مشكله وابى لها حل بليز

[زعفرانة_73]

بسم الله الرحمن الرحيم
=====
الصراحه عندى مشكله في بعضكم بيشوفها عاديه وأنا اشوفها حيل متعبتني وايد، الله يسلمكم زوجى يدخن بشراهه وانا من النوع اللى اى ريحه تنفذ بسرعه لأنفى ، ابي حل تعبت ؟:eh_s(2): والمشكله عندي بنيتى فيها حساسيه ربو،تخيلو ما خليت فواحات أو بخور بالبيت ريحة السجايرتطغى بالبيت، مثلا أكون طالعه معاه ريحة عباتى تصير ريحتها وويييع، مافيه طريقه ما نصحته فيها، شورو على شسوي.​

 

[قمر بيت أبوها]

معروف الزقاير ريحتها ماتروح مع البخور ولا حتي اغلي عود ماتشوفين محلات العطور يقولون لا تدخنون هنا لان الروائح تختفي
خليه ياخذ علاج لتدخين شهرين ويتوقف ومعروف بالصيدليات
وقولي له دخن برا البيت الله لا يهينك عندكم بنت وفيها ربوا حرام عليه
والله يعينك يالغلا

 

[بولندية]

الله يشافي بنتج
وان شاءالله يقطع عن الزقاير

كلش كلش قولي له لا يدخن واهو قاعد بينكم مثلا و انتي بكرامة خل يدخن بالحمام و لا بالحوش

جنج حالتي كل ما سلمت على وحدة قالت لي ريحتج زقاير

 

[صديقت قوقل]

نفس مشكللتج

بس شووو بدي اعمل مع ريلي غير الدعاء
الله يصلحهم يارب

 

[شموخي اتعبهم]

ااااااااااااااااب اااااااااااااااااااااااااااااااااب

 

[حلاه الكون]

اذا مافاد معاه الكلام
ادعي ربج وهو قادر انه يهديه

 

[تفاؤل وأمـــل]

الله يهديه ويسخره لك

 

[انا لها شمس]

وووووويع ريحتها مرض
الحمدلله ريلي يكرها اكثر مني
والله يكره نفسه اذا رد من الدوانيه
وقلت له ريحتك زقاااير موحلوه

ودايم افكربالبنات اللي رياييلهم يدخنون
شلون ريحتهم وبيتهم وهدومهم

الله يعينج

 

[لمى الهاجري]

خليه يشرب مغلي اوراق الجوافة بيقلل من التدخين او تسوين غرفة خاصة يدخن فيها

 

[دلوعة أبوهآ]

ادعي له الله يهديه ويترك التدخين

 

[انثى عاشقة]

نفس مشكلتي
​

 

[ام كوثر2007]

حبيبتي خصصيله مكان في البيت يدخن فيه هذا افضل حل لانه من سابع المستحيلات تقنعين مدخن انه يقطع التدخين في يوم وليله ...


يعني مثلا اذا عندج مكان في البيت سويه مثل المكتب خاص فيه تلفزيون ومكتب وقعده بسيطه خلي تكون قعدته هناك بعيد عن بنتج يكون وايد افضل ..


او بلكونه بالبيت تقدرين تسكرينها وتحطين فيها كراسي وطاوله عشان تكون قعدته فيها ..

وبعدين اذا بنتج فيها حساسيه صدر ترا البخووور والعطور ياثرون عليها اكثر من الزقاير ديري بالج .. وعسى الله يشافيها لج ويافيها..

 

[LADY~O$CAR]

فيه دوا يبيعونه بالصيدليه
مثل العلج يقطع التدخين

 

[ربي سبحانك]

الله يشافي بنتج يارب وسالفة الزقاير خلاص تعودنا عليها شنسوي يعني بس نصيحه اذا بنتج فيها ربو لا تحطين بخور فوق ريحة الزقاير يضرها ماينفعها بس دايما قوليله يدخن بعيد عنها ودايما فتحي الدريشه شوي عشان التهويه وموفقه

 

[اميره1980]

اختي كلميه بالحسنى و اذا ما رضا قوليله على الاقل لا يشرب بالبيت و اذا بيشرب بالبيت خليدخل الحمام و يكون الدخان بعيد عنكم

لا تستهينين بهالشي ترا مضارة كبيرة عليكم و على عيالكم

 

[زعفرانة_73]

تسلمون حبيباتي على تفاعلكم، والله ماخليت شى كل اللى قلتوه سويته لدرجه آخذ علبه السجاير ووديها الغرفه ، يرجع يجيبها الصاله وكثر ما صرت أحن عليه صار يقعد برووحه أغلبية الوقت اللى يكون معانا بالبيت أحسه صار يستغنى عنا بسبة الزقاير، بس فى شغله يمكن انا ساهيه عنها انى ادعيله يقطعها.​

 

[مناير ...!]

مشكله كل الديره
ادعي له غيره مافيه

 

[ذوق بريستيجي]

الله يكون بعونك يارب

 

[PuPa^^SWeeT]

وضعج نفس وضعي



صفوة القول




خللييله دار بروحه يدخن على كيف كيفه




بس بدارج و دار البنية و الصالة



no way

 

[زعفرانة_73]

مشكله كل الديره
ادعي له غيره مافيه

تسلمين أخيتي​