٩͡๏̯͡๏۶ حرام عليكم كاااااااااااااااافي !!!!!! ٩͡๏̯͡๏۶

[*مطبخ الذواقة*]

٩͡๏̯͡๏۶ حرام عليكم كاااااااااااااااافي !!!!!! ٩͡๏̯͡๏۶

بصراحة تأثرت بكل كلمة قرأتها

لأني أيضا من الناس اللي ترك الموضوع أثر كبير بنفسها

وأكيد منكم كثيرات عانوا هالشي

عن شنو أتكلم ؟؟؟؟

تابعو الموضوع على لسان صاحبته

السلام عليكم ورحمة الله وبركاته ...

خواتي انا في كلام في خاطري من بديت الحمل وودي افجره .. وماادري كيف تحملت .. وياما ايام نمت ومخدتي غرقتها دموعي بسبب قصص ولاداتكم ..

لاني خلاص مليت من مبالغات الحريم .. اسمحوا لي بس مبالغااات ..

كلنا سمعنا عن آلالام الولادة .. وعن قوتها وشدتها واسأله الله ان يجعلها في ميزان حسناتنا ..

لكن كلما قريت قصة غصب عني اقول حسبي الله ونعم الوكيل على كاتبة القصة .. مو الكل طبعا ..

لأن البعض تحسب حساب البكريات ..

لكن حرام والله الرعب اللي تسونه فيها ...

يعني من امثال الرعب اللي نسمعه احنا البكرياات ..

كثرة استخدام كلمة (عذااااب ) واتوقع لو الوحدة فينا لو تأخرت في الحمل كم سنة تمنت الموت بس تشوف الضنا مو بس العذاااب ...
والقهر ما يصير سنتين إلا الوحدة تبغي تحمل مرة ثانية ... ونست العذاب ..

الشيء الثاني الوصف الدقيق ... لكل شيء تسويه الدكتورة من كشف .. ومن فحص كم سانتي مفتوح الرحم ..
احس تحسسنا كانه تلفزيون ونشوفه .. واكيد طبعا وصف الالم الشديد مع الفحص .. والعذاب طبعا
ولكن مع احترامي الفحص يعتمد على كذا شيء واحد .. كثرة الشد .. وكثرة الخوف ..
وكلنا نعرف ان حتى الجماع الطبيعي واللي هو متعة مع الشد يصير الم و (عذااااااااب ) طبعا هالكلمة يحبونها الحريم لازم احطها كل شوي ..

واللي تقول المستشفى مثل سجن اوبو غريب ... واللي تقول حسبي الله على الدكتورة .. وتدعي على الدكتورة والممرضة والقابلة و و وو

والشيء الثالث ..
اللي استخدموا الشفط لخروج الطفل .. الله يسهل على كل المسلمات ..
تقول وحدة منهم .. شفطوا الجنين وشفطوا مخي معاااااااه ؟؟ بالله هذا وصف ؟؟؟ ولا هذا ارهاب لكل قارئة ؟؟

والرابع اللي تقول صراخي ملأ المستشفى ؟؟؟ او كل الناس سمعوا صراخي ؟؟ او تقول طحت من على السرير من كثر الصراااااااااااخ ... الله اكبر كل هذا مبالغة ؟؟؟ المعروف والكل يدري وقت الالم والدفع ما تقدرين تصارخين .. بالعكس صكي حلقك وان شاء الله ما عليج شر ...

والخامس
اللي تحط لنا صور الجنين ميت .,. الله يعوض على كل مسلم يارب فيما فقد ..
راعوا نفسية كل وحدة حامل ؟؟ والله كلما قريت عن جنين توفى والله احط ايدي على بطني واخاف على جنيني ..واهوجس في نومي ...


واللي تقول فلانة ماتت في الولادة .. وفلانة ماتت وهو في النفاس ..
الموت حق .. والله كاتبه علينا كلنا .. لكن دخيل والديكم احنا داخلين ناخذ معلومات وبكريات مو متخيلين اي شيء .. دخيلكم كفاااية تخويف ..

والطامة الكبرى اللي تقول ؟؟ انتي رايحه للموت لا تحطين روج ولا تحطين كحل وانتي تولدين ..
او تقول داخلة للموت وممكن تموتي وانتي حاطة رووج .. واحمرو اخضر وازرق .. او لابسة عباه مزركشة
الله اعلم بالضروف .. محد يدري شو المناسبة اللي كانت عندها ولا شو خلاها تلبس هذا ؟؟
وكل شوي تقول انا ناصحه لكم لن الوحدة في الولادة داخله للموت ..


