منتديات كويتيات النسائية

منتديات كويتيات النسائية (https://www.q8yat.com/)
-   وطن النهار (https://www.q8yat.com/f65.html)
-   -   سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا (https://www.q8yat.com/t1073251.html)

HaAaDoOol 02-07-2012 02:01:02 AM

سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا
 
السلم عليكم ورحمة الله وبركاته

شلونكم شخباركم ؟؟؟


اليوم حبيت اسوي موضوع عن الغزو

كل وحده اتقول قصتها مع الغزوو شنو كانت اتسوي وشلون عرفت ان في غزو عراقي وشنو سوت لما عرفت جذي يعني سوااالف


على فكره انا كنت مو موالده لما يا الغزوو كنت اسأل امي هالسؤال اقول لها يما شنو كنتي تسوين قبل الغزوو

قالت لي انها كانت تطالع التلفزيون وفجأه صار بالتلفزيون طوووط طوووط كان عمر امي 20 سنه ههع وياه ابوها الي اهوا يدي وقال صداام دش الكويت امي كانت مو عارفه شسالفه اتقول شنووو يعني وصار صوت قنبله ودشوا العراقيين البيووت بس امي واهلي راحوا الطايف بسعوديه


يالله دوركم


شنو كنتي اتسوين بوقت الغزو ؟؟

لما دريتي شسويتي ؟؟

وشلون عرفتي منو قالج ان في حرب ؟؟؟

وجم كان عمرج ؟؟

يالله انططلقوا ؟؟؟؟

:eh_s(9)::eh_s(9):

الدنيا كلها 02-07-2012 02:53:20 AM

رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا
 
انا ااماراتيه :)


والحمدالله الله فرج همكم :) ماعرف وايد عن قصه الغزو قولو لي شو السالفه ليش صارت هالحرب اصلا

مـ ع ـزوفة حز*ن 02-07-2012 11:32:39 AM

رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا
 
،،،


وعليكم السلآم والرحمه



كآن عمري سنه وجم شهر



آب

................

........

...

قليبوني:$ 02-07-2012 12:21:44 PM

رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا
 
< من موآليد بـعد آلغزو ~



\
أب بنـات بنعـرف شنــوو صاار ؟

gala q8 03-07-2012 02:53:31 AM

رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا
 
اقتباس:

المشاركة الأصلية كتبت بواسطة الدنيا كلها (المشاركة 30966994)
انا ااماراتيه :)


والحمدالله الله فرج همكم :) ماعرف وايد عن قصه الغزو قولو لي شو السالفه ليش صارت هالحرب اصلا



السآلفه و ما فيها .. إن صدام ما ادري شنو شآرب .. اللي خلاه يكلم بابا جابر الله يرحمه و يقول له اني بدخل على شعبك .. وبابا جابر ما تكلم لاحد ولا قال لنا عشان لا يخرع الشعب الكويتي .. يقول صدام ان الكويت جزء منها .. مع ان العراق بعيده من ناحيه الحدود والحضاره ولا فيها شيء تثبت ان الكويت جزء من العراق !! و عندنا شهادات تبين ان الكويت ( دوله مستقله ذات سيآده كامله ) .. وعندنا دستور يحكمنا مختلف تماما عن الدستور اللي عند صدام !!!!!!!!!!!!!! :eh_s(7):


و فجآه يوم الخميس بليلتها دخل .. و بدال لا يعدل الديره ( اللي يقول انها جزء من العراق ) !! قام و ذبح عيالها و اعتدى على بناتها و حرمات الدوله !! و قتل الشيخ الكبير والاطفال والحريم ! و قطع الاشجار و ذبح منها من الحيوانات .. ! حسبي الله ونعم الوكيل ,, و طبعا الطمع اللي خلا صدام يدخل الكويت مو لانها مثل ما يدعي ان الكويت جزء منها .., اهوا يبي النفط لا اكثر ولا اقل !!






