هلا بنات شلونكم
كل عام وانتو بخير < متأخره وايد
حبيت اشكر البنات اللي ردو علي مره ثانيه
بس للأسف كنسلت ما بايي الكويت
كلمت رويال حياة قبل العيد على اساس ان انزل فالعيد الكويت
طرشت لهم تقاريري انا وزوجي ان نبي نسوي الانابيب عشان نفحص الأجنة والدراسة الجينية موجودة عندنا من اللعام سويناها بالسعودية وبمستشفى مشهور وهالشي يستوي مره وحده بس بالعمر مستحيل الجينات تتغير ! استغربت ان قالي لازم نعيده في رويال حياة مره ثانيه وبياخذ له شهرين قد الاجازة الصيفية خلصت وانا ما سويت شي وبنتي مدرسة
وتكاليف العملية 7-8 الالاف كويتي ماشالله بفحص الاجنة بالدراسة الجينية اللي مادري ليش اعيدها وادفع عليها مره ثانيه وهي غالية .
كان ودي ابدا بعد العيد وكنت متفائلة بالمستشفى وااااايد وبنيت عليه آمال والله وكان ودي اشارككم اهني باللي يصير معاي
وايد وايد متحطمة بقطر ماعندنا مستشفيات جذي كبيرة على مستوى بالانابيب الاكثرية تلجأ للمستشفى الحكومي
شفت دكتور كان في رويال حياة احين فتح مستشفى في قطر اسمه دكتور اسامة صالحة تفاءلت مع اني مابي اسويها عند ريال بس ماعندي خيارات و استخرت ومارتحت
خلاص احس تسكرت البيبان في ويهي كلما افتح باب يتسكر والعمر يمشي وبنتي تكبر وكاسرة خاطري وغير كلام الناس وخصوصا اهل الريل بس طقت جبدي
الصيف اللي راح سويتها بالسعودية وما نجحت مع ان الدكتورة كانت متفائلة واايد بحالتي لاني احمل طبيعي عادي وكل شي كان بالسليم الاجنة ممتازة بس سبحان الله ماثبتت
بعدها رحت ابي ارجع المجمد ورفعت معنوياتي الدكتورة قالت لي اجنتج ممتازة وانا متفائلة فيج وناس حملت من مجمد خذت الابر التحضيرية والادوية واتفاجأ بيوم العملية الأجنة اخفتتتت مب تالفه لا لا اختفت
طولت عليكم بس جد محد بيفهمني ويحس الا اللي يدش عالم الانابيب
ادعو لي الله يفرجها علي
والله يوفقكم ويسهل عليكم والحامل الله يثبت لها وتقر عينها بشوفة ضناها
هلا ياقلبي رويال حياة يبون كل شي يديد حتى التحاليل لو كنتي توج مسويتهم بمستشفى ثاني و وديتيهم لهم مايعترفون بالتحليل .. يطلبون منج تسوينه من يديد
انا عن تجربتي سويت قبل شهرين عند دكتوره ماجده اليتامى والحمدلله الحين انا حامل
وعادي خذوا تحاليلي اللي كنت مسويتهم عند عيادة الدكتوره فوزيه ماقالولي سوي من يديد
العمليه عندها كلفتني بالضبط 1100 دينار حق السحب والترجيع
والتجميد ياخذون 250 دينار
اذا عندج تحاليل دم يديده ييبيهم معاج واذا لا ماعندج .. راح يكلفج التحاليل والابر مع العلاجات تقريبا 450 دينار
لا تيأسين حبيبتي انتي اسعي ورب العالمين اكيد ماراح يقصر معاج كل تأخيره فيها خيره لج ان شاءالله
