Avatar
مطبق زبيدي
  • 29
  • Loading
  • 0
  • السبت, 10 نوفمبر, 2018 - 10 , مساءً
الطريقة و المقادير

مطبق زبيدي
من ألذ الاكلات البحرية المشهورة في الكويت ♥️
⠀⠀
لتتبيلة السمك نحتاج :
زبيدي مغسول ونظيف وعصير ليمون وبهارات سمك ( من مجدي ) وملح نبهرهم من الداخل والخارج ونقليهم بزيت حار ومجرد مانشوف الاطراف بدأت تاخذ لون بني نقلبهم للجهه الثانيه بالراحه عشان ماتتكسر معانا
⠀⠀
للرز نحتاج :
زيت وبصل وفلفل حار وفلفل رومي وبهارات صحيحه : قرنفل + وقرفه + هيل + ليمون اسود + ورق غار وبهارات مطحونه : ملعقه صغيره ليمون اسود مطحون ونص ملعقه كبيره بهار سمك وملح حسب الذوق وطماطم مقطعه وكزبره وشبت وماء مغلي ننزل سمكة وحده لمدة ١٠ دقايق عشان تاخذ من نكهة السمك ونطلعها ونحط الرز ونكون غاسلينه واول مايبدأ يغلي وتبان معانا حبات الرز نهدي ع النار ونغطي عليه الين مايطبخ
⠀⠀
للحشو نحتاج :
بصل نحمره بدون ولا نقطة زيت وبس يمسك في الطاوه نحط مويه شوية شوية الين مايتغير لونه للبني بعدين نحط زيت وثوم وملعقة صغيره من البهارات مطحونه : كركم وليمون اسود مطحون وكزبره وكمون وملح واخر شيء نحط الكزبره والشبت ونقلبهم مع بعض ونقفل عليها ونقدمها فوق الرز او نحشيها ببطن الزبيدي قبل مانقليها بس يحتاجوا لتخييط وهنا قدمتها فوق الرز بدون ماحشيتها اسهل واسرع وعليكم بالعافيه