rawona
**مشرفة قسم السياحة والسفر**
بدت الدراسه بعد رجعة اهلهم بيومين .. انشغلت شيخه بدراستها ومحاضراتها وواجباتها ونفس الشي طلال ...
بعد فتره .. كانت شيخه رايحه للجامعه .. وحست ان في حركه مو طبيعيه بالكليه .. تجمعات وايده .. و الطلبه والاساتذه كلهم متجمعين جدام شاشات التلفزيون .. استغربت الوضع وكملت طريجها .. مرت على قاعه كبيره كان بابها امبطل .. وشافت ان القاعه "full" متروسه حدها والليتات مسكره وفيها شاشه كبيره قاعده تعرض لقطات والكل مندمج بالمتابعه!
فكرت شيخه بينها وبين نفسها: اكيد هذي مادة اعلام!طالع اشلون يشروح الدروس للطلبه! صج نااااااااس .. متى ياربي نوصل لهم ونصير بتطورهم وتقدمهم! وين ربعنا بجامعة الكويت.. خل اييون اشوفون الناس وين اوصلت! واهم للحين تسجيل مثل العالم ماعندهم!
مشت وكملت طريجها حق محاضرتها .. اقعدت وطلعت اوراقها ولهت تقرا بالكتاب اللي جدامها اشوي .. ادخلت الدكتوره مالتهم .. واقعدت اتسولف وتتكلم بس شيخه ماكانت صوبها .. لان هالدكتوره وايد اتحب اتهذر فانشغلت شيخه بالالة الحاسبه مالتها واقعدت اتحسب واتحل المساله بس تذكر ان الدكتوره قالت شغله انتبهت لها بعدين!
قالت الدكتوره: " طبعا كلكم سمعتوا باللي صار! .. وهالشي مؤلم وحزين ..و ...." ما ركزت مع كلامها!
ارجعت شيخه شقتها اخر اليوم .. وشغلت الانسر مشين اتجيك على المكالمات اللي يتها واهي مو موجوده.. انصدمت! 13 مكالمه .. اشصاير؟؟
مكالمه: الو شيخه يمه فيج شي؟ صارلج شي؟؟ دقي علينا طمنينا!
مكالمه2: شيوخه وينج؟؟ جهازج كله مغلق بليز ردي علينا!
مكالمه3: شيخه يبه .. لا تخلينا انحاتي اكثر من جذي .. ردي علينا .. لا اتردين على اي شخص يكلمج!! .. وخري عن التجمعات!!
مكالمه4 (من طلال): شيخه.. ديريبالج اطلعين ابروحج.. حاولي تبتعدين عن اي تجمع .. دقي علي اول ما توصلين!
شيخه: امبيه شالسالفه؟؟ اشفيهم اهلي؟!
اتصلت شيخه بسرعه على ابوها ..
شيخه: الو يبه !
بو مشعل: شيخه! وينج يبه! خوفتينا عليج! عسى ماصارلج شي؟ عسى ماحد أذاج؟
شيخه: لا يبه مافيني شي! اشفيكم؟ توني راده من الجامعه! انصدمت من مكالماتكم !! شصاير؟؟
بو مشعل: اشصاير؟؟؟ ماتدرين اشصاير؟؟؟ امريكــــــــا .. امريكا فجروها!!
شيخه واهي صج مو مستوعبه شي! : شنو فجروها؟ منو فجرها؟؟ شالسالفه؟؟
واعرفت شيخه بعدين ان في طيارتين انفجروا اليوم بنيويورك وفجروا برجين التجاره! وعرفت سبب التجمعات والشاشه الكبيره تالي .. (قالت لنفسها: مالت على الباميه! وانا اقول تطور بعد! صج دايخه!)
لقت شيخه ايميل من طلال يقولها عن اللي صار ويعطيها بعض التوجيهات : لا تكلم احد .. لا تختلط مع اي احد.. ما تغادر شقتها لاي سبب مو طارئ!
ابتسمت شيخه ودزت لطلال ايميل اطمنه .. وتقوله على اللي صار معاها!
************************************** يتبع!
rawona
**مشرفة قسم السياحة والسفر**
» мσσ∂ч ģίяĻ «;8700705 قال:
مشكورين كلكم .. انشاء الله باكمل الحين .. بس انتوا "استنوا علي اشوي"
rawona
**مشرفة قسم السياحة والسفر**
مرت الايام مابين الدراسه والبيت .. وطلال كان على طول مع شيخه .. بكل لحظه .. كان متعود يطرش لها ايميلات وبطاقات يوميا .. وكان باليوم يشوفها بالماسنجر على طول بساعات فراغها .. وبليل عقب ما تخلص دراستها .. كانت تسهر معاه على التشات لي الساعه 2 او 3 ايام الدراسه وفي الويك اند كانوا يقعدون لي الصبح..
