تجربتي مع تحويــل المعدة ..

[el.hwawi]

السلام عليكم ورحمة الله وبركاته

شحالكم جميعا وياكم الهواوية .. من دبي :68_asmilies-com:
بشارككم تجربتي فعملية تحويل المعدة ..
انا يطولي بعمركم ما عندنا في العايلة حد يغامر ويسوي هالعملية وان حد درى بتستوي سالفة عودة وضرايب وحشرة
المهم انا من عمري 5 سنين وانا اعاني من السمنة وزني كل ما ياه يزيد ما خليت ولا مركز للرياضة ما جربته وكل انواع الريجيم .. حتى كل انواع الدويات جربتهن بس ما شي فايدة لين وصل وزني 135 وكنت فظيعه وبعدين وصل 125 وتم مكانه لين 2008 وقررت اميه يزاها الله خير انها تسويها ومحد يدري من العايلة غير ابويه واميه .. وكلمت دكتور وسوينا عنده الاستشارة .. قال هالعملية تتسوى للي وزنه 130 وفوق من غير يعني لو آكل كاكاو ما يأثر فية لأنه وانتوا بكرامة آكل كاكاو من صوب وأسير الحمام من الصوب الثاني وقال اذا سويتها عن طريق المنظار بتاخذ اكثر عن الجراحة العادية .. لأنه الجراحة العادية شق بطن اما المنظار من فوق الجلد ..وفي خلال سنة يوصل وزني في حدود ال 60

أكمل ولا؟

ابا ردودكم عشان اخبركم شو سويت بعدين ... _03BA:

 

[yam_yam]

و الله مادري ياقلبي
انا اعرف 4 مسوينها الحين اكثر وحده فيهم طيحت 100 كيلو بحدود سنة
و وحده من شهر 4 طيحت 30 كيلو
و الباقي ماتعرفينهم غير من صوتهم
خياااااااااااااال شي مو طبيعي
بس انا امي ماترضى اسويها
و لا جان انام عند باب العياده خخخخخخخخخخخ



عموما صلي استخارة و شوفي

 

[speed]

كملي كملي معاج اختي .. حابين نعرف نتايج تجربتج ...

 

[فوفو22]

كملي متابعه

 

[شموخ آنثى]

كملي خيتوو


بنعرف النتايج

 

[a7latwins]

واااااااااااي اموت على اهل الامارات
و كلامهم اللي يونس
كملي حبيبتي

 

[bo6aa6ee]

يزاج الله خير كملي السالفه ليش تعطينا حلقات و الا موجز والي يعافيج الزبده على طول )))))))

 

[@ دهن العود @]

كملي معاج اختي

 

[el.hwawi]

تسلمووون يعلني أفداكم على الردود الكشوووخية شراتكم
المهم انا توّني اكتشف انه في رابطة للتحوير سامحوني توّني أشوف الموضوع واذا بتلغونه الموضوع انا وياكم .. بس جذيه ولا جذيه بحط تجربتي كل يوم بنزللكم شي .. واتمنى اي حد جرب هالعملية يكتب رد

بس طبعا نرجع لدوار حديثنا خخخخ

قاللي الدختووووووور
اني انا فسن مناسبة 23 سنة
والكتلة مال الوزن عالية مادري شو هي بس ضرب وقسم وحلل المهم ظهرت النتيجه لازم عملية وما يفيد الريجيم وهو صادق

لو تشوفون ويهي رقبة ما فية الله يهدي عماتي وأبويه تراه المتن عندنا بالوراثه الله لا يبلي حد

سوري طلعنا عن الدوار المهم انا عقدتي الخلفية من كثر ما يعايبون الناس علية يقولون لي جسمج شرا الاثيوبيات والله سنين وانا اصيح

المهم ابويه كان متخوف وخصوصا انه في الامارت مب عند أي وحد تسوينها لأنه من قررت نشروا في الجريده عن حرمة توفت من سبة هالعملية .. وصدق حزتها اتقولون بقرة شايفه حريجه ممن الخوف يابوكم ..

