Avatar
يخنه الدجاج بالبطاطا
  • 35
  • Loading
  • 0
  • الأحد, 13 يناير, 2019 - 3 , صباحًا
  • التقييم:
الطريقة و المقادير

🍥🍥🍥🍥🍥🍥🍥🍥🍥🍥🍥🍥🍥🍥🍥
-المقادير
الدجاج كنت عملتو كرات طريقتو عبارة عن: 2 صدر دجاج طحنتهم مع نصف كوب بقسماط + بيضة + بصلة مفرومة + حبتين ثوم + ملح وبهار + بقدونس + ملعقتين زيت زيتون وشكلتهم كرات.

(انتو ممكن تتطحنوها مع أي شي بتحبوه من خضار أو بهارات) –
🍥 حست كرات الدجاج على النار مع شوية زيت حتى احمروا وشلتهم من المقلى –
🍥 بنفس المقلى ضفت ملعقتين كبار زيت حست بصل وفطر وثوم ( لو عندي فليفلة وجزر وكرفس كنت حطيت، ممكن تحطوا اللي عندكم وما ننسى الملح والفلفل الأسود.

🍥أضفت مرق دجاج اكتر من غمرتهم بشوي وأضفت البطاطا المقلية على التيفال (ممكن مشوية أو مسلوقة) ورجعت الدجاج وخلوها تتسبك على النار حوالي 10 إلى 15 دقيقة واخر شي عصرت عليها حامض شي ملعقتين كبار.

البطاطا ممكن تضيفوها نية وتتركوها تنسلق بالمرق بس انا بالبيت بحب هاي الطريقة اكتر بحس الطعمة غير بس بيرجعلكم – الهدف انو المرق يدوب غمرتهم هو انو البطاطا تشرب المرق تماما وما يكون في كتير سائل. ازا بتحبو في سائل زيادة ضيفوا مرق –
البهارات اللي استعملتها ملح وفلفل اسود بس لاني اعتمدت على مرق الدجاج اللذيذ جدا المصنوع بالبيت اكيد لأن منكه ببهارات صحيحة لما سويتو

ان شاء الله يارب تعجبكم وصحة وهنا