تجمع((المراجعات عند فوزية القطان))

[أحلى حمامة]

شلووووووووووووووونكم بنات شخباركم؟

بصراحة حبيت اسوي تجمع حق الي يراجعون عند دكتورة فوزية القطان بسبب تاخر الحمل سواء طفل انابيب اوتلقيح صناعي وياليييييييت يفيدونا بكل التفاصيل
المدة ؟ والسعر؟ ونسبة النجاح عندها ومن هل الاموووور ؟

 

[أحلى حمامة]

بنااااااااااات شدعوة ولا وحدة تراجع عند الدكتورة فوزية القطان
ارجو منكم المشاركة

 

[بيرق الكويت]

هلا حبيبتي أنا أراجع عندها طبعا تطلع روحج وانتي تنطرين خوش دكتورة ايدها خفيفة وماتحسين فيها بسوناراتها وحتى بالحقن المجهري الحمدالله ماحسيت بتعب وهي شاطرة .
ومدة العلاج صادفت رحتلها وكانت علي الدورة وبلشت العلاج بعد 21 يوم ونزلت الدورة الثانية والحمدالله كانت الأخيره لاني حملت(عسى الله يثبته لي) .
اسعارها مناسبة للي يدورون الحمال لويقطون مال الدنيا بس اهم شي يشوفون الظنى .
20السونار 12 المراجعة واول مراجعة 20
وطبعا نسبة النجاح هذا شي بيد الله لاهي ولاأنا نقدر نحدد بس هي صريحة ونصيحتها لازم تسمعينها لانها مخلصة بشغلها وتذكر الله واسلوبها حلو وراقي وآمري بعد ياحمامة انشاءالله اكون افدتج.

 

[أحلى حمامة]

هلا حبيبتي أنا أراجع عندها طبعا تطلع روحج وانتي تنطرين خوش دكتورة ايدها خفيفة وماتحسين فيها بسوناراتها وحتى بالحقن المجهري الحمدالله ماحسيت بتعب وهي شاطرة .
ومدة العلاج صادفت رحتلها وكانت علي الدورة وبلشت العلاج بعد 21 يوم ونزلت الدورة الثانية والحمدالله كانت الأخيره لاني حملت(عسى الله يثبته لي) .
اسعارها مناسبة للي يدورون الحمال لويقطون مال الدنيا بس اهم شي يشوفون الظنى .
20السونار 12 المراجعة واول مراجعة 20
وطبعا نسبة النجاح هذا شي بيد الله لاهي ولاأنا نقدر نحدد بس هي صريحة ونصيحتها لازم تسمعينها لانها مخلصة بشغلها وتذكر الله واسلوبها حلو وراقي وآمري بعد ياحمامة انشاءالله اكون افدتج.

الله يثبت حملج امييييييييين
اختي بيرق الكويت انتي سويتي عندها طفل انابيب يعني جم يوم خذت منج؟ واسفة على الازعاج

 

[بيرق الكويت]

تقريبا شهر ونص من بداية العلاج ليوم السحب
لاعادي حبيبتي مافي ازعاج

 

[شيخه_البيض]

مرحبا
انا كنت اعالج عند الدكتورة فوزية القطان

ارتحت لها وايد

بس ايدها بالعكس مو خفيفة احسها دفشة بالسونار كنت وايد اتألم وكانت تضحك علي تقولي انتي دلوعه مافي شيء يعور

وعالجت عندها

بس بصراحه ماعطتني امل اني احمل الا بأطفال انابيب

واسلوبها وايد حلو

والله يرزقنا انشاء الله

 

[الفاتنة]

انا احبها واايد لانها تطمن المراجعة يعني ما نهول ولا تبالغ تقول الصج واذا فيج شيء لازم تنادي ريلج عشان تحطج جدام الامر الواقع

الله يحفظها ما شاء الله عليها ....بس الله يهديها صارت مادية واايد والحريم الي يراجعون عندها !!!!

 

[محاميه الغد]

حبيبتي انا جربت وايد دكاتره حق علاج تاحر الحمل
و ما استقريت الا على فوزيه القطان
لانها شاطره حيل و مريحه بالتعامل صج عندها زحمه بس الزحمه تهون عشان العلاج
سويت عندها حقن مجهري و الحمدلله نجح من اول مره و السعر كان 1400 دينار
و حتى بحمالي راجعت عندها لاني حيل ارتاح معاها
و اي سؤال انا حاضره

 

[اللافندر79]

انا بعد راجعت عندها دكتوره شاطره وحملت باذن الله على ايدها بعيالي الأثنين بس مشكلتها كل مستعيله بسرعه تكلمج وذا انتي موحاطه لستت الاسئله ماتلحقين تسالين واسعارها زينه بالنسبه حق المراجعه والسونار وايدها خفيفه وتراعي حتى بالولاده تصبر عليج وتهديج وسلامتج

 

[أحلى حمامة]

مشكوووووورين ماقصرتوا والله يرزق الجميييع الذرية الصالحة وياليييت محد يبخل علينا باي معلوووومة بصراحة لان انا راح اجربها اول مرة ويارب يرزقني الذرية الصالحة

 

[هتووف]

انا ودي اروح لها بس خايفه انها تلعب فيني ((مثل الدكاتره اللي رحتلهم )) والله محتاره انا قريت من وحده بالمنتدى تقول ان اول ما تجينها مادشين عليها على طول الا بثاني مراجعه صح ولا لا

 

[أحلى حمامة]

انا ودي اروح لها بس خايفه انها تلعب فيني ((مثل الدكاتره اللي رحتلهم )) والله محتاره انا قريت من وحده بالمنتدى تقول ان اول ما تجينها مادشين عليها على طول الا بثاني مراجعه صح ولا لا

شوفي حبيبتي صح اول مراجعة ماتدخليين عندها بس الي معاها حيييييييل شاطرين انا عن تجربة رحت اول مرة عند شيماء واااااااااااااااااااااااااايد عجيبة وتهبل وتسمعج ليييييييي الاخر ما شفت وحده مثلها انصحج تروحيلها

 

[أحلى حمامة]

up.

 

[ام كتكوت]

الله يرزقكم جميييييييعا

انا كنت اراجع عندها قبل لا احمل بالبجر

سويت عندها تلقيح صناعي مرتين بس الله ماكتب اني احمل

تركتها 6 شهور جان احمل طبيعي الحمدلله

هي حبوبه وشاطره ماشالله عليها


بس لمن سوت لي سونار بغت تطلع روووووووحي

ذبحتني لمن بجيت


وكله زحمه

بس شااااااااااااااطره اعرف بنات وايد حملو بعد الله ثم علاجها


الله يوفقها

 

[أحلى حمامة]

مشكورة حبيبتي ام كتكوت وماقصرتي الله يوفقج ويرزقج من غير ادويه ولا شي ويتمم عليج
بس تنصحيني فيها ولالا؟

 

[درابيل وحليب]

up.

 

[أحلى حمامة]

للرفع

 

[هلاويين]

حبايبي الحقن المجهري بكم عندها ؟و الانابيب بكم .

 

[أحلى حمامة]

بصراحة الي اعرفه ان طفل الانابيب مايزيد عن1800 هذا اذا مو اقل

 

[@@ حلوه حدي @@]

بنات وين مكانها
انا اختي تسوي اطفال انابيب مرتين وفشلوووا ونفس الاسعار
امانه لا تبخلون علي وين مكانها
والله يرزقكم الذريه الصالحه