احب اذكركم .. لو كل وحدة سألت امها او جدتها عن العذاااااااااااب كانوا وصفوه بكل سهولة ..
وكل وحدة جابت سبعة وعشرة .. ما غير تقول الحمد لله ..

واللي تقول ما كان في كشف وشفط وقيصرية قبل ..
أقول .. والكلام من جدتي الله يرحمها كانت داية ... بس لألأسف ما لحقت على كل معلوماتها ..

أيامهم كانت الولادة تتعسر أيااام .. مو بس يوم واحد .. وتوصل للست أيام او اربع ايااام ..
ثانية كانت القابلة تدخل ايدها وبكل هدوء تقيس وتساعد في التوسع ..
ثالثا كانت الوحدة لما تولد والطفل يكون مقعدي .. كانت الداية تدخل ايدها وترتب وضع وطريقة خروجه وينولد بالسلامة ..
ورابعا .. لما كان الطفل ميت في الرحم لها طريقتها في اخراج الطفل الميت ..


شو اقول وشو اخلي ؟؟؟؟؟

كل الرعب اللي كتبته فوق . ؟؟؟
هذا مختصر قصص ولاداتكم ..
مع احترامي لكم وللعذاااااااااب الشديد اللي شفتوا .. سألت كثير من اللي ولدوا .. وقالوا لي مبالغااات حريم ..

واكيد في ولادات متعسرة بس لا تزيدين تعسر على غيرك بالوصف وسوء النفسية .. ومب كل شيء صار لك راح يصيرلغيرك ..

وغصب عنا احنا البكريات نقرأ المواضيع هذا .. على قولتكم علشان نستفيد ..
وأشكر كل وحدة راعت البكريات في كتابتها ..


الله يسهل علي وعلى كل حامل ..

ادري كلامي ما يعجب الكل بس تعبت ..

اشرايكم بكلامها ؟؟

 

[FJ style]

رد: ٩͡๏̯͡๏۶ حرام عليكم كاااااااااااااااافي !!!!!! ٩͡๏̯͡๏۶

لوووووول يا حياتي عايشه رعب وعليه

انا رايي ان صح في عوار والم يعني حتى الشوكة لو تدش بالايد تعور

لكن ليش يحملون مرة ثانية
سبحان الله مع طلعة البيبي المرا تنسى كل شي رحمة من الله

الوصف المبالغ مو حلو
لكن انا نوعي احب اعرف كل شي بالتفصيل حتى درجة الالم
وفي ناس تحب الواحد يقص عليها ويطبطب عليها ويقول لها لاااا كلش مايعور

انتي في منتدى في كل انواع الناس
بييلج كل شي

لكن صاجه المبالغه مو حلوة
خلكم واقعيين

 

[يارب احفظ عيالي]

رد: ٩͡๏̯͡๏۶ حرام عليكم كاااااااااااااااافي !!!!!! ٩͡๏̯͡๏۶

ما اجوف انه في مبالغه في وصف قصص الولاده واللي بتكتب القصه اكيد بتكتب اللي حست فيه مع شوية بهارات واهي اذا خوافه هالكثر لاتقره وصج بعض الدكاتره ماعندهم ضمير ويستاهلون ندعي عليهم

 

[عسل مرت قيمر]

رد: ٩͡๏̯͡๏۶ حرام عليكم كاااااااااااااااافي !!!!!! ٩͡๏̯͡๏۶

مادري بنسبه حق المنتدى اهني

مادري والله ماشفت مبالغه

عاديه كانت المواضيع


يمكن المنتدى الي اهيا فيه صلير هلشي


يعطيج العافيه ياقلبي علموضوع

 

[*مطبخ الذواقة*]

رد: ٩͡๏̯͡๏۶ حرام عليكم كاااااااااااااااافي !!!!!! ٩͡๏̯͡๏۶

يمكن هي تقصد منتدى

بس هذا فعلا قاعد يصير بحياتنا العامة

 

[extracrown]