انا ما انولدت بالغزو انا بعد الغزززووو .. بس وايد اسمع بهالغزو و ساعات اشوف فيدوات حقيقيه وليست تمثيـــــــــــــل .., و موجودين باليوتويوب .. :eh_s(15):



انا امي كانت حامل بآخوي لوول .. و كانت تتمشى ويا ابوي على البحر و تقول يومها كان الاربعه تقول كانت منتبها ان وايد رياييل على البحر .. تقول احنا على عمانا ما ندري شالسالفه !! وتقول بهالفتره كانوا العراقيين يشتغلون بالكويت ( يبيع بنك ولا يبيع برد ) و من هالاشغال البسيطه ! .. تقول ردينا البيت الفير .. من باجر ولا يدق رفيج ابوي ويقول لابوي قوووم العراقيين دخلوا الكويت !! ابوي حسباله يتغشمر قام و سد الفوون لوول :p ولا يدق عليه مره ثانيه ويقول له و والله قوم شوف برا الدبابات و شوف التلفزيون ماكو شيء !!



قام ابوي و شاف وفتح الدريشه ولا صج كانت كلها دبابات ورياييل يمشون و ماسكين اسلحه !!

امي تقول لي بعد .. ان الجنود مسااكين اغلبهم يهال .. ومايعرفون يفرقون بين العصير والصآبون!!!! و طبعآ بآقوا اللي اكو واللي ماكووو .. حتى التواير يبوقون < شتبون بالتوير من غير سياره ! هع ما تنفع !! :p


و كان في جندي ياهل عمره 17 سنه تقريبا .. يا فبيت يدي ولا يقول لهم انا احرس لكم البيت بس ابي زقاير و جاي بس !

و طبعا هذا متدلل عند يدي الله يرحمه والله كان يعامله مثل عيأله لان يكسر خاطره لمن قال ان صدام اجبرهم إيون الكويت !!

و مره بعد باقوا تواير عمتي ولمن بغت تطلع من البيت لقت سيآرتها من غير تواير لوول و كانت سيآرتها توها يديده موديل السنه هههههه .. :p وكانوا يسمحونها ( السياره ام عيون ) هههههههه



امم .. و طبعا امي عانت مسكينه لان اخوي انولد بآيام الغزو .. تقول الدكتور اول ما ولدها عطاها بطاقه زرقا جنه .. ( يعني الولد كويتي ) .. حتى ما عطاها شيء او دليل على ان هذا كويتي غير البطاقه و قال لها طلعي خاصه لمن يسمعون ان انولد ولد يذبحونه ..


و امي تقول لي يوومها عرفت ان فعلا الكويتيين انتمائهم للكويت وبس ! .. وابوي صور فيديوات الدنيا والدين و صوور الشهداء اللي ماتوا .. و حتى ما رضا انه ينشر الفيديوا لان واحد من ربعه توفى وبنته لمن كبرت :(


الله يصبر اهالي الاسرى والشهداء .. و حسبي الله ونعم الوكيل على كل واحد حاول بس يفكر يضر الكويت قولوا آميـــــــــــــــــــــن :yaaaaaarb:




ادري قرقت وايد لووول .. بس فعلا حبيت موضووعج .. :p يعطيج العآفيه ,, :D

الدنيا كلها 03-07-2012 03:16:32 AM

رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا
 
gala q8
مشكورة حبيبتي وضحتيلي السالفه @[email protected] الحين فهمت

عيون مبارك 03-07-2012 04:05:56 AM

رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا
 
الحمدلله على كل حال

بنت لبناااان 03-07-2012 04:25:12 AM

رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا
 
الله لا يوريكم هاليوم ان شاءالله

HaAaDoOol 03-07-2012 04:42:46 AM

رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا
 
اقتباس:

المشاركة الأصلية كتبت بواسطة gala q8 (المشاركة 30974282)
السآلفه و ما فيها .. إن صدام ما ادري شنو شآرب .. اللي خلاه يكلم بابا جابر الله يرحمه و يقول له اني بدخل على شعبك .. وبابا جابر ما تكلم لاحد ولا قال لنا عشان لا يخرع الشعب الكويتي .. يقول صدام ان الكويت جزء منها .. مع ان العراق بعيده من ناحيه الحدود والحضاره ولا فيها شيء تثبت ان الكويت جزء من العراق !! و عندنا شهادات تبين ان الكويت ( دوله مستقله ذات سيآده كامله ) .. وعندنا دستور يحكمنا مختلف تماما عن الدستور اللي عند صدام !!!!!!!!!!!!!! :eh_s(7):


و فجآه يوم الخميس بليلتها دخل .. و بدال لا يعدل الديره ( اللي يقول انها جزء من العراق ) !! قام و ذبح عيالها و اعتدى على بناتها و حرمات الدوله !! و قتل الشيخ الكبير والاطفال والحريم ! و قطع الاشجار و ذبح منها من الحيوانات .. ! حسبي الله ونعم الوكيل ,, و طبعا الطمع اللي خلا صدام يدخل الكويت مو لانها مثل ما يدعي ان الكويت جزء منها .., اهوا يبي النفط لا اكثر ولا اقل !!






