لفائف الدجاج
  • 4
  • Loading
  • 0
  • الأحد, 13 يناير, 2019 - 4 , صباحًا
الطريقة و المقادير

🍖🍖🍖🍖🍖🍖🍖🍖🍖🍖🍖🍖🍖🍖

الحشوة ممكن تكون اي شي بتحبوه. انا الحشوة عندي كانت: على النار حست بصلة وفطر حتى صار لونها ذهبي وأضفت الثوم المهروس وتبلتهم بملح وبهار. بعدين حطيت كوبين سبانخ فريش وتركتهم يذبلو مع مكعب مرق (ننتبه لكمية الملح ازا استعملتو ماجي، انا بستعمل دايما المعد في المنزل) ومنترك الخليط على جنب يبرد تمااااااما.

منجيب ورق cling film وعليها حطيت صدورة جاج ومنرقها رفيع بالمطرقة الخاصة للمطبخ أو بالشوبك، ومنبهرها خفيف بملح وفلفل اسود. حطيت جبنة موزريلا قليلة الدسم (ممكن اي جبنة بتحبوها بس كان عندي بالبراد موزريلا فاستعملتها) وفوقها الحشوة (الترتيب مو ضروري)

منلف ورق الكلينغ فيلم متل السويس رول ومنثبتها بأعواد الأسنان لتقفل منيح. – دخلتها البراد تبرد شي ساعة

على نار عالية مع زيت أو زبدة، منحوس لفائف الدجاج حتى تحمر وتاخد لون ذهبي جميل وبعدين مندخلها الفرن حرارة 180 إلى 200 من 10 دقايق إلى 20 دقيقة حسب حجم الصدر وسماكتو. بس تنضج منطلعها ومنتركها ترتاح شوي.

ملاحظة⚠️المقلى اللي شوحنا فيه الدجاج رح يكون نز عصارة من الدجاج جدا لذيذة، نصيحة ما ترموها، ضيفو ملعقة زبدة عليها وبس تذوب ضيفو ملعقة طحين لتصير متل الصلصة واسكبوها على الدجاج. انا ما عملت هيك لأن بدي اكل صحي هون.

بس يرتاح الدجاج منشيل أعواد الأسنان ومنقطعها شرائح وتقدم.

صحة وهنا