رد: ٩͡๏̯͡๏۶ حرام عليكم كاااااااااااااااافي !!!!!! ٩͡๏̯͡๏۶

انا مو معاها بالمرة اذا خايفة ليش تدخل تقره ؟ بعدين بالعقل محد وقت الولادة و الطلق بيقعد اقول بنات المنتدى قالولي ولا بتقعد اتفكر بالي قالوه بتكون لاهيه بعمرها فمالا داعي كل هل كلام و بصراحة بمنتدانى ما شف مبالغات مثل الي اهيا قالتهم و تقبلوا مروري

 

[حب1985]

رد: ٩͡๏̯͡๏۶ حرام عليكم كاااااااااااااااافي !!!!!! ٩͡๏̯͡๏۶

انا مع ان الوحده تذكر قصة ولادتها لكني ضد شرح المشاعر اللي واجهتيها ... لان كل بنت تختلف عن الثانية فليش انا أحط بمخيلة البنات الشي اللي انا عشته وبعدين انا مؤمنة بشغله ان الولادة الم وتعب وبهذلة ولا جان الله سبحانه وتعالى ماقال ان المرا ترجع بعد الولادة مثل ما ولدتها امها وتنمحي ذنوبها
بس ليش المرا بالذات؟؟؟؟ لان الله ما يحمل الا المستحمل والله ما يعطينا شي فوق طاقتنا والمرأة بالذات عندها قوة تحمل وعندها هرمون اسمه هرمون الصبر موجود بكثرة عند المرأة وقليل عند الرجل علشان جذي نشوف الريال اذا حاشته انفلونزا خفيفة يطيح مريض كأنه بيموت بس سبحان الله هاذي طبيعتهم وهاذي طبيعتنا
غير جذي انا واااااايد الاحظ بنات يقطون اللوم علا الاطبة ووتلقين الغلط اكثره من البنت نفسها نتيجة خوفها وتوترها
بعدين فيه شغله مهمة اهم من كل هالكلام ... تره علا فكرة الحامل مو مريضه والولادة مو مرض علشان ننظر للوالده بشفقه بالعكس الوحده اللي تحي بالم الطلق في بدايته قبل انفجار الماي تتسبح وتتنظف وتحف الشعر وترتب شعرها وتحط مزيل عر تره كل هالاشياء تخفف التوتر ولا تعتبرين نفسج مريضه اعتبري نفسج انسانه قوية مستعده لاستقبال مولود يديد بحياتها وساعدي نفسج وساعدي الاطبه وساعدي الطفل تره كل شي بيدج والدكتور ماله اي دور بالولاده غير ان يدخل ايده باللحظات الاخيرة ويبرز الراس ولا كل شي بيد الوالدة بنفسها لازم تتثقف وتتعلم شلون تولد وشلون تقنيات التنفس والاسترخاء والامور اللي تخفف الالم واهي فرصه الوحده تتقرب مت ربها بهاللحظة وتدعي لان دعاء الوادة بالطلق مستجاب باذن الله
اسفه طولت الكلام وايد بس انا ما احب اللي تحمل وتولد وبالاخير تتذمر وتتشكى قولي الحمد لله رب العالمين تره في وايد حريم محرومين من ريحه الضنى

 

[سويت فانيلا]

رد: ٩͡๏̯͡๏۶ حرام عليكم كاااااااااااااااافي !!!!!! ٩͡๏̯͡๏۶

الله يهداج اي مبالغه لامومبالغه هذا صج الولاده تذبح الاعوار العده يرقصج من الصراخ شلون على الولاده

 

[ملاك ^ الحب]

رد: ٩͡๏̯͡๏۶ حرام عليكم كاااااااااااااااافي !!!!!! ٩͡๏̯͡๏۶

حبيبتي مافي مبالغه كل وحده تقول شنو حست فيه والي مار بتجارب الولاده راح يفهم شنو معناه هالكلام

وهذا يعتمد على البنت نفسها اذا كانت ما تتحمل العوار
ويعتمد على الدكتور الي يولد والدكتور مال الفحص

ويعتمد اذا اهيا تبي هالمسشتفى والا لا يعني اذا ماتبي هالمستشفى بس دخلت مجبوره نفسيتها تصير زفت زياده عالعوار

بالعكس مافي مبالغات

 

[ام اغلى الناس]

رد: ٩͡๏̯͡๏۶ حرام عليكم كاااااااااااااااافي !!!!!! ٩͡๏̯͡๏۶

كل وحده تختلف ولادتها وحالتها عن الثانيه
اهم شي الوحده تتوكل على الله وتدعي تتسهل ولادتها ويحفظ جنينها

