شغالتي

[أحلام الطفولة]

السلام عليكم

بنات


أنا عندي شغالة لها تقريبا شهر و هذي أول مره أدخل شغالة في بيتي فما أعرف أتعامل معهم


بأقولكم إللي صار معي و شوفوا أنا على صح أو أخطأت


أنا حاطة في غرفة الجلوس دولاب للشكولاتات و ليز



قمت الصباح بعد مانظفت الدولاب ولقيت ليز فلفل مختفي


سألتها في دولابي كان فيه ليز هي قامت تستعبط و كأنها ماتعرف وش معني ليز قلت فلفل حار تذكرت


وقالت أنا أخذتها أنتي ماتأكلي فلفل قصدها عشاني حامل أنا أنقهرت :eh_s(14): وقلت لها لاتأخذي أي شيء من


أستئذان لأن يابنات تفتح الثلاجة حقتي و تأخذ بيبسي و السفن و أنا حاطة في ثلاجتها بيبسي كبير وسكت عن هذا الشيء


بعدها جابت لي ليز مفتوح وتقول خذيه رفضت قلت خلاص أخذتيها كليه بس لاتكرري الحركة ذي مره ثانية

رفضت تأخذه



وش رأيكم بنات هل ظلمتها

 

[كلنا عشاق لكن]

لاماغلطتي لأنج حاطة لها ثلاجة من الأساس وطبيعي تستأذن بس يمكن لأنها توها
وإذا تشتهي أكلكم خلاص حسبي احسابها كل ماشريتي اشتري لها أواعزلي لها إذا تشترون كراتين
جذي أحسن مما لو تاخذة على غفلتكم وكل يوم جذبة وكل يوم تزعل فالطيب أحسن
والله يبارج لكم فيها
​

 

[miss_Ba6oOo6a]

هذا حق من حقوقها خليها تاكل الي تبي
مايصير تستاذن للاكل ولا تاكل علا كيفج
تتحاسبين وتستاثمين فيها بعدين

 

[mafio98]

الموضوع جدا عادي لانها يديد واهي بشر لها نفس وتشتهي وانتي الظاهر من الاول ماعلمتيها بس احسن طريقه اشتري لها ماجلتها ولكم ماجلتكم وفهميها هذي حصتج وهذي حصتنا واذا طلبتوا او كليتوا شي جدامها عطوها عشان لايصير عينها فيه

 

[أحلام الطفولة]

الله يجزاكم خير


أنا سبق و أعطيتها لكن خلص إللي عندها و جت تأخذ من إللي عندي

 

[ورده خضرا]

-
الي سوته غلط لازم تستئذن لأنها مو من اهل البيت تاخذ على كيفها
والي سويتيه صح على كيفها انتي ماتاكلين فلفل

 

[أحلام الطفولة]

الله يجزاك خير

 

[popa]

لا ما غلطتي بس اهيه لازم تاكل الي تبيه يعني لاتمنعينها من الاكل بس اذا عندج شي خاص قولي لها لاتجيسينه

 

[سوسو حبيبتى]

اولا لازم تكون شخصيتك قويه معاها

دام انك اول مرة تجيبي خدامه معناته مافى خبره حاولي تسالي الستات الكبار بيكون عندهم خبره ف التعالم

اقري مواضيع ف المنتدي ودوري بجوجل ..

ولا تعودينها من اولها ان تزعل وتنحاش ..بتتعبك بعدين

وحطي لها قوانين من اولها عشان لا تتعبي

والاكل اشتري لها نفس ماتشتري او تاخديها معاكي ع الكارفور مثلا وقولى لها اشتري الاكل الى تبينه

تري بميزان حسناتك .. لان الاكل حرام نحرم احد منه .

ولا تتطيحين الميانه معاها .. يوم تنحاش او تزعل حقريها واجنوررررررررر ولا تعبريها


والله يعينك

 

[om MaRyooM]

اذا من اكل المطبخ بشكل عام والثلاجة للكل خل تاكل اللي تبيه

بس اذا في شي مخصوص او درج في اشيا مخصصة للككاو او جذي نبهيها انها تستاذن


او ريحي بالج
ماجلة كل شهر خصصيلها جم حبة بطاط وككاو وببسي وعطيها قوليلها هذيلة لج (انا اقصد اكل الخرابيط)

اما اكل المطبخ حرام مايصير تحاسبينها






وعامليها بالحسنى
وان شفتي شي غلط لاتعصبين على طول فهميمها مرة ومرتين ومليون
اذا حسيتيها تعاند هني عصبي

 

[سعوديه 2012]

لازم تعطينها عشان ماتجيك عين منها لانهم ماشافو نعمه مو مثلنا الحمدلله بخير
بعدين انا لما اشري لعيالي لازم اشريلها معهم0

 

[روح العطش]

حبيبتي محاسبة لا تحاسبينها هو الا جبس لكن فهميها شو اللي يحق لها أترقب منه ولا مايحق لها

مع الوقت بتتعلم تدرين هذيل فقراء ويشتهون اي شيء يشوفونه ماعندهم حلال ولا حرام

السرقة وغيره عندهم عادي انتي خلي بالج منها وعلميها بهدوء وطيبة قلب

الله يوفقك حبيبتي

 

[قطوة@@]

نفس و تشتهي تاكل

 

[أحلام الطفولة]

مشكورين الله يجزاكم خير

أنا أبدا ما أحاسبها على الأكل إللي في المطبخ أبدا

 

[#الماسه#]

اذا من اكل المطبخ بشكل عام والثلاجة للكل خل تاكل اللي تبيه

بس اذا في شي مخصوص او درج في اشيا مخصصة للككاو او جذي نبهيها انها تستاذن


او ريحي بالج
ماجلة كل شهر خصصيلها جم حبة بطاط وككاو وببسي وعطيها قوليلها هذيلة لج (انا اقصد اكل الخرابيط)

اما اكل المطبخ حرام مايصير تحاسبينها






وعامليها بالحسنى
وان شفتي شي غلط لاتعصبين على طول فهميمها مرة ومرتين ومليون
اذا حسيتيها تعاند هني عصبي

:eh_s(15):