مره دخل طلال الماسنجر ولقى شيخه شابكه بس كان النك نيم مالها غريب!
MabrOk 3arOstna! (مبروك عروستنا)
طلال: السلام..
شيخه: وعليكم السلام : )
طلال: اممممممم اشهالنك العجيب؟
شيخه: اي عجيب حده! شرايك فيه؟
طلال: زين .. بس اشسالفته؟
شيخه: حنانوووووووووه رفيجتي .. املجت امس! : )
طلال: لاااا والله! يحليلها .. مبرووووك.. سلمي عليها!
شيخه: شكوو؟!! اهي اصلا ما تعرفك!
طلال: من صجج؟!! ما قلتيلها عني؟! ( مستغرب ان شيخه ما يابت طاريه عند رفيجتها!)
شيخه: وليش اكلمها عنك؟!
طلال: اممممم مادري ..بس اللي عرفته من سوالفج انكم لما تشبكون بالانترنت وتتعرفون على ناس يدد كل وحده فيكم اتعرف الثانيه بشلتها مو؟
شيخه: اممممممم مو دايما على حسب!
طلال: شلون يعني على حسب؟
شيخه: مو شغلك!
كانت شيخه مو متأكده من مشاعر طلال اتجاهها .. كل اللي بينهم اهداءات واغاني .. وسوالف عاديه.. مافي شي صريح.. طلال ماصارحها باي شي واهي بعد ! ما تدري اذا لازم تنطر هالشي منه والا تكتفي بس باللي قاعد يتصدق فيه عليها من مدح واشعار وغناوي..!
كانت شيخه متعوده قبل لا تعرف طلال ان اي شخص تتعرف عليه بالانترنت .. تقول لحنان رفيجتها عنه .. واتعرفه عليها بعد .. بس في شي يمنعها انها اتقول لحنان عن طلال .. بس ماتدري شنو! حست انها تبي طلال لها بروحها.. عالمها الخاص .. ماتبي احد يعرف عنه .. ماتبي تكشف نفسها لاي انسان! بس ما تقدر اتقول لطلال هالشي .. لانه للحين مارساها على بر.. وماتدري هل يحبها صج والا بس مستلطفها!
**************************************** يتبع!
rawona
**مشرفة قسم السياحة والسفر**
esperanza
New member
» мσσ∂ч ģίяĻ «
New member
Ms.Warda
New member
واااااااي عجيبة القصة
مافيني صبر بعرف شنو بصير معاهم
بس حبيبتي عندي سؤال انتي منو فيهم ؟؟ لانج عارفة كل شي عن الدراسة بره وعن رحلتهم حق فلوريدا و يونيفرسال و سيي وورلد مادري جنج كنت معاهم ولا اهيا قالتلج ؟؟
عالعموم سلمي على شيوخه حبيتها
ويعطيج العافية على هالقصة الروعة
مافيني صبر بعرف شنو بصير معاهم
بس حبيبتي عندي سؤال انتي منو فيهم ؟؟ لانج عارفة كل شي عن الدراسة بره وعن رحلتهم حق فلوريدا و يونيفرسال و سيي وورلد مادري جنج كنت معاهم ولا اهيا قالتلج ؟؟
عالعموم سلمي على شيوخه حبيتها
ويعطيج العافية على هالقصة الروعة
rawona
**مشرفة قسم السياحة والسفر**
الكويت – بيت بو مشعل
دلال قدمت رسالتها بالصيف وخذت الماجستير .. كان الكل قاعد بالصاله .. يطالع التلفزين ناطرين قرار لجنة الرؤية الشرعيه .. وفيعرفون اذا كان رمضان باجر والا اللي عقبه..
ام مشعل: ها للحين ما اعلنوا متى رمضان؟؟
مشعل: لا للحين .. اتوقع بيذيعون الخبر بالاخبار ..
دلال: يحليلها شيخه .. كلمتوها؟؟ مايندرى شلون بتقضي رمضان اهناك؟
تدمع عيون ام مشعل: خنت حيلي .. لو بيدي رحت وقعدت عندها لين اتخلص واترد..
دلال: الله يرجعها بالسلامه انشاء لله .. وكلها اقل من شهر واتكون عندج.. اهي احجزت حق رجعتها عدل؟
مشعل: اي امس امكلمها قالتلي بترجع اخر يومين او 3 من رمضان .. يعني بتلحق على التشريبه واللقيمات .. لا اتحاتين يمه : )
دلال: اي والله خالتي بس لا تبجين .. انشاءالله راح اتعيد معانا هالسنه .. وبتشوفينها وتفرحين فيها وكاهي الحمدلله مثل ما شفتيها مرتاحه وماشيه بدراستها وتوهم التعليم العالي دازيلكم تقاريرها مالت الفتره اللي طافت .. وشفتي شلون مكرمينها ومعطينها شهادة تفوق .. يعني الحمدلله .. سفرتها كانت لمصلحتها..