وهذاكي اليوم كانوا ناس شايفيني وقالوا بييون يشوفوني وبيخطبون مرة وحدة .. ابويه استانس وقال انه ماله داعي للعملية دامنه في حد بيخطبج طبعا ما قالها فويهي بس عن طريق ماماتي .. ويوم يوا كنت زايغة ومتعدلة وكاشخه ..وحاطة آمال لكن العرب اللي يوونا من ساروا ولا ردوا وردت لي حالة اكتئاب ووسواس ليش ما كملوا اكيد عشان متني وانا خسفه ووايد اشياء تميييت وايد سلبية بس ما ابيّن لهم هالشي ..وبعدين ربيعتي خبرتني انه الريال اللي طرش اهله يخطبوني يبا وحدة ممتلية بس مب شراتي لأنه متني فظيع بس حزتها صدق كرهت عمري .. وخلاف قررت اسويها .. وقلت هم الخسرانين ..

سوينا التحاليل ما فية اي شي لا السكر ولا الضغط ماشية في السليم المعافى ..وخلاف لازم اكس راي والله من الغلبة نسيت شو اسمه بالعربي .. المهم قاللي الفلبيني عجي عباتج ولازم شيلتج ما تكون فيها فصوص اتبادلنا الشيل انا وماماتي ..واقول حق ماما عادي اعج العباة لابسة قميص ايده لين كوعي .. قالت برايه الا فلبيني شدراه .. احينه بالله عليكم الفلبيني مب ريال؟ عيايز شو بنقول .... هو كان يجهز وانا يوم حدته غافل .. قلت بركب عالسرير عشان ما فية يشوفني يوم اركب ويسوي صوت عالي يالله عالرقة انا .. المهم يوم توّني راكبة هو يقولي مام نزلي وانا اقوله شعنه تراني ما بركب مرة ثانية الدري مالكم يعوّر لي ريولي خخخخ ويا للذكاء طلع الاكس راي اني اكون واقفة ويصورلي ظهري مادري القفص وسارت الامور على خير

وانا استخرت وقلت اتوكل على الله ووقعنا يوم دخلنا المستشفى شو مستشفى ولا حتى سنتر.. يتني دختورة التخدير وكلمتني وعطتني حبوب .. خذناها والدكتور بعده ما وصل وانا على اعصابي وبعد 4 ساعات وصل على الساعه 3 ونص وقاللي العملية بس يبالها ساعتين بالكثير بس انا دخلوني الساعه 4 وطلعت على الساعه 9 لأنه يوم يخدروني كانت وحدة مربية وودروني .. وبعدين كملوا عمليتي ..

طلعت من العملية سلمكم الله وانا بخير وعافية بس دكتوري ما يطيع يعطيني شي يخليني انام ..ما يبا يعوّدني على الدويات يبا كل شي طبيعي.. كنت اصيح صياح ابا اتحرك ابا اقوم من فراشي وهذا الشي ممنوع ..

وانا كنت مسوية العملية 28-4-2008 من هاكي التاريخ كنت 125 اما اليوم وزني هو 95 كيلو يعني نزلت في حدود 30 كيلو فكم من شهر .. بس اول شهر من العملية نزلت 10 كيلو كان نزول سريع لأنه كان اعتمادي الكلي على الشوربات والعصير .. وممنوع منعا باتا اي نوع من الاكل الا بعد الشهر الاول

خلاص ماروم اكتب بكمل لكم باجر ..وبقوللكم شو اللي تغيّر فية.. والسموحة الغوالي عن القصور ..

