كبسة التفاح وحليب جوز الهند

تغيير عن الطعم العادي للكبسه لذيييذه وفكرتها مره حلوه اخذتها من الغاليه ام بنوسه

المقادير

بصله كبيره مفرومه _ عودين قرفه وورقتين غار واربع حبات هيل وشريحتين صغيره زنجبيل طازج اوممكن ناشف _ حبة تفاح مقشره ومبشوره _ دجاجه مقطعه انصاف _ نص ملعقه صغيره لكل من كمون وفلفل اسود وكركم وبصل بودر وبابريكا وكاري _ ملح _ علبة طماطم مقشره مطحونه مع خمس فصوص ثوم اوممكن استبدالها بثلاث حبات طماطم مع ملعقة صلصة طماطم وثوم _ نص كاس حليب جوز الهند السايل اوممكن ملعقتين حليب جوز الهند بودره نذوبه في ثلث كاس ماء _ ثلاث كاسات رز مغسول ومنقوع _ ربع حزمة كزبره زي ماهي مغسوله ومربوطه بعود كزبره.
الطريقه
حمري البصله مع قرن الفلفل والقرفه وورقتين الغار والهيل والزنجبيل وضيفي لها التفاحه المبشوره وقلبي لدقيقه وضيفي الدجاج والبهارات والملح والورشستر صوص وقلبي لدقيقتين وضيفي الطماطم وقوي النار لما يفتح لونها وصبي عليها ماء كافي لاستواء الدجاج يادوب يغطيه وضيفي له جوز الهند السايل واتركيه يطبخ لما يستوي.
ضعي الدجاج بصينية فرن وادهنيه بملعقه صغيره صلصة طماطم وملعقة طعام صويا صوص اوورشستر وملعقتين ماء مخلوطه مع بعض واشويه بالفرن من تحت وفوق على نار هادئه لما يتحمر.
صفي المرقه من البصل والبهارات وضيفي الرز والماء يادوب يغطيه وضعي حزمة الكزبره وغطيه وقوي النار لما تطول حباته وتصير مويته للنص وخفضي عليه النار واتركيه يطبخ على نار هادئه لما يستوي وطفي عليه وبعد خمس دقايق شيلي اعوادالكزبره ويقدم وبالعافيه