بدريه: الله كريم .. يالله اذا اعلنوا الخبر بلغوني .. باروح اشوف جينيفر اشسوت بالملفوف!
** ** ** **
بيت بو وليد
فاطمه قاعده تغني واهي اتمشط شعرها واطالع صورتها بالمنظره ..
فاطمه: الليالي رجعتلي تاني .. حب ألبي من جديد
بعد غيبه جاني .. جاني خلى عمري كولو عيد..
شريفه: يه يه يه .. فطوم اتغني؟؟ لا وشنو الليالي؟؟!! غريبه! اشعندج!
فاطمه تبتسم: مستانسه .. فرحانه.. عشقانه.. مغرومه.. اشحارج؟
شريفه: اوله.. مغرومه بعد؟! ومن المقرود اللي امه داعيه عليه هذا؟
فاطمه: انطمي! حبيبي ماله شبيه ابد : ) طلال .. طلال يا شرفوه طلال .. طلال رجعلي!
شريفه: طلال؟! اي طلال؟
فاطمه: طلال ولد عمي يالغبيه! اي طلال بعد!
شريفه: رجعلج؟ متى وشلون؟ رد تقدم لج؟
فاطمه: لا للحين ..بس راح يتقدم عن قريب جداً : )
شريفه: واثقه والله ! .. وانتي اشدراج؟
فاطمه: طبيعي يسوي جذي! لانا رجعنا لبعض!
شريفه: متى رجعتوا لبعض؟
فاطمه: من زمان .. من يوم ماكنوا اهله اهناك .. دزيتله مسج ورد علي .. وقمت ادزله ويرد يدزلي .. ضفته بالماسنجر وكنت اسولف معاه ويسولف معاي .. واحطله اغاني ويبتسم.. واااااي متى ياربي يخلص كورسه ويرجع!
شريفه: اممممممممم غريبه.. اهو اشقالج بالضبط؟ اقصد على سالفتكم؟
فاطمه: ماقالي شي .. سألني ليش رديته.. وقلتله ان الشغله ماكانت بيدي وان امي كانت ضاغطه علي .. وشرحتله اللي صار .. الحمدلله تفهم وسامحني!
شريفه: غريبه !
فاطمه: شالغريب في الموضوع؟ عادي اهو قالي انه مايقدر يلومني على شي .. وانه متفهم الوضع كله .. وانه مهما صار بينا .. بنظل دايما مربوطين فبعض..
شريفه: اهو قال جذي؟
فاطمه: اي والله قالي جذي!
اسكتت شريفه واقعدت اتفكر باللي صاير .. اللي اتعرفه من حصه اخت دلال ان طلال معجب فبنت معاه بامريكا .. ومستلطفها حيل ... فشلون يرجع لفاطمه؟ هل قاعد يتسلى بالبنت وحاط في باله انه بياخذ فاطمه.. والا العكس؟
*************************** يتبع!
rawona
**مشرفة قسم السياحة والسفر**
يحليلها مبرووووووووك
ناطرييييييييينج كملي
» мσσ∂ч ģίяĻ «;8701479 قال:
ميرسي ..
انشالله باكمل الحين ..
انشالله باكمل الحين ..
افااااا ليش جذي؟ زعلتيني منج والله :0bee2e8d89:
واااااااي عجيبة القصة
مافيني صبر بعرف شنو بصير معاهم
بس حبيبتي عندي سؤال انتي منو فيهم ؟؟ لانج عارفة كل شي عن الدراسة بره وعن رحلتهم حق فلوريدا و يونيفرسال و سيي وورلد مادري جنج كنت معاهم ولا اهيا قالتلج ؟؟
عالعموم سلمي على شيوخه حبيتها
ويعطيج العافية على هالقصة الروعة
قالت من انت؟ وقلت .. مجموعة انســــــــــــــــــــان ..
من كل ضد وضد .. تلقيــــــــــــــــــن فـــــــــــيني ..
فيني ظـــــــــلام وليل .. وهمــــــــوم واحـــــــــزان..
اضــــــــــحك .. ودمعتي... حـــــــــايره وسط عيني!
مشكوره حبوبه .. وحياج
:eh_s(1):
ميخالف الحاسه السادسه خربوطه عندي <<<<<<<<<< ماتيوز عن اللقافه
يالله بانتظار المزيد
لووول .. عادي اتصير باحسن العايلات :ada:
