البسبوسة بالمهلبية .. .
البسبوسة .. علبه القشطه هي المقدار يعني نقيس كل المقادير بعلبه القشطة .. نخلط بالترتيب ٢ بيض + علبه قشطه + علبه سكر + ملعقه صغيره فانليا لمده خمس دقايق + علبه زيت + ظرف كريم كراميل + علبه جوزهند + علبتين سميد + ملعقه كبيره بكنج بودر ونخلط خمس دقايق حتي يمتزج الخليط ززززين وبعد كيذا نصبها بالصينيه ونحمرها بالفرن من تحت وفوق واذا خلصت نسقيها نستله ونغطيها حتي تتشرب النستله .. .
والوقت اللي تكون فيه البسبوسه بالفرن نجهز حشوه المهلبيه .. في قدر ٢ كاس ماء + ٤ ملاعق كبيره حليب بودره واذا حابين الحليب اكثر ممكن ٦ ملاعق + ٤ ملاعق نشاء + سكر حسب رغبتكم وبعدها نحرك زززين حتي يذوب النشاء همن علي النار نقلب المزيج حتي يثقل وبعدها + علبه قيمر صغير + ٤ ملاعق جبن سايل + ملعقه صغيره فانليا والافضل سايله 👌 وبعد مانتذوق الحشوه ويعجبكم حلاها صبوها علي البسبوسه وخلوها ترتاح شوي وبعدها تبرد بالثلاجه اقل شي اربع ساعات واذا مستعجلين حطوها بالفريزر .. لفي بالصوره لليسار يابعدي ّ حتي تشوفون الخطوات وبالعافيه علي قليباتكم 💕 وعاد الله الله بالايك تكفون ابي اشوفها بالاكسبلور وانتم قدها #بسبوسة_نورة_الوهيبي