Avatar
خبز الشربه
  • 15
  • Loading
  • 0
  • الأحد, 13 يناير, 2019 - 3 , صباحًا
الطريقة و المقادير

🍞🍞🍞🍞🍞

مافي أطيب من الخبز اليابس لما يتشبع ويترطب بالشوربة. لما تخلص الشوربة ويصفي الخبز اللذيييذ الطيب. 😍😍😍😍

المقادير:

3 أكواب طحين
ملعقة كبيرة خميرة
ملعقة صغيرة ملح
ملعقة كبيرة سكر
2 ملعقة كبيرة زيت الذرة
حوالي كوب ونصف ماء دافي

منضيف كل المقادير بالعجانة ماعدا الميي، وأثناء تحريكهم منضيف الميي بالتدريج ،كمية الميي رح تعتمد على نوع الطحين، هاي الكمية فوق تقديرية فقط. بدنا عجينة طرية بس متماسكة

منتركها تخمر ليتضاعف حجمها

منشكلها كرات سميكة بحجم قبضة اليد ومندورها بيدنا بشكل تاخد شكل الطابة.

منرشها زيت ومنتركها تخمر كمان مرة

مندخلها الفرن حرارة بين 180 إلى 200 حتى تستوي ومنفضيها من جوا ومنزبط الأطراف بسكينة حادة.

لنتيجة أفضل اتركوها لتاني أو تالت يوم بتكون يبست.

املوها اي نوع شوربة بتحبوه، انا هون استعملت شوربة عدس