أسوء وأحسن اداره مدرسيه لجميع المراحل الثلاث

[مس فاشن]

رد: مدرسات التربية الفنية ( ابتدائي ) بمحافظة الاحمدي ممكن طلب !!!!!

يعطيييييييييييييييييييييييييييييييييييج الف الف عافيه ياقلبي ماتقصرين

 

[ليمونة حامضة]

والله شاقولج اختى المدرسه يديده وللاسف البنات فيها اخر تسيب تصدقين بناتي يقولون فيه بنات يايبين لاب توبات معاهم ويشبكون بالمدرسه وهالكلام لقيته صج بعد ماسألت بعض وليات الامور اللي اعرفهم وبنتي عرفت شغلات عن طريقم ويات تسألني ...يعني مو تلفيق ...
المدرسه يديده بس الاداره مااعرف عنها غير انطباع البنات الجادات انها ادارة متسامحه وومتساهله ....
مع ان المديره طيبه وحليوه بس ليش الاهمال ماادري حتى انهم مفتشين على البنات ولقوا عندهم بلاوي منهم اللي يايبهم سجاير معاها ومنهم ... وغيره بس الاكيد منهم اللي يايبه وعلى علم المعلمات اللاب توب ومن يومها وبنتي مصره تتساوا معاهم وتبي لاب توب خاص فيها وانا جاعمتها .....
تكفون اللي تمون على مديرتهم تكفون تشد عليهم وعلى بنات المدرسه ... كافي الشباب اللي بس يايين يستعرضون برا المدرسه وندري هالشي مو من اختصاص المدرسه مدام البنت طلعت برا بس الشباب اللي برا نقدر نحد من تجمعاتهم اذاوقفت دوريه .

هلا فيج أختي روحي الكويت

انا معلمة في مدرسة هيا الجاسم وبغيت اصحح لج جم معلمومة عشان ما نظلم أحد

سالفة اللاب توب ان كان عندنا بالمدرسة أسبوع للملتقى كانوا امسووينه قسم اللغة العربية وانا استغربت لاني اشوف طالباتي معاهم اللاب توب ولما سالتهم قالوا عشان الملتقى اما بالبنسبة للأدارة الناظرة حليوه وولحين ننطر تقارير

وعندنا وكليتين وحده عسل ووحده الله لا يوريج ... بس بشكل عام المدرسة الحمدالله زينه


والي عندها اي استفسار بخصوص مدرسة هيا الجاسم انا حاضر وياليت لو تطرش مسج ع الخاص


تحياتي للكل

 

[N000RA]

رد: منطقة الفروانية التعليمية

تنبيــــــــــه

الرجاء الالتزام بأدب الحوار

*ضحاوي*

 

[عنووود]

لووول

 

[A.A.Desiner]

والله مدرستي ام القري اتينن من ناظره انيقه وكشخه واسلوب ارقي ومن وكيلات عسل وكافي القسم ينحط عالجرح:eh_s(9):

 

[^SwEeTa^]

هههههههههههههههه

و الله هالموضوع طماشة

لازم أمر عليه كل يوم .. كل يوم فنتق

 

[هوّن على قلبي]

بنات بلييييييز ردوا علي

اشلون مدرسة الفوراس في منطقه عبدالله مبارك

واشلون اداريتهم

 

[readrose]

السلام عليكم أن أبي أنتقل لشريفة العوضي بامانه شلونها تنصحوني فيها ولا... للعلم انا رئيسة قسم ولي تعرف عن إدارتها تقولي بكل أمانة لأني رح أتعامل مع إدارتها حكم إني رئيسة قسم ولكم جزيل الشكر حبايبي

 

[فراشة مغرورة]

شلونكم بنات؟
بسأل عن مدرسة حومة الابتدائية بنات في جنوب السرة وبالتحديد في الزهراء
شلون ادارتهم وقسم الرياضيات اللي تعرف بليز تفيدني
واذا بنتقل لها وانا بطاقتي تابعه العاصمة بس ساكنه حاليا في جنوب السرة يرضون ينقلوني؟؟؟
تكفون مو تطنشون

 

[اروىراوي]

شلونكم بنات....

طلبتكم....

