صج نسيت اقولج الحين انا عرفت الواجبات اللي علي..
بس انا عندي مشكله انا وبنت خالي اثنينا عرسنا بيوم واحد وانا موحيل معاها بيني وبينها سلام وبس؟؟
بس امها اللي تصير عمتي من الحين كرهتني كرهتني حيل موشوي وكل ماتجينا لازم تشوفني متنانه ضعفانه صايره حلوه متغيره ولا لأ غيره وغيره ودايم وين ماتشوفني تخزني خز كله على شان انا احلى من بنتها ودي افهمها موكل شي بالحلا الكل يدري انه بنتج عاديه بس ماشاءالله مؤدبه وكبيره وفاهمه وعاقله ماشاءالله عليها ماأدري شتبي مني بصراحه وانا حيل خايفه منها دايم اخوي الكبير يقولي لاتطلعين تسلمين وانا اروح اتزين واتمكيج واطلع لها ..لووووووووول احب اقهرها
ودايم تعزمنا الكل يروح إلا انا
ورمضان اللي فات اضطريت اروح لها لان الكل يبي يروح مافي معاي احد بالبيت لبست وكشخت عاااد بنتها رحبت وهلت فيني الود ودها توكلني بيدها إلا اهي يوم شافت كشختي وحلاتي ماتت من القهر قعدت تعلق علي وانا بس اضحك تقول انج ماتعرفيت تطبخين ولاتعرفين تسوين شي وانا مارديت عليها ..
لاني مااحب آخذ وأعطي من اللي اكبر مني ..
بس شسوي احسها راح تكره حتى بنتها فيني واحسها اهي اللي تغار جنها اهي العروس موبنتها
غييييييير عن امي الله يخليها لي مالها شغل بأي احد وتموت على بنت عمتي لان تصير بنت اخوها ليش انا ماتحبني عمتي ليش ليش ليش وعلى فكره اهي كرهتني من يوم ماملجت ..
هلا يالشيخه: اول شي هذي عمتج وملزوم عليج تحترمينها لا تزعلين من كلامي,,,,, لا ضايقينها بحركاتج اللي كلش مالها داعي , الله عطاج جمال الوجه فلا تنسين جمال الأخلاق والروح وانا متأكده انج سنع ومنع بس يبيلج نصايح.... فلا تزعلينها وحاولي انج ما تعمدين تكشخبن علشان تضايق,,, خلج عاديه من غير تكلف,,,, ولا تضحكين على عمتج علشان تنرفز هذا مو من طبايع البنات الحلوات الراقيات في التعامل وانتي بنت مو ناقصج شي,,,, تقربي من عمتج اشتري لها هديه لو بسيطه وقدمي لها , مسجات اللي تبرد الجبد دزي لها ,,, سألي عنها بين فتره وفتره,,, مريها وبيدج طبق من ايدياتج ,,,, عمتج اخت ابوج لاتخلينها تزعل وتكبر السالفه واخذيها بصفج علشان الشيطان أعوذ بالله منه ما مات لا تسمحيله ان يخرب علاقتج مع هلج بأشياء تافه .... والله يوفقج ويحرسج.
