هلا حبيبتي دراما كوين
الحشو طريقته وايد سهله ,, ويعطي شكل حلو وهم طعمه يحلي العيش أكثر
الطريقة يا قلبي
تاخذين بصله تقصينها شرايح رفيعه أو مكعبات صغيره وتحطين البصل بالمقلا بدون زين أول شي
وبعدين ترشين عليه ماي عشان لا يحترق وتقلبينه ,, وتظلين جذي ترشين عليه شوية ماي وتقلبينه الين ما يذبل
اهني عاد تحطين عليه شوية زيت ,, وتضيفين لومي ناعم ودارسين
بعدين تضيفين الكشمش ,, وتقلبين فيهم
وبعدين تحطين لوز ناعم اللي يكون ابيض شرايح وتقلبين
لازم تطلين تقلبين فيهم الين ما تشوفين الكشمش انتفخ واللوز تحمص شوي ,, واذا تبي تضيفين شوية دارسين ناعم على راحتج
وبس ,, بس أهم شي اول شي البصل ترشين عليه ماي الين ما يذبل عدل عشان لا يحترق ونفس الشي الكشمش مجرد ما انتفخ خلاص لا تخلينه يحترق
طبعا ممكن تحطين بدال اللوز نخي اللي يكون مجروش بس هذا لازم تفوحينه قبل عشان يلين وتحطينه بعد البصل وقبل الكشمش
اتمنى يكون شرحي كافي و وافي
,,,,,
عليكم بالعافية بنات ,, أكلكم لذيذ ما شاء الله
عطورات شرقية ,, ممكن وصفة الكيك حبوبه ,, شكه وايد حلو
,,,,
ريمه الكويت ,, حلو بسكوت البرتقال شكه وايد حلو ممكن الطريقة حبيبتي