شلون ثانوية درة الهاشمية بنات ... مايمدحون ناظرتها!!!:0bee2e8d89:

وثانوية رفيعة بعبالله مبارك ؟؟ اي احسن ؟؟ ياليت تفيدوني....:tomato2:

 

[حنين76]

السلام عليكم
بغيت اسال عن مدارس الاحمدي الابتدائية وخاصة
عزة بنت حارث-فهد الاحمد
رابعة العدوية -جابرالعلي
وربة-هدية
اسيا بنت مزاحم-المنقف

 

[o0O 6aM6oMa O0o]

السلام عليكم

منو سامعه عن مدرسه النزهه ابتدائيه بنات؟ ماعرف اسمها بس أنا مدرسه اجتماعيات و ابي انقل مدرسه بنات ابتدائيه تكون قريبه يعني بالمناطق الداخليه بس ماعرف ولا مدرسه اللي تعرف مدارس بنات زينه في هالمناطق تقولي ضروري

 

[نور البدر]

ابي اسألكم عن مدرسة عمورية ابتدائية بصباح السالم شلونها؟

 

[M!SS CHARISMA]

رد: متوسطة هيا الجاسم ؟؟؟القيروان

والله شاقولج اختى المدرسه يديده وللاسف البنات فيها اخر تسيب تصدقين بناتي يقولون فيه بنات يايبين لاب توبات معاهم ويشبكون بالمدرسه وهالكلام لقيته صج بعد ماسألت بعض وليات الامور اللي اعرفهم وبنتي عرفت شغلات عن طريقم ويات تسألني ...يعني مو تلفيق ...
المدرسه يديده بس الاداره مااعرف عنها غير انطباع البنات الجادات انها ادارة متسامحه وومتساهله ....
مع ان المديره طيبه وحليوه بس ليش الاهمال ماادري حتى انهم مفتشين على البنات ولقوا عندهم بلاوي منهم اللي يايبهم سجاير معاها ومنهم ... وغيره بس الاكيد منهم اللي يايبه وعلى علم المعلمات اللاب توب ومن يومها وبنتي مصره تتساوا معاهم وتبي لاب توب خاص فيها وانا جاعمتها .....
تكفون اللي تمون على مديرتهم تكفون تشد عليهم وعلى بنات المدرسه ... كافي الشباب اللي بس يايين يستعرضون برا المدرسه وندري هالشي مو من اختصاص المدرسه مدام البنت طلعت برا بس الشباب اللي برا نقدر نحد من تجمعاتهم اذاوقفت دوريه .

حبيبتي انا بنت خالتي مدرسة يديدة هناك كانت حدها خايفة من المدرسة لانها مثل ما قلت يديدة بس تحلف الحين ما راح تخليها لو جدولها امية حصة من كثر ماهي مكيفة هناك الناظرة عسل شوي في حقهااببتسامة دايمة تفهم تشجيع مو طبيعي تقدر الظروف لمعلماتها الوكيلة الاولى تينن حبوبة حدها ويتهم وحدة ثانية من شهرين والله زينة اهي شديدة بس نظامية بس القديمة احسن منها وايد وكل ما اجتمعنا بالأهل في يمعتنا تقعد بنت خالي تدوخنا في مدرستها وغزلها في ادارتها مع انها تعيين جديد بس طايرة مع الادارة اما بالنسبة للطالبات اكثر من مرة الادارة تستدعي اولياء امر بنات غلطانات بسا ولياء الامر يا ويلج ان قربتوا لبناتناجدا مدلعين بناتهم تقول بنت مرة سوت بوسات للشباب بالهدة وقامت الوكيلة نادت امها حضرت الادارة بهدلتهم المهم انا عن نفسي اذا بتعبن اروح مع بنت خالتي لانا متربين مع بعض وبصراحة حتى لو ادارتها شنو ما اخليها بس هذا اللي اقدر افيدج فيه اذا حابة استفسرلج عن اي قسم راسليني واسالج نونا بنت خالتي

 

[ميمي 123456]

ودي أسال عن رئيسة قسم اللغة الانجليزية بمدرسة فاطمة الدخيل بليز أفيدوني ودي أنتقل