 

[أم عزيـز]

رد: ٩͡๏̯͡๏۶ حرام عليكم كاااااااااااااااافي !!!!!! ٩͡๏̯͡๏۶

انا عن نفسي صراحه ما مافضل اليل تذكر قصتها تقول بغيت اموت وعذاب ونار وووو
لان فعلا في بنات راح يخافون واحتمال يتعقدون ويتشنجون وقت الولاده بسبة انهم بيتخيلون انهم راح يتعبون مثل ما تعبت صاحبة القصه خاصه البجريات

وفعلا في ناس لما يشوفون الوحده حامل وواصله شهرها يقولون لها امبييييييه الله يعينج على الولاده
!!! بدال لا تدعي الله يهون عليها ويتمم عليها ويسهل ولادتها تخرع البنيه !!

انا دايما اللي يسالني اقوله الحمدالله تعب لكن الله سهلها خاصه اذا اللي سألتني بجريه
ما احاول اخرها بالعكس احاول اقولها اول ما تولدين جنج جذابه
كل العوار يرووووووووح لان فعلا بس تولد الوحده كل شي يختفي سبحان الله
وهذي رحمه من رب العالمين وكل طلق تطلقة الام لها اجر عليه

 

[آجمل نسآء آلدنيآ]

رد: ٩͡๏̯͡๏۶ حرام عليكم كاااااااااااااااافي !!!!!! ٩͡๏̯͡๏۶

شدعوه عليهااا عذاب و عذاب .. بسراحه نرفزتني ..~

يعني اكيد الولاده الم وتعب وعوار هذا شي مايختلفون عليه ٢ ..~

الا اذا اهيا ياهلهاا بيطلع واهيا نايمه هذا شي ثاني .. وبعدين شكو الجنين مات شؤم ع الحوامل ..!!!!

الله يحفظ عيال المسلمين وعيالنا ولا يحرق قلوب اهلهم عليهم واذا الوحده حطت انها فقدت جنينها بتقبس ع الحامل مثلاً ..!!

تفكيرها عقيم بسراحه .. وانا تنبط جبدي من هالنمونه اذا اهيا رقيقه وايد ماله داعي من الاساس تقرااا قصص ولاده ..~

شوووكراً ساحبة الموضوع ..~ *

 

[راقيه وجذابه]

رد: ٩͡๏̯͡๏۶ حرام عليكم كاااااااااااااااافي !!!!!! ٩͡๏̯͡๏۶

كلامها عدل ١٠٠٪

وش الشي الي بتستفيده اذا قالت عذاب بغيت اموت

بغيت انجن مابيني وبين الموت شي ، شنو هالتخلف

حبيبتي وين عايشه ليش ماتراعين شعور غيرج

يعني انا وحده بجريه وظعيييييفه وجسمي صغير

وما اتحمل كلللللش وربي يوم شفت موضوع وحده

من البنات قلت اجل انا بموت وانا اولد شلون بتحمل

هالشي الي قاعده توصفه ، لاكن الحمدلله سألت وفهمت

وعشان تدرون انهم بس يبالغون وكلامهم نصه جذب

الحين حتى مستشفيات الحكومه فيها ابرة ظهر يعني

اذا في عوار بس بيكون بنسبة ٥٠ او ٤٠ ٪ هذا غير

الاجهزه والمعدات المتطوره والحديثه لاكن شقول

صج بعض الحريم ناقصات عقل



والي تقول ليش تدخلين وتقرين !!!!!

سؤال غبي مع احترامي يعني بجريه

تبي تفهم تبي معلومات شنو ليش تقرين

انتي اذا تبين نفنوف ولا ميك اب ولا اي شي

سويتي قصه وبحث وخرابيط ودنيا فمابالكم

الولاده وهذي بجريه للأسف مادرت انها بتدخل

تقرأ قصة مجزره مو ولاده حشى

 

[ورده عنابيه]

رد: ٩͡๏̯͡๏۶ حرام عليكم كاااااااااااااااافي !!!!!! ٩͡๏̯͡๏۶

والله في حالات تكون صج عذااااب بس علي قولتج لازم نراعي انه في بكريات والسهاله من الله

 

[*peace*]

