يا ابناء الكويت استيقظوا: احنا لازم نوقف هذي المهزله بجامعة الكويت

[الكويت امانه]

السلام عليكم



يا جماعه صلوا على النبي





راح ادش بالموضوع على طول



يا ابناء الكويت وكل من هو ساكن على هذه الارض الطيبه احنا ما يصير نستمر على هذا الحال لازم نوقف المهزله بجامعة الكويت


الحبيبه


لازم القوائم تتحرك والاتحاد يسولنا شي مو معقوله الاجيال السابقه انظلمت واحنا قام ننظلم


والاجيال الي بعدنا تنظلم , حرام الي قام يصير والي قام يعكر علينا حياتنا و يصعب علينا دراستنا


احنا اذا سكتنه والي قبلنا سكتوا والي بعدنا راح يسكتون راح تصير مهزله السالفه و راح يتدهور


الوضع التعليمي بالكويت ويتدنى مستوى جامعتنا (الله لا يقولها) و لازم نبده من مشكلتين


مهمين تعكر مزاج اخوانا و طلابنا وانفسنا:

1_السستم الفاشل

2_الواسطه الظالمه

اتمنى الاتحاد يتحرك و الجمعيات تسوي شي حتى لو فشلت مره اهي لازم تثابر واذا الجمعيه


تحركت وسوت شي انا وكل معارفي مستعدين نيييب لها اصوات لمن نتخرج انشاء الله علشان تخلصنا مو


معقوله راح نكمل حياتنا الجامعيه بهالمعاناة.


ولا شرايكم يا ناس احنا هلكت اعصابنا من السستم والواسطه الي اعرف ناس واهما ببيوتهم ولا


انضافوا بالباي فورس على اساس .........


الي سووه انهم فتحوا السستم ............لقوا نفسهم انضافوا ............صكروا

اجهزتهم ............كملوا نومتهم

واحنا قاعدين نراكض خالديه ........كيفان........شويخ........كيفان وغير الي يدرسون بكلية البنات



والسستم من سئ الى اسوأ بط عيونا وضيع وقتنا ويشيلون قوائم الانتظار قبل الموعد ب4 ايام

وان الله مع الصابرين



الى متى؟؟؟؟؟؟؟؟؟؟؟؟



شباب و بنات



مصوت للقائمه



اسلاميه او طبيه او اكاديميه او الهندسيه او العلميه او المستقله ا و تربويه او


وسط ديمقراطي او ائتلافيه ا و المتحدون او ....


ضم صوتك وابدي رايك وعطنا اقتراحاتك



كلما باسم الكويت لازم الوضع يتعدل


لازم كلياتنا تتعدل و تتحسن


الواسطه ما راح تنفع بالعكس راح يتخلف المجتمع لعدم اعطاء لكل ذي حق حقه

 

[روح الدنيا]

وانا بعد معاااااااااااااج ..

كل شي مسكرررررر لي متى احنا فتحنا الموقع قبل الوقت اللي حددوه ..

و الا كل المقاعد فاضيه متى سجلووووووو اذا السستم مسكر ..

هذي الواسطه ..

انا عن نفسي شكلي بقضي عمري بالجامعه و السبه هالسستم الخايس ..

و اذا ع القوائم ما قول الا ردد ردد يااااااالييييييييييييل مطولك ..

و ربي ودي انتحر فيهم .. بعديم القوائم هم اهل الواسطه ..

اقول خليني ساكته بس .. ودج الانتخابات الجايه نطيح حظهم و لا نخلي احد يصوت اذا بينجحون ينجحون على اصواتهم ..

ابشرج هالكورس بس ماخذه 3 مواد لان ماكو كل شي مقفل و ماكو مقاعد ..

حسبي الله و نعم الوكيل

 

[ليتنا نلتقي]

صاااااااااجه اختي والله قاعده تروح علينا مواد احنا بحاجتها وشي يقهر تروحين للباي فورس من الصبح وتالي تردين ما سويتي شي !!
ما اقوووول الا حسبي الله ونعم الوكيل

 

[ذكراك تكفيني]

حسبي الله ونعم الوكيل

 

[SaD FaCe]

انا سجلت كل اللي ابيه لاني خريجه لوووول

بس طول السنين اللي طافو تعبت تعب مو طبيعي !! اروح الباي فورس ابي ماده مابي اداوم على 4 مواد يقولولي مايصير بس انتي مسجله 4 مواد !!! اي شي ليش ما تتكلمون وانا من الساعه 6 الصبح عندكم ..!!