ودي أسال عن رئيسة قسم اللغة الانجليزية بمدرسة فاطمة الدخيل بليز أفيدوني ودي أنتقل وحدي أحاتي

 

[اللولوه86]

رجاااااااااااااااء​

ردو علي منو تعرف عن مدرسة عمرة الأنصارية المتوسطة بنات انا بتوظف فيها على الكورس الثاني لأنها قريبه من بيتي
الإدارة(الناظرة / الوكيلات )
مدرسات قسم اللغة العربية
الطالبات​

عمرة الانصارية المتوسطة للبنات​

 

[السحر الحلال]

:krkrkr:

أميرة الأمورة شنو تخصصج فديتج

 

[توني مترقيه]

بغيت أسأل عن مدارس مبارك الكبير ابتدائي بنات شنوأحسن مدرسة ؟؟؟ وشنو اسم مدارس القصورابتدائي بنات؟؟؟ ضروري بكتب نقل من الأحمدي لمبارك الكبير؟؟ على فكرة القصور تابع لمبارك الكبير ؟؟؟؟؟؟ مو حولي؟؟؟؟

 

[ضماي هو وهناي]

هلا فيج أختي روحي الكويت

انا معلمة في مدرسة هيا الجاسم وبغيت اصحح لج جم معلمومة عشان ما نظلم أحد

سالفة اللاب توب ان كان عندنا بالمدرسة أسبوع للملتقى كانوا امسووينه قسم اللغة العربية وانا استغربت لاني اشوف طالباتي معاهم اللاب توب ولما سالتهم قالوا عشان الملتقى اما بالبنسبة للأدارة الناظرة حليوه وولحين ننطر تقارير

وعندنا وكليتين وحده عسل ووحده الله لا يوريج ... بس بشكل عام المدرسة الحمدالله زينه


والي عندها اي استفسار بخصوص مدرسة هيا الجاسم انا حاضر وياليت لو تطرش مسج ع الخاص


تحياتي للكل

الف شكر يااختى على التنويه بس حسب معلوماتي ان البنات يابين معاهم الوصلات وبالاخص الوطنيه عموما انا معاج ان المديرة الله رائعه والاستاذه المساعده راعيتها صحيح والثانيه ما احتكيت معاها بس سمعت انها الله لا يراويج بس عندهم اخصائيه والنعم والله منها ومن ملقاها ......... بس المشكله يااتى باللقاء اللي قلتي عنه ليش البنات ييبون لابتوباتهم ويتباهون فيها اقولج بنتي غارت وصارت تصيح تبي لاب توب خاص فيها ليش ما قامت الاداره بجمعهم وتسليمها للطالبات بس باللقاء وبالهده يرجعونهم لهم .
عموما تشكرون يامعلمات والله مو مقصرين انا من انصار خواتي وبنات ديري حيييييييييييييييييييييييييييييييييل .
ولا احب اللي تقول انا مع المعلمات الاجانب الله محييهم بس البنات يحبون معلماتهم ويحسون انهم خواتهم او امهاتهم انا ما اعم الكويتيات ككل لان اكيد فيه منهم اللي ما تستحق اي ثناء بس مو معناه انكرهم
الف الف شكر للرد وياريت تعيد النظر بسوالف اللاب توب وغيرها من خصوصيات لان بنتي سالتني عن فرقه اجنبيه شكلها جديه وجديه ولما قلت لها اش دراج قالت البنات يايبين لاب توب وشبكو وشفت هالفرقه .
اضافه للفلاش مميروري طبعا

 

[السحر الحلال]

بغيت أسأل عن مدارس مبارك الكبير ابتدائي بنات شنوأحسن مدرسة ؟؟؟ وشنو اسم مدارس القصورابتدائي بنات؟؟؟ ضروري بكتب نقل من الأحمدي لمبارك الكبير؟؟ على فكرة القصور تابع لمبارك الكبير ؟؟؟؟؟؟ مو حولي؟؟؟؟

هلا فيج اختي

القصور تابعة لمبارك الكبير اولا

ثانيا مدارس البنات في مبارك اغلبها زينه

الافضل المطوعة منيرة الدخان - نفيسة بنت الحسن - ام المرادم - سودة بنت زمعة