 

[تونه الكويت]

الهواوية حبيبتي متابعتج

انا سويتها صارلي اسبوعين ولله الحمد نتايجها رااااااااائعة وفعلا من استخار ما خااااااب

 

[الغنادير]

ننتظر التغيرات
الحمدلله انج اجدمتي على هالقرار
وبالتوفيق ان شاء الله
والله يتم لج النزول وانتي بصحه وعافيه

انا بعد متحوره من سنه وشهرين
والحمدلله وصلت للوزن المطلوب وحياتي تغيرت 180 درجة
وهذا احلى وانجح قرار خذته بحياتي
الحمدلله ​

 

[el.hwawi]

الهواوية حبيبتي متابعتج

انا سويتها صارلي اسبوعين ولله الحمد نتايجها رااااااااائعة وفعلا من استخار ما خااااااب

الحمدلله عالسلامة غناتي .. تستاهلين العافية ان شاء الله

شو تحسين عمرج بعد العملية ؟

من ناحية الاستخارة مب مقصرة .. ومشكوووورة عالرد الغاوي حبيبتي انا قريت موضوعج يوم كنتي مقررة تسوين العملية وخير ما سويتي .. وما خبرتيني كم نزلتي؟ وكم كان وزنج؟

 

[el.hwawi]

ننتظر التغيرات
الحمدلله انج اجدمتي على هالقرار
وبالتوفيق ان شاء الله
والله يتم لج النزول وانتي بصحه وعافيه

انا بعد متحوره من سنه وشهرين
والحمدلله وصلت للوزن المطلوب وحياتي تغيرت 180 درجة
وهذا احلى وانجح قرار خذته بحياتي
الحمدلله ​

مرحبا الساع بأختييه الغالية ..
ماشاء الله عليج يعني وصلتي للوزن المثالي ماشاء الله تبارك الله ..
كم كان وزنج وطولج وكيف صرتي بعد التغيير؟ وطلعت في ترهلات ولا لأ؟
لأني من شهر ونص وانا وزني 95 وما ينزل منقهرة
واتمنى اتقولين لي كم ينزل وزنج بالشههر بمعدل كم؟
وآسفه عالمغثة

 

[el.hwawi]

مسائكم الله بالنور وطاعة الرحمن

ولا يسدن فذمتيييه

والله استانست من الردوووود الا تفججت .. :tek:

الله يسلمكم انا كنت مندفنة في البيت لو اظهر بسير سنتر ما اقدر احس مثل الدورة اللي تجيسني وما اشوف اللي جدامي ..

اول كم من شهر كله آكل وأرجّع في الحمام وانتوا بكرامة وعزة .. يعني ما يمديني آكل الا وأسير الحمام نفسيتي تعبت هال4 شهور كرهت عمري ما احب اشوف حد ولا اكلم حد ..لين سافرت لندن وبعدها بدا المشي والكراف .. قامت اميه وخالوتي يمشوني من اتعب خلاص اوقف .. بس لاحظت شي اني من اشرب بيبسي او اي نوع من انواع المشروبات الغازية على طول ما اكمل 10 دقايق على الحمام على طول .. وودرته ..اما الاكل آكل الخضر واليابس .. رمّة بسم الله علية ..خخخخ يعني اكل من صوب والحمام من الصوب الثاني .. لين يومكم ما اعرف اضبط اكلي .. شوفوا انا طول حياتي اكل كميات كبيرة من الفاست فود .. ف عشان جذيه ما اضبط عمري .. ومرات أوسوس انه يمكن على الاكل اللي آكله يمكن تتوسع معدتي وأرد شرا قبل .. المهم طمني الدكتور وقاللي .. انه اول اسبوع من العملية بيبين اذا تمددت المعدة ولا لأ قاللي انه شهر كامل وانا عالشوربة يبا يعوّد معدتي عالأكل البسيط لأنها توّها مدبسة ف ما يستوي .. ومن سابع المستحيلات بعدها انها تتمدد .. اما يقولكم لو عرست وحملت في علاج عنده يستخدم فيه الضوئي يمدد المعدة عشان الحمل وأقدر آكل على راحتي ..يعني سهل عليّة وايد أمور المهم اني من وصلت البلاد فشهر 8 شكل زنودي فظيعات .. يعني يلود ..حتى الأرداف عندي .. وقاللي من أوصل ال 60 بيزيد الترهل لازم أسوي رياضة .. انا الصراحة مهملة فهالشي ..
ياناس مووول ما احب الرياضة بس قاللي اني لازم اسوي علاج بالحرارة .. الصراحة ما في احسن منه .. تحط لي الممرضة كريم على بطني والأرداف وتلفني بشفاف:dddds: شكلي يضحك مثل السندويجه ... وبعدين اتحط الفوطة الكبيرة علي ..وتشغل المكينة لأنه الفوطة موصولة بالمكينة .. ولازم ساعه كاملة عليه .. ميزته يذيب الشحوم .. 1 إنش .. يعني يبالي فترة وايد خخخخخ .. وبعد فترة قالتلي لازم أسوي العلاج الثاني اللي هو تربطني مثل أحزمة اللي في الأماكن المترهلة ..وتحط لي الوايرات .. وفيهن ذبذبات مثل مال التيلفون وأتم لكم ساعه تحت المجهر .. بس انا اشوف ماشي فايدة يعني ما أنشد جسمي.. هو ميزته الشد .. وابن آدم طماع يبا كل شي بسرعه .. انا من 4 جلسات واحس مليت .. بس أميه ضاغطة علية اني اكمل ال10 جلسات حتى الممرضة اتقولي ما بيبين بسرعه.. لين يومكم وانا اسوي هالجلسة ..بس الله يسلمكم استوت عندي مشكلة انيفي السفر قام شعري يطيح .. انا اللي في العايلة ينضرب بشعري المثل كان واصل قبل ركبتي بشوي .. استوا لين آخر ظهري ..:0bee2e8d89: ياني دعيت على الدكتور دعا

