رد: قولوا لنا قصص الخطاااب العاهات والتحفة واللى ماانولد منه غير واحد...
يا لهوي يا خراب بيتي .. رقمي انتشر ووصل لعند خطابات !!!!!
توها متصلة لي وحدة ... الرقم غريب ... شلته ... وسكت ....
سمعت حس وحدة ، قلت أكيد انتي فلانة .. قالت لي لا انا ما تعرفيني >> @@ صدمة !
تالي قالت لي معاي "أمل مقتول" ، قلت لها إي ... اقولها من انتي ، قالت انا فاطمة بس انتي ما تعرفيني ..!!
اوووكي ومن وين لج رقمي ؟؟؟؟؟ بالحظ يا نصيب طالع لج !!!!
جان تقول انا وحدة ماعطتني رقمج ، وآنا ابي اخطبج حق اخوي .. إذا عادي الموضوع عندج >> @@@ صدمة 2 !
ما خليتها قلت لها من هالوحدة (( اخاف مسويين فيني مقلب )) ..
تقول لي من وحدة تشتغل مع خطابة >> يااااا لهوي شوصله رقمي عندهم
من هالدايخة اللي عبالها إني طايحة بجبد روحي وحاطة رقمي عند خطابة !!!!!!
المهم الزبدة ... تقول لي بس حبيت اعرف عنج بعض المعلومات مواليد جم وشنو تخصصج ..
قلت لها المواليد والتخصص .. سألتني الجامعة الفلانية ؟؟ ... قلتلها ya sure ... جان تضحك !!!!!!
جان الطامة الكبرى .. سؤال صاروخي أرض جو بحر >> انتي حليوة ؟؟؟ ... قلت " ههه " ... تقول لي ليش يعني مو حليوة !!!!
قلت لها ما أحكم على نفسي ... انتوا اذا حاطين في بالكم مواصفات معينة قولوها وبقولكم إذا فيني هالصفات أو لأ ..
تبون بيضة سمرة طويلة قصيرة ... حالا جان تقول لي انتي سمرة ؟؟؟ بالعمد قلت لها إي .. (( وانا حنطية ))
تقول لا اهو مو حاط شروط جمالية ولا شروط على الشكل اهم جامعية وأخلاق !! >> عيل تسألين عن شكلي شكووو ؟؟؟؟
جان قالت الشي اللي خلاص حسم الموضوع لصالحي خخخخخخخخخ
تقولي اهو طوله 171 سم ... هاهاهاهاااااي يعني أنا اطول منه ... وااااهاهاهاااااهاهاهاهااااااااي
وبس قالت لي : اذا انتي مو عاجبج خلاص انا راح اشخط اسمج من اللستة وبحط عليج x بس ما بستفيد منج ولا من رقمج !!
والله انا مادري شلون يودت نفسي ولا رديت عليها شينة الحلايا ... بقواة عين x بعد ... لا انا اللي موافقة عليكم اصلا من قبل لاشوفكم !!
تالي قبل لا تنهي مكالمتها الغثيثة قالت لي انتي من أي عايلة .. قلت لها | الفلاني | ... والنعم والله
تالي قالت لي عندج أم !! إي أكيد ..
قالت خلاص انا راح ارد عليج من حيث إني إذا أبي رقم أمج أو لاء .... اوووكي مع السلامة
>> طووووط طووووط باللي ما يحفظج .... ما حبيت المكالمة أبداً أبداً أبداً
حسيت روحي طالع اسمي بالسحب ومتصلة فيني ....
الأكيد إن بينحط على اسمي × عند كل خطابات الديرة عشاني طويلة ههههههههههههههههههههه
يحصل لهم ^^^^ احم احم ،،،
بصراحة ومن غير زعل ولا حساسية....
غلطتج....
ليش مو حاطة صورة رباعية الابعاد بالالوان الطبيعية ومن غير فوتوشوب ولا فلتر مع الرقم...
الطلب غير كامل....
يرفض بالحال....
امبيه امبيه...
كندوووووش... محتاجين تعليق ارض جو حالا....
دي حاجة ما حصلتش...
اشوة لحقت عليها قبل لا انام... فرفرشتني هالسالفة....
آل انتي حليوة آل؟؟؟
الله يخليج دقي عليها اخاف اللستة فيها اسامي بنات من الموضوع خل تأكس عليهم بدال التعب مرة وحدة....
بنات اللي ماتبي تقول...خلو البنية تدق مرة وحدة..مو كل ساعة...اتصير خربطة عقب...
بس تخلي زبدة...خل نزوجها....من زمان ما تحرشت فيها...
صاحبة النك الفرنسي اللي احاول اكتبه مو عارفة...شدج الفضول..ياية على السيرة ها؟؟؟
