Avatar
معكرونه بصلصه الدجاج والفطر
  • 21
  • Loading
  • 0
  • الأحد, 13 يناير, 2019 - 4 , صباحًا
الطريقة و المقادير

💫💫💫💫💫💫💫💫💫💫💫💫💫💫
بخصوص مرق الدجاج:

كنت ذاكرة ببوست قديم طريقة عمل مكعبات مرق الدجاج بالبيت جدا الذ. عبارة عن مرق دجاج عادي وصفيتو… ثم غليتو على النار حتى كشت الكمية صارت تقريبا كوب.
دخلتو البراد وتركت طبقة الدهن تتشكل فوق لحتى شيلها مشان الاكل يكون صحي اكتر ولكن لكم حرية الخيار تتركوه. القوام لازم يكون متل الجيلاتين وتماسك. بحطهم بعلب صغيرة وبدخلهم الفرييزر وكل ملعقتين طبخة.

نرجع لأكلتنا

بقدر على النار منحوس دجاج مقطع شرائح حتى يحمر مع فطر طازج مقطع شرائح ومنحط ملح وفلفل اسود وملعقة صغيرة أعشاب إيطالية أو أي بهار بتحبوه. ومنتركو على جنب
بقدر على النار منضيف ملعقتين كبار زبدة وبس يذوبوا منضيف ملعقتين كبار طحين ومنحرك حتى نتأكد انو الطحين كلو اختلط وتحمص بالزبدة.

منضيف حليب حوالي كوب إلى كوب ونصف بالتدريج + ملعقتين مرق الدجاج المركز المذكور فوق.

مافيني اوعدكم انو مرق الدجاج ماجي بيعطي نفس النتيجة لأن الطعمة مختلفة تماما

منضيف ملح وفلفل ورشة جوزة الطيب وبرش بارميزان ومنديرو فوق خليط الدجاج والفطر ومنضيف معهم معكرونة منكون سلقانها ثلاث ارباع سوا.

مندير الخليط بصينية خبز ومنضيف جبنة على الوجه ومنحمرها بالفرن.

ملاحظات⚠️⚠️
-ممكن تحوسوا الدجاج مع الفطر وبعدين تحطو الطحين وتعملو الصلصة عادي كلو بنفس الطنجرة ولكن عن تجربة هاي الطريقة بتستهلك دهون اكتر

الصلصة رح تسمك مع الوقت، ازا سمكت ممكن تضيفوا حليب أو من ميي سلق المعكرونة.

صحة وهنا