هذا غير ان ماكو مواد بالسستم مبطله كله الشعبه مغلقه ! احباااااااااااط

والمواعيد اللي يدزونها بالمسج هذا فلم ثاااااني !! يعني مره من المرات عطوا موعد حق الدفعات اللي اصغر مني و اللي نفس دفعتي بس نسبتهم اقل مني بوايد موعد قبلي وانا وبعض البنات عطونا آخر يوم بالتسجيل على حسب الموعد

خالتي تقول على ايام قبل احنا نختار اي دكتور ونتشرط ونحصل اي ماده نبيها وانتو الله يعينكم اذا جذي حالتكم ...

حالتنا ان احنا لو ان شاءالله دكتور ما يعجبنا بس ناخذ عنده بس عشان نتخرج وما نضمن ان نلقى الماده موجوده الكورس اللي وراه :0bee2e8d89:

هذا غير الناس الل يعرفونهم بقسم التسجيل (( واسطه )) مرت رئيس التسجيل مثلا او اخت فلانه او اخوها ..ولا وازيدكم من الشعر بيت مرات بالباي فورس لما تسجلون الموظفه تقولكم الشعبه مسكره مع انها مبطله بس ما تسجلج فيها عشان تبي تسجل احد تعرفه فيها .. وصلنا لي هالدرجه ؟؟ شنو مالنا رب ؟؟ حتى بالجامعه الواسطه ؟؟

وعن الواسطه لو اقولكم شي ماراح تصدقون ..وحده داومت معانا بكليه من الكليات لما كنا مستجدات جم اسبوع ما داومت سألت عنها ولا قالولي راحت الهندسه !!!!!!!!!!!!!!!!!! انا طلعت عيوني @@ شلووووووووون @@

حسبي الله عليهم !!! اظلمونا

لو بتحلطم ماراح اخلص لي باجر :0bee2e8d89:

 

[㋡..PRINCESS..㋡]

وااااااااي الله يعينكم ! والله حاسه فيكم انا درست بجامعة الكويت سنتين و مااااااا قدرت اكمل تعبت نفسيتي والله ، والحين ادرس بجامعه خاصه الحمدلله مرتاحه ..

لا تسكتون هذا مستقبلكم و مستقبل عيالنا ان شاءالله .. عسى الله يسهل علينا و عليكم ..

 

[C'est La Vie]

نظام التسجيل كل كورس اردى من اللي قبله
والله ما قمت اعني نفسي اروح الباي فورس لأني يأست
ارضى بالمقسوم بعد شسوي

 

[q8ia7]

السستم والتسجيل يهوووووون
الواسطه بالدرجات يعني واايد ناس تنظلم
اييج الدكتووور وياكثرهم بكليتنا يقول انا ما عندي واسطات انا ما اظلم احد انا مدري شنو ويقعد يخربط على دماغنا
وآخرتها اللي نايمين فبيتهم وما يداومون وايوون الامتحان واهم مو دارسين كلش ويطلعون بأحلى قريد full a !!!!!
على بو انه يعرف الدكتور ولا من نفس العايله او القبيله او او او ...!!
حرام يعني والله حرااااام
بس هالكلام مامنه فايده لان هذا اللي ماشي بالديره مو بس بالجامعه بكل مكان الواسطات ممشيه شغل راعيها ..
فــ مااااكو فاايده لو نتكلم من الحين لي باجر محد بيسمع
الله كريم ..............!!!!!!!!!

 

[قلبك وحشني :(]

انا الكورس هذا مسجله 6 مواد والحمدلله من دون باي فورس ولا شي .... صارت المسأله مسأله حظ بالجامعه ...

الله يعين ونتخرج قولو امــين

 

[Pwincess]

امبييييه صاااااااااااجه بكل كلمه قلتيها والله ... انا قاعده اعاني الحين من هالموضوع.. اصلا ينييت منهم كافي اني متاخره سنتين و تخيلوا بنات جدولي هالكورس : ولااا مااااااده !!!
كلمت مسؤولين الأقسام ما خليت احد ما رحت له و من كليه لي كليه و فوق هذا كلمت عميد بكليه الهندسه والله لووووووووووووووووووويه ما تتخيلوونها و للحيني بعد هالعفسه كلها سجلت بس 3 مواد يعني للحين جدولي مو كااامل !!
و اللي بط جبدي كنت اتناقش مع مسؤول احد الأقسام و حنه و لويه و فوق هذا مو راضي يقولي مو شغلي روحي سوي اضراب عالجامعه !!!!! بنات و رب الكعبه جداميي دش صبي مع ابوه و سوالف و جذي و سجله نفس الماده اللي كنت ابيها مثل المااااي !!!!!!! و لا تشوفووون ويهي حزتهااااااااااااا تنحت :$:$:$