رد: ٩͡๏̯͡๏۶ حرام عليكم كاااااااااااااااافي !!!!!! ٩͡๏̯͡๏۶

صراااااحه

حدها سخيفه وماعندها سالفه

اذا اهيا ماتبي اكو بنات يبون يقرون وشكثرهم وانا منهم

يعني ماتبي نكتب مواضيع جذي عشان اهيا الرقيقه خاف تدش المواضيع وتقرا سبحان الله مادري شلون الظاهر سرحانه لمن ضغطت عالرابط

دام انها تخاف ليش تقرا هالمواضيع اذا حتى الوصف الدقيق بالولاده ماتبي تقراه شتبي تقرا يعني مثلا!!!!!!تبيني

اوصف الطوفه والسسترات شلابسين @@

نرفزتني خخخخخخخ

 

[-فلانة-]

رد: ٩͡๏̯͡๏۶ حرام عليكم كاااااااااااااااافي !!!!!! ٩͡๏̯͡๏۶

شوفي..
انا بجرية و توني والدة ماصارلي أسبوع..
ولادتي قيصرية،، وقبلها ظليت أطلق يوم كامل طبعا طلق صناعي لأن انبط الماي والطلق ماكان حامي، وماكو مخدر ما خذيته، من إبرة ظهر لي إبرة فخذ لي كمام، و مع ذلك كنت أحس بكل طلقة و بالآخر ما تبطل رحمي و حولوني قيصرية..
على هالبهذلة اللي شفتها،، أقول كانت لحظات حلوة،، الألم فيها منسي،، ما أشوف إنها كانت عذاب لأن آخرتها فرحة وشوفة بنتي بحضني بخير و عافية تستاهل التعب اللي مريت فيه،،
كلمة عذاب واااااايد جايدة ومالها داعي، وأعتقد اللي تقول تعذبت تكون أصلا من النوع اللي يخاف وايد عشان جذي قالت عذاب..
انا عن نفسي الود ودي أحمل مرة ثانية عن قريب وأعيش لحظات الحمل و الولادة مرة ثانية..​

 

[*peace*]

رد: ٩͡๏̯͡๏۶ حرام عليكم كاااااااااااااااافي !!!!!! ٩͡๏̯͡๏۶

راقيه وجذابه

يعني انتي داشه قصة ولاده شنو تتوقعين مكتوب لووووووووووووول

صراحه شي غريب

الولاده ولا المجزره بعد شنو الولاده طلق وبيبي يطلع منج وشق وخياط ودم وطلق بعد شنو

وعلى قولتج تطور واجهزه حديثه والبنات يبالغون على اي اساس تحكمين وانتي ماجربتي الولاده @@

الله يتمم عليج ان شاء الله وتجربينها قريب

 

[ام فواازي]

رد: ٩͡๏̯͡๏۶ حرام عليكم كاااااااااااااااافي !!!!!! ٩͡๏̯͡๏۶

بالعكس الولاده تعب و عذاب بالنسبه للي تتعسر ولادتها ة تقعد 14 ساعه وكافي العذاب النفسي انا بجري قعدت بالعدان يومين تعبت و بس ادعي ربي يخلصني من اللي انا فيه لاني جد تعبت بس سبحان الله من تولد الوحده وتشوف ضناها تنسى العذاب والتعب كله هذا بالنسبه لكلامها ماتاخذ سنتين الا هي حامل مره ثانيه

 

[قشطة بعسل]

رد: 9͡๏̯͡๏6 حرام عليكم كاااااااااااااااافي !!!!!! 9͡๏̯͡๏6

تبون الصج عاد …… احس ماله داعي الوحده تكتب قصة ولادتها ماحس لها معنى او فايده
بس صارت موضه كل ماندش منتدى كل وحده سادحه قصتها
عمليتي الانتحاريه
قصة الرعب
والخ الخ
الكل يولد ويتعب لازم مو ولاده ماحد يولد وهو يضحك
والمفروض البجريات مايقرون قصص او افلام الرعب اللي تكتبها العضوات وعن عذاااااااااااابهن لانه شي اكيد راح تخاف
والخوف من المجهول موجود بالانسان طبيعي يعني احم كح كح وهذا وسلامتكن والله يسهل عل الجميع ان شاءالله

 

[الهنوف سلطان]

رد: ٩͡๏̯͡๏۶ حرام عليكم كاااااااااااااااافي !!!!!! ٩͡๏̯͡๏۶

لازم نوصف كل شىء عشان نستعد وهذه تجربتى مع http://www.ma3aser.com