تجمع للي توها والده واللي بالنفاس-------جديد xجديد

[Brounzi_girlly]

آنا اليوم لي 19 يوم والكرشة مأزمتني تعبت وزني موراضي ينزل وآنا بس آكل مشاوي وقطعت النشويات شسوي ياربيييي
ابي انزل جم كيلو استقبالي بعد العيد

 

[الراجيه مغفرته]

بنات انا اليو م صارلي 20 يوم وللحين ظهري يعورني
بس انا للحين ما جبت وحده ترددني انتم اشرايكم اي رداده زينه
البنات يمدحون كوين مساج اشرايكم اللي رددوا

 

[fife4ever]

بنات الا مدحوا كريم ليراك لشد البطن انا رحت ما عرفت شنو اخذ واحد الكريمات
باليت تحطون اسن الكريمات

 

[الراجيه مغفرته]

للرفع

 

[الكشخة]

بنات انا باقي لي جم يوم و اطلع من النفاس
لما الحين بطني يعورني مثل عوار الدورة، تهقون عادي؟؟
و اليوم اكتشف انه الجرح فيه أثر كأنه ما التئم و فيه مثل الحبه اعتقد انها العقده اللي بنهاية الخياط، تروح وللا لأ؟؟
واااااااااااااااااااااااااااايد متضايقه قمت ابجي لما شفت الجرح
المشكلة اني بطلع من النفاس و الحين وايد خايفه ، اخاف انه الجرح مو ملتئم عدل

 

[سيلينا]

قوووه بنااات ..

انا اليوم لي 24 يوم وحدي مكتأبه وما انام عدل واي يالله ابي اخلص من النفاس ابي اطلع واروح وارد

الكرش كلنا نعاني منها وترى شي طبيعي يبيلها وقت وتروح ان شاء الله

الكشخه راجعي الطبيب شوفي احسن لج لا تخلينها راجعي دكتورج وشوفي احسن عشان تطلعين من النفاس وانتي متطمنه ... بس ماعتقد انه ما التأم لان صار لج فوق الشهر وبالعاده يلتأم بحدود اول اسبوعين و اول 20 يووم

 

[الزمن ماله أمان]

يلا هانت سيلينا مابقى شي وتطلعين كلها اسبوعين الله كرييييييييييييييييم
بس حسافه الجو حلو ومحرومين من الطلعه والتمشي بهالجو

 

[الراجيه مغفرته]

شلونكم بنات يلا هانت ما بقى شي وتطلعون من كل شر

 

[سعادتي برضى ربي]

هذه الرداد اسمها ام سليمان ادقين عليها ترسلج مدلكات صينيات يسون لج كاسات هوا ومساج وشغلهم روعه للترديد 99080931


الكشخه : انا نفسج بس الجرح إلتم لت تحاتين وهذا الاثر يروح مع الوقت ان شالله

 

[Brounzi_girlly]

شخباركم بنات انا كملت 20 يوم الوحدة عادي تطلع اذا كملت 25 اذا تبي تتشرى وتخلص شغلها؟؟؟

 

[سعادتي برضى ربي]

اييي اكيد عاادي انا اصلا طلعت قبل لايصير لي 25 عادي


بنات انا ذبحتني الحكه والحساسيه من ولدت للحين اعالج فيها مو راضيه تروح

 

[الكشخة]

سعادتي برضى ربي

الحكة و الحساسية معاج من زمان وللا توه؟؟
انا يتني حساسية و حكة بعدين اكتشفت انه الحسو و اللهوم يسببون حساسية

 

[Brounzi_girlly]

آنا يوم صارلي 18 يوم تركت اللهوم والحسو بس اول 10 ايام لأن بطني كله يعورني منهم

 

[ektifeet]

مرحبا بنات

منو فيكم جربت ادوية النفاس من خبيرة الاعشاب بمنتدانا تقولنا تجربتها

بسالكم عن بيبياتكم لاحظتوا نقص بوزنهم عن اول يومين؟

 

[الحور]

هلا فيج احب بلادي ..
انا قاعد استخدم ادوية خبيرتنا بس النتيجه لي طلعت من الاربعين تبين ..
وبالنسبه للبيبي انا اول مايبت ولدي كيلوين وربع وبعده بيوم نزل وصار كيلوين فقط ..

 

[الكشخة]

حتى انا جربت منها كورس النفاس شغلها نظيف ماشالله
و البيبي لازم يقل وزنه و بعدين يرجع يزيد عادي لا تحاتين

 

[سعادتي برضى ربي]

الكشخه : انا جذيه بس اول 10 ايام كليت اللهوم والحسو

وبعدين ياتني حساسيه ولي الحين مستمره معاي عشان جذيه تركت كل شي

الا شااي الزعتر والنعناع والزنجبييل ...عل اقل اسم اني اتنفس شسوي

والله خايفه اصلا احس اني ماتنفست عدل بس ربي يسهل ان شاءلله

 

[سيلينا]

مرحبااا

قووه بنات انا لي اليوم 26 يوم بس استغربت ان كأنه الدوره جتني مو مبجر!! يعني هذي اخت النفاس

انا المره الي فاتت جتني لما كان لي 33 يوم وقالوا طبيعي بس الي الحين احس حيل مبجر !!

 

[الكشخة]

حتى انا خايفه احس اني ما تنفست عدل خصوصا اني مارتحت كلش من ولدت
حتى بالمستشفى يقولونلي السسترات مدام نامي شوي أو عالأقل انسدحي بس ماقدرت من كثر ما انا منصدمة و قاعده احاول استوعب الوضع اليديد
و ثامن يوم طلعت من البيت رحت وديت بنتي مراجعه و رحت حق حمولتي تخيلي بالغصب امشي من الخياط
و اليوم 14 رحت شلت الخياط
و من اليوم 20 و انا اطلع عادي ما بقى سوق ما رحت تمشيت و حاشني برد
يعني صج ما تنفست عدل
و طبعا ما اشتهي اكل كلش لدرجة اني استمرضت و رحت دار الشفا الطواريسوولي وايد تحاليل و قالي انتي ما تاكلين

و امس يتني اخت النفاس تخيلي باجيلي يومين و اطلع من النفاس جان اتييني اخت النفاس
عاد مادري شسوي لأنه لها طريقة مثل النفاس بس مادري شلون
خذيت لهوم و سفوف و قهوة نفاس و بشرب زعتر و شاي اعشاب مال النفاس

 

[سيلينا]

سعادتي برضي ربي اشلون تسوين الزنجبيل ؟ ودي اشربه بس ما اعرف طريقته تسوينه مع حليب ولا ؟؟

واشلون تجهيزاتكم .. انا طلعتي ع العيد المفروض اروح اسوي لي بدله بس المشكله العيد فمحد راح يستقبل ومتعيجزه اطلع هاليومين لان احس ليلحين تعبانه