رد: يابنات كل وحده مسويه شفط دهون ببنج موضعي تكتب تجربتها ووين مسوينها عند اي دكتور.
اول شي بنات انا رحت حق اشرف عبدالقادر اساسا قاليها من الاخر اهوا مايسوي شفط موضعي كلللللللللللش
تخيللو قالي من بطنج وفخوذج مع بعض اطلع نص لتر بس ببنج كامل .. مادري ليش يعني ؟؟
قعدت اضحك جان يفهم انه مستحيل اسويها ههههههههه قام يضحك اهوا بعد وسوالي خصم
بس فهمته ان اعتراضي مو بس عالفلووس بروحهم ( الي على فكره كان مبلغ وايد كبير بس على شغل ايده غير المستشفى ) لكن اعتراضي الرئيسي اني مابي بنج كامل
قالي فكري .. بس اهوا كدكتور كان وايد يبتسم وحبوب وعطاني وقتي لكن ماتفقنا على شي بسبب السعر ومن الاساس ماوافق طلبي
فرحت حق دكتوري نفسه ( عاطف ) الي سويت عنده صدري واساسا كنت داقه علي عيادته قالتلي الفبينيه ماكو شفط بليزر
لمن طلعت من عيادة اشرف كنت متحبطه جان ادزله مسج اسأله هل اكو مضار من ليزر الشفط الي ماترضى تسويه بعيادتك ؟ وقتله ينصحنيي جد لاني بسويها بمكان ثاني واستغربت انه مايسويها
رد علي قالي بلا نسويها بس سكرتيري يديده
فعلا رحت ولا سكرتيرته غير الاوليه ووافق يسويها بنج موضعي بس قالي
اذا تبين اخذ واحقن بالمؤخره ماراح يكفي بطنج ( لان انا اساسا ضعيففففه وزني 49 )
قالي اذا تبين احقن بالمؤخره اشيل من الخواصر .. والخواصر شفطهم بالعياده صعب لان منطقه صلبه وتعور فلازم مستشفى بنج موضعي مع مهدئات
قتله لا ماتسوى انا ازمتي اهيه الكروشه ابي اشيلها واحقنها اب كف ايدي لان كف ايديي كله عروق من كثر ماهوا ضعيف ! انا مو عيوزه بس العب رياضه ( عمري اب بداية العشرينات ) المهم اتفقنا انه يشيل من البطن ويحط اب ايدي
اي وعلى فكره رفض يسوي شفط من فخووذي يقوول ماراح اشيل منهم شي اذا تبين تشيلين روحي دكتور ثاني ( يقولي فخوذج ضعيفه ) قتله اوك انا ازمتي اهيه الكروووووشه وبس
واتفقت معاه على اساس اسويها تاريخ 20-6
ودزيتله مسجات اب اسألتي قالي بيرد عليهم اليوم بالليل لان اخترعت من تجارب البنات الي يقولون يرد الدهن وجذي