بس طبعا المشكلة مني انا من يوم انا صغيرة لين يومكم ما احب ولا اطيق لا الفواكه ولا الخضار ياما حاولوا بس ما اطيقه لدرجة اني أرجّع كل اللي في بطني وكان هذا هو السبب نقص في الفيتامينات والحديد بشكل خاص ..وآخر شي قرر الدكتور يعطيني هذا ..بس شوووه فظيع هالدوا .. الا عجيب .. فاد في العايلة كلها ..انا كان يطيح شعري بالهبل اما الحينه قام شوي شوي يعني ما يطيح شرات قبل ..



اما هذا يطولي بعمركم .. يخوّز خط العملية .. يعني خافي العيوب خخخخ اتحطينه لمدة 3 شهور وخط العملية يختفي ..تفركين الكريم مثل السنفرة بس شوي شوي ..سوري الصورة كبيرة ضغطوا على الرابط

http://www.up-00.com/bzfiles/nvN94429.jpg

بس يا ناس من خفيت بيّنت ملامح ويهي قبل قطعة وحدة احينه اقول لماماتي احس في تجاعيد فويهي تقولي هاي غمازات مب تجاعيد ها لأنه فعمري ما عرفت الغمازات .. من غير عظامي قامن يبيّنن ..والناس ما قامت اتعرفني .. من أسير عرس .. يستغربون .. منو هاي .. قمت ما انعرف

بكمل لكم باجر سالفة الملابس.. خخخخ هذربت وايد .. بس مستانسة حيل ..

 

[بحور الشوق1977]

ان شاءالله دوم مستانسه

 

[جمانه الحب]

كملىىىىىىىىىىىىىىىىىى

 

[ombaza]

بعد قلبي اقرا قصتج وابتسامتي شقت حلجي على كلامج الحلو
كمل واحنا نقرا

 

[احب الخير]

ماشاءالله عليج <<<<<<< دمج عسل واللي امحببني بالموضوع طريقة كلامج على قولة اهل الامارات ( فديتج )

الله ايحفظج ومايضيعلج تعب ويتمم عليج وتصيرين احلى بنوته ويرزقج ربي بالريال الصالح اللي يسعدج

 

[el.hwawi]

ان شاءالله دوم مستانسه

تسلمين حياتي وما قصرتي على الرد .. ويا :68_asmilies-com:

 

[el.hwawi]

كملىىىىىىىىىىىىىىىىىى

ان شاء الله يعلني افداج في الليل بكمل ..

بس مداخلة بسيطة لو ما عليج امر فتوقيعج حاطة انه وزنج 65 انا احس انه وايد مثالي يعني مب لازم تخفين :klhfl: