منتديات كويتيات النسائية

منتديات كويتيات النسائية (https://www.q8yat.com/)
-   ذوي الإعاقة (https://www.q8yat.com/f160.html)
-   -   تجمع مميز**تجمع أمهات أطفال " زراعة القوقعه " حياكم الله*مميز** (https://www.q8yat.com/t262531.html)

منـــار 29-11-2008 03:36:19 AM

تجمع مميز**تجمع أمهات أطفال " زراعة القوقعه " حياكم الله*مميز**
 
http://www.up.arb4vb.net/get-11-2009...t_269pvsth.gif




السلام عليكم ورحمة الله

انا عضوه جديده معاكم وأتمنى تقبلوني بينكم :tek:

أنا أم لطفل اصم عمره 3 سنوات الله يخليه يارب وسويت له عمليه زراعة القوقعه في شهر 8
وأتمنى نستفيد من خلال هالموضوع عن اماكن تعليمهم النطق وعن المدرسين اللي نقدر نجيبهم للبيت
او عن الالعاب الصوتيه التعليميه وعن كل شيء يحتاجونه فلذات اكبادنا


وحياكم الله
:gathering:

ReeMaN 29-11-2008 11:45:19 AM

رد: تجمع أمهات أطفال " زراعة القوقعه " حياكم الله
 
في يم مستشفى زين مركز للنطق ... عندهم تدريبات حق اللي مسوين زراعه القوقعه بس علاجهم حده بطيييييييييييئ

وانتى احسن شي سويتيه انج سويتى حق ولدج الزراعه واهو بهالعمر كل ماصار الياهل صغير كل ماكانت النتيجه احسن

و حاولى اتدخلينه حضانه عشان يتاقلم مع اليهال ويقلدهم بالاصوات وياليتنى اقدر اساعدج اكثر من جذي ...

منـــار 29-11-2008 04:01:52 PM

رد: تجمع أمهات أطفال " زراعة القوقعه " حياكم الله
 
مشكوره حبيبتي ماقصرتي الله يعطيج العافيه

اما بخصوص مركز سالم العلي للنطق اودي ولدي عنده مرتين بالاسبوع وعلى قولتج علاجهم بطيييييييييييييء
فأنا كنت اسال اذا فيه غيرهم علشان يستفيد ولدي منهم
اذا مافيه احراج منو مسوي عندكم زراعة القوقعه ؟ ولدج اخوج او واحد يصيرلج ؟
علشان نستفيد عن المراكز والجلسات او حتى نوع العابهم

ReeMaN 30-11-2008 06:38:47 AM

رد: تجمع أمهات أطفال " زراعة القوقعه " حياكم الله
 
رفيجتى مسويه زراعه قوقعه بس اهى معاها ضعف بالسمع مو صماء تستخدم سماعات عاديه من غير السماعات ماتسمع شي و ودارسه بمدارس عاديه تتكلم عادي بس لسانها شوي ثقيل يعنى في احرف ماتنطقها عدل...
ومسويه العمليه على كبر كان عمرها تقريبا 32 سنه 2006 بمستشفى الاتصالات وصار سمعها زين بس لانها مو متعوده على سماعه القوقعه ماتلبسها وايد الا للضروره يعنى اذا بتطلع اوطبعا دوامها غيره لا ماتلبس .... ومن صغرها اتراجع مراكز النطق اتقول كانت ماتعرف تتكلم عدل بعدين صارت اشوي احسن من احتكاكها بالمدارس مع الطلبه العاديين تعلمت الكلام ولما سوت العمليه راجعت مركز النطق عشان تتعلم النطق احسن .. وهم عشان تتعلم تسمع من غير ماتقرا الشفايف بس مثل ماقلت صعبه هالعمليه حق الكبار يكونون مو متعودين على الاصوات الغريبه وعلى اقل صوت يتضايقون ...

ReeMaN 30-11-2008 06:42:55 AM

رد: تجمع أمهات أطفال " زراعة القوقعه " حياكم الله
 
اختى منار بالنسبه حق ولدج خليه يخالط اليهال صدقينى راح يتعلم منهم اكثر منج واخذيله العاب اصوات الاحرف وفي عندج اصوات حيوانات والتلفون خليه اهو يرد على تلفون البيت حتى لو يخربط بس عشان لايتعود على لغة الشفايف ترا يصعب عليه بعدين اذا يسمع من غير مايشوف الشفايف.... رفيجتى تطفر اذا احد كلمها بدون لاتنتبه من غير ماتلتفت له يعنى لازم اتطالع الشفايف عشان ترد عليه مع انها ساعات اتكون سامعه الكلمه من غير ماتقرا الشفايف بس اتقول اخاف اجاوب جواب مايكون نفس السؤال اللي سمعته

*دانة الخليج* 30-11-2008 09:22:50 AM

رد: تجمع أمهات أطفال " زراعة القوقعه " حياكم الله
 
الله يشفي عيالكم وتفرحون فيهم
قولوا امين

منـــار 01-12-2008 11:24:44 AM

رد: تجمع أمهات أطفال " زراعة القوقعه " حياكم الله
 
حبيبتي ريمان

مشكوره ياقلبي ماقصرتي والله على ردج
الحمدلله ولدي يخالط اليهال ويحاول انه يتكلم يعني يحرك فمه ويحاول انه ينطق
وان شاءالله اني مومقصره معاه بالتدريب في البيت بس كنت ابي احد يساعدني وله خبره بالتدريب والتعليم
وان شاءالله البنات مو مقصرين اذا احد منهم يعرف رقم مدرس او مدرسه يدزها لي على الخاص واكون له شاكره

حبيبتي دانه الخليج
جزاج الله كل خير ماقصرتي والله على دعوتج
الله يعطيج العافيه حبيبتي

نعوووووومي 02-12-2008 11:59:03 PM

رد: تجمع أمهات أطفال " زراعة القوقعه " حياكم الله
 
الله يحفظه إن شاءالله

نعوووووومي 03-12-2008 12:34:39 AM

رد: تجمع أمهات أطفال " زراعة القوقعه " حياكم الله
 
اسأل الله العظيم رب العرش العظيم أن يشفيك
اللهم رب الناس مذهب البأس اشف أنت الشافي لا شافي إلا أنت
فصبر جميل والله المستعان على ما تصفون
(اللهم آتنا في الدنيا حسنة وفي الآخرة حسنة وقنا عذاب النار)

om_naser 22-12-2008 05:17:33 AM

رد: تجمع أمهات أطفال " زراعة القوقعه " حياكم الله
 
السلام عليكم اختي منار انا ولدي مثل ولدج سويت له زراعة قوقعة في شهر 4 اللي طاف و الحمدلله على كل حال و انا سويتها برة الكويت و الحين مدخلته حضانة البستان اللي في الخالدية و اراجع عند مركز سالم العلي مرتين بالاسبوع بس يلوعون الجبد جهال و مايعرفون شي وكنت مع وحدة اسمها انصاف و بعدين غيرت مع واحد اسمه هشام بس شكله بارد و ماله خلق لاني من قبل حاولت ارد عند المدرب اللي قبل كنت اتعامل معاه مو مدربين الشركة و بالبيت حاطتله مدرس يعطيه تدريبات مرتين بالاسبوع و غير اني متابعته عندي صور شاريتهم من اماكن مختلفة حتى ابو مية عنده كروت عليهم صور حيوانات و خضار و فاكهة و بعد اكو في لاند مارك العاب تعليمية فيها اصوات حيوانات و مواصلات و اذا تبين ارقام المدربين اطرشهم لج بس انا ماعرفهم عدل انا تعاملت مع واحد و الحمدلله مرتاحة احس و لدي يستجيب معاه و يحبه و يسمع كلامه وسلامتج و اي شي انا حاضرة

غزيل الفله 22-12-2008 07:12:04 AM

رد: تجمع أمهات أطفال " زراعة القوقعه " حياكم الله
 
الله يحفظهم ويشفيهم لكم يارب

farawla_q80ia 22-12-2008 07:35:58 AM

رد: تجمع أمهات أطفال " زراعة القوقعه " حياكم الله
 
لازم الياهل اللي يسوي زراعه قوقعه ياخذ سنة تأهيليه قبل لا يدش اي مدرسة ديروا بالكم عشان يدرك مفهوم الاصوات اللي حوالية طبعا من الحلول الترقيعية اللي سوتها وزارة التربية ان الطالب اللي مسوي زراعه قوقعه دامجينهم مع الطلبة ذوي الاعاقة الحركية في الابتدائي ومشاكلهم زايده اولا مافي موائمة للمنهج والمعلمات ما يعرفون يتفاعلون او يتواصلون مع هالفئة وكثرة العدد بالصف وغيرة من الامور

المزيونة^ 23-12-2008 05:00:34 AM

رد: تجمع أمهات أطفال " زراعة القوقعه " حياكم الله
 
اللي سمعته ان مدرسة ام القرى في ابو حليفة عندهم صفوف خاصة للي زارعين قوقعة بس لان ولدي توه على الابتدائي فانا مدخلته حضانه البستان اللي بالخالدية و الحمدلله احس انه تحسن معاهم و صار عنده مهارات ( بس هم انا مو مقصرة معاه لاني من قبل لايدش حاطتله المدربين و كنت اقعد معاه كل يوم حوالي نص ساعة بس تدريب على الاشياء اللي من حوله مثل العابه و الالوان و الاصوات و المطبخ و الاهم من كل شي الاكل و الشرب اللي يحبه )

om_naser 19-02-2009 05:25:32 AM

رد: تجمع أمهات أطفال " زراعة القوقعه " حياكم الله
 
بنات ماتدرون اذا يحق لولدي معاش من المجلس و جم بيكون راتبه ؟؟؟؟

بناتى هم حياتى 21-04-2009 11:36:08 PM

رد: تجمع أمهات أطفال " زراعة القوقعه " حياكم الله
 
ايه حق حق ولدج ميتين وسبعين وراح يصرف ثلاث ميه كل سنه عشان البطاريه


الساعة الآن حسب دولة الكويت : 04:17:58 PM.

Powered by vBulletin® Version 3.8.11
new notificatio by 9adq_ala7sas