صج صج صج الله يعيييييينا على هالجامعه صج تفشل

 

[w0o0dy cullen]

اي والله يبتيها يا وخيتي

معاناه مع هالسستم والواسطات

بس شنقول لا حياه لمن تنادي

لاعت جبدنا بالمواد المسكره وملينا
مانقول الا الله يساعدنا

مشكووورة اختي وانا اضم صوتي معاكم ^^

 

[noorq8]

انا رفيجتي تحط مواد و تفتح السيستم المغرب تلغاهم مسحوبين
ترد تضيف و ترد اليوم اللي وراه تلقاهم مسحوبين
راحت كلمت التوجيه قالولها : يمكن في هاكر بالسستم !!!!! @@
جامعتنا خرطييييييييييييييي
و عندنا رئيس التسجيل نذذذذذذذذذذذذذل يقعد لنا قعده ما تسجلون مادة 5
و تخيلي احنا من ال 6 الصبح موجودين و كل شوي يطلع و يقول اللي مسجلة 4 مواد خل تمشي ماكو فايده من قعدتها
و احنا حاقرينا
و رئيس الرابطة ما تسمعينه الا يصاااااارخ و يصعد عند العميد
و يرد يصارخ و يصعد عند العميد
تخيلي العميد ينزل 3 مرات عشان يكلم رئيس التسجيل ويقوله سجلهم
3 مره قعد عندنا بالصالة لما كلنا سجلنا و كسرنا عينه
و ان شالله اخر يوم باي فورس بنسوي نفس الحركة و خليه كل كورس رئيس الرابطة يكسر كلمته احسن

 

[Wa6an Elnahar]

الله يعينا شقول وشخلي خليها على الله و رب الكعبه ظلم ظلم !!

 

[bobo lover]

حسبي الله عليهم !! أنا سجلت موادي بالحسرة و المشكلة دوامي من صباح الله خير لما بعد العصر و 4 مواد بس و مادري شنو بسوي بهالفراغ الطويل ،،، مادري متى أتخرج على هالنظام الفاشل!!
شعب مسكرة و تسجيل يسد النفس

 

[Super_Star]

الله يعين

 

[a6o06 ^_^]

انا رفيجتي تحط مواد و تفتح السيستم المغرب تلغاهم مسحوبين
ترد تضيف و ترد اليوم اللي وراه تلقاهم مسحوبين
راحت كلمت التوجيه قالولها : يمكن في هاكر بالسستم !!!!! @@
جامعتنا خرطييييييييييييييي
و عندنا رئيس التسجيل نذذذذذذذذذذذذذل يقعد لنا قعده ما تسجلون مادة 5
و تخيلي احنا من ال 6 الصبح موجودين و كل شوي يطلع و يقول اللي مسجلة 4 مواد خل تمشي ماكو فايده من قعدتها
و احنا حاقرينا
و رئيس الرابطة ما تسمعينه الا يصاااااارخ و يصعد عند العميد
و يرد يصارخ و يصعد عند العميد
تخيلي العميد ينزل 3 مرات عشان يكلم رئيس التسجيل ويقوله سجلهم
3 مره قعد عندنا بالصالة لما كلنا سجلنا و كسرنا عينه
و ان شالله اخر يوم باي فورس بنسوي نفس الحركة و خليه كل كورس رئيس الرابطة يكسر كلمته احسن

صارتلي هالسالفه بالاداريه لا يكون كنتي معاي ههههههههه

هذي الكويت صل على النبي :q8:

 

[عيونك اخر آمآلي]

:eh_s(1):جبتيها عالجرح والله


نظام واسطات اشكرره المقاعد محجووزه لربعهم وللي يبونهم زين واحنا لي متى ننطر ؟؟؟:eh_s(4):

والباي فوورس نظام واسطات ... والحد يسجلوون 4 مواد يعني اذا كل كورس 4 متى راح نخلص ؟


والشعب من صجهم ماده عليها كليتين مبطلين منها 4 شعب بس ؟؟؟


والاتحاد والقوائم ماعليهم شرهه مو نافعينا بشي .. محبتهم وخدمتهم ماتطلع الا بأول شهر من الدوام << وقت الانتخابات:j013:






مشكووره على الموضوع وصج شي يقهر والله ​

 

[fun]

لا حول لله ولا قوه اللا بالله

السستم يلوع الجبد يضييع وقتنا و احنا بس قاعدين ننطر يفتح


و الواسطه شغااله تلقيين المقاعد محجووزه حق كل واحد عنده واسطه

و احنا نطق من مكان لي مكان حق الباي فورس

 

[نيــلــوفــر]

