Avatar
شوربة خضار الصحية والمشبعة
  • 33
  • Loading
  • 0
  • الإثنين, 7 يناير, 2019 - 10 , مساءً
الطريقة و المقادير

شوربة خضار الصحية والمشبعة

مافي مقادير معينة هاي الشوربة بعملها بس يكون عندي مرق، وخضار بالبيت حبة من كل شي بحصلو ادامي
لهاي الشوربة حست خضار على النار مع زيت زيتون (بصل، جزر، فليفلة حمرا، بطاطا حلوة، بندورة، ثوم مقطع) ممكن اي شي تاني متل بازيلا، فطر، ذرة، بطاطا…. الخ هاد اللي عندي كان.
وبس دبلو حطيت عدس منقى ومغسول.
سكبت عليهم مرق الدجاج (ممكن مرق لحمة أو خضار أو حتى ميي مع مكعب مرق الدجاج أو حتى كيس شوربة جاهزة من ماجي أو كنور النكهة اللي بدكم ياها)
وتركتهم على النار لاستوى العدس وبعدين حطيت عليهم سبانخ تازا ودبلت معهم

البهارات استعملت ملح وفلفل وبهارات مشكلة (احيانا بستعمل أعشاب إيطالية حسب المزاج)

الهدف من هاي الاكلة كان انو استهلك كل شي خضار لقيتها بالبراد كميات صغيرة، مع مرق الدجاج اللي من كم يوم حضرتو ونزعت عنو الدهن. طلعت كتيييييير الحمدالله طيبة
شوربة جدا مشبعة وصحية