انا ما انولدت بالغزو انا بعد الغزززووو .. بس وايد اسمع بهالغزو و ساعات اشوف فيدوات حقيقيه وليست تمثيـــــــــــــل .., و موجودين باليوتويوب .. :eh_s(15):



انا امي كانت حامل بآخوي لوول .. و كانت تتمشى ويا ابوي على البحر و تقول يومها كان الاربعه تقول كانت منتبها ان وايد رياييل على البحر .. تقول احنا على عمانا ما ندري شالسالفه !! وتقول بهالفتره كانوا العراقيين يشتغلون بالكويت ( يبيع بنك ولا يبيع برد ) و من هالاشغال البسيطه ! .. تقول ردينا البيت الفير .. من باجر ولا يدق رفيج ابوي ويقول لابوي قوووم العراقيين دخلوا الكويت !! ابوي حسباله يتغشمر قام و سد الفوون لوول :p ولا يدق عليه مره ثانيه ويقول له و والله قوم شوف برا الدبابات و شوف التلفزيون ماكو شيء !!



قام ابوي و شاف وفتح الدريشه ولا صج كانت كلها دبابات ورياييل يمشون و ماسكين اسلحه !!

امي تقول لي بعد .. ان الجنود مسااكين اغلبهم يهال .. ومايعرفون يفرقون بين العصير والصآبون!!!! و طبعآ بآقوا اللي اكو واللي ماكووو .. حتى التواير يبوقون < شتبون بالتوير من غير سياره ! هع ما تنفع !! :p


و كان في جندي ياهل عمره 17 سنه تقريبا .. يا فبيت يدي ولا يقول لهم انا احرس لكم البيت بس ابي زقاير و جاي بس !

و طبعا هذا متدلل عند يدي الله يرحمه والله كان يعامله مثل عيأله لان يكسر خاطره لمن قال ان صدام اجبرهم إيون الكويت !!

و مره بعد باقوا تواير عمتي ولمن بغت تطلع من البيت لقت سيآرتها من غير تواير لوول و كانت سيآرتها توها يديده موديل السنه هههههه .. :p وكانوا يسمحونها ( السياره ام عيون ) هههههههه



امم .. و طبعا امي عانت مسكينه لان اخوي انولد بآيام الغزو .. تقول الدكتور اول ما ولدها عطاها بطاقه زرقا جنه .. ( يعني الولد كويتي ) .. حتى ما عطاها شيء او دليل على ان هذا كويتي غير البطاقه و قال لها طلعي خاصه لمن يسمعون ان انولد ولد يذبحونه ..


و امي تقول لي يوومها عرفت ان فعلا الكويتيين انتمائهم للكويت وبس ! .. وابوي صور فيديوات الدنيا والدين و صوور الشهداء اللي ماتوا .. و حتى ما رضا انه ينشر الفيديوا لان واحد من ربعه توفى وبنته لمن كبرت :(


الله يصبر اهالي الاسرى والشهداء .. و حسبي الله ونعم الوكيل على كل واحد حاول بس يفكر يضر الكويت قولوا آميـــــــــــــــــــــن :yaaaaaarb:




ادري قرقت وايد لووول .. بس فعلا حبيت موضووعج .. :p يعطيج العآفيه ,, :D

ههههههه مو صج سالفة الجندي الي يبي زقاير هذا داش حرب ولا ديوانيه
اي صح ترى فيه جنود اييون بالغصب
الله لا يرحم صدام ان شاءالله ويعذبه مثل ماذبح اطفال وحريم مساكين ماسووا له شي
غلووي ‏ٱنـَYOUـِتَيٓ نفسي ‏ٲنـًٍM̶̲̥̅̊E̶̲̥̅̊ـًٍـآإٍ مالحقت ع الغزو الصلا امي وقتها كان عمرها عشرين ههع ايام الشباب هع
‏ٱنـَYOUـِتَيٓ امج كانت حامل باخوج وانا خالتي كانت حامل بولد خالتي يعني اخوج وولد خالتي كبر بعض :)) هُهُهُهُهُـ( شقال صاحبنا الظريف =D)ـهُهُهُهُ 😂 العمر كلوو ان شاءالله
بالعكس غلوي ماقرقرتي ولا شي ونسني رددج حيل والله يعافيج حبيبتي تسلمين :eh_s(22):

HaAaDoOol 03-07-2012 04:44:47 AM

رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا
 
اقتباس:

المشاركة الأصلية كتبت بواسطة بنت لبناااان (المشاركة 30974976)
الله لا يوريكم هاليوم ان شاءالله

آآميييييييين

HaAaDoOol 03-07-2012 04:47:16 AM

رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا
 
بناات ساهر اليل بيسوون عن وطن النهار يعني ايام الغزو والعدو العراقي الغاشم

والله يعجبووني هالممثلين والمسلسل بكبره احس انه كل اجزااائه قصص عججيبه

ماشاءالله عليهم

عكس بنات الثانويه والجامعه ووويع شهالمسلسلات مغازل وشطانه وتكشخ وبعدين ؟؟!!!


نعوووووومه 03-07-2012 04:58:01 AM

رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا
 
اب اب

ام ثلاث الصقور 03-07-2012 05:13:14 AM

رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا
 
انا يوم صار الغزو كان عمري سنتين وماعرف شي ولا اتذكر شي
الا ان العراقي لما ادخلوا على اهلي البيت قالوا عطونا زقاير
عشان مايسون شي صج فقر

يسلمووو ع الموضوع شييق

عازفه الالحان 03-07-2012 05:26:20 AM

رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا
 
السلام عليكم
انا عضوه جديده واعجبني موضوعك وانا سعوديه واقولك ايش صار معانا احنا
طبعن كان وقتها عمري سنه وكم شهر وكنا ساكنين في مدينه اسمها تبوك وهذي المدينه من الحدود وكل المدن الي بل حدود فيها مدينه عسكريه المهم طبعن ابوي راح مع العسكر الي راجو للكويت كنا نسمع صفارات الانذار وكانو يقولون ااحتياط ندخل المخزن الي تحت الدرج كان ابوي سائق مدرعه ما اتذكر كثير بس اتذكر انهم قالو لنا ان كل عائله سعوديه بتسكن عندها عائله كويتيه بس ماصار هذا الشي اتوقع وفرو لهم سكن
احنا كنا صغال قولو امهاتنا كيف كانو كيف مرت عليهم هذي الازمه والله نفسي ادري كيف كانت هما العراق قدرو يدخاو ويغزو ولا ما قدرو يدخلو حدود

وبث هذا كل شي تقبلي مروري

رتبه دبلوماسيه 03-07-2012 05:50:56 AM

رد: سالفتج بالغزو ! شنو كنتي تسوين ؟ وشنو سويتي لما سمعتي الخبر ؟؟ تعالوا
 
انا ما انولدت بس سالت امي شنو صااار ..

تقول كان عمري يمكن جي 18 سنة بس مو متزوجه ..كانت نايمه لان كان الفير ..جان يحطون بالتلفزيون ان العرق غزت الكويت ..ويدتي من اول ما سمعت ..راحت قعدت خالاتي وامي خوالي...
جان يروحون سيده منطقه اسمها القطيف ع ما اعتقد وكانو بيوت يدد ماسكنوها السعوديين ..بس صج حتى واهما بامان باسعوديه ..بس يشتاقوون لوطن ومو مرتاحين ابدا ..واول ماارجعو بيتهم اللي بالكويت صااارقين كل شي ..بطاقات وجوازات واثباتات .. حتى امي كتبها وصورها كلهم .. واتذكر ان واحد بعد من عايلتنا اخذوه اسير بالعراق ..وصج تعذب وماياكل ولا شي ..بس الحمدالله رجعلنا بعد ماتحررت الكويت ...وانشالله يحفظ لنا الكوييييييييييت الغااالية ...


الساعة الآن حسب دولة الكويت : 03:30:08 AM.

Powered by vBulletin® Version 3.8.11
new notificatio by 9adq_ala7sas