اي والله شنسوووي بعد
انا بعد على حظي ولاول مرة لقيت 6 مواد الحمدالله
يالله بنات هونوها و تهون
بصراحة ما نقدر نغير الوضع الا لما نسوي اضراب كبيييير يشمل كل الطلبة الجامعيين وهذا شي صعب شوي
غير جذي كلمتنا كلش مو مسموعه

 

[الكويت امانه]

حبايبي الله سبحانه قال اسعى يا عبدي وانا اسعى معاك

والسالفه مو سالفة 4 اسنين ونتخرج السالفه سالفة اجيال ورا اجيال قام تنظلم و ليش مو احنا

الجيل الي يوقف هذي المهزله واذا الاتحاد ما تحرك وما وصل صوتنا ترا فيه غيرها من الوسائل

فيه عندنا وسائل الاعلام و الجرايد الي كل يوم مطلعين جريده يديده و الاذاعه و التلفزيون وغايرها فيه مجلس الامه والاعضاء و النواب

والمسؤولين وين كل هذول ولأصحاب الشأن ليش محد قام يتكلم احنا لازم نتصرف وين قنواتنا

الكويت و الوطن و الراي و.......


هذا دورهم والحين لازم يبين شغلهم خل ينرفع الظلم بجامعة الكويت ويصير العدل بين الطلبه

ويرفعون مبدأ القانون مع الدكتور يعني الدكتور الي معي قريدات كلها A وb وبالشعبه الثانيه


القريدات كلها C- و Dو Fو واحد A ( يعني 49 طالب ساقط وواحد درجه نهائيه شالمصخره) يعني الاضعاف بالدراسه راحوا شعبه و تيمعوا الشطار بالشعبه الثانيه(سبحان الله شالصدفه)


يعني شالفرق بين الدكتور قالولوك انتو ما تدرسون و العيب من الطالب مو من الدكتور

و قبل جم يوم سمعت عن دكتور مبدل مع الدكتور الثاني الامتحان وطبعا كل دكتور اسئلته تتناسب

مع شرحه يعني فيه اشياء الدكتور مو معطيها فما يحطها بالامتحان والدكتور بالشعبه الثانيه



حاطها ومن الطلبه راح يتخرج والي على قائمة الانذار وانطرد ترى هالسالفة اكبر من


التبلى والله العظيم انه صج والمصادر موثوقه اميه بالميه والطلاب وغير الدكتور طلع بره يتكلم

بالتليفون 5 دقايق والي غش غش طلع بقريد عدل والي خاف من ربه ما غش والي جكهم الدكتور

يغشون طردهم (ترى اسم الجامعه اكبر من جذي )

ويقولون:

ليش الناس تغيرت ونسوا اخلاقهم ؟ من الظلم الي بالجامعه امانه يا بعد روحي ردوا :

منو يدافع عن الي انطردوا؟

شنو ذنبه لمن يقعد 4 اسنين بالجامعه اخر شي ينطرد ويحول تطبيقي وما دري شنو على اخر كورسين

والله العظيم انهم كاااااااااااااااااااااااسرين خاطري


وين المنطق بهالمعامله بين الطلبه؟؟؟


وين العدل؟؟؟

وين الانصاف؟؟؟



وترى هذا بس الي سمعناه و شفناه غير الخافي اعظم

من يدافع عن الي انطردوا ؟

على فكره مو بعيده اي واحد راح يصيرله هالشي . بالله عليكم قولوا منو ضامن انه ما راح يحوشه


من الظلم؟لا تقولون انه بقسم مافي ظلم و ترى هالشي مو من عندي والي يقولكم ترى القسم

هذا كل الدكاتره زينين ما يقول جذي لانه ما حاشه شي ولا سمع بالخافي ولا المظلومين

منو ضامن انه ما راح ينطرد من الكليه او الجامعه ؟ومو بعيده يسفرونه حتى لو جناسيهم كويتيه ؟



والله يعني

ليش ماكو لجان----- (((((كفئ))))) -----يحسنون اختيارهم تقوم وتناقش مشكلة الطلبه؟

اذا صوتها ما وصل احنا نوصله.

وما كو شي اسمه مستحيل والي نناديه لا حياة فيه احنا الي لازم نحييه.


الجامعه لا زم تتنظف من الظلم .


(وقل اعملوا فسيرى الله عملكم ورسوله والمؤمنون)


لا تيأسون ترى ما كو مشكله الا لها حل والكويت بلد ديموقراطي والف حمدا لله يعني نقدر نعبر و

نتكلم

مثل ما نبي

والله يعين الدول الثانيه لا ديموقراطيه ولا يخلونهم يتكلمون.

واعتقد انه الكويت تحسد على هذا الشي.