجهزه ملعقه من الكركم مذوبه بشوي مويه + وملعقه من صفار الزعفران مذوب بشوي مويه
قسمي الرز 3 اقسام قسم خليه زي ما هو
قسم حطي فيه ملعقه من صفار الزعفران
قسم حطي فيه ملعقه من الكركم

بصينه بايركس أدهنيها بقطعه صغيره من الزبد وحطي طبقه الرز أبيض
وبعدها حطي نص كميه من الدجاج
وحطي فوقها بصل الشرايح مقلي
طبقه من الرز بكركم
باقي مقدار الدجاج
نعناع طازج ” ربع حزمه غسليه زين ونشفيه من المويه وقطعيه قطع صغيره
طبقه من رز بصفار الزعفران
أحيانآ أتهور وحط على الوجه قطعه من الزبده
غطيه بالقصدير وبالفرن لمده ربع ساعه
عند التقديم أحط على الوجه صنوبر ولوز مقلي + بصل شرايح مقلي